TÜRKSOY-un Daimi Şurasının 35-ci toplantısı keçirilir

Qazaxıstanın Türküstan şəhərində TÜRKSOY-un mədəniyyət nazirləri Daimi Şurasının 35-ci toplantısı keçirilir.Mədəniyyət və Turizm Nazirliyindən Azərtac-a bildirilib ki, toplantıda Milli Məclisinin deputatı, Azərbaycanda Atatürk Mərkəzinin müdiri, akademik Nizami Cəfərov, nazirliyin rəsmiləri Yaşar Əliyev və Tamerlan Axundov iştirak edirlər.İclasda TÜRKSOY-un 2017-ci il üzrə fəaliyyətinin yekunları, 2018-ci il üçün fəaliyyət proqramı, növbəti ildə TÜRKSOY təqvimində yer alması təklif edilən tarixi şəxsiyyətlər, habelə TÜRKSOY mədəniyyət paytaxtı elan olunacaq şəhərlər və digər məsələlərin müzakirəsi nəzərdə tutulur.Toplantı çərçivəsində “Türküstan-türk dünyasının mədəniyyət paytaxtı-2017” mədəniyyət ilinin bağlanış mərasimi də keçiriləcək.xeber100.com

UNESCO-nun Hökumətlərarası Komitəsinin 12-ci sessiyası işə başlayıb

Koreya Respublikasının Jeju adasında UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin 12-ci sessiyası işə başlayıb.Dekabrın 9-dək davam edəcək sessiyada ölkəmizi Azərbaycan Respublikasının UNESCO yanında daimi nümayəndəliyinin rəhbəri Anar Kərimov, Mədəniyyət və Turizm Nazirliyinin beynəlxalq əməkdaşlıq şöbəsinin müdiri Vasif Eyvazzadə, UNESCO üzrə Milli Komissiyanın nümayəndəsi və milli ekspertlər təmsil edir.İclas çərçivəsində 2016-cı ildə Efiopiyanın paytaxtı Əddis-Əbəbə şəhərində keçirilən 11-ci sessiyanın hesabatının, cari 12-ci sessiyanın gündəliyinin, eləcə də Qeyri-Maddi Mədəni İrsin Qorunması üzrə Konvensiyanın katibliyinin hesabatının qəbul edilməsi gözlənilir. Sessiya çərçivəsində QHT-lərin Forumu keçiriləcək, 2018-ci il üçün Qiymətləndirici Orqanın tərkibi təyin ediləcək, eləcə də Qeyri-Maddi Mədəni İrs Fondunun resurslarının 2018-2019-cu illərdə istifadəsi planının layihəsi, üzv dövlətlərin Konvensiyanın həyata keçirilməsi ilə bağlı hesabatları və təcili qorunmaya ehtiyacı olan qeyri-maddi mədəni irs siyahısına daxil edilmiş faylların vəziyyəti müzakirə olunacaq.Sessiyada ölkələrin təqdim etdiyi qeyri-maddi mədəni irs nümunələri-namizədlik faylları, eləcə də Azərbaycanın “Dolma” milli faylı və İran İslam Respublikası ilə birgə təqdim etdiyi “Kamança” çoxmillətli faylının UNESCO-nun Qeyri-Maddi Mədəni İrs üzrə reprezentativ siyahısına daxil edilməsi haqqında qərar verilməsi gözlənilir.xeber100.com

Xeyriyyə sərgisi və yarmarkası keçirilib

Qazaxıstanın paytaxtı Astanada ənənəvi olaraq Yeni il qabağı xeyriyyə sərgisi və yarmarkası keçirilib.Azərtac xəbər verir ki, Qazaxıstanda Akkreditə Olunmuş Diplomatik Korpus Rəhbərlərinin Xanımları Klubunun təşəbbüsü və səfirliklərin təşkilatçılığı ilə hər il keçirilən aksiyada 54 ölkənin səfirliyi iştirak edir.Azərbaycanın Qazaxıstandakı səfirliyi bu il keçirilən aksiyada ilk dəfə olaraq ölkəmizi təmsil edib.Xeyriyyə yarmarkasında xüsusilə Azərbaycandan gətirilən məhsullar, Astanada hazırlanmış milli mətbəximizin ləziz xörəkləri və şirniyyatları, mətbəximizə aid müxtəlif təamlar böyük marağa səbəb olub. Eləcə də Azərbaycan şərabları, nar şirəsi və digər məhsullarımız ən çox satılanlar sırasında olub.Şəhər sakinlərinə və qonaqlara Azərbaycan suvenirləri, simvolik hədiyyələri, milli kulinariyamıza aid olan şəkərbura, paxlava və digər şirniyyat növləri təqdim olunub. Azərbaycanın müxtəlif növ çay məhsulları sərginin ən diqqətdə olan məhsulları sırasına aid edilib. Meyvələrdən hazırlanan mürəbbələr, müxtəlif şirələr və kompotlar yalnız Azərbaycan səfirliyinin hazırladığı stenddə nümayiş olunub ki, bu da yarmarka iştirakçılarının daha çox diqqətini çəkib.xeber100.com

“YARAT” Müasir İncəsənət Mərkəzi təqdim edir

Dekabrın 7-də “YARAT” Müasir İncəsənət Mərkəzində rejissor Elvin Mirzəyevin “Axına qarşı” adlı yeni eksperimental tamaşası təqdim olunacaq.Azərtac xəbər verir ki, tamaşa istedadlı gənclərin aktyorluq potensialını üzə çıxarmaq məqsədilə “YARAT Teatr Klubu”nda hazırlanıb.Tamaşada kastinqdən uğurla keçən Mədəniyyət və İncəsənət Universitetinin tələbələri və həvəskar aktyorlar iştirak edəcək.Tamaşa 5 klassik əsər (Nizami Gəncəvinin "Yedi Gözəl", Vilyam Şekspirin “Romeo və Cülyetta”, Herman Hessenin “Siddhartha”, yunan mifi “Orfey və Evridika” və Mixail Bulqakovun “Ustad və Marqarita”) əsasında hazırlanıb.xeber100.com

“İpək Yolu” festivalı keçiriləcək

Almaniyanın Höte İnstitutu dekabrın 5-də Almaniya, Türkiyə, Gürcüstan, Qazaxıstan və Azərbaycandan olan tanınmış musiqiçilərin iştirakı ilə “Bakı İpək Yolu” festivalı təşkil edəcək.Bu barədə Azərtac-a Almaniyanın Azərbaycandakı səfirliyindən məlumat veriblər.Festival çərçivəsində Bakıda caz konsertləri, musiqi seminarları, eləcə də müxtəlif sərgilər təşkil ediləcək.Tədbirə qatılan incəsənət xadimlərinin təmsil etdikləri ölkələr tarixi İpək Yolunun bir hissəsini təşkil edir. Almaniyada formalaşmış ideyaya görə bu yol nəinki məhsul, eləcə də Şərq ilə Qərb arasında incəsənət və ideya mübadiləsi üçün əlverişli imkandır.Tədbirlər “Kapellhaus”, Şirvanşahlar Sarayı, “Rotunda Jazz Club” və “Chamber&Organ Music Hall”da keçiriləcək. Konsertlərə giriş sərbəstdir.Festival dekabrın 14-dək davam edəcək.xeber100.com

“Azərbaycanfilm” kinostudiyasının məlumatına görə…

“Qırmızı bağ” və “İçəri şəhər” bədii filmləri Çində keçirilən 4-cü “İpək Yolu” beynəlxalq film festivalında nümayiş olunub.Cəfər Cabbarlı adına “Azərbaycanfilm” kinostudiyasından Azərtac-a verilən məlumata görə, kinostudiya və “Weit Media” kino şirkətinin birgə istehsalı olan “Qırmızı bağ” filminin ssenari müəllifi Mirbala Səlimli, quruluşçu operatoru Maksim Drozdov, quruluşçu rəssam Leonid Karpov, bəstəkar Salman Qəmbərov, prodüserləri Müşfiq Hətəmov və Timur Vaynşteyndir.Rollarda Maqsud Məmmədov, Gülzar Qurbanova, Taleh Badıyev və başqaları çəkiliblər.Kinostudiyanın istehsalı olan “İçəri şəhər” filminin isə ssenari müəllifləri Təhminə Rafaella və İlqar Safat, quruluşçu operatoru Luka Koassin, quruluşçu rəssam Bütünay Haqverdiyev, prodüseri Müşfiq Hətəmovdur. Rolları Təhminə Rafaella, Mehriban Zəki, Firdovsi Atakişiyev, Elmira Şabanova və başqaları canlandırıblar.Filmi festivalda rejissor İlqar Safat və aktrisa Mehriban Zəki təmsil ediblər.Qeyd edək ki, hər iki film Mədəniyyət və Turizm Nazirliyinin sifarişi ilə lentə alınıb.xeber100.com

“Azərbaycan mədəniyyəti həftəsi” çərçivəsində

Daşkənddəki Heydər Əliyev adına Azərbaycan Mədəniyyət Mərkəzinin (AMM) təşkilatçılığı ilə Səmərqənddə “Azərbaycan mədəniyyəti həftəsi” çərçivəsində konsert proqramı və Qarabağ geyimlərinin dəb sərgisi keçirilib.Tədbirdə Səmərqənd şəhər hakimiyyətinin, “Özbəkistan-Azərbaycan” Dostluq Cəmiyyətinin, Səmərqənd Dövlət Universitetinin (SDU) rəhbərliyi, bu qədim şəhərdə yaşayan Azərbaycan diasporunun nümayəndələri, universitetin professor-müəllim heyəti, tələbələr iştirak ediblər.Çıxış edən natiqlər milli geyimlərin hər bir xalqın tarixini, mədəniyyətini, ənənələrini nümayiş etdirdiyini, azərbaycanlıların Qarabağda yaratdığı zəngin mədəni irsin bütün dünyada maraqla qarşılandığını qeyd ediblər.xeber100.com

“Çölçü” filmi beynəlxalq elmi konfransda

“Çölçü” filmi beynəlxalq elmi konfransa daxil edilən beş filmdən biri olub.Bu barədə filmin rejissoru Şamil Əliyev bildirib. Qeyd edib ki, Rusiyanın Sankt-Peterburq şəhərində keçirilən elmi konfrans “İslam dünyası və kino” mövzusuna həsr edilib. İslam dünyasına aid beş rejissorun filmi həmin konfransa salınıb. Türkiyədən Nuri Bilgə Ceylan, Misirdən Yusif Şahin, Qazaxıstandan Bayqazin və İrandan Həqiqinin filmləri də həmin konfransda nümayiş və təhlil olunacaq.Şamil Əliyev filminin elmi konfransın siyahısına salınmasının səbəbini bir müddət əvvəl Çikaqoda qazandığı uğurun nəticəsi olaraq görüb. O, “Çölçü”nün Çikaqoda “Art House Blow-UP” film festivalında Antonioni və Tarkovski mükafatının nominantı olduqdan sonra Avropa və Amerikada ali məktəblərin kino fakültələrinə dərs vəsaiti kimi salındığını deyib.xeber100.com

Musiqili Teatrın dekabr repertuarında…

Musiqili Teatrın dekabr repertuarı maraqlı tamaşalarla zəngindir.Teatrın repertuarını təqdim edirik: 1 dekabr - “Hacı Qara”, “Qısqanc ürəklər” 2 dekabr - “Bremen musiqiçiləri və Pen”, “www.ferzeli-kef.com” 3 dekabr - “Bir dayan, canavar!” (rus dilində) , “Bankir adaxlı” 8 dekabr - “Fransızsayağı qarnir” (rus dilində), 9 dekabr - “Düyməcik” (rus dilində), “Baladadaşın toy hamamı” 10 dekabr - “Qırmızı papaq”, “Amerikalı kürəkən” 15 dekabr - “Molla Nəsrəddinin beş arvadı” 16 dekabr - “Qızıl toy” 17 dekabr - “Arşın mal alan” 22 dekabr - “Silva” (rus dilində) 23 dekabr - “Mən dəyərəm min cavana” 24 dekabr - “Toya bir gün qalmış” 30, 31 dekabr- Yeni il şənlikləri.xeber100.com

“İslam həmrəyliyi” mövzusunda müsabiqə elan olunub

Xətai Sənət Mərkəzində “İslam Həmrəyliyi İli” çərçivəsində Xətai rayon məktəbliləri arasında “İslam həmrəyliyi və multikultural dəyərlər tolerantlığın əsasıdır” mövzusunda müsabiqə elan olunub.Müsabiqə Azərbaycan Dövlət Rəsm Qalereyası, Xətai Rayon İcra Hakimiyyəti, rayon bələdiyyəsi, rayon gənclər və idman idarəsi və Mərkəzin təşkilatçılığı ilə keçiriləcək.Xətai Sənət Mərkəzindən Azərtac-a bildirilib ki, məqsəd yetişməkdə olan gənc nəslə bir daha əsrlər boyu formalaşmış adət-ənənələrimizi, mənəvi və multikultural dəyərlərimizi və keçmişimizi unutdurmamaqdır.Müsabiqədə əsasən, İslam ölkələrinin oxşar adət-ənənələrini, milli geyimlərini, o cümlədən, dostluğu-qardaşlığı, humanizmi, tolerantlığı və sülhü özündə əks etdirən əsərlər seçiləcək.Sərgi-müsabiqədə 14 yaşa qədər uşaqlar iştirak edə bilərlər. İştirak etmək istəyənlər əsərlərini dekabrın 5-dən 12-dək Xətai Sənət Mərkəzinə təqdim etməlidir.Seçilmiş əsərlər sərgilənəcək və müəlliflərə diplomlar təqdim olunacaq.xeber100.com