“İslam həmrəyliyi” mövzusunda müsabiqə elan olunub

Xətai Sənət Mərkəzində “İslam Həmrəyliyi İli” çərçivəsində Xətai rayon məktəbliləri arasında “İslam həmrəyliyi və multikultural dəyərlər tolerantlığın əsasıdır” mövzusunda müsabiqə elan olunub.Müsabiqə Azərbaycan Dövlət Rəsm Qalereyası, Xətai Rayon İcra Hakimiyyəti, rayon bələdiyyəsi, rayon gənclər və idman idarəsi və Mərkəzin təşkilatçılığı ilə keçiriləcək.Xətai Sənət Mərkəzindən Azərtac-a bildirilib ki, məqsəd yetişməkdə olan gənc nəslə bir daha əsrlər boyu formalaşmış adət-ənənələrimizi, mənəvi və multikultural dəyərlərimizi və keçmişimizi unutdurmamaqdır.Müsabiqədə əsasən, İslam ölkələrinin oxşar adət-ənənələrini, milli geyimlərini, o cümlədən, dostluğu-qardaşlığı, humanizmi, tolerantlığı və sülhü özündə əks etdirən əsərlər seçiləcək.Sərgi-müsabiqədə 14 yaşa qədər uşaqlar iştirak edə bilərlər. İştirak etmək istəyənlər əsərlərini dekabrın 5-dən 12-dək Xətai Sənət Mərkəzinə təqdim etməlidir.Seçilmiş əsərlər sərgilənəcək və müəlliflərə diplomlar təqdim olunacaq.xeber100.com

Kukla Teatrı dekabr repertuarını təqdim edir

Kukla Teatrının dekabr repertuarı maraqlı tamaşalarla zəngindir.Azərtac teatrın repertuarını təqdim edir: 1 dekabr - Nicat Kazımov "Ələddin", rus xalq nağılı “Durnabalığı” 2 dekabr - Canni Rodari "Çipollino" 3 dekabr - rus xalq nağılı "Qoğal" 8 dekabr - Samuil Marşak "Pişiyin evi", Tofiq Ağayev "Qoçaq Əhməd" 9 dekabr - "Turp", Canni Rodari "Çipollino" 10 dekabr - Şarl Perro "Qırmızı papaq", rus xalq nağılı "Qoğal" 15 dekabr - Kəmalə Ağayeva "Göyçək Fatma", rus xalq nağılı "Durnabalığı" 16 dekabr - Əli Səmədli "Cik-cik xanım", Canni Rodari "Çipollino" 17 dekabr - Abdulla Şaiq "Tıq-tıq və Taq-taqın nağılı", Tofiq Ağayev "Qoçaq Əhməd" 22 dekabr - Vladimir İlyuxov "Oyaq gözəl" 23 dekabr - Əhməd Oruc "Zınqırovlu pişik", rus xalq nağılı "Qoğal"; 24 dekabr - Mirmehdi Seyidzadə "Cırtdan", Tofiq Ağayev "Qoçaq Əhməd" 27-31 dekabr - "Qış nağılı".xeber100.com    

“Little Voice” layihəsinin ilk tədbiri keçirilib

“YARAT” Müasir İncəsənət Mərkəzində uşaqlar üçün “Little Voice” layihəsinin ilk tədbiri keçirilib.Azərtac xəbər verir ki, “Dünya uşaqların gözü ilə” adlı tədbir 9-15 yaş arası uşaqlar üçün nəzərdə tutulub.Tədbir çərçivəsində doqquz uşaq - spikerin maraqlı çıxışları və istedadlı uşaqların rəqsi, habelə müxtəlif musiqi nömrələri səsləndirilib.Tədbir uşaqlara öz ideyalarını, hekayələrini və layihələrini bölüşməyə imkan yaradan platforma kimi yadda qalıb.xeber100.com

Opera və Balet Teatrı təqdim edir

Dekabrın 6-da Opera və Balet Teatrında Ü.Hacıbəylinin “Əsli və Kərəm” operası nümayiş olunacaq.Teatrdan məlumat verilib ki, bu dəfə səhnə əsərində Əsli rolunu gənc xanəndə Sədəf Budaqova ifa edəcək. Operada gənc xanəndənin tərəf müqabili teatrın solisti Elnur Zeynalov isə Kərəm partiyasını canlandıracaq.Bundan başqa, sənət ocağında dekabrın 10-da Ü.Hacıbəylinin “Leyli və Məcnun” operası təqdim olunacaq. Gənc muğam ifaçısı - Rəvanə Qurbanova operada Leyli rolunu ifa edəcək. Məcnun rolunda isə səhnəyə Əməkdar Artist Səbuhi İbayev çıxacaq.Hər iki səhnə əsəri Əməkdar İncəsənət Xadimi Sevil Hacıyeva tərəfindən idarə olunacaq.xeber100.com

Şimali Qafqaz xalqlarının mədəniyyətləri festivalı keçirilib

Orenburqda "Dağların əfsanələri" Şimali Qafqaz xalqlarının mədəniyyətləri festivalı keçirilib.TASS xəbər verir ki, bu barədə məlumat verən Orenburq vilayətinin Dağıstan diasporunun başçısı Allahverdi Ramazanov festivalın əhəmiyyətindən danışıb. Deyib ki, festivalda Azərbaycan, Dağıstan, İnquşetiya, Çeçenistan, Gürcüstan xalqlarının mahnıları və musiqisi, milli rəqsləri təqdim olunub.Ziyarətçilər Qafqaz xalqlarının milli yeməklərindən dadmaq, həmçinin silah və məişət əşyaları sərgisinə baxmaq imkanı əldə ediblər.xeber100.com

Musiqili Teatrın məlumatına görə…

Musiqili Teatrının yaradıcı kollektivi həftəsonu altı tamaşa ilə teatrsevərlərin görüşünə gələcək.Teatrın mətbuat xidmətindən bildirilib ki, tamaşaçılar dekabrın 1, 2 və 3-də sənət ocağında “Hacı Qara”, “Qısqanc ürəklər”, “Bremen musiqiçiləri və Pen”, “Bir dayan, canavar!” və “Bankir adaxlı” adlı səhnə əsərlərini izləyə biləcəklər.Nümayiş olunacaq səhnə əsərlərində sevimli aktyorlar Xalq artistləri Afaq Bəşirqızı, İlham Namiq Kamal, Fatma Mahmudova, Əməkdar artistlər Novruz Qartal, Svetlana Bulax, Nahidə Orucova, Çingiz Əhmədov, Səidə Şərifəliyeva, Əkbər Əlizadə, aktyorlar Məhərrəm Qurbanov, Marina Litvinenko, Nadir Xasıyev, Nadejda Povelitsina, Ağaxan Şərifov, Rəsmiyyə Nurməmmədova, Ruslan Mürsəlov və digərləri çıxış edəcək.Rusdilli və balaca tamaşaçıları unutmayan teatrda onlar üçün “Bir dayan, canavar!”, “Bremen musiqiçiləri və Pen” nağıl-tamaşaları təqdim olunacaq.xeber100.com

“YARAT” Müasir İncəsənət Mərkəzi təqdim edir

Dekabrın 4-də “YARAT” Müasir İncəsənət Mərkəzində “Ruhun defibrillasiyası” adlı ədəbi-musiqili axşam təşkil ediləcək.Azərtac xəbər verir ki, tədbirin qonaqları tanınmış şairə İrana Qasımova və Səməd Vurğun adına Azərbaycan Dövlət Rus Dram Teatrının aktrisası, xoreoqraf və rejissor Rumiyə Ağayeva olacaq. Həmçinin “Harmony Dance Studio”nu təmsil edən rəqs dueti Fərid Mehdiyev və Diana Şahbazova gecəyə xüsusi rəng qatacaq.Tədbirdə arzu edən hər kəs iştirak edə bilər.xeber100.com

Milli Dram Teatrı dekabr repertuarını açıqlayıb

Azərbaycan Dövlət Akademik Milli Dram Teatrının dekabr repertuarı açıqlanıb.Teatrın mətbuat xidmətindən Azərtac-a bildirilib ki, növbəti ay üçün nəzərdə tutulan repertuarda klassik və müasir əsərlər əsasında hazırlanan maraqlı tamaşalar yer alıb. 1 dekabr – “Cəhənnəm sakinləri” 2 dekabr -“Müfəttiş” 3 dekabr - “Almaz” 8 dekabr - “Boy çiçəyi” 9 dekabr - “Vəsiyyət” 10 dekabr - “Cəhənnəm sakinləri” 15 dekabr - “Qürbətdən gələn məktublar” 16 dekabr - “Xanuma” 17 dekabr - “Ölülər” 23-31 dekabr ( Yeni il şənlikləri ).xeber100.com

Bəstəkarlar İttifaqının təşkilatçılığı ilə plenum keçiriləcək

Bəstəkarlar İttifaqının təşkilatçılığı ilə gənc bəstəkarların əsərlərindən ibarət plenum keçiriləcək.Bu barədə Azərtac-a Bəstəkarlar İttifaqının mətbuat xidmətindən məlumat verilib.Plenum çərçivəsində noyabrın 28-də ittifaqın Ü.Hacıbəyli adına konsert salonunda beynəlxalq müsabiqələr laureatı, dirijor Cavad Tağızadənin rəhbərliyi ilə “Baku Sinponietta” orkestrinin iştirakı ilə birinci konsert, noyabrın 29-da ikinci konsert, noyabrın 30-da isə “dəyirmi masa” olacaq.xeber100.com

Əməkdaşlıq imkanları müzakirə olunub

Azərbaycanın Fransadakı səfiri Rəhman Mustafayev bu ölkənin Reyms şəhərinin “Abbey Saint–Remi” Muzeyinin direktoru Jorj Maqnye ilə görüşüb.Muzeyin direktoru səfirə onun tarixi, burada sərgilənən eksponatlar haqqında məlumat verib.Rəhman Mustafayev “Abbey Saint-Remi” Muzeyinin direktoruna Heydər Əliyev Fondunun ölkəmizin tarixi, mədəniyyəti, musiqisi, mətbəxi haqqında nəşrlərini hədiyyə edib. O, ölkəmizin muzeylərində, eləcə də Azərbaycan Dövlət İncəsənət Muzeyində Luvr Muzeyinin eksponatlarının sərgiləndiyini diqqətə çatdırıb.Muzeylər arasında əməkdaşlıqla bağlı fikir mübadiləsi aparılan görüşdə Avropa Azərbaycan Cəmiyyətinin (TEAS) Fransa ofisinin direktoru Mari-Letisiya Qurden də iştirak edib.xeber100.com