“YARAT” Müasir İncəsənət Mərkəzi təqdim edir

Noyabrın 10-da “YARAT” Müasir İncəsənət Mərkəzində "Ekran musiqisi" adlı konsert proqramı təqdim ediləcək.Azərtac xəbər verir ki, konsertdə "Avanqard" kamera ansamblının ifasında dünyanın ən məşhur filmlərindən musiqilər səslənəcək.Tamaşaçılar konsertdə Oskar mükafatına layiq görülmüş filmlərdən tutmuş, cizgi filmlərinin musiqilərdən ibarət zəngin repertuar dinləyə biləcək.Konsert proqramında hər kəs iştirak edə bilər.xeber100.com

“Qarabağın səsi” adlı layihəyə yekun vurulub

Azərbaycan Milli Konservatoriyasında (AMK) “Qarabağın səsi” adlı layihəyə yekun vurulub.AMK-dən Azərtac-a bildirilib ki, final konserti Yunus Əmrə İnstitutu, Təkamül və İnteqrasiya Beynəlxalq İctimai Birliyi, Azərbaycan Türkiyə İş Adamları Birliyi və Türk İşbirliyi Koordinasion Agentliyi və Milli Konservatoriyanın birgə təşkilatçılığı ilə reallaşıb.Tədbirdə AMK-nın rektoru Siyavuş Kərimi çıxış edərək layihəyə dəstək göstərən təşkilatlara təşəkkürünü bildirib.Daha sonra rektor layihə barədə qısa məlumat verib və öz ata-baba yurdlarından uzaq düşmüş qarabağlı istedadların bu işdə qazana biləcəyi uğurları diqqətə çatdırıb.Konsertdə Azərbaycanın cəbhə bölgələrindən seçilən Qarabağdan olan istedadlı uşaqlar, milli musiqi alətləri və vokal ifaları ilə xalq, bəstəkar və muğamlarımızı səsləndiriblər.Sonda bütün ifaçılara sertifikat və xüsusi hədiyyələr təqdim olunub.xeber100.com

“Eurovision-2018” mahnı müsabiqəsində

Azərbaycanı “Eurovision-2018” mahnı müsabiqəsində təmsil edəcək ifaçının müəyyənləşdirilməsi məqsədilə noyabrın 8-də münsiflər heyətinin iclası keçirilib.İTV-nin ictimaiyyətlə əlaqələr şöbəsindən Azərtac-a bildirilib ki, iclasda Aysel Məmmədovanın ölkəmizi builki möhtəşəm yarışmada təmsil edəcəyi açıqlanıb.xeber100.com

Bu gün radio və televiziya işçilərinin peşə bayramı günüdür

Noyabrın 6-sı Azərbaycanda radio və televiziya işçilərinin peşə bayramı günüdür.1926-cı il noyabrın 6-da Azərbaycanda ilk dəfə radio verilişlərinin yayımına başlanılıb. Həmin gün ölkə paytaxtının küçələri və meydanlarında qurulmuş reproduktorlardan ilk dəfə “Danışır Bakı” ifadəsi yayılıb. Bu hadisə o vaxt Azərbaycan xalqının siyasi və mədəni həyatında böyük bir yenilik idi.Azərbaycan Televiziyası yaranandan sonra isə bu tarix təkcə radionun deyil, teleradionun yaranma günü kimi qeyd olunmağa başlayıb. Bakı Televiziya Studiyası ilk dəfə 1956-cı il fevralın 14-də efirə çıxıb. İlk veriliş günü ekranda mərhum sənətkarımız Nəcibə Məlikova görünüb və o, çıxışına “Göstərir Bakı” sözləri ilə başlayıb. Həmin gün televiziyada “Bəxtiyar” bədii filmi nümayiş etdirilib.xeber100.com

“Аrtisterium 2017” illik beynəlxalq incəsənət sərgisi açılıb

Tbilisidə "Аrtisterium 2017" illik beynəlxalq müasir incəsənət sərgisi açılıb.Azərtac Gürcüstanın Mədəniyyət və Abidələrin Mühafizəsi Nazirliyinə istinadla xəbər verir ki, "Аrtisterium 2017"nin proqramına uyğun olaraq, noyabrın 7-də "Üz-üzə" beynəlxalq sərgisində Azərbaycan rəssamlarının əsərləri nümayiş olunacaq.Sərgidə Azərbaycanla yanaşı, Rusiya, ABŞ, Böyük Britaniya, Koreya Respublikası, Almaniya, İsveçrə, Finlandiya, Gürcüstan, Ukrayna, Yunanıstan, Yaponiya və Türkiyədən rəssamlar iştirak edir. Bu il "Artisterium" adəti üzrə gürcü və xarici rəssamların sərgisini, eyni zamanda, müxtəlif təhsil və mədəni proqramlar təqdim edəcək.Sərgi noyabrın 14-dək davam edəcək.Qeyd edək ki, "Artisterium" Cənubi Qafqazda müasir incəsənətə həsr olunmuş ən genişmiqyaslı sərgidir. Artıq onuncu dəfədir keçirilən sərgi yubileylə əlaqədar "N 10" adlandırılıb.xeber100.com

Rəssamlar İttifaqında sərgi açılacaq

Noyabrın 7-də Rəssamlar İttifaqının V.Səmədova adına sərgi salonunda “23-ün rəssamları” adlı sərgi açılacaq. Sərgi Rəssamlar İttifaqı və 23 nömrəli tam orta məktəbin birgə təşkilatçılığı ilə gerçəkləşəcək.Bu barədə Azərtac-a Azərbaycan Rəssamlar İttifaqının katibi Ağaəli İbrahimov məlumat verib. Onun sözlərinə görə, sərgidə məktəbin 20-dək şagirdinin 80-dən çox rəsm əsəri nümayiş olunacaq. Həmçinin sərgidə batika, peyzaj, portret və digər janrlarda əsərlər yer alacaq. Bir həftə davam edəcək sərgi məktəblə ittifaq arasında imzalanmış əməkdaşlıq müqaviləsinə əsasən təşkil olunacaq.xeber100.com

YUNESKO-nun 39-cu sessiyası çərçivəsində

Parisdə YUNESKO-nun baş qərargahında təşkilatın Baş Konfransının 39-cu sessiyası çərçivəsində “Sotheby’s” və YUNESKO-nun birgə hazırladığı “İncəsənət aləmi” (“Un univers d’art”) adlı sənət əsərləri kataloqu təqdim olunub.Kataloqda Azərbaycanın YUNESKO-ya hədiyyə etdiyi və qurumun binasının daxili həyətində nümayiş olunan daş at və daş qoç abidələrinin fotoları, ölkəmizdə daş sənətinin tarixi haqqında məlumat yer alıb.Qeyd edək ki, ölkəmizin bu mötəbər quruma üzv olmasının 20 illik yubileyi münasibətilə 2013-cü il iyulun 18-də YUNESKO-nun xoşməramlı səfiri Mehriban Əliyevanın və baş direktor İrina Bokovanın iştirakı ilə Azərbaycan hökuməti tərəfindən təşkilata hədiyyə edilmiş daş at və daş qoç abidələrinin açılış mərasimi keçirilib.Sənət əsərlərinin kataloqu qurumun Baş Konfransının 39-cu sessiyasının bütün iştirakçılarına paylanıb.xeber100.com

“Azərbaycanfilm” kinostudiyasının məlumatı

“Həddən artıq uyğunluq” filmi 6-cı Dehli Beynəlxalq Film Festivalına dəvət alıb. “Azərbaycanfilm” kinostudiyasından Azərtac-a verilən məlumata görə, filmin ssenari müəllifləri R.Fətəliyev, A.Mərdan, quruluşçu rejissoru Ü.Könül, quruluşçu operatoru N.Mehdiyevdir. Rolları Afaq Bəşirqızı, aktyorlar Tural Əsədov, Aydan Axundzadə, Kamran Ağabalayev və başqaları canlandırıblar.Qeyd edək ki, sevgi mövzusunda olan filmdə saf hisslərin təlqin etdiyi məsələlərdən danışılır.xeber100.com

“YARAT” Müasir İncəsənət Mərkəzi təqdim edir

Noyabrın 4-də “YARAT” Müasir İncəsənət Mərkəzində rejissor sənəti üzrə ustad dərsləri təşkil olunacaq.Azərtac xəbər verir ki, növbəti ustad dərsləri rejissor Ruslan Məlikovun iştirakı ilə baş tutacaq.Qeyd edək ki, Ruslan Məlikov 1998-ci ildə Moskva Dövlət Mədəniyyət Universitetini “Teatr rejissorluğu” ixtisası üzrə bitirib. Universiteti bitirdikdən sonra tələbə kursu Moskva Dövlət Universitetinin mədəniyyət mərkəzinin bazasında “DSV tələbə teatrı”na çevrilir. Burada o, 1998-2002-ci illərdə bir çox tamaşalara quruluş verir. O, “STS” telekanalı yaradıcı qrupun üzvü (pilot buraxılışları), “Kvartirka” teleserialı - “TNT” telekanalının yaradıcı prodüseridir.xeber100.com

Milli Konservatoriyada musiqi konserti keçiriləcək

Noyabrın 2-də Milli Konservatoriyada ənənəvi yapon musiqi konserti keçiriləcək.Azərtac xəbər verir ki, Yaponiyanın Azərbaycandakı səfirliyinin dəstəyi ilə reallaşacaq konsertdə Şamisen (simli musiqi aləti), yapon bambuk fleytası (şinobue və şakuhaçi) və zərb alətlərində ifalar səslənəcək, gündoğan ölkənin professional ifaçıları çıxış edəcəklər.Eyni zamanda, konsertdə yapon musiqisi ilə Azərbaycan musiqisinin sintez ifası da gözlənilir.Qeyd edək ki, konsertə giriş sərbəstdir.xeber100.com