VIII Avropa Film Festivalı çərçivəsində…

Bakıda keçirilən VIII Avropa Film Festivalı çərçivəsində ilk film noyabrın 2-də “Park Bulvar Cinema”da təqdim ediləcək.Azərtac xəbər verir ki, “Meymun” adlı dram janrında olan ekran əsəri Bolqarıstan kinematoqrafiyasına məxsusdur.Bolqarıstanlı rejissor Dimitar Kotzevin ekranlaşdırdığı film ingilis dilində subtitrlərlə təqdim ediləcək.Qeyd edək ki, noyabrın 2-dən 12-dək davam edəcək festivalda ölkəmiz “Nar bağı” filmi ilə təmsil olunacaq.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzində “ARTE” fransız-alman kanalının onlayn strategiya üzrə rəhbəri Dominik Vilyamın mühazirəsi dinlənilib.Azərtac xəbər verir ki, tədbir “ADAMI” Media Mükafatı tərəfindən təşkil edilən “Videobloq: Öz ifadəni tap, yaz və dərc et!” adlı seminar çərçivəsində təşkil edilib. İki gün davam edən mühazirələrdə qeyd edilən mövzularda diskussiyalar aparılıb, seminarlar qarışlıqlı müzakirələrlə davam edib.Dominik Vilyam uzun illər media şirkətləri üçün məsləhətçi, həmçinin müxtəlif onlayn pop mədəniyyət layihələrinin redaktoru kimi fəaliyyət göstərib. O, yeni yaradılmış “Fresh Media” kreativ agentliyinin təsis edilməsində yaxından iştirak edib. Hazırda o¸ fransız-alman “ARTE” kanalında (Paris) onlayn kontent və yeni platformalar üçün baş redaktor vəzifəsində çalışır.xeber100.com

“Eurovision – 2018” mahnı müsabiqəsində…

Portuqaliyanın paytaxtı Lissabonda keçiriləcək "Eurovision - 2018" mahnı müsabiqəsində iştirak edən ölkələr məlum olub.Azərtac xəbər verir ki, beynəlxalq müsabiqədə Avstraliya, Avstriya, Azərbaycan, Albaniya, Belarus, Belçika, Bolqarıstan, Macarıstan, Gürcüstan, Yunanıstan, Danimarka, İsrail, İrlandiya, İslandiya, Kipr, Latviya, Litva, Malta, Norveç, Niderland, Polşa, Rusiya, Rumıniya, San-Marino, Sloveniya, Serbiya, Ukrayna, Finlandiya, Ermənistan, Xorvatiya, Monteneqro, Çexiya, İsveçrə, İsveç, Estoniya iştirakını təsdiq edib.Bundan başqa, İspaniya, Böyük Britaniya, İtaliya, Almaniya, Fransa bu il qalib olmuş Portuqaliya ilə birgə birbaşa final mərhələsində iştirak edəcək.Qeyd edək ki, bu il mahnı müsabiqəsinin qalibi Portuqaliya təmsilçisi Salvador Sobral olub.xeber100.com

Musiqili Teatr noyabr repertuarını təqdim edir

Musiqili Teatr gələn ay maraqlı tamaşalarla çıxış edəcək.Teatr noyabr repertuarını təqdim edir: 3 noyabr - “www.ferzeli-kef.com” 4 noyabr - “Düyməcik”, “Amerikalı kürəkən” 5 noyabr - “Qırmızı papaq”, “Baladadaşın toy hamamı” 10 noyabr - “Silva”(rus dilində) 11 noyabr - “Meşə çaqqalsız olmaz”, “Bankir adaxlı” 12 noyabr - “Bir dayan, canavar!” , “Talelər qovuşanda” 16 noyabr - “Qızıl cücə”, Hacı Qara” 17 noyabr - “Arşın mal alan” 18 noyabr - “Qızıl cücə”, “Molla Nəsrəddinin beş arvadı” 19 noyabr -“Bremen musiqiçiləri və Pen”, “Mən dəyərəm min cavana” 24 noyabr - “Qafqazlı qardaşqızı” (rus dilində) 25 noyabr - “Yağış göbələyinin macərası” (rus dilində), “O olmasın, bu olsun” 26 noyabr - “Dəcəl çəpişlər” , “999-cu gecə”.xeber100.com

Rus Dram Teatrı noyabr repertuarını təqdim edir

Rus Dram Teatrı noyabr repertuarını açıqlayıb.Azərtac teatrın repertuarını təqdim edir: 10 noyabr – “Şəhrizadın daha bir gecəsi”; 11 noyabr – “Xalam bundu”; 12 noyabr – “Mərasim” (premyera); 16 noyabr – “Peterburqlu sələmçi” (premyera); 17 noyabr – “Cəhənnəm sakinləri”; 18 noyabr – “Sanset bulvarı” (premyera); 19 noyabr – “Kazanova: Sevgi dərsləri”; 24 noyabr – “Maskarad”; 25 noyabr – “Məhəbbətlə zarafat etmirlər”; 26 noyabr – “Afina axşamları”; 30 noyabr – “Qürur və qərəz”. Uşaqlar üçün: 11 noyabr – “Güləbətin tikən qız və süpürgəçi”; 12 noyabr – “Nağılı tap–1”; 18 noyabr – “Nağılı tap–5”; 19 noyabr – “Gəlin, nağıla baxaq”; 25 noyabr – “Çar Saltan, knyaz Qvidon və Qu quşu şahzadəsi haqqında nağıl”; 26 noyabr – “Durna balığının buyruğu ilə”.xeber100.com

“Bolşaya opera 2017” layihəsinin beşinci mövsümünə start veriləcək

Rusiyanın "Rossiya Kultura" telekanalında "Bolşaya opera 2017" layihəsinin beşinci mövsümünə start veriləcək. Layihədə Rusiya, Azərbaycan, Ukrayna, Qazaxıstan, Özbəkistan və Belarusdan 10 vokalçı iştirak edəcək."Ria.ru" xəbər verir ki, layihədə ölkəmizi gənc vokalçı İlham Nəzərov təmsil edəcək.İştirakçıları doqquz müsabiqə turu gözləyir. Bütün əsərlər orijinal dildə əzbər ifa olunacaq. İştirakçıları simfonik orkestr müşayiət edəcək. "Bolşaya opera 2017"nin qalibini layihənin İtaliya, Böyük Britaniya, Almaniya və Rusiyadan olan münsiflər heyəti müəyyənləşdirəcək.Qeyd edək ki, opera müğənnilərinin yeganə peşəkar televiziya müsabiqəsi olan "Bolşaya opera" 2011-ci ildə yaranıb və tamaşaçı məhəbbətini qazanıb.xeber100.com

Opera və Balet Teatrı noyabr repertuarını təqdim edir

Azərbaycan Dövlət Akademik Opera və Balet Teatrı noyabrda maraqlı tamaşalarla çıxış edəcək.Teatrın noyabr repertuarını təqdim edirik: 1 noyabr - Fikrət Əmirov “Sevil” 4 noyabr - Azərbaycan Televiziyası gününə həsr olunmuş konsert 8 noyabr - Üzeyir Hacıbəyli “Leyli və Məcnun” 11 noyabr - Cüzeppe Verdi “Riqoletto” 12 noyabr - Moris Ravel “Bolero”, Sergey Prokofyev “Tamahlar” 16 noyabr - Leonid Vaynşteyn “Çəkməli pişik” 18-19 noyabr, Moskva satira Teatrı aktyorlarının iştirakı ilə tamaşa 20 noyabr - Müğənni Zamiq Hüseynovun konserti 25 noyabr- Lüdviq Minkus “Donkixot” 27 noyabr - Opera və Balet Teatrının solistlərinin iştirakı ilə Qala-konsert 29 noyabr - Üzeyir Hacıbəyli “Arşın mal alan”.xeber100.com

Pantomima Teatrının məlumatına əsasən…

Pantomima Teatrının yaradıcı kollektivi yeni tamaşanın məşqlərinə başlayıb. Elnur Rzayevin “Mənim balığımsan” əsəri əsasında səhnələşdirilən tamaşa sənət ocağının baş rejissoru Xalq Artisti Bəxtiyar Xanızadənin quruluşunda təqdim olunacaq.Bu barədə Azərtac -a rejissor özü məlumat verib. Musiqi tərtibatı Səbinə Hacıyevaya məxsus olan tamaşanın rəssamı Sənubər Səmədovadır.“Tamaşada rolları aktyorlar Elnur Rzayev, Səbinə Hacıyeva, Beyrək Rüstəmov, Səbirə Həsənova və digərləri ifa edəcək. Əksər valideynlər uşaq vaxtı övladlarını ceyrana, marala, balığa və digər varlıqlara bənzədirlər. Belə bənzətmələrin tez-tez şahidi oluruq. Bu deyimlər valideynlər tərəfindən təkrarlandıqca uşaqların daxili dünyası, sanki o deyimlərlə möhürlənir. Mövcud yanaşmalar uşaqları bəzən dünyalarını o tərzdə görmək istəyinə həvəsləndirir. Səhnə əsərinin məğzi belədir ki, hər bir varlığa öz adı ilə yanaşılmalıdır”,- deyə B.Xanızadə söyləyib.Rejissor əlavə edib ki, səhnə əsərinin premyerası noyabrın ilk ongünlüyünə planlaşdırılır.xeber100.com

Milli Dram Teatrı noyabr repertuarını açıqlayıb

Azərbaycan Dövlət Akademik Milli Dram Teatrının noyabr repertuarı açıqlanıb.Teatrın mətbuat xidmətindən Azərtac-a bildirilib ki, növbəti ay üçün nəzərdə tutulan repertuarda klassik və çağdaş əsərlər əsasında hazırlanan maraqlı tamaşalar yer alıb.Teatrın repertuarını təqdim edirik: 4 noyabr - “Çipollino”, “Cəhənnəm sakinləri” 5 noyabr - “Qaraca qız”, “Mənim günahım” 10 noyabr - “Cəhənnəm sakinləri” 11 noyabr - “Anamın kitabı”, “Ölülər” 12 noyabr - “Qarabağnamə”, “Boy çiçəyi” 16 noyabr - “Çipollino”, 17 noyabr - “Qarabağnamə” , “Nazirin xanımı” 18 noyabr – “Qürbətdən gələn məktublar”, “Ölülər” 19 noyabr - “Danışan gəlincik”, “Almaz” 24 noyabr - “Müfəttiş” 25 noyabr - “Cipollino”, “Cəhənnəm sakinləri” 26 noyabr - “Cipollino” , “Qürbətdən gələn məktublar”.xeber100.com  

VIII Avropa Film Festivalı keçiriləcək

Bakıda noyabrın 2-dən 12-dək VIII Avropa Film Festivalı keçiriləcək. Festival Avropa İttifaqının (Aİ) Azərbaycandakı nümayəndəliyinin, Aİ-yə üzv ölkələrin, eləcə də Norveçin ölkəmizdəki səfirliyinin təşəbbüsü ilə təşkil olunacaq.Aİ-nin Azərbaycandakı nümayəndəliyindən Azərtac-a bildirilib ki, festivalı proqramına 21 film daxildir. Onlardan 1-i Azərbaycan, 1-i Böyük Britaniya, 1-i Norveç, qalanları isə Avropa İttifaqının 18 ölkəsi - Belçika, Bolqarıstan, Çex Respublikası, Xorvatiya, Estoniya, Finlandiya, Fransa, Almaniya, Macarıstan, İtaliya, Latviya, Litva, Hollandiya, Polşa, Portuqaliya, Rumıniya, İspaniya və İsveç filmləridir.Filmlərin təqdim olunacağı festival zamanı Avropanın tanınmış film rejissorları da paytaxtımıza gələcəklər. Festivalın qonaqları arasında tanınmış rejissorlar - bolqarıstanlı Dimitar Kotzev, belçikalı Kadır Balci, portuqaliyalı Juau Nicolau, hollandiyalı Yoram Lürsen da var. Onlar Bakıda ustad dərsləri də keçirəcəklər.Filmlərin nümayişindən sonra interaktiv müzakirələr aparılacaq.xeber100.com