“Dünya Ürək Günü” münasibətilə veloyürüş keçiriləcək

Sentyabrın 29-da “Dünya Ürək Günü” münasibətilə “Sağlam ürək, sağlam həyat!” şüarı altında veloyürüş keçiriləcək. Veloyürüş Respublika Müalicəvi Diaqnostika Mərkəzinin (RMDM) nəzdində Bakı Ürək Mərkəzi və Azərbaycan Respublikası Velosiped İdmanı Federasiyası tərəfindən təşkil olunur.RMDM-nin mətbuat xidmətindən Azərtac-a bildiriblər ki, tədbirin əsas məqsədi sağlam həyat tərzi, eləcə də müxtəlif yaş qrupuna aid insanlar arasında xeyirxah amallar naminə həmrəylik ideyalarını təbliğ etməkdir. Veloyürüşdə rəsmi dövlət nümayəndələri, ictimai xadimlər, sığorta təşkilatlarının nümayəndələri, Respublika Müalicəvi Diaqnostika Mərkəzində əməliyyat olunmuş və kardioreabilitasiyadan keçmiş şəxslər həkimləri ilə birgə iştirak edəcəklər.xeber100.com

Beynəlxalq Səhiyyə “BIHE 2017” sərgisi keçiriləcək

Xəbər verildiyi kimi, sentyabrın 28-29-da 23-cü Azərbaycan Beynəlxalq Səhiyyə “BIHE 2017” sərgisi keçiriləcək.Azərtac xəbər verir ki, sərgi çərçivəsində ilk dəfə olaraq həkimlər üçün günün ən aktual mövzularını əhatə edən konqres təşkil ediləcək. Konqresdə səhiyyənin müxtəlif sahələrində çalışan aparıcı həkimlərin iştirakı ilə bir neçə panel müzakirəsi aparılacaq.Konqres bütün həkimlər üçün açıq olacaq və “Yeni doğulmuşlarda sarılıq”, “Qadın sağlamlığının müxtəlif dövrlərində magneziumun əhəmiyyəti”, “Ultrasəs muayinəsində ən son yeniliklər və imkanlar”, “Diyet proqramlarında ən çox təkrarlanan səhvlər. Diyet proqramların uğursuzluqlarının və itirilmiş kiloların geri qayıtmasının əsas səbəbləri. Yo-Yo effekti”, “Fərdi diyetoloji proqramları hazırlamaq üçün bir proqram-aparat kompleksində 4 klassik diaqnostik metoddan istifadə zamanı yarımavtomat çarpaz təhlil metodikası”, “Depressiyanın diaqnostikası və müalicəsi üzrə müasir aspektlər”, “Bioloji təbabət nədir?”, “Almaniyanın Essen şəhərində yerləşən Müqəddəs Elizabet adına çoxprofilli akademik xəstəxananın iş təcrübəsi – tibbi inkişaf, işin keyfiyyəti, humanizm. Beynəlxalq pasientlər üçün tibbi xidmət imkanları”, “Gözəlliyin inkişafı. Üzün orta 1/3 hissəsi gəncliyin əsasıdır. Üzün orta 1/3 hissəsinin 3D modelləşdirilməsi. Dolğu və tredliftinqin köməyi ilə burun və yanaqların skulpturizasiyası və əməliyyatsız plastikası” mövzularında müzakirələr aparılacaq.xeber100.com

Dünya Sağlamlıq Təşkilatının hazırladığı hesabata görə…

Birləşmiş Millətlər Təşkilatının (BMT) Ərzaq və Kənd Təsərrüfatı Təşkilatının (FAO) Beynəlxalq Kənd Təsərrüfatının İnkişafı Fondu (IFAD), BMT-nin Uşaq Fondu (UNICEF), Dünya Qida Proqramı (WFP) və Dünya Sağlamlıq Təşkilatı (ÜST) tərəfindən hazırlanmış “Dünyada ərzaq təhlükəsizliyi və qidalanma vəziyyəti 2017 hesabatı”na görə, dünyada yetişkinlərin 13 faizi piylənmədən əziyyət çəkir.Azərtac xəbər verir ki, 5 yaşdan kiçik 155 milyon uşağın bəstəboy, 52 milyon uşağın son dərəcə zəif, 41 milyon uşağın isə artıqçəkili olduğu təxmin edilir.Hesabatda yetişkinlərdə piylənmənin, qadınlarda anemiyanın ciddi problem olduğu qeyd edilir. Dünyada 641 milyon yetişkin piylənmə ilə üz-üzədir. Qadınların 33 faizi - 613 milyonu qanazlığından əziyyət çəkir.Hesabatda, həmçinin dünyada aclıqdan əziyyət çəkən insanların sayının 815 milyon nəfər olduğu və onların 489 milyonu müharibə bölgələrində yaşadığı qeyd olunub.xeber100.com

“Cancer Research” dərgisi yazır…

Gündə bir avokado yeməyin qan xərçəngi ilə mübarizədə effektiv nəticə verə biləcəyi açıqlanıb.“Cancer Research” dərgisi xəbər verir ki, kanadalı elm adamları avokadonun tərkibindəki yağ molekulunun ölümcül qan xərçəngi növü olan kəskin mieloid leykozuna səbəb olan kök hüceyrələrini hədəf aldığını aşkarlayıblar.Xəstələrdə ağ qan hüceyrələrindən olan qranulositlər və monositlərin “partladıcı” adı verilən qabaqlayıcı hüceyrələrinin yetişmə vaxtının pozulmasına diqqət çəkən alimlər avokadodakı avokatin B molekulunun həmin prosesi dayandıra bildiyini söyləyiblər.Tədqiqatçılar avokadotərkibli dərmanın hazırlanmasının xəstələrin həyat keyfiyyətini artmasına səbəb olacağını bildiriblər.xeber100.com

Tibb Universitetinin təşkilatçılığı ilə…

Oktyabrın 27-28-də Türkiyənin Kardiovaskulyar Akademik Dərnəyi və Azərbaycan Tibb Universiteti Kardiologiya Akademiyasının birgə təşkilatçılığı ilə elmi konfrans keçiriləcək.ATU-nun mətbuat xidmətindən Azərtac-a bildiriblər ki, üç gün davam edəcək konfransda koronar və periferik invaziv müalicə üsulları, kəskin serebrovaskulyar hadisə-mexaniki trombektomiya, eyni zamanda aritmiyaların yeni diaqnostika və müalicə üsulları haqqında birbaşa bağlantı vasitəsi ilə müzakirələr aparılacaq.xeber100.com

8 sentyabr – Dünya Fizioterapiya Günüdür

Bu gün Dünya Fizioterapiya Günüdür.Azərtac xəbər verir ki, Dünya Fizioterapiya Günü bütün fizioterapevtlərin peşə bayramıdır. Hər il həmin peşənin sahibləri məsləklərini gənclər arasında təşviq etmək və hər kəs üçün əhəmiyyətini qəbul etdirmək səbəbi ilə müxtəlif kampaniya və aksiyalar təşkil edirlər.Fizioterapevtlərin əsas işləri idman zədələrinin sağaldılması ilə əlaqədardır. Lakin onlar cərrahi əməliyyat, bədbəxt hadisələr və qəzalardan sonra reabilitasiya, xroniki ağrılar, nevroloji və tənəffüs pozğunluqları kimi müxtəlif vəziyyətlərdə yardım edirlər. Fizioterapevtlər, həmçinin ürək-damar xəstəlikləri, piylənmə, şəkərli diabet və insult xəstəlikləri üçün də vacib, qabaqlayıcı, profilaktik müalicə üsulları tətbiq edirlər.Dünya Fizioterapiya Günü hər kəsə fizioterapevtlərə “təşəkkür etmək” və onların əməyini dəyərləndirmək fürsəti verir.Hər il bu təqvimin şüarı “Sağlamlıq üçün hərəkət”dir. Cari ildə fiziki terapiyanın sağlam yaşlanmaq üçün oynadığı rolun əhəmiyyətini vurğulayan “Həyat üçün fiziki aktivlik” mesajı seçilib.xeber100.com

Tibb Universitetinin məlumatı

İnsulin rezistentliyinin, yəni gizli şəkərin ilkin əlamətləri hansılardır?Azərtac xəbər verir ki, bu barədə Azərbaycan Tibb Universitetinin (ATU) Tədris Terapevtik Klinikasının III daxili xəstəliklər kafedrasının assistenti, endokrinoloq-dietoloq Səmayə Əliyeva universitetin mətbuat xidmətinə məlumat verib.Həkim deyib: “Insulin rezistentliyinin, yəni gizli şəkərin ilk on əlaməti var. Bunlar tez acma və gec doyma hissi, yeməkdən bir saat belə keçməmiş təkrar yemək istəyi, şirin qidalara qarşı tələbatın artması, yeməkdən sonra yaranan yorğunluq, halsızlıq və yuxulama hissi, səhər yuxudan duranda yorğunluq, halsızlıq hissi və günə kefsiz, narahat başlamalar, yuxu pozğunluğu, səbəbsiz yerə yuxudan oyanmalar və gec saatlarda yemək istəyi, aclıq olduğu zamanlarda əsəbi, gərgin olmalar və aclığa tab gətirə bilməmələr, səbəbsiz yerə gecə tərləmələri, xüsusən bədənin yuxarı hissəsi və boyun nahiyyəsinin tərləməsi, diqqəti çəkəcək dərəcədə cinsi istəksizlik halları, asan kilo alıb, çətin kilo vermələr, piy toxumasının adətən qarın nahiyyəsində artması, səbəbsiz baş ağrılar, halsızlıq, diqqətin və yaddaşın zəifləməsi.Bu hallar baş verdikdə həkim müayinəsindən keçmək mütləqdir”.xeber100.com

“AtaBank” ASC növbəti layihəyə start verir

"AtaBank" ASC Korporativ Sosial Məsuliyyət çərçivəsində öz müştərilərinə hədəflənən növbəti layihəyə start verir.Bankdan Azərtac-a bildiriblər ki, sentyabrın 6-dan etibarən Bank Türkiyənin “Dünyagöz” Xəstəxanalar Qrupu ilə birgə xeyirxah layihəyə başlayır. Layihə çərçivəsində "AtaBank"ın müştəriləri 2 həftə ərzində gözlərini tam ödənişsiz müayinə etmək fürsəti əldə edəcəklər.Layihə Qurban bayramı tətilindən sonra başlayaraq 2 həftə boyunca növbəli şəkildə bankın "Dostluq" və "Nərimanov" filiallarında həyata keçiriləcək."Mobil" göz klinikası sentyabrın 6-dan 12-dək Azadlıq prospekti 124 ünvanında yerləşən "Dostluq", sentyabrın 13-dən 19-dək Əhməd Rəcəbli küçəsi 9A ünvanında yerləşən "Nərimanov" filiallarında quraşdırılacaq.xeber100.com

“Ailə Məcəlləsində dəyişikliklərin edilməsi haqqında”…

"Ailə Məcəlləsində dəyişikliklərin edilməsi haqqında” Qanunun tətbiqi ilə bağlı bəzi normativ hüquqi aktların təsdiqi ilə əlaqədar 2015-ci il iyunun 1-dən nikaha daxil olmaq istəyənlər tibbi müayinədən keçirlər.Səhiyyə Nazirliyinin mətbuat xidmətindən Azərtac-a xəbər veriblər ki, ölkəmizdə nikaha daxil olmaq istəyənlərin icbari tibbi müayinəsi tətbiq olunduğu iki ildən artıq müddətdə 309 min 224 nəfər müayinə olunub. Təkcə ötən ay ailə qurmaq arzusunda olanlardan 17 min 793 nəfər tibbi yoxlamalardan keçib.Həmin müddətdə müayinələrdən keçənlərdən bəzilərində müxtəlif xarakterli infeksiyalar aşkar edilsə də, ümumilikdə onların əksəriyyətinin sağlamlıq vəziyyəti qənaətbəxşdir.Tibbi müayinədən keçən 12 min 594 nəfərdə talassemiya daşıyıcılığı, 1456 nəfərdə sifilis, 225 nəfərdə isə QİÇS aşkar olunub.xeber100.com

Tibb Universitetində kardioloji aksiya keçirilir

Avqustun 1-31-dək Azərbaycan Tibb Universitetinin (ATU) Tədris Terapevtik Klinikasında kardioloji aksiya keçirilir.ATU-nun mətbuat xidmətindən Azərtac-a bildiriblər ki, ödənişsiz həyata keçirilən aksiya çərçivəsində kardioloji şikayətləri olan xəstələr kardioloq və EKQ müayinəsindən keçmə imkanı əldə edəcəklər.xeber100.com