Müalicəvi Diaqnostika Mərkəzinin məlumatı

Kiçik bir müayinə vasitəsilə körpənin eşitmə qabiliyyətini müəyyən etmək mümkündür.Respublika Müalicəvi Diaqnostika Mərkəzindən Azərtac–a bildiriblər ki, körpənin bizi eşidib-eşitmədiyini yalniz eşitmənin skrininq müayinəsindən sonra müəyyən etmək olar. Yenidoğulmuşlarda eşitmənin skrininq müayinəsi qısamüddətlidir və heç bir ağrıya səbəb olmur. Xarici qulaq keçəcəyinə yerləşdirilən prob vasitəsilə ya təbii yuxu, ya da süd əmmə vaxtı, sakit şəraitdə həyata keçirilir.xeber100.com

CNN Türk-ün məlumatına əsasən…

Alimlərin yeni araşdırmasına görə, beynin yaşla əlaqədar degenerasiya sürətini azaltmaq mümkündür.CNN Türk-ə istinadla xəbər verir ki, hər gün meditasiyaya qısa bir zaman ayırmaqla beyin yaşını 7,5 il gəncləşdirmək olar. Əlli yaşdan sonra meditasiya ilə məşğul olunan hər il üçün beyin 1 ay 22 gün daha gənc qalır.Tədqiqatçılar yarısı meditasiya ilə məşğul olan 100 nəfər üzərində araşdırma aparıblar. Bu zaman beyin yaşını ölçmək üçün xüsusi brauzerdən istifadə ediblər. Onlar müəyyən bir yaşda beynin necə görünəcəyini araşdırıblar. Nümunə üçün qeyd etmək olar ki, alzeymer xəstələrində beyin digərlərinə nisbətən 10 il daha yaşlı görünür.Araşdırma nəticəsində təxminən əlli yaşlarında olan və meditasiya ilə məşğul olanların beyninin eyni yaşdakı həmkarlarından yeddi il yarım gənc qaldığı aşkarlanıb.xeber100.com

Beynəlxalq Səhiyyə “BIHE 2017” sərgisi keçiriləcək

Sentyabrın 28-dən 30-dək Bakı Ekspo Mərkəzində 23-cü Azərbaycan Beynəlxalq Səhiyyə “BIHE 2017” sərgisi keçiriləcək.Azərtac xəbər verir ki, “BIHE” sərgisi Azərbaycan Respublikası Səhiyyə Nazirliyi, Azərbaycan Stomatologiya Assosiasiyası (ASA), Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) dəstəyi ilə keçirilir. Sərginin təşkilatçıları “Iteca Caspian” və onun Böyük Britaniyalı tərəfdaşı “ITE Group” şirkətləridir.Səhiyyə sərgisi tibb müəssisələrinin əməkdaşları, müasir tibbi avadanlıqların təchizatçıları və əczaçılar arasında peşəkar əlaqələrin qurulması və təcrübə mübadiləsi üçün platforma olmaqla yanaşı, ölkəmizdə səhiyyə sisteminin daha da səmərəli olmasına xidmət edir.Hazırda sərgiyə hazırlıq istiqamətində fəal iş aparılır. Tədbirə 100-dən artıq iştirakçının, o cümlədən Azərbaycan, Almaniya, Belarus, Çin, Hindistan, İtaliya, İran, İsveçrə, Litva, Polşa, Rusiya, Türkiyə, Ukrayna və digər ölkələri təmsil edən şirkətlərin qatılacağı gözlənilir.xeber100.com

Avropa İttifaqının “SOCIEUX+” proqramı çərçivəsində

Avropa İttifaqının “SOCIEUX+” proqramı çərçivəsində və Estoniyanın Sosial İşlər Nazirliyinin dəvəti ilə avqustun 7-11-də Nazirlər Kabineti yanında İcbari Tibbi Sığorta üzrə Dövlət Agentliyinin mütəxəssisləri icbari tibbi sığortanın tətbiqi sahəsində beynəlxalq təcrübənin öyrənilməsi məqsədilə Estoniya Respublikasının Tallinn şəhərində səfərdə olublar.Bu barədə Azərtac-a agentlikdən bildirilib.“Avropanın qabaqcıl təcrübəsindən istifadə edilməklə səhiyyənin maliyyələşdirilməsi islahatlarının həyata keçirilməsində və icbari tibbi sığortanın tətbiqində Azərbaycan hökumətinə dəstək” əməkdaşlıq layihəsinə əsasən, Agentliyin direktorunun müavini Nigar Bayramovanın rəhbərlik etdiyi nümayəndə heyətinin Estoniyanın tibbi sığorta sisteminin müvafiq qurum və təşkilatları, eləcə də bu sahədəki səlahiyyətli dövlət qurumları ilə bir sıra görüşləri baş tutub.Direktorun müavini Azərbaycanda icbari tibbi sığortanın tətbiqi sahəsində görülən işlər haqda iştirakçılara məlumat verib.Estoniyanın Sosial İşlər Nazirliyində, Tibbi Sığorta Fondunda keçirilən görüşlərdə Estoniyada səhiyyənin maliyyələşməsi sistemləri ilə bağlı əhəmiyyət kəsb edən məsələlər, tibbi sığorta sisteminin təşkili, tətbiqi və inkişafı, tibb mütəxəssislərinin akkreditasiyası və tibb təchizatçılarının maliyyələşmə mexanizmlərinin müasir formaları, tibb müəssisələrinin lisenziya əldə etmək qaydaları, o cümlədən tibbi xidmətlərin planlaşdırılması, dərman vasitələri ilə təchizat, tibbi xidmət təminatçılarının işinə və tibbi xidmətlərin keyfiyyətinə nəzarət kimi məsələlər müzakirə olunub.xeber100.com

Tibb Universitetində aksiya keçiriləcək

Avqustun 14-19-da Azərbaycan Tibb Universitetinin (ATU) Tədris Terapevtik Klinikasında piylənmə və artıq çəki ilə mübarizə aksiyası keçiriləcək. Aksiyanı klinikanın III xəstəliklər kafedrasının assistenti Səmayə Əliyeva təşkil edəcək.ATU-nun mətbuat xidmətindən Azərtac-a bildiriblər ki, aksiya çərçivəsində endokrinoloq-dietoloqun ödənişsiz konsultasiyası keçiriləcək, pəhriz proqramı ilə artıq çəkidən azad olma, piylənmənin səbəbinin araşdırılması, sağlam və düzgün qidalanma istiqamətində məsləhətlər veriləcək.xeber100.com

Səhiyyə Nazirliyinin məlumatına əsasən…

İyunun 1-dən indiyə kimi Bakı şəhər Təcili Təxirəsalınmaz Tibbi Yardım Stansiyasına günvurma ilə əlaqədar 93 nəfər müraciət edib, 41 nəfər xəstəxanalara yerləşdirilib.Bu barədə Azərtac-a Səhiyyə Nazirliyinin mətbuat xidmətindən məlumat verilib.Müraciət edənlərdən 17 nəfər uşaqdır, onlardan 11-i xəstəxanaya yerləşdirilib.xeber100.com

Bu gün Beynəlxalq Oftalmologiya Günüdür

İlk dəfə oftalmoloqlar öz peşə bayramlarını 2004-ci il avqustun 8-də qeyd etməyə başlayıblar. Həmin günün seçilməsi göz cərrahiyyəsi sahəsində çox böyük uğurlara imza atmış böyük rus oftalmoloqu Svyatoslav Fyodorovun doğum günü ilə əlaqədardır.Azərtac xəbər verir ki, Beynəlxalq Oftalmologiya Gününün təsis edilməsi ideyası Sankt-Peterburq şəhər Tibb Palatasının prezidenti Tamaz Mçelidzeyə məxsusdur. O, həmin gün rus və xarici ölkə oftalmoloqlarına göz xəstələrinə təmənnasız məsləhətlər vermək, göz nurunu itirənlər və ya görmə qabiliyyəti zəif olanların müalicəsi üçün əməliyyatlar aparmaq barədə müraciət edib. Belə bir tədbirin keçirilməsi məşhur göz cərrahı Fyodorovun başladığı xeyriyyə işinin davam etdirilməsi və xatirəsini yad olunması məqsədi daşıyır. Həmin təşəbbüsə təkcə Rusiyada deyil, Yunanıstan, İtaliya, Çexiya, ABŞ və digər ölkələrdə də tərəfdar çıxıblar.Artıq on üç ildir ki, qeyd edilən Beynəlxalq Oftalmologiya Günü təbabətin bu sahəsində beynəlxalq əlaqələrin qurulması və təcrübə mübadiləsi aparmaq üçün də istifadə edilir. Həmin günün təsis olunması xəstələrə yüksək ixtisaslı həkimlərin qəbuluna düşmək və keyfiyyətli müalicə almaq imkanı da yaradır.xeber100.com

Müalicəvi Diaqnostika Mərkəzinin məlumatı

Respublika Müalicəvi Diaqnostika Mərkəzində (RMDM) Avropa standartlarına cavab verən Audiologiya şöbəsi təchiz olunaraq istifadəyə verilib.RMDM-in mətbuat xidmətindən Azərtac-a bildiriblər ki, şöbə alman mütəxəssislərin iştirakı ilə fəaliyyətə başlayıb. Şöbədə hər yaş qrupundan olan şəxslərin eşitmə dəyərləndirilməsinə imkan verən obyektiv və subyektiv müayinə üsulları peşəkar mütəxəssis, həkim-audioloq İlahə Aslanova tərəfindən həyata keçirilir. Eşitmə skrininqinin müayinələri TEOAE, DPOAE, saf səs audiometriyası (5 yaşdan yuxarı), oyun audiometriyası (2,5 - 5 yaş), timpanometriya, akustik reflekslərin təyini, toynbee və valsalva testi, BERA (ABR), koxlear implant və eşitmə cihazı istifadəçilərinin sərbəst sahədə eşitmə dəyərləndirməsidir.xeber100.com

“The American Journal of Clinical Nutrition” yazır…

Alimlərin yeni araşdırmasına görə, tez-tez qızardılmış kartof yeyən insanlarda erkən ölüm riski digərlərinə nisbətən daha çoxdur. Elm adamları bu nəticəyə aparılan təcrübədən sonra gəliblər.“The American Journal of Clinical Nutrition” dərgisi xəbər verir ki, tədqiqat üçün 45-79 yaşarası 4500-ə yaxın insanın üzərində təcrübə aparılıb. Onlar iştirakçıları kartofun qəbul miqdarına görə qruplaşdırıblar. Səkkiz il ərzində pasiyentlərdən 236-sı dünyasını dəyişib. Tədqiqatın nəticəsinə əsasən, həftədə iki dəfə və ya çox qızardılmış kartof yeməyin erkən ölüm riskini iki dəfə artırdığı məlum olub.Alimlər yağda qızardılmış istənilən qidanın cinsindən və yaşından asılı olmayaraq insan orqanizmi üçün ziyanlı olduğunu bildiriblər.xeber100.com

Milli Oftalmologiya Mərkəzinin səyyar klinikası oftalmoloji baxış keçirəcək

Avqustun 2-də Milli Oftalmologiya Mərkəzinin səyyar klinikası Xarici İşlər Nazirliyinin əməkdaşları arasında oftalmoloji baxış keçirəcək.Milli Oftalmologiya Mərkəzindən Azərtac-a bildiriblər ki, tədbir çərçivəsində mərkəzin yüksəkixtisaslı tibb personalı Xarici İşlər Nazirliyinin əməkdaşlarını oftalmoloji müayinədən keçirəcək. Səyyar klinika oftalmoloji müayinə və cərrahiyyə əməliyyatının aparılması üçün yüksək səviyyəli steril cərrahi otaq, geniş imkanlara malik müasir diaqnostik və cərrahi avadanlıqlarla təhciz olunub.xeber100.com