Orhus Universitetində aparılan araştırmaya görə…

Mütəxəssislər bildiriblər ki, insanlar eyni musiqi əsərlərinə fərqli reaksiya verirlər.Danimarkanın Orhus Universiteti əməkdaşlarının sözlərinə görə, onlar kompleks layihələrin həyata keçirilməsi sayəsində maraqlı qanunauyğunluq qeydə alıblar. Tədqiqatlarda onların Finlandiyanın Helsinki Universitetindən olan həmkarları fəal iştirak ediblər. “healthvesti.com” saytı xəbər verir ki, tədqiqatın nəticəsi “Neuroscience” jurnalında dərc edilib.Məlum olub ki, küy və musiqi insanların davranışına və kəllə beyninin fizioloji quruluşuna təsir göstərir. Bu, ilk növbədə, dofaminin əmələ gəlməsi ilə bağlıdır. Tədqiqatçılar bildiriblər ki, insanın əhval-ruhiyyəsini və emosional durumunu məhz bu neyromediator müəyyən edir.Alimlərin keçirdiyi yeni eksperimentlər göstərib ki, GG və GT genotipli insanlar musiqini fərqli dərk edirlər. Səs kompozisiyasını dinlədikdən sonra GG genotipli adamın əhval-ruhiyyəsi yaxşılaşır, GT genotipli adamın ovqatı isə pisləşir.xeber100.com

Səhiyyə Nazirliyinin məlumatına əsasən…

Bakı Şəhər Baş Səhiyyə İdarəsinin tabeliyində olan 55 tibb müəssisəsi tərəfindən 730 min 606 uşağa tibbi xidmət göstərilir. Statistik məlumatlara əsasən, uşaqlar arasında ilkin xəstəliklərin sayı 2014-cü ilə nisbətən bir qədər azalıb və bu xəstəliklərin 25 faizi məhz icbari tibbi müayinələr zamanı aşkar olunub.Səhiyyə Nazirliyinin mətbuat xidmətindən Azərtac-a bildirilib ki, bu faktlar 2016-cı ilin 11 ayı ərzində Bakı şəhəri üzrə uşaqların dispanserizasiyadan keçirilməsinə dair hesabatda əks olunub.Hesabatda qeyd olunur ki, bu ilin 11 ayı ərzində uşaq poliklinikaları tərəfindən 633 min 936 uşaq (93 faiz) icbari tibbi müayinəyə cəlb edilib. Müayinələr nəticəsində xəstəlik aşkar edilmiş 52 min 323 uşaqdan 18 min 349-u dispanser qeydiyyatına alınmış, 1295-i ixtisaslaşmış xəstəxanalara yerləşdirilib, qalanları isə ambulator müalicəyə cəlb olunub.Aparılan müalicələr nəticəsində xəstələrin 62 faizi sağalaraq qeydiyyatdan çıxarılıb.xeber100.com

Tibb Universitetinin məlumatına görə…

Türkiyənin Yeditepe Universitetinin tibb fakültəsinin dekanı Sina Ercan Azərbaycan Tibb Universitetinin (ATU) qonağı olub.Universitetin mətbuat xidmətindən Azərtac-a bildirilib ki, qonağa ATU haqqında ətraflı məlumat verilib. Sina Ercan Bakıda ilk dəfə olduğunu deyib: “Bu il biz artıq 20 illiyimizi qeyd edəcəyik. Bizdə 50-yə yaxın tibb tədris proqramı var. Təhsil ocağımızda 13 fakültə fəaliyyət göstərir, 24 minə yaxın tələbəmiz var”, - deyə Yeditepe Universitetinin dekanı əlavə edib.Görüş zamanı tezliklə tərəflər arasında müqavilənin hazırlanıb imzalanması haqqında danışıqlar aparılıb.xeber100.com

Xeyriyyə kampaniyasına start verilib

Dekabrın 21-də Tibb Universitetinin Tədris Cərrahiyyə Klinikasında xeyriyyə kampaniyasına start verilib.Universitetin mətbuat xidmətindən Azərtac-a bildirilib ki, aksiya çərçivəsində Bakı şəhərindəki Psixonevroloji Uşaq Evinin sakinləri pulsuz müayinə və müalicə olunurlar. Klinikanın baş həkimi R.Ağayevin sözlərinə görə, kampaniya 31 dekabr - Dünya Azərbaycanlılarının Həmrəylik Günü münasibətilə təşkil olunub. Məqsəd kimsəsiz uşaqları sevindirmək, onların müalicəsini təmin etməkdir.xeber100.com  

Səhiyyə Nazirliyi ilin yekunları ilə bağlı hesabat verib

Dekabrın 20-də Səhiyyə Nazirliyinin Analitik Ekspertiza Mərkəzində cari ilin yekunları ilə əlaqədar hesabat xarakterli mətbuat konfransı təşkil olunub.Azərtac xəbər verir ki, tədbirdə Analitik Ekspertiza Mərkəzinin (AEM) mütəxəssisləri və şöbə müdirləri jurnalistlərin suallarını cavablandırıblar.Bildirilib ki, “Dərman vasitələri haqqında” Azərbaycan Respublikası Qanununun 11-ci maddəsinə əsasən, ölkəmizdə istehsal olunan və ya ölkəyə idxal olunan dərman vasitələrinin istifadə təlimatları Azərbaycan dilində olmalıdır. Bununla əlaqədar yanvar ayının 1-dən istifadə təlimatı Azərbaycan dilində olmayan dərman vasitələrinin idxalı qadağan edilib.AEM-in dərman vasitəsinin istifadə təlimatı üzrə eksperti istifadə təlimatının əhəmiyyətindən, onun daşıdığı informasiyadan, habelə istifadə təlimatının istehlakçının dərman vasitəsindən düzgün istifadə etməsi üçün zəruri məlumatları özündə əks etdirən mühüm vasitə olmasından danışıb. Vurğulayıb ki, dərman vasitəsindən düzgün istifadə edilməsi onun müalicəvi effektini təmin edən əsas şərtlərdəndir. Bunun üçün də istifadə təlimatının Azərbaycan dilində olması zəruridir.xeber100.com

“Vakedə klinika”da müayinə aksiyası keçirilib

“Vakedə klinika” adlı səhiyyə müəssisəsi dekabrın 18-də Gürcüstanda, azərbaycanlıların yığcam yaşadıqları Dmanisi rayonunda növbəti pulsuz müayinə aksiyası keçirib.Azərtac xəbər verir ki, aksiyada 100-dək azərbaycanlı, eləcə də gürcü və digər millətlərin nümayəndələri pulsuz olaraq müayinə olublar.Klinikanın həkimləri insanları müayinə edib, müalicələri ilə bağlı tövsiyələrini veriblər.xeber100.com

BMT-nin məlumatına görə…

BMT-nin Baş Assambleyası Pan Gi Munun Haitidə vəba ilə mübarizə üzrə təklif etdiyi yeni strategiyasını dəstəkləyib.BMT-nin saytı xəbər verir ki, strategiyaya vəba hallarının azalması və müalicəsi üzrə səylərin birləşdiriliməsini, 2010-cu ildə vəba epidemiyasının yayılması nəticəsində xəstələnmiş insanlara maddi yardım göstərilməsini nəzərdə tutur.Vəba epidemiyası Haitidə 2010-cu ilin oktyabrında baş verib və bütün ölkəni əhatə edib. O vaxtdan təxminən 800 min nəfər vəbaya yoluxub. Ən azı 9 min xəstəlik halı ölümlə nəticələnib. Beynəlxalq birliyin səyləri sayəsində xəstəlik hallarının sayı 2011-ci ilin göstəriciləri ilə müqayisədə 90 faiz azalıb, lakin virus hələ də yayılmaqda davam edir və onun qarşısını almaq üçün əlavə resurslar səfərbər etmək lazımdır.xeber100.com

2018-ci ildən etibarən şəkərli içkilərə vergi tətbiq ediləcək

Estoniya Dünya Səhiyyə Təşkilatına (DST) bildirib ki, bu ölkədə piylənməyə qarşı mübarizə məqsədilə şəkər istehlakının azaldılması planlaşdırılır. Bu istiqamətdə ilk addımlardan biri kimi, 2018-ci ildən etibarən şəkərli içkilərə vergi tətbiq ediləcək.BMT-nin Xəbərlər Mərkəzi bildirir ki, bu təşəbbüs Estoniya büdcəsinə hər il 24 milyon avro vəsait daxil olmasını təmin edəcək, şəkərlə kalori istehlakını azaldacaq və beləliklə, piylənmə göstəricilərini azalmağa, ağız boşluğunu sağlamlaşdırmağa kömək edəcək.Hazırda Estoniyanın bütün sakinlərinin təqribən yarısı və məktəb yaşlı uşaqların 28 faizi artıq çəkidən əziyyət çəkir.Dünya Səhiyyə Təşkilatında dəfələrlə vurğulanıb ki, sağlamlıq üçün zərərli içkilər barəsində sərt vergi siyasəti istehlakçıların ciblərinə ziyan olacaq və müvafiq surətdə, belə içkilərə aludəliçilyin azalmasına səbəb olacaq.xeber100.com

“Dərman preparatlarının idxalı ilə bağlı məsələlər” mövzusunda müşavirə keçirilib

Dekabrın 16-da Nazirlər Kabinetində “Dərman preparatlarının idxalı ilə bağlı məsələlər və onların keyfiyyətinə nəzarətin gücləndirilməsi” mövzusunda müşavirə keçirilib.Azərtac xəbər verir ki, baş nazirin müavini Ə.Əhmədovun sədrlik etdiyi müşavirədə hökumət rəsmiləri, dərman istehsalı və satışı ilə məşğul olan müəssisələrin nümayəndələri dərmanların idxalı və keyfiyyətinə dair müzakirələr aparıblar.Ə.Əhmədov vurğulayıb ki, dövlət qurumları tərəfindən dərman vasitələrinin keyfiyyətinə nəzarət gücləndirməlidir. Baş nazirin müavini dərman istehsalı və satışı ilə məşğul olan müəssisələrin fəaliyyəti üçün hökumət tərəfindən yaradılan şəraitdən danışıb. Səhiyyə nazirinin müavini E.Ağayev və digər çixiş edənlər də ölkəmizin dərman bazarında keyfiyyətsiz və qeydiyyatdan keçməyən preparatların mövcud olduğunu və bu cür neqativ hallara qarşı ciddi mübarizə tədbirləri görməyin vacibliyini bildiriblər.

Səhiyyə Nazirliyinin məlumatı…

Dekabrın 14-də Respublika Talassemiya Mərkəzində ilin yekunlarına dair hesabat tədbiri keçirilib.Səhiyyə Nazirliyinin mətbuat xidmətindən Azərtac-a bildiriblər ki, talassemiya xəstəliyi geniş yayılmış problemlərdən biridir. Məhz bu səbəbdən xəstəlikdən əziyyət çəkənlər daim dövlətimizin diqqət mərkəzindədir.Tədbirdə bildirilib ki, “2016-2020-ci illər üçün talassemiya xəstəliyinin müalicə və profilaktikası üzrə Tədbirlər Planı”nda müalicə tədbirləri ilə yanaşı, əsas diqqət talassemiyanın profilaktikası və əhalinin bu istiqamətdə maarifləndirilməsinə, həmçinin, perinatal diaqnostika müayinə üsulu ilə dölün sağlamlığının yoxlanılmasına yönəlib. Azərbaycanın birinci xanımı, Heydər Əliyev Fondunun prezidenti Mehriban Əliyevanın təşəbbüsü ilə başlanan “Talassemiyasız həyat naminə” proqramı çərçivəsində inşa edilən Respublika Talassemiya Mərkəzində bu xəstəlikdən əziyyət çəkənlərə lazımi müayinə və müalicə yüksək səviyyədə aparılır.xeber100.com