Hidrometeorologiya Departamentinin məlumatı…

Azərbaycanda sentyabrın 20-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər yarımadanın bəzi yerlərində qısamüddətli yağış yağacağı ehtimalı var. Mülayim cənub-qərb küləyi gündüz arabir güclənəcək. Havanın temperaturu gecə 17-20° isti, gündüz 26-30° isti təşkil edəcək. Tibbi-meteoroloji proqnoza görə, sentyabrın 20-21-də Abşeron yarımadasında meteoroloji amillərin zəif və mülayim tərəddüdü meteohəssas insanlar üçün nisbətən əlverişlidir. Naxçıvan Muxtar Respublikasında hava əsasən yağmursuz keçəcək. Gündüz mülayim cənub-qərb küləyi əsəcək. Havanın temperaturunun gecə 11-16° isti, gündüz 27-32° isti olacağı gözlənilir. Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında hava əsasən yağmursuz keçəcək. Səhər bəzi yerlərdə duman olacaq. Cənub-qərb küləyi gündüz arabir güclənəcək. Havanın temperaturunun gecə 7-12° isti, gündüz 17-22° isti olacağı gözlənilir. Qazax, Gəncə, Goranboy, Tərtər, Ağdam, Füzuli və Cəbrayıl rayonlarında hava əsasən yağmursuz keçəcək. Cənub-qərb küləy gündüz arabir güclənəcək. Havanın temperaturunun gecə 13-18° isti, gündüz 26-31° isti olacağı gözlənilir. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında hava əsasən yağmursuz keçəcək. Səhər bəzi yerlərdə duman olacaq. Cənub-qərb küləyi əsəcək. Havanın temperaturunun gecə 11-16° isti, gündüz 23-28° isti, dağlarda gecə 5-10° isti, gündüz 15-20° isti olacağı gözlənilir. Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında hava əsasən yağmursuz keçəcək. Səhər bəzi yerlərdə duman olacaq. Cənub-qərb küləyi gündüz arabir güclənəcək. Havanın temperaturunun gecə 15-20° isti, gündüz 27-32° isti olacağı gözlənilir. Masallı, Yardımlı, Lerik, Lənkəran və Astara rayonlarında hava əsasən yağmursuz keçəcək. Səhər dağlarda duman olacaq. Gündüz mülayim cənub-qərb küləyi əsəcək. Havanın temperaturunun gecə 16-20° isti, gündüz 26-30° isti, dağlarda gecə 8-13° isti, gündüz 19-24° isti olacağı gözlənilir.xeber100.com

Ekologiya və Təbii Sərvətlər Nazirliyinin məlumatı…

Sentyabrın 19-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi gündüz mülayim cənub küləyi ilə əvəz olunacaq. Havanın temperaturunun gecə 17-20° isti, gündüz 25-29° isti olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a bildiriblər ki, Naxçıvan Muxtar Respublikasında əsasən yağmursuz keçəcək, cənub küləyi əsəcək. Havanın temperaturunun gecə 10-15° isti, gündüz 25-30° isti olacağı gözlənilir. Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında hava əsasən yağmursuz keçəcək. Gecə və səhər bəzi yerlərdə duman, çiskin olacaq. Cənub küləyi gündüz ayrı-ayrı yerlərdə arabir güclənəcək. Havanın temperaturunun gecə 5-10° isti, gündüz 15-20° isti olacağı ehtimal edilir. Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz keçəcək. Səhər bəzi yerlərdə duman olacaq. Cənub küləyi gündüz ayrı-ayrı yerlərdə arabir güclənəcək. Havanın temperaturunun gecə 12-17° isti, gündüz 24-29° isti olacağı gözlənilir. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında gün ərzində havanın əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Cənub küləyi gündüz ayrı-ayrı yerlərdə arabir güclənəcək. Havanın temperaturunun gecə 10-15° isti, gündüz 20-25° isti, dağlarda gecə 4-9° isti, gündüz 13-18° isti olacağı gözlənilir. Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz keçəcək. Səhər bəzi yerlərdə duman olacaq. Cənub küləyi gündüz ayrı-ayrı yerlərdə arabir güclənəcək. Havanın temperaturunun gecə 15-20° isti, gündüz 25-30° isti olacağı ehtimal edilir. Masallı, Yardımlı, Lerik, Lənkəran, Astara rayonlarında bəzi yerlərdə qısamüddətli yağış yağacağı, gündüz əsasən yağmursuz keçəcəyi gözlənilir. Cənub küləyi əsəcək. Havanın temperaturunun gecə 16-20° isti, gündüz 24-29° isti, dağlarda gecə 9-14° isti, gündüz 17-22° isti olacağı gözlənilir.xeber100.com

“Azərbaycan Respublikası Konstitusiyasına təklif olunan dəyişikliklərin hüquqi təhlili”…

Sentyabrın 18-də Bakıda Avropa Hüquqşünas Tələbələr Assosiasiyasının (ELSA) Azərbaycan nümayəndəliyinin təşkilatçılığı ilə “Azərbaycan Respublikası Konstitusiyasına təklif olunan dəyişikliklərin hüquqi təhlili” mövzusunda müzakirələr aparılıb. Müxtəlif universitetlərdə hüquq təhsili alan 120-yə yaxın tələbənin iştirak etdiyi tədbirdə bildirilib ki, son vaxtlar cəmiyyətimizdə müzakirə olunan ən aktual məsələlərdən biri Azərbaycan Respublikası Konstitusiyasına üçüncü dəfə təklif olunan dəyişikliklərdir. “ELSA Azərbaycan” məsələ ilə bağlı ekspertlərin rəyinin tələbələrə çatdırılması zərurətini nəzərə alaraq bu müzakirələri təşkil edib.xeber100.com

Əmək Məcəlləsində dəyişiklik edilməsi haqqında qanun layihəsinə baxılıb

Sentyabrın 16-da Milli Məclisin əmək və sosial siyasət komitəsinin payız sessiyasında ilk iclası keçirilib. Azərtac xəbər verir ki, komitə sədri Hadi Rəcəbli gündəlikdəki məsələlər barədə məlumat verib. Əvvəlcə Azərbaycan Respublikasının Əmək Məcəlləsində dəyişiklik edilməsi haqqında qanun layihəsinə baxılıb. Dəyişikliyə əsasən sənədin 211-ci maddəsinin 1-ci hissəsinin ikinci abzasından "peşə və vəzifələrin" sözləri çıxarılacaq. İclasda "Turizm haqqında" Qanun layihəsi barədə müzakirələr aparılıb. Hadı Rəcəbli deyib ki, layihə dünya təcrübəsinə uyğun hazırlanıb. O, turizmin inkişafının ölkəmizdə prioritet məsələlərdən biri olduğunu vurğulayaraq bu istiqamətdə son zamanlar mühüm addımların atıldığını bildirib. Qeyd edilib ki, sənəd səkkiz fəsildən və 93 maddədən ibarətdir. Qanunda turizm sahəsində dövlət siyasəti, tənzimləmə prinsipləri, məqsəd və vəzifələr, dövlət idarəetməsinin həyata keçirilməsi, turizm fəaliyyətinin təşkili, xidmət növləri, bu sahədə təhlükəsizliyin təmin edilməsi və digər məsələlər öz əksini tapıb. Müzakirələr zamanı deputatlar qanun layihəsi barədə fikirlərini açıqlayıb, rəy və təkliflərini veriblər. Deputatlar, həmçinin "Şəhid adının əbədiləşdirilməsi və şəhid ailələrinə edilən güzəştlər haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" qanunlarda dəyişiklik edilməsi barədə qanun layihələrinə də baxıblar. İclasda 2016-ci il payız sessiyasının iş planı da təsdiqlənib.xeber100.com

Baş Dövlət Yol Polisi İdarəsinin məlumatı…

Regionlarda qeydiyyatda olan avtomobillərin paytaxta girişinə nəzarət gücləndirilib. Daxili İşlər Nazirliyinin Baş Dövlət Yol Polisi İdarəsindən Azərtac-a bildiriblər ki, yeni dərs ilinin başlanması ilə əlaqədar paytaxtda yarana biləcək nəqliyyat sıxlığının qarşısının alınması məqsədilə Nazirlər Kabinetinin Yol Hərəkəti Təhlükəsizliyi Komissiyasının ötənilki qərarına əsasən, respublikanın digər regionlarında qeydiyyatda olan avtomobillərin Bakıya girişi ilə bağlı məhdudiyyət davam edir. Məhdudiyyətin tətbiq olunmasına nəzarət sentyabrın 15-dən daha da gücləndirilib. Bunu nəzərə alaraq, Daxili İşlər Nazirliyinin Baş Dövlət Yol Polisi İdarəsi paytaxta gəlmək istəyən digər şəhər və rayon sakinlərinə bir daha tövsiyə edir ki, paytaxta gəlmək üçün müasir və komfortlu avtobuslardan, Sumqayıt sakinləri isə ötən il sentyabrın 15-dən Bakı-Sumqayıt marşrutu üzrə fəaliyyətə başlamış sürətli elektrik qatarlarından istifadə etməyə davam etsinlər. Bakı şəhərinə girişi məhdudlaşdırılan nəqliyyat vasitələri üçün şəhərin giriş hissələrində 2015-ci ilin sentyabrından hazırlanaraq istifadəyə verilmiş və hər bir lazımi şəraitlə təchiz olunmuş mühafizə edilən ödənişsiz dayanacaqlar yaradılıb. Sakinlər həmin duracaqlarda avtomobillərini saxlamaqla xüsusi marşrutla işləyən avtobuslarla ən yaxın metro stansiyasına gedə, habelə taksi xidmətlərindən istifadə edə bilərlər. Tətbiq edilən məhdudiyyət hər il mayın 1-dən oktyabrın 1-dək saat 07:30-dan 21:00-dək, oktyabrın 1-dən mayın 1-dək isə saat 07:30-dan saat 20:00-dək qüvvədədir. İdarə yollarda nəqliyyat sıxlığının yaranmaması, eləcə də rahat və fasiləsiz hərəkətin təmin edilməsi üçün tətbiq olunan məhdudiyyətə ciddi riayət olunmasını xahiş edir.xeber100.com

Əmək və Əhalinin Sosial Müdafiəsi Nazirliyinin məlumatına görə…

Azərbaycan Respublikası Əmək və Əhalinin Sosial Müdafiəsi Nazirliyində Ukrayna Respublikasının ölkəmizdəki səfiri Aleksandr Mişenko ilə görüş olub. Nazirliyin ictimaiyyətlə əlaqələr şöbəsindən Azərtac-a bildiriblər ki, görüşdə Əmək və Əhalinin Sosial Müdafiəsi naziri Səlim Müslümov ölkəmizdə dayanıqlı sosial-iqtisadi inkişafın təmin edilməsi sahəsində əldə olunan nailiyyətləri diqqətə çatdırıb. Nazir  ölkədə əmək və sosial müdafiə sistemində şəffaflığın təmin edilməsi, səmərəli iş üsullarının tətbiqi, bu məqsədlə idarəetmə və xidmətlər sisteminin avtomatlaşdırılması sahəsində görülən işlər barədə məlumat verib. O, Azərbaycanın əmək və sosial müdafiə sahəsində avtomatlaşdırılmış iş və xidmət sistemlərinin mütərəqqi təcrübə nümunələri kimi BMT-nin “Ərəb ölkələri, Avropa və MDB regionlarında Cənub-Cənub Əməkdaşlığı çərçivəsində Əməkdaşlıq Mexanizmləri və Həllər” adlı portalında yerləşdirilərək, dünyada təbliğ olunduğunu qeyd edib.

Seminar-müşavirə keçirilib

Azərbaycan Respublikasının Konstitusiyasına dəyişikliklərlə bağlı sentyabrın 26-na təyin edilmiş referendumla əlaqədar polis əməkdaşlarının xidməti fəaliyyətinin daha da təkmilləşdirilməsi məqsədilə növbəti seminar-müşavirə sentyabrın 15-də Bakı Şəhər Baş Polis İdarəsində (BŞBPİ) keçirilib. Azərtac xəbər verir ki, Mərkəzi Seçki Komissiyasının (MSK) və Daxili İşlər Nazirliyinin (DİN) Baş İctimai Təhlükəsizlik İdarəsinin birgə təşkilatçılığı ilə keçirilən seminar-müşavirədə hər iki qurumun məsul nümayəndələri, BŞBPİ-nin və paytaxtın polis idarələrinin, habelə şimal bölgəsi üzrə polis orqanlarının əməkdaşları, Bakıda və rayonlarda fəaliyyət göstərən dairə seçki komissiyalarının sədrləri iştirak ediblər. Tədbirdə DİN-in Baş İctimai Təhlükəsizlik İdarəsinin şöbə rəisi Əziz Baqişev referendumun keçirildiyi gün ictimai qaydanın qorunması, ictimai təhlükəsizliyin təmin edilməsi ilə bağlı polis əməkdaşlarının hüquq və vəzifələrinə dair məruzə ilə çıxış edib. Bildirilib ki, ümumxalq səsverməsinin sabitlik və əmin-amanlıq şəraitində keçirilməsi üçün daxili işlər orqanlarının qarşısına qoyulmuş vəzifələrin nümunəvi şəkildə yerinə yetirilməsi xüsusi əhəmiyyət kəsb edir. Diqqətə çatdırılıb ki, bu mühüm dövlət tədbirinin ölkə qanunvericiliyinin tələblərinə uyğun təhlükəsiz və demokratik şəraitdə keçirilməsində, səsvermə günü vətəndaşların öz iradəsini sərbəst və azad ifadə etməsində mühüm amillərdən biri də ictimai asayişin etibarlı qorunmasıdır. Seçki kampaniyası dövründə və seçki günü vətəndaşların qanunla müəyyən olunmuş hüquqlarının pozulması, seçki komissiyalarına və onların üzvlərinə təzyiq və təsir göstərilməsi, habelə digər hüquqazidd hərəkətlərin aradan qaldırılması ilə bağlı aidiyyətı dövlət qurumları ilə yanaşı, daxili işlər orqanları qarşısında da mühüm vəzifələr durur. Bu məqsədlə seçkilərlə əlaqədar asayişin mühafizəsi, ictimai qaydaların qorunması və təhlükəsizliyin təmin olunması ilə bağlı Daxili İşlər Nazirliyinin rəhbərliyi tərəfindən təsdiq edilən xüsusi tədbirlər planının icrası nəzarətə götürülüb. Sonra MSK-nın nümayəndələri İlham Məmmədovun və Samir Tağıyevin məruzələri dinlənilib. Seminar-müşavirənin sonunda iştirakçıların sualları cavablandırılıb.xeber100.com

Miqrasiya Xidməti müsabiqə elan edir

Dövlət Miqrasiya Xidməti (DMX) on illik yubileyi münasibətilə müsabiqə elan edib. Müsabiqənin keçirilməsində əsas məqsəd ictimaiyyətin diqqətini Azərbaycan Respublikasında miqrasiya proseslərinin tənzimlənməsi sahəsində həyata keçirilən tədbirlərə və Dövlət Miqrasiya Xidmətinin on illik fəaliyyəti dövründə əldə olunan nailiyyətlərə cəlb etmək, eləcə də miqrasiya problemlərinin həllinə istiqamətləndirməkdir. DMX-dən Azərtac-a bildiriblər ki, müsabiqə üç nominasiya – film, təsviri sənət (rəngkarlıq) və fərdi jurnalist məqaləsi üzrə keçirilir. Ən yaxşı sənədli film nominasiyası üzrə birinci yerin sahibi birinci dərəcəli diplom və 2 iki min manat məbləğində pul mükafatı ilə təltif olunacaq. İkinci və üçüncü yerlərin sahibləri isə müvafiq olaraq, ikinci və üçüncü dərəcəli diplomlar, eyni zamanda, 1500 və min manat məbləğlərində pul mükafatlarına layiq görüləcək. Bundan başqa, bir həvəsləndirici yerin sahibinə fəxri fərman və 800 manat məbləğində pul mükafatı veriləcək. Rəngkarlıq nominasiyası üzrə isə ilk üç yerin sahiblərinə tutduqları yerə uyğun dərəcədə diplomlar və müvafiq olaraq, 1000, 800 və 500 manat məbləğində pul mükafatları təqdim ediləcək. Üç həvəsləndirici mükafatın sahibləri isə fəxri fərmanlar və 300 manatla təltif olunacaqlar. Ən yaxşı məqalə üzrə müsabiqənin ilk üç qalibi isə uyğun dərəcədə diplomlarla yanaşı, müvafiq olaraq 1000, 800, 500 manat məbləğində pul mükafatına layiq görüləcək. Üç həvəsləndirici mükafatın sahibləri isə fəxri fərmanlar və 300 manatla təltif olunacaqlar. Müsabiqədə yaşından asılı olmayaraq, bütün yaradıcı şəxslər iştirak edə bilərlər. Təqdim olunan əsərlərin üzərində müəllif barədə məlumatlar göstərilməməli, məlumatlar anketdə əks etdirilməli (anketin forması qaydalara əlavə olunur) və zərfə qoyulması, həm əsərin arxasında, həm də zərfin üzərində şərti ad qeyd olunmalıdır. “Ən yaxşı sənədli film” nominasiyası üzrə işlər müvafiq qaydada doldurulmuş anketlə birlikdə cari il dekabrın 20-dək, “Ən yaxşı rəsm əsəri” və “Ən yaxşı məqalə” nominasiyaları üzrə müraciətlər isə gələn yanvarın 15-dək Dövlət Miqrasiya Xidmətinin ictimaiyyətlə əlaqələr idarəsinə təqdim edilməlidir. Təsviri sənət üzrə iştirakçılar müsabiqəyə 90x70 santimetr ölçüdən kiçik olmamaqla əsərlər təqdim etməlidirlər. Sənədli film üzrə iştirakçılar müsabiqəyə xronometrajı 30 dəqiqədən az və 45 dəqiqədən çox olmamaqla əsər təqdim etməlidirlər. Fərdi jurnalist yazıları (məqalə) üzrə yazının A4 formatda (3 nüsxə) çap (müəllifin imzası göstərilməməlidir) və elektron (arial şriftində - 12, diskdə) variantları təqdim olunmalıdır. Təqdim olunan bütün əsərlər ictimaiyyətin diqqətini Azərbaycan Respublikasında miqrasiya proseslərinin tənzimlənməsi sahəsində həyata keçirilən tədbirlərə və Dövlət Miqrasiya Xidmətinin 10 illik fəaliyyəti dövründə əldə olunan nailiyyətlərə cəlb etməyə, eləcə də miqrasiya problemlərinin həllinə istiqamətləndirməyə yönəlməlidir. Əsərlər müsabiqəyədək heç bir yerdə çap, nəşr və yaxud nümayiş etdirilməməlidir. Müsabiqə ilə bağlı əlavə məlumat almaq üçün aşağıdakı ünvana müraciət etmək lazımdır: AZ1114, Bakı şəhəri, Binəqədi rayonu, 3123-cü məhəllə, Binəqədi şosesi 202, Dövlət Miqrasiya Xidməti Aparatının inzibati binası. Əlaqə telefonları: (+99412) 562-11-97.

Ekologiya və Təbii Sərvətlər Nazirliyinin məlumatı…

Azərbaycanda sentyabrın 16-na gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında buludlu hava şəraiti üstünlük təşkil edəcək. Arabir yağış yağacağı gözlənilir. Şimal-qərb küləyi arabir güclənəcək. Gecə 18-21° isti, gündüz 24-26° isti olacaq. Naxçıvan Muxtar Respublikasında şimşək çaxacağı, arabir yağış yağacağı gözlənilir. Qərb küləyi şimşək çaxanda arabir güclənəcək. Havanın temperaturu gecə 12-17° isti, gündüz 24-29° isti təşkil edəcək. Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında şimşək çaxacağı, arabir yağış yağacağı gözlənilir. Bəzi yerlərdə yağıntının intensiv olacağı, dolu düşəcəyi ehtimalı var. Qərb küləyi ayrı-ayrı yerlərdə arabir güclənəcək. Gecə 7-12° isti, gündüz 12-17° isti olacaq. Qazax, Gəncə, Goranboy, Tərtər, Ağdam, Füzuli və Cəbrayıl rayonlarında şimşək çaxacağı, arabir yağış yağacağı gözlənilir. Ayrı-ayrı yerlərdə yağıntının intensiv olacağı, dağlıq ərazilərdə dolu düşəcəyi ehtimalı var. Qərb küləyi ayrı-ayrı yerlərdə arabir güclənəcək. Havanın temperaturunun gecə 14-19° isti, gündüz 23-28° isti olacağı gözlənilir. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında şimşək çaxacağı, arabir yağış yağacağı gözlənilir. Bəzi yerlərdə yağıntının intensiv olacağı, dolu düşəcəyi ehtimalı var. Qərb küləyi ayrı-ayrı yerlərdə arabir güclənəcək. Gecə 12-17° isti, gündüz 20-25° isti, dağlarda gecə 5-9° isti, gündüz 12-16° isti olacaq. Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında şimşək çaxacağı, arabir yağış yağacağı gözlənilir. Bəzi yerlərdə yağıntının intensiv olacağı ehtimalı var. Qərb küləyi ayrı-ayrı yerlərdə arabir güclənəcək. Havanın temperaturu gecə 15-20° isti, gündüz 23-27° isti təşkil edəcək. Masallı, Yardımlı, Lerik, Lənkəran və Astara rayonlarında şimşək çaxacağı, arabir yağış yağacağı gözlənilir. Bəzi yerlərdə yağıntının intensiv olacağı ehtimalı var. Şimal-şərq küləyi arabir güclənəcək. Gecə 16-19° isti, gündüz 23-27° isti, dağlarda gecə 9-14° isti, gündüz 19-22° isti olacaq.xeber100.com

Milli Hidrometeorologiya Departamentinin məlumatına görə…

Sentyabrın 13-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər yarımadanın bəzi yerlərində qısamüddətli az yağış yağacağı ehtimalı var. Şimal küləyi gündüz cənub-şərq küləyi ilə əvəz olunacaq. Havanın temperaturunun gecə 19-22° isti, gündüz 26-30° isti olacağı gözlənilir. Naxçıvan Muxtar Respublikasında hava əsasən yağmursuz olacaq, mülayim şərq küləyi əsəcək. Havanın temperaturunun gecə 13-18° isti, gündüz 28-33° isti olacağı ehtimalı var. Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında bəzi yerlərdə şimşək çaxacağı, arabir yağış yağacağı, gündüz tədricən kəsiləcəyi gözlənilir. Səhər ayrı-ayrı yerlərdə duman olacaq. Şərq küləyi gündüz bəzi yerlərdə arabir güclənəcək. Havanın temperaturunun gecə 9-14° isti, gündüz 18-23° isti olacağı gözlənilir. Qazax, Gəncə, Goranboy, Tərtər, Ağdam, Füzuli, Cəbrayıl rayonlarında gecə və səhər bəzi yerlərdə şimşək çaxacağı, qısamüddətli yağış yağacağı, gündüz əsasən yağmursuz keçəcəyi gözlənilir. Şərq küləyi gündüz bəzi yerlərdə arabir güclənəcək. Havanın temperaturunun gecə 15-20° isti, gündüz 27-32° isti olacağı gözlənilir. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında bəzi yerlərdə şimşək çaxacağı, arabir yağış yağacağı, gündüz tədricən kəsiləcəyi gözlənilir. Səhər ayrı-ayrı yerlərdə duman olacaq. Şərq küləyi gündüz bəzi yerlərdə arabir güclənəcək. Havanın temperaturunun gecə 13-18° isti, gündüz 24-29° isti, dağlarda gecə 8-13° isti, gündüz 16-21° isti olacağı ehtimalı var. Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava gündüz əsasən yağmursuz olacaq. Şərq küləyi gündüz bəzi yerlərdə arabir güclənəcək. Havanın temperaturunun gecə 18-23° isti, gündüz 27 32° isti olacağı gözlənilir. Masallı, Yardımlı, Lerik, Lənkəran, Astara rayonlarında bəzi yerlərdə şimşək çaxacağı, yağış yağacağı gözlənilir. Yağışın intensiv olacağı ehtimalı var, gündüz tədricən kəsiləcək. Şərq küləyi əsəcək. Havanın temperaturunun gecə 19-22° isti, gündüz 26-31° isti, dağlarda gecə 9-14° isti, gündüz 20-25° isti olacağı ehtimalı var.xeber100.com