Hidrometeorologiya Departamentinin məlumatına görə…

Azərbaycanda avqustun 23-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında hava günəşli olacaq. Şimal küləyi gündüz cənub-şərq küləyi ilə əvəz olunacaq. Havanın temperaturunun gecə 20-25° isti, gündüz 33-38° isti olacağı gözlənilir. Dəniz suyunun temperaturu Abşeron çimərliklərində - Sumqayıt, Novxanı, Pirşağı, Nardaran, Bilgəh, Zağulbada 25-26°, Buzovna, Mərdəkan, Şüvəlanda 26-27°, Türkan, Hövsan, Sahil və Şıxda 28-29° isti təşkil edəcək. Naxçıvan Muxtar Respublikasında hava yağmursuz keçəcək. Şərq küləyi əsəcək. Havanın temperaturunun gecə 18-23° isti, gündüz 35-40° isti olacağı gözlənilir. Yuxarı Qarabağ: Xankəndi, Şuşa, Xocalı, həmçinin Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında hava əsasən yağmursuz keçəcək. Şərq küləyi ayrı-ayrı yerlərdə arabir güclənəcək. Havanın temperaturunun gecə 15-20° isti, gündüz 26-31° isti olacağı gözlənilir. Qazax, Gəncə, Goranboy, Tərtər, Ağdam, Füzuli və Cəbrayıl rayonlarında hava yağmursuz keçəcək. Şərq küləyi ayrı-ayrı yerlərdə arabir güclənəcək. Havanın temperaturu gecə 19-24° isti, gündüz 32-37° isti təşkil edəcək. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında hava əsasən yağmursuz keçəcək. Şərq küləyi əsəcək. Gecə 18-23° isti, gündüz 30-35° isti, dağlarda gecə 12-17° isti, gündüz 22-27° isti olacaq. Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında hava yağmursuz keçəcək. Şərq küləyi ayrı-ayrı yerlərdə arabir güclənəcək. Havanın temperaturu gecə 19-24° isti, gündüz 35-40° isti təşkil edəcək. Masallı, Yardımlı, Lerik, Lənkəran və Astara rayonlarında hava yağmursuz keçəcək. Şərq küləyi əsəcək. Gecə 21-24° isti, gündüz 32-37° isti, dağlarda gecə 11-16° isti, gündüz 27-32° isti olacaq.

Əmlak Məsələləri Dövlət Komitəsinin məlumatına əsasən…

Azərbaycanda vertolyotlar satışa çıxarılıb. Əmlak Məsələləri Dövlət Komitəsindən APA-ya verilən məlumata görə, hərrac sentyabrın 14-də baş tutacaq. Hərracda “Azərbaycan Hava Yolları” QSC-yə məxsus, 1991 və 1993-cü illərdə istehsal edilmiş “Mİ-8 MTV1” markalı 3 vertolyot satışa çıxarılacaq. Hərraclar Azərbaycan Respublikası Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində keçiriləcək.xeber100.com    

“Sığortaolunanlara məlumatların verilməsi”…

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun fərdi uçot sistemi əmək fəaliyyəti ilə məşğul olan vətəndaşlara fərdi hesablarında pensiya kapitalı toplamalarına, bununla da öz gələcək etibarlı pensiya təminatında fəal iştirak etməyə imkan yaradır. Bunun nəticəsi olaraq sistemdə qeydiyyata alınanların sayı artmaqda davam edir. Nazirliyin ictimaiyyətlə əlaqələr şöbəsindən “Apa-Economics”ə verilən məlumata görə, fərdi uçot sistemində qeydiyyatda olan sığortaolunanların sayı bu ilin iyul ayında 13 522 nəfər, yanvar-iyul aylarında isə 112 517 nəfər artaraq 3 292 671 nəfərə çatıb. Onlardan  674 176  nəfərini (20,4%) 30 yaşa qədər olanlar, 833 656 nəfərini (25,3%) 30-40 yaşlarında olanlar təşkil edir. Həmçinin sığortaolunanların 661 802 nəfəri (20,1%) 40-50 yaşlarında olanlar,  695 393 nəfəri (21,1%) 50-60 yaşlarında olanlar, digərləri isə 60 yaşdan yuxarı olanlardır. Hər bir sığortaolunan fərdi uçot sistemində uçota alınaraq, onun üçün unikal sosial sığorta nömrəsi olan fərdi şəxsi hesab açılır. Həmin hesabda sığortaolunanların gələcək pensiya təyinatı hüququnun reallaşdırılması üçün tələb olunan mühüm məlumatlar toplanır. Bu zaman sığortaolunanın Dövlət Sosial Müdafiə Fondunda uçota alındığını və onun üçün fərdi şəxsi hesabın açıldığını təsdiq edən sosial  sığorta şəhadətnaməsi də rəsmiləşdirilir. Əmək və Əhalinin Sosial Müdafiəsi Nazirliyinin “Sığortaolunanlara məlumatların verilməsi” elektron xidmətindən istifadə etməklə, vətəndaşlar  fərdi hesablarında toplanan  pensiya kapitallarına mütəmadi şəkildə nəzarət edə bilirlər.xeber100.com

Hidrometeorologiya Departamentinin məlumatı…

Avqustun 15-i gün ərzində paytaxtda arabir güclənən şimal-qərb küləyinin üstünlüyü müşahidə olunacaq. Bu barədə Apa-ya açıqlamasında Ekologiya və Təbii Sərvətlər Nazirliyi (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova bildirib. G. Məmmədovanın sözlərinə görə, Bakı və Abşeron yarımadasında avqustun 16-ı gecə və səhər saatlarında da arabir güclənən şimal-qərb küləyi əsəcək.  O qeyd edib ki, Azərbaycanın rayonlarında avqustun 15-də qərb küləyi arabir güclənəcək. Qeyd edək ki, ETSN hava şəratinin dəyişəcəyi ilə bağlı xəbərdarlıq edib.xeber100.com

Hidrometeorologiya Departamenti xəbərdarlıq edir

Ekologiya və Təbii Sərvətlər Nazirliyinin Milli Hidrometeorologiya Departamenti hava şəraitinin dəyişəcəyi barədə əhaliyə xəbərdarlıq edib. Nazirliyin mətbuat xidmətindən Azərtac-a verilən məlumatda bildirilir ki, Bakıda və Abşeron yarımadasında avqustun 15-i gün ərzində, 16-da gecə və səhər şimal-qərb küləyinin arabir güclənəcəyi gözlənilir. Havanın temperaturu ötən günlərlə müqayisədə tədricən 3-5 dərəcə enəcək. Rayonlarda avqustun 14-ü axşam və 15-də qərb küləyinin arabir güclənəcəyi gözlənilir, dağlıq və dağətəyi rayonlarda lokal xarakterli yağış yağacağı ehtimal olunur. Havanın temperaturu ötən günlərlə müqayisədə tədricən 3-5 dərəcə düşəcək.xeber100.com

Dövlət Gömrük Komitəsindən açıqlama…

Bu gün bəzi kütləvi informasiya vasitələrində Tovuz Gömrük İdarəsinin Gürcüstan-Azərbaycan sərhədində yerləşən “Sınıq Körpü” gömrük postunda sıxlığın yaranması, vətəndaşların və nəqliyyat vasitələrinin sərhədi keçmək üçün saatlarla gözləməsi barədə əsassız məlumatlar yayılıb. Üstəlik məlumatda o da bildirilir ki, sıxlıq süni şəkildə yaradılır və buna etiraz olaraq vətəndaşlar sərhəddə aksiya keçirib. Dövlət Gömrük Komitəsinin bununla bağlı yaydığı açıqlamada bildirilir ki, bu məlumatların heç bir əsası yoxdur və “Sınıq Körpü” gömrük postu gün ərzində normal iş rejimində fəaliyyət göstərib. Sıxlığın süni şəkildə yaradılması və buna etiraz olaraq vətəndaşların aksiya keçirməsi barədə deyilənlər isə ümumiyyətlə həqiqətə uyğun deyil. Hazırda “Sınıq Körpü” gömrük postunda avtomobillərin və piyadaların keçidi qanunvericiliyə uyğun şəkildə, gömrük prosedurlarına uyğun vaxt ərzində həyata keçirilir və hər hansı sıxlıq müşahidə olunmur.xeber100.com

Şikayətlərin araşdırılması ilə bağlı əmr imzalanıb

Ekologiya və Təbii Sərvətlər Nazirliyinə daxil olan ərizə və şikayətlərin araşdırılmasında vətəndaşların özləri iştirak etsələr də, son vaxtlar ayrı-ayrı şəxslər tərəfindən bir sıra hallarda görülən işlərin yekun nəticələri təhrif olunur və sosial şəbəkələrdə qeyri-dəqiq məlumatlar yayılır. Nazirliyin mətbuat xidmətindən Azərtac-a bildirilib ki, bu isə ictimaiyyət arasında ekologiya və ətraf mühitin qorunması sahəsində aparılan işlərə kölgə salaraq yanlış fikirlərin formalaşmasına gətirib çıxarır. Bununla əlaqədar ətraf mühitin mühafizəsi sahəsində görülən işlərin davamlılığını təmin etmək, ekoloji qanunvericiliyin pozulması barədə daxil olan ərizə və şikayətlərin araşdırılmasında müraciət edənlərin iştirakına şərait yaratmaq, qanunvericilikdə nəzərdə tutulmuş qaydada araşdırma prosesinin şəffaflığının gözlənilməsi məqsədi ilə ekologiya və təbii sərvətlər naziri əmr imzalayıb. Nazirliyin aidiyyəti qurumlarına tapşırılıb ki, fəaliyyət istiqamətlərinə uyğun olaraq ekoloji qanunvericiliyin pozulması barədə vətəndaşlardan daxil olan ərizə və şikayətlərin araşdırılmasında müraciət edənlərin iştirakının təmin olunması üçün qanuni tədbirlər görülsün.xeber100.com

Bu Gün Beynəlxalq Gənclər Günüdür

Avqustun 12-si dünyada Beynəlxalq Gənclər Günü kimi qeyd olunur. 1998-ci il avqustun 8-dən 12-dək Lissabonda gənclərlə iş üzrə nazirlərin iştirakı ilə keçirilən beynəlxalq konfransda hər il avqustun 12-nin dünyada Beynəlxalq Gənclər Günü kimi qeyd olunması qərara alınıb. Həmin vaxtdan etibarən bu gün gənclərə lazımi diqqət göstərmək, onların nailiyyətlərini təbliğ etmək, cəmiyyətin bütün sahələrində gənclərin iştirakına təkan vermək məqsədilə dünyada geniş qeyd olunur.xeber100.com

“ASAN Akademiya” layihələri həyata keçiriləcək

“ASAN Könüllüləri” Təşkilatı gənclərin asudə vaxtının səmərəli keçirilməsi, dünyagörüşünün və motivasiyasının artırılması, gənclər arasında dövlətçilik dəyərlərinin yüksəldilməsi, onların iş bacarıqlarının, psixoloji durumunun yaxşılaşdırılması istiqamətində yeni layihələrə start verib. Təşkilatdan Azərtac-a bildiriblər ki, layihələr Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilir. “ASAN Könüllüləri” tərəfindən Azərbaycanda ilk dəfə yerli və əcnəbi nümayəndələrin iştirakı ilə keçiriləcək “I Beynəlxalq Startup Akademiyası: Gəncə 2016”, respublika miqyasında könüllülük fəlsəfəsinin təbliği və könüllülük hərəkatını stimullaşdırmaq məqsədilə “Könüllülər yurdu - Azərbaycan”, gənclərin fərdi inkişafına təkan verərək karyera qurmaq yolunda ilkin addım atmalarına yardım etmək üçün “ASAN Akademiya” layihələri həyata keçiriləcək. Bundan başqa, gənclərdə kitab oxumağa maraq yaratmaq məqsədilə “Hərəyə bir kitab bölüşək”, gənclərin psixi sağlamlığının qorunması, onların psixoloji gərginlikdən azad olmaları, sağlam gənc kimi yetişmələri üçün “Gənc beyin”, gənc nəslə idmanı sevdirib, sadə fiziki məşqlərin gündəlik yerinə yetirilməsini aşılamaq məqsədilə “ASAN Könüllülərinin II spartakiadası” layihələrinin reallaşdırılması nəzərdə tutulur.xeber100.com

“Dövlət qulluğu haqqında” Azərbaycan Respublikasının Qanununda dəyişikliklər edilməsi barədə”…

“Dövlət qulluğu haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2016-cı il 31 may tarixli 267-VQD nömrəli Qanununun tətbiqi və “Azərbaycan Respublikasının Dövlət İmtahan Mərkəzi (DİM) publik hüquqi şəxsin yaradılması haqqında” Azərbaycan Respublikası Prezidentinin 2016-cı il 11 aprel tarixli 860 nömrəli Fərmanında dəyişikliklər edilməsi barədə Azərbaycan Respublikası Prezidentinin Fərmanı ilə Dövlət İmtahan Mərkəzinə dövlət qulluğu sahəsində yeni funksiyalar verilib. Azərtac xəbər verir ki, dəyişikliklərə əsasən, aşağıdakı məsələlər Mərkəzin səlahiyyətlərinə daxil edilib: - buraxılış və qəbul imtahanlarının yekunlarına dair elmi-statistik təhlil aparmaq və nəticələrini Azərbaycan Respublikasının Prezidentinə və Təhsil Nazirliyinə təqdim etmək (2016-cı il aprelin 11-də təsdiq edilmiş Nizamnamədə bu, DİM-in hüquqlarına, yeni Nizamnamədə vəzifələrinə aid edilib); - dövlət qulluğu sahəsində dövlət siyasətinin formalaşdırılmasında iştirak etmək və bu siyasətin həyata keçirilməsini təmin etmək; - dövlət qulluğuna dair qanunvericiliyin icra vəziyyətini öyrənmək, bu barədə hesabat hazırlamaq; - dövlət orqanlarının dövlət qulluğu ilə bağlı qanunsuz aktlarının ləğv edilməsinə dair təkliflər vermək; - dövlət qulluğu məsələləri üzrə beynəlxalq əməkdaşlığı həyata keçirmək; - dövlət qulluqçuları tərəfindən etik davranış qaydalarına əməl edilməsi vəziyyətini öyrənmək; - “Dövlət qulluqçularının etik davranış qaydaları haqqında” Azərbaycan Respublikası Qanununun müddəalarının pozulması ilə bağlı şikayət və məlumatları qəbul etmək; - dövlət qulluqçularının etik davranış məsələləri üzrə araşdırmalar aparmaq; - dövlət qulluğu və dövlət qulluqçularının etik davranış qaydaları haqqında qanunvericiliyin tələblərinin pozulması hallarını aradan qaldırmaq üçün dövlət orqanlarına və vəzifəli şəxslərə təqdimat vermək; - dövlət qulluğu və dövlət qulluqçularının etik davranış qaydaları haqqında qanunvericiliyin tələblərinin pozulması barədə Azərbaycan Prezidentinə məlumat vermək; - dövlət qulluğu və dövlət qulluqçularının etik davranış məsələləri barədə maarifləndirmə işini aparmaq; - dövlət qulluqçularının reyestrini aparmaq, dövlət qulluqçularının xidməti fəaliyyətinin qiymətləndirilməsi barədə məlumatları reyestrə daxil etmək; - dövlət qulluğu sahəsində qanunvericiliyin təkmilləşdirilməsinə dair təkliflər vermək; - dövlət qulluğunda təlim tələbatını müəyyən etmək, dövlət qulluqçuları üçün təlim strategiyasını hazırlamaq və dövlət orqanlarına dövlət qulluqçularının əlavə təhsili barədə təkliflər vermək; - rəhbər vəzifə tutan dövlət qulluqçuları, habelə ilk dəfə dövlət qulluğuna qəbul olan şəxslər üçün təlim kursları təşkil etmək. Bundan başqa, dövlət qulluğunun inkişafına yönəlmiş dövlət və beynəlxalq proqramların həyata keçirilməsində iştirak etmək, dövlət qulluğu və tələbə qəbulu məsələləri üzrə beynəlxalq və qeyri-hökumət təşkilatları, kütləvi informasiya vasitələri və müstəqil ekspertlərlə əməkdaşlıq etmək kimi məsələlər də DİM-in hüquqlarına əlavə edilib.xeber100.com