Milli komandanın baş məşqçisi müqavilənin müddətini uzatmağı planlaşdırır

İspaniya Kral Futbol Federasiyası (RFEF) milli komandanın baş məşqçisi Luis de la Fuente ilə müqavilənin müddətini uzatmağı planlaşdırır. Bu barədə AS nəşri məlumat yayıb. Mütəxəssisin hazırkı sözləşməsi 2028-ci il Avropa çempionatının sonunda başa çatacaq. RFEF onunla anlaşmanın müddətini 2030-cu ilədək uzatmaqda maraqlıdır. Tərəflər arasında danışıqların yaxın aylarda başlanacağı gözlənilir. Qeyd edək ki, Luis de la Fuente 2022-ci ilin dekabrında İspaniya millisinin baş məşqçisi vəzifəsində Luis Enrikeni əvəz edib. İspanlar onun rəhbərliyi altında UEFA Millətlər Liqasının, AVRO-2024-ün və dünya çempionatının qalibi olub.xeber100.com

Azərbaycan milli komandası UEFA İnkişaf Turnirində ilk oyununa çıxacaq

16 yaşadək qızlardan ibarət Azərbaycan milli komandası Bakıda təşkil olunan UEFA İnkişaf Turnirində bu gün ilk oyununa çıxacaq. Millimiz Litvanın müvafiq yaş qrupundan ibarət komandası ilə qarşılaşacaq. Binə stadionunda keçiriləcək görüş Bakı vaxtı ilə saat 17:00-da başlanacaq.xeber100.com

“SportAccord” Konvensiyasının keçiriləcəyi yeni tarixlər müəyyənləşib

Bakıda qlobal idman ictimaiyyətinin ən nüfuzlu tədbirlərindən biri olan “SportAccord” Konvensiyasının keçiriləcəyi yeni tarixlər müəyyənləşib. Bakı Şəhər Halqasından bildirilib ki, 120-dən çox beynəlxalq federasiyanı birləşdirən tədbir gələn il mayın 9–13-də təşkil olunacaq. 2026-cı il üçün nəzərdə tutulan tarixlərdə edilmiş dəyişikliklərə uyğun olaraq, “SportAccord” və Azərbaycandakı tərəfdaşlar tədbirin bütün iştirakçılar üçün ən yüksək səviyyədə təşkil olunması məqsədilə yeni tarixlərin müəyyənləşdirilməsi istiqamətində sıx əməkdaşlıq ediblər. Beləliklə, paytaxt Bakı Beynəlxalq Olimpiya Komitəsi, beynəlxalq federasiyalar, ev sahibi şəhərlər, media və yayım tərəfdaşları, eləcə də idman sənayesinin aparıcı nümayəndələrini bir araya gətirərək son illərin ən çox gözlənilən konvensiyalarından biri üçün xüsusi platformaya çevriləcək. Xatırladaq ki, daha əvvəl konvensiyanın bu il mayın 24–28-də keçirilməsi planlaşdırılırdı.xeber100.com

Formula 1 Azərbaycan Qran-Prisi sentyabrın 24-26-da keçiriləcək

Bakı Şəhər Halqası (BŞH) Əməliyyat Şirkəti 2026-cı il Formula 1 Azərbaycan Qran-Prisinin 10 illik yubiley buraxılışı üzrə Könüllü Proqramına müraciətlərin başlandığını elan edib. BŞH-dən bildirilib ki, qeydiyyat mayın 4-dən etibarən açıqdır və yalnız Bakı Şəhər Halqasının mobil tətbiqi vasitəsilə həyata keçirilir. Namizədlərə yüksək maraq və rəqabətli seçim prosesi nəzərə alınaraq müraciətlərini gecikdirməmək tövsiyə edilib. Bildirilib ki, proqram iştirakçılara dünyanın ən nüfuzlu idman tədbirlərindən birinin təşkilində yaxından iştirak etmək imkanı yaradır. Qeyd edək ki, könüllü olmaq istəyən şəxslər məsuliyyətli, enerjili, ünsiyyətcil olmalı və komanda şəraitində işləmə bacarığına malik olmalıdırlar. Proqram üçün minimum yaş həddi 16-dır. Xarici dil biliklərinə malik namizədlərə seçim mərhələsində üstünlük veriləcək. Xatırladaq ki, ötən il proqram çərçivəsində 30 mindən çox müraciət qeydə alınıb və onlardan yalnız 2 min nəfər könüllü seçilib. Qeyd edək ki, bu il Formula 1 Azərbaycan Qran-Prisi sentyabrın 24-26-da keçiriləcək.xeber100.com

“Azərreyl” komandası mövsümlərarası fasilədə ilk transferini həyata keçirib

Qadın voleybolçulardan ibarət “Azərreyl” komandası mövsümlərarası fasilədə ilk transferini həyata keçirib. “dəmiryolçular” Sənubər Ələsgərovanı heyətinə qatıb. Onunla 1 illik yeni sözləşmə imzalanıb. Sənubər Ələsgərova son olaraq “Milli Aviasiya Akademiyası”nın formasını geyinib.xeber100.com

Azərbaycan Basketbol Federasiyasının məlumatına görə…

Azərbaycanın qadınlardan ibarət 3x3 və əsas (5x5) basketbol yığmalarına əcnəbi oyunçular cəlb oluna bilər. Bu barədə Azərbaycan Basketbol Federasiyasının (ABF) türkiyəli idman direktoru Turqay Zeytingöz məlumat verib. O bildirib ki, federasiya tərəfindən qadın yığmalarının heyətinin gücləndirilməsi məqsədilə belə addımın atılması planlaşdırılır: “Xüsusilə 3x3 basketbol üzrə “Los-Anceles-2028” Yay Olimpiya Oyunlarında medal hədəfimiz olduğu üçün bu variant mümkündür. Lakin hazırda bu məsələ ilə bağlı konkret qərar qəbul olunmayıb”.xeber100.com  

Misli Premyer Liqasının XVIII turunda “Neftçi” böyükhesablı qələbə qazanıb

Misli Premyer Liqasının XVIII turunda “Araz-Naxçıvan”la qarşılaşan “Neftçi” mövsümdə ilk dəfə səfərdə böyükhesablı qələbə qazanıb. Peşəkar Futbol Liqasının rəsmi saytına istinadən xəbər verir ki, paytaxt təmsilçisi rəqib meydanında 4:0 hesabı ilə qalib gəlib. “Ağ-qaralar” sonuncu dəfə belə nəticəyə 2023/2024-cü illər mövsümündə imza atmışdı. Bunu 624 gün gözləyən Bakı klubu 2024-cü il mayın 18-də “Səbail”in meydanında 3 cavabsız qola sevinib. “Neftçi”nin səfərdəki 4 və ya daha çox top fərqi ilə qələbəsi isə 2022/2023-cü illər mövsümündə qeydə alınmışdı. “Liv Bona Dea Arena”dakı uğurdan 1030 gün əvvəl – 2023-cü il aprelin 8-də “Sumqayıt” qonaqların 4 cavabsız qoluna üzülüb.xeber100.com

“Tata Steel Challengers” beynəlxalq şahmat turniri sona çatıb

Niderlandda keçirilən “Tata Steel Challengers” beynəlxalq şahmat turniri sona çatıb. Azərbaycanı ənənəvi yarışda Aydın Süleymanlı təmsil edib. 13 turda 9 xal toplayan şahmatçı yekunda yarışı üçüncü pillədə başa vurub.xeber100.com

Azərbaycan Boks Federasiyası: Milli komanda ilk təlim-məşq toplanışına start verib

Kişi boksçulardan ibarət Azərbaycan milli komandası yeni ilin ilk təlim-məşq toplanışına start verib. Azərbaycan Boks Federasiyasından verilən məlumata görə, Ravşan Xocayevin baş məşqçisi olduğu yığma hazırlığa Bakıda başlayıb. Məşqçilər korpusu toplanışa Azərbaycan çempionatının bütün mükafatçılarını cəlb edib. Bakı Boks Mərkəzində keçirilən məşqlərdə əsas diqqət ümumi fiziki hazırlığa yönələcək. Qeyd edək ki, hazırlıq fevralın 20-də yekunlaşacaq.

Azərbaycan milli komandası “FIFA Tri Nations Women’s Football Series 2025” turnirində

Banqladeşdə təlim-məşq toplanışında olan qadın futbolçulardan ibarət Azərbaycan milli komandası “FIFA Tri Nations Women’s Football Series 2025” turnirində bu gün ikinci oyuna çıxacaq. Millimiz paytaxt Dəkkədə Banqladeş seçməsi ilə qarşılaşacaq. Milli Stadionda təşkil olunacaq matç Bakı vaxtı ilə saat 17:00-da başlanacaq. İlk matçında Malayziya yığması üzərində 2:0 hesablı qələbə qazanan Siyasət Əsgərovun komandası bugünkü görüşdə məğlub olmasa, turniri qalib tamamlayacaq.xeber100.com

“Fənərbağça” doğma meydanda “Qalatasaray”ı qəbul edib

Futbol üzrə Türkiyə Superliqasında İstanbul derbisi keçirilib. XIV tura təsadüf edən matçda “Fənərbağça” doğma meydanda “Qalatasaray”ı qəbul edib. Şükrü Saracoğlu” stadionunda təşkil olunan qarşılaşma 1:1 hesablı heç-heçə ilə yekunlaşıb. Hesabı 27-ci dəqiqədə qonaqların heyətində Leroy Sane açıb. 90+5-ci dəqiqədə isə Con Duran bərabərlik qoluna imza atıb. Qeyd edək ki, xallarını 33-ə yüksəldən “Qalatasaray” turnir cədvəlinə başçılıq edir “Fənərbağça” isə 32 xalla ikinci pillədə qərarlaşıb.xeber100.com    

Futbol üzrə Azərbaycan Kubokunda 1/8 final mərhələsinə start veriləcək

Bu gün futbol üzrə Azərbaycan Kubokunda 1/8 final mərhələsinə start veriləcək. İlk oyun günündə iki qarşılaşma keçiriləcək. Günün ilk matçında “Turan Tovuz” I Liqa təmsilçisi “Şahdağ Qusar”ın qonağı olacaq. "SOCAR Polymer Arena"dakı görüş saat 15:00-da başlayacaq. Bu cütün qalibi 1/4 finalda “Araz-Naxçıvan” – “Kəpəz” duelinin güclüsü ilə qarşılaşacaq. Digər oyunda isə “Zirə” öz meydanında “Neftçi”ni sınağa çəkəcək. Zirə İdman Kompleksinin stadionunda keçiriləcək qarşılaşmaya saat 19:00-da start veriləcək. Bu görüşün qalibi növbəti raundda “Difai” – “Sumqayıt” cütünün qalibinə rəqib olacaq. Qeyd edək ki, 1/8 final mərhələsinin digər oyunları dekabrın 3-4-də keçiriləcək.xeber100.com

Aerobika gimnastikası üzrə Avropa çempionatının açılış mərasimi keçirilib

Gəncə İdman Sarayında aerobika gimnastikası üzrə böyüklər arasında 14-cü Avropa çempionatı keçirilir. Böyüklər arasında keçirilən bu yarışda gimnastlar fərdi, üçlük, qrup, qarışıq cütlük və aerodans proqramları üzrə çıxış edəcəklər. Yarışın iki günü təsnifat mərhələsi, sonuncu gün isə finallar baş tutacaq. Bu gün start götürən yarışın açılış mərasimində iştirakçı ölkələrin bayraqları təqdim olunub. Gəncə Şəhər İcra Hakimiyyətinin başçısı Niyazi Bayramov və Avropa Gimnastikası qurumunun vitse-prezidenti Edvard Kolar açılış mərasimində çıxış ediblər. Sonra Nizami Gəncəvinin ölməz əsərlərinə həsr olunmuş “Nizami xəzinəsi” adlanan bədii hissə təqdim olunub. Bədii hissənin ardından gimnastların çıxışları olub. Bu gün gimnastlar fərdi proqram üzrə çıxış edilər. Yarış noyabrın 16-da yekun vurulacaq.xeber100.com

Misli Premyer Liqasında X turun növbəti oyunları keçirilib

Misli Premyer Liqasında X turun növbəti oyunları keçirilib. “Zirə” “Karvan-Yevlax”a 3:2 hesabı ilə qalib gəlib. “Neftçi” isə evdə “Kəpəz”i 5:1 hesabı ilə üstələyib. Bu görüşdə Bakı təmsilçisinin ulduz futbolçusu Vensan Abubakar da 1 qolla yadda qalıb. Qeyd edək ki, ötən gün turun açılış matçında “Qarabağ” “İmişli”yə qalib gəlib - 2:0.xeber100.com

Şahmat yığmaları arasında dünya çempionatına görüşün açılışı olub

Azərbaycan və Özbəkistanın qadınlardan ibarət şahmat komandaları arasında dünya çempionatına seçmə xarakter daşıyan görüşün açılış mərasimi keçirilib. Tədbir hər iki ölkənin dövlət himnlərinin səsləndirilməsi ilə başlayıb. İspaniyanın Linares şəhərində keçiriləcək mötəbər yarışda təşkilatçı ölkə, 2023-cü ildə baş tutan son dünya çempionatının ən yaxşı dörd komandası – Gürcüstan, Fransa, Qazaxıstan, ABŞ, eyni zamanda dünya reytinq sıralamasına əsasən, qitələr üzrə seçilən Çin, Ukrayna, Peru, Misir, Hindistan və FIDE komandaları iştirak edəcək. Dünya çempionatına 12-ci vəsiqənin sahibi Azərbaycan və Özbəkistan komandalarının seçmə matçında məlum olacaq. İki gün ərzində rapid yarışının yekun nəticəsində qalib gələn yığma dünya çempionatına vəsiqə qazanacaq.xeber100.com  

8 Noyabr – Zəfər Gününə həsr edilmiş çempionat keçiriləcək

Noyabrın 11-də Azərbaycan Motosiklet İdmanı Federasiyası Badamdar Avtobazar ərazisində Motokros çempionatı keçirəcək. Çempionat 8 Noyabr – Zəfər Gününə həsr ediləcək. Federasiyadan bildirilib ki, tədbirin keçirilməsində əsas məqsəd Azərbaycanda motosportun inkişafına dəstək olmaq, gənclər arasında idmana marağı artırmaq və Vətən uğrunda canından keçən qəhrəmanlarımızın xatirəsini yad etməkdir. Çempionatda Azərbaycanın ən güclü motokros idmançıları ilə yanaşı, bölgələrdən dəvət olunmuş pilotlar da iştirak edəcəklər. Tamaşaçıları maraqlı yarışlar, nümayiş çıxışları, motoşou və motosiklet sərgisi gözləyir. Azərbaycan Motosiklet İdmanı Federasiyasının prezidenti Fuad Bağırov bildirib: “Bu çempionat təkcə idman tədbiri deyil. Bu, qəhrəmanlarımıza ehtiram və gənc nəslə ruh, cəsarət və vətənpərvərlik aşılayan bir simvoldur. Bütün motosport həvəskarlarını və vətəndaşlarımızı bu günü bizimlə birlikdə keçirməyə dəvət edirik”.

Şahmat sahəsində əməkdaşlıq məqsədilə tərəfdaşlıq sazişi imzalanıb

ABŞ və Azərbaycan arasında şahmat sahəsində əməkdaşlıq məqsədilə Vüqar Həşimov Şahmat Akademiyası ilə San Dieoqonun La Xoya Məktəbi arasında tərəfdaşlıq sazişi imzalanıb. Şahmat Akademiyasının prezidenti Sərxan Həşimovun iştirakı ilə San Dieqo Dövlət Universitetində baş tutmuş imzalanma mərasimindən sonra adıçəkilən ali təhsil müəssisəsində ilk dəfə olaraq Azərbaycan Günü tədbiri keçirilib. Universitetin təşkilati dəstəyi və azərbaycanlı tələbə Vaqif Qiyaslının iştirakı ilə baş tutan tədbir müxtəlif ölkələrdən olan iştirakçılara Azərbaycanın zəngin tarixini, mədəniyyətini, musiqisini və mətbəxini daha yaxından tanıtmaq imkanı yaradıb. Bundan başqa, San Dieqo şəhərində Azərbaycanın Los-Ancelesdəki Baş Konsulluğunun təşəbbüsü və dəstəyi ilə 7-ci şahmat turniri keçirilib. Silsilə tədbirlərin davamı olaraq Azərbaycanın Los Ancelesdəki Baş Konsulluğunda qrosmeyster Vasif Dürarbəylinin iştirakı ilə şahmat həvəskarları üçün görüş təşkil edilib.xeber100.com

“Heydər Əliyev Kuboku” uğrunda futzal turniri keçirilir

Naxçıvan Muxtar Respublikasında fəaliyyət göstərən dövlət qurumlarının əməkdaşları arasında Ümummilli Lider Heydər Əliyevin anadan olmasının 102-ci ildönümünə həsr olunmuş “Heydər Əliyev Kuboku” uğrunda futzal turniri keçirilir. Naxçıvan Gənclər və İdman Nazirliyi, Azərbaycan Futbol Federasiyaları Assosiasiyası (AFFA), Azərbaycan Futzal Federasiyası və Naxçıvan Futbol Federasiyası (NFF) tərəfindən birgə təşkil olunan yarışda 17 komanda 4 qrupda mübarizə aparır. Mayın 10-u Ümummilli Liderin doğum günündə yarışın rəsmi açılış mərasimi reallaşıb. Qeyd edək ki, oyunlar hər həftənin şənbə günləri keçiriləcək. Qruplarda ilk iki yeri tutan komandalar pley-off mərhələsində mübarizəni davam etdirəcək. Yarışda ilk üç yeri tutacaq komandalara diplom, medal və hədiyyələr, o cümlədən qalib komandaya baş mükafat – “Heydər Əliyev Kuboku” təqdim olunacaq.xeber100.com

“Barselona” futbol klubu müqavilə müddətini uzatmağı planlaşdırır

İspaniyanın "Barselona" komandası baş məşqçi Hans-Diter Fliklə müqavilə müddətini uzatmağı planlaşdırır. Xarici mətbuat xəbər verir ki, Kataloniya klubunun rəhbərliyi almaniyalı mütəxəssisin işindən razıdır və onunla gələn ilin yayında başa çatacaq sözləşməni yeniləmək istəyir. “Barselona” 60 yaşlı çalışdırıcının rəhbərliyi altında bu ilin yanvar ayında İspaniya Superkubokunu qazanıb. Komanda hazırda La Liqada turnir cədvəlinə başçılıq edir. İspaniya Kral Kubokunun finalında “Real Madrid”lə qarşılaşacaq kollektiv Çempionlar Liqasının da yarımfinalına yüksəlib. Buradakı rəqib İtaliya “İnter”i olacaq. Qeyd edək ki, Hans-Diter Flik ötən ilin yayından “Barselona”ya rəhbərlik edir.xeber100.com

Azərbaycan Premyer Liqasında XXXI turun daha iki oyunu keçiriləcək

Bu gün futbol üzrə Azərbaycan Premyer Liqasında XXXI turun daha iki oyunu keçiriləcək. Günün ilk matçında "Sabah" autsayder "Səbail"i sınağa çəkəcək. "Bank Respublika Arena"da oynanılacaq görüş saat 17:30-da başlayacaq. Matçı Fərid Hacıyev idarə edəcək. Hazırda "Sabah" 36 xalla 5-ci, "Səbail" isə 20 xalla 10-cu pillədə qərarlaşıb. Günün son oyunu isə "Qarabağ" və "Neftçi" komandaları arasında olacaq. Turun mərkəzi qarşılaşması Tofiq Bəhramov adına Respublika Stadionunda keçiriləcək və saat 20:00-da start götürəcək. Görüşün baş hakimi FIFA referisi Elçin Məsiyev olacaq. "Neftçi" 30 turdan sonra 35 xalla 6-cı sırada yer alıb. 73 xalla turnir cədvəlinə başçılıq edən "Qarabağ" isə bu tur çempionluğu təmin edə bilər. Bunun üçün "köhlən atlar" "Neftçi"yə qalib gəlib, ən yaxın izləyicisi olan "Zirə"nin "Sumqayıt"la matçda xal itirməsini gözləməlidir. Qeyd edək ki, turun açılış oyununda "Araz-Naxçıvan" Bakıda "Turan Tovuz"la 1:1 hesablı heç-heçə edib. Tura aprelin 20-də keçiriləcək 2 qarşılaşma ilə yekun vurulacaq.xeber100.com