5,1 bal gücündə zəlzələ qeydə alınıb

Çinin Sincan Uyğur Muxtar Rayonunda 5,1 bal gücündə zəlzələ olub.Sinxua agentliyi Çin Zəlzələ Şəbəkəsi Mərkəzinə istinadla xəbər verir ki, zəlzələ yerli vaxtla saat 19:07-də Akto qəsəbəsi yaxınlığında qeydə alınıb.Hələlik dağıntı və insan tələfatı barədə məlumat verilmir.xeber100.com

Cənubi Koreyada prezident seçkiləri keçiriləcək

Cənubi Koreya Dövlət Şurasının martın 15-də keçirilən iclasında qəbul edilən qərara əsasən, ölkədə növbədənkənar prezident seçkiləri mayın 9-na təyin olunub.Xarici KİV-lər xəbər verir ki, seçkilər prezident Pak Kın Xenin ölkədə baş verən korrupsiya qalmaqalı səbəbindən vəzifədən kənarlaşdırılmasına görə keçiriləcək. Cənubi Koreya hökumətinin bu qərarı YTN telekanalının canlı yayımında elan edilib.Sosioloji sorğuların nəticələrinə əsasən, Koreya Respublikasının prezidenti postuna ən perspektiv namizəd Demokratik Partiyanın keçmiş lideri Mun Çje İndir. O, 2012-ci ildə keçirilən seçkilərdə Pak Kın Xeyə məğlub olmuşdu.xeber100.com

NHK telekanalının məlumatına görə…

Martın 15-də ABŞ-ın dövlət katibi Reks Tillersonun Yaponiyaya səfəri başlayır. Bu, dövlət katibinin yeni vəzifədə Asiya regionuna ilk rəsmi səfəridir.NHK telekanalının bu barədə yaydığı məlumatda qeyd edilir ki, səfər zamanı gündəlikdə nəzərdə tutulan əsas mövzu Şimali Koreya məsələsi olacaq. Səfər çərçivəsində onun Baş nazir Şinzo Abe və xarici işlər naziri Fumio Kişida ilə görüşəcəyi bildirilir.R.Tillersonun regiona səfəri ərəfəsində onun köməkçisi Syuzan Tornton qeyd edib ki, ABŞ-ın yeni Prezidentinin administrasiyası Şimali Koreyaya münasibəti dəyişmək niyyətindədir. S.Tornton jurnalistlərə bildirib ki, R.Tillerson səfər çərçivəsində Şimali Koreya tərəfindən artan raket təhlükəsi ilə bağlı strategiyanın müəyyən olunması və əlaqələndirilməsi məsələlərini müzakirə edəcək.xeber100.com

Sinxua informasiya agentliyinin məlumatı

Çinin Şandun vilayətində avtobusun izdihama çırpılması faciə ilə nəticələnib.Sinxua informasiya agentliyinin yaydığı məlumata görə, insidentin qurbanları yol kənarındakı ticarət köşklərinin qarşısındakı insanlar olub. Hadisə nəticəsində 4 nəfər ölüb, 19 nəfər müxtəlif dərəcəli xəsarətlər alıb. Yaralananlardan beşinin vəziyyətinin ağır olduğu bildirilir.Qəzanın səbəbləri araşdırılır.xeber100.com

Avropada Türkiyə əleyhinə müxalifət yaradılması təklif edilib

Almaniyanın ARD1 telekanalının verilişində Avropada Türkiyə əleyhinə müxalifət yaradılması təklif edilib. Bu zaman Avropa İttifaqının (Aİ) genişlənməsi və mehriban qonşuluq məsələləri üzrə sabiq komissarı Günter Ferxoygen Ankaranı müdafiə edərək deyib ki, Türkiyə ilə münasibətlərdə yaranmış böhranın səbəbkarı Avropadır.Ferxoygen Avropanın siyasətinin səmimi olmadığını vurğulayaraq əks istiqamətdə hərəkət etməyin zəruri olduğunu bildirib.Proqramın qonaqları olan bəzi deputatların “Biz türkiyəli nazirləri istəmirik” sözlərinə Ferxoygenin cavabı, KİV-lərin yazdığına görə, “şapalaq kimi” səslənib.Almaniyalı siyasətçi bu ölkənin ərazisində 4 milyondan çox türk yaşadığını xatırladaraq bildirib ki, bu insanların türkiyəli siyasətçiləri dinləmək və onlardan məlumat almaq haqqı var.xeber100.com

Slovakiyada parlament seçkilərinə qədər…

Slovakiyanın Daxili İşlər Naziri Konstitusiyada dəyişiklik yolu ilə ölkənin təhlükəsizliyini təmin etmək üçün vətəndaşların qanuni sahib olduğu silahı tətbiq Slovakiyanın Daxili İşlər Nazirietmək hüququnu genişləndirmək niyyətindədir. Nazirlik qanuna düzəliş barədə təqdim etdiyi layihənin parlament seçkilərinə qədər tətbiq olunmasını istəyir. Beləliklə, DİN hücum zamanı insanların terrorizmə qarşı mübarizə aparmasına imkan yaratmağı planlaşdırır. Nazirliyin məlumatında, həmçinin vurğulanıb ki, bu cür terror aktları zamanı dövlət orqanlarının qətllərə və digər itkilərə çevik və effektiv mane olmaq imkanları məhduddur. Buna görə də DİN leqal silah sahiblərinə belə vəziyyətdə müdafiə tədbirləri görmək üçün imkan yaratmaq istəyir.xeber100.com

UNICEF-in hesabatına görə…

UNICEF 2016-cı ilin Suriya müharibəsində ən çox uşaq ölümü ilə nəticələnən il olduğunu açıqlayıb. BBC xəbər verir ki, qurumun hesabatına görə, ən azı 652 uşaq həyatını itirib, onlardan 255-i məktəb yaxınlığında həlak olub.Bildirilib ki, rəqəmlər yalnız rəsmi olaraq təsdiqlənmiş ölümləri əhatə edir. UNICEF, həmçinin 850 uşağın da terror qruplaşmalarına qoşulduğunu deyib. Hesabata əsasən, bu rəqəm 2015-ci ilə nisbətən iki dəfə çoxdur.UNICEF təxminən 2,3 milyon uşağın ölkədən qaçdığını, əlçatmaz bölgələrdə hələ də mühasirədə yaşayan 2,8 milyon uşağın olduğunu qeyd edib.xeber100.com

Brexit qanun layihəsinə edilən dəyişikliklər təsdiqlənməyib

Brexit qanun layihəsinə edilən son dəyişikliklər Britaniya parlamenti tərəfindən hələ də təsdiqlənməyib. Ölkənin Nazirlər Kabineti dəyişikliklərin parlamentdə qəbul edilməyəcəyini düşünür. Qanun layihəsinə dəyişikliklərin qəbul edilməsi üçün parlamentin hər iki palatasının müsbət rəy verməsi vacibdir.Yalnız bundan sonra Britaniyanın Baş naziri Tereza Mey Brexit prosesini rəsmi olaraq başlada biləcək.Hazırda Brexit prosesini rəsmi olaraq başladacaq qanun layihəsi Britaniya parlamentindədir. Qanun layihəsinin müzakirəsi üçün hətta gecə sessiyaları nəzərdə tutulub.xeber100.com

Türkiyə Xarici İşlər Nazirliyi Niderlanda nota verib

Türkiyənin Xarici İşlər Nazirliyi polisin Roterdam şəhərində bu ölkədə yaşayan türklərə və ailə məsələləri üzrə nazirə qarşı hərəkətini qeyri-proporsional hesab etdiyi barədə Niderlanda ayrı-ayrılıqda iki nota verib. Anadolu informasiya agentliyi xəbər verir ki, “birinci notada Türkiyənin təzminat tələb etmək hüququnu özündə saxlaması, Niderland hökumətindən Vyana konvensiyasını pozan insidentin təhqiq olunması və günahkarların hamısının qanun qarşısına çıxarılması barədə tələbi” öz əksini tapır.İkinci notada isə “Niderland polisinin Rotterdam şəhərində keçirilən mitinqdə dinc nümayişçilərə qarşı hərəkətinin qeyri-proporsional olması, həmçinin bu fəaliyyətin insan hüquqlarını və müvafiq Avropa sazişini pozması” qeyd edilir, eyni zamanda, “Türkiyə vətəndaşlarının Baş Konsulluğa girişini əngəlləməyin diplomatiya prinsiplərinə və beynəlxalq sazişlərə zidd olduğu” vurğulanır.Xatırladaq ki, Türkiyə və Niderland arasında diplomatik münaqişə krallıqda təhlükəsizlik mülahizələri ilə türk siyasətçilərinin konstitusiya islahatları lehinə çıxışlarına qadağa qoyulması qərarı fonunda yaranıb. Martın 11-də xarici işlər naziri Mövlud Çavuşoğlunun təyyarəsinin Niderlanda enişinə icazə verməyib. Sonradan türk diasporu qarşısında çıxış etmək üçün Almaniyadan Rotterdama gələn ailə və sosial siyasət məsələləri naziri Fatma Betül Sayan Kaya konsulluğa buraxılmayıb və o “arzuolunmaz əcnəbi” elan edilib.Niderlandın Ankaradakı müvəqqəti işlər müvəkkili Daan Feddo Husinqa insidentlə bağlı üç dəfə Türkiyənin Xarici İşlər Nazirliyinə çağırılıb. Ona “ailə və sosial siyasət məsələləri üzrə nazir Fatma Betül Sayan Kayanın Baş Konsulluğun ərazisində vətəndaşlarla görüşünə maneə olunması faktı ilə bağlı Türkiyənin qınağı” çatdırılıb.xeber100.com

5,3 bal gücündə zəlzələ baş verib

Martın 12-də səhər saatlarında Yaponiyanın şimal-şərqində yerləşən Fukuşima prefekturası yaxınlığında 5,3 bal gücündə zəlzələ baş verib.Yaponiya Milli Meteorologiya Agentliyinin yaydığı məlumata görə, yeraltı təkanlar yerli vaxtla saat 04:57 radələrində baş verib. Zəlzələnin ocağı dənizdə, 50 kilometr dərinlikdə yerləşib. Sunami təhlükəsi elan olunmayıb.Dörd bal gücündə yeraltı təkanlar 17 prefekturada, o cümlədən Miyaqi, İbaraki, Saytama, Çiba və Tokioda hiss olunub. Dağıntılar və zərərçəkənlər barədə məlumat verilmir.xeber100.com