Brexit qanun layihəsinə edilən dəyişikliklər təsdiqlənməyib

Brexit qanun layihəsinə edilən son dəyişikliklər Britaniya parlamenti tərəfindən hələ də təsdiqlənməyib. Ölkənin Nazirlər Kabineti dəyişikliklərin parlamentdə qəbul edilməyəcəyini düşünür. Qanun layihəsinə dəyişikliklərin qəbul edilməsi üçün parlamentin hər iki palatasının müsbət rəy verməsi vacibdir.Yalnız bundan sonra Britaniyanın Baş naziri Tereza Mey Brexit prosesini rəsmi olaraq başlada biləcək.Hazırda Brexit prosesini rəsmi olaraq başladacaq qanun layihəsi Britaniya parlamentindədir. Qanun layihəsinin müzakirəsi üçün hətta gecə sessiyaları nəzərdə tutulub.xeber100.com

Türkiyə Xarici İşlər Nazirliyi Niderlanda nota verib

Türkiyənin Xarici İşlər Nazirliyi polisin Roterdam şəhərində bu ölkədə yaşayan türklərə və ailə məsələləri üzrə nazirə qarşı hərəkətini qeyri-proporsional hesab etdiyi barədə Niderlanda ayrı-ayrılıqda iki nota verib. Anadolu informasiya agentliyi xəbər verir ki, “birinci notada Türkiyənin təzminat tələb etmək hüququnu özündə saxlaması, Niderland hökumətindən Vyana konvensiyasını pozan insidentin təhqiq olunması və günahkarların hamısının qanun qarşısına çıxarılması barədə tələbi” öz əksini tapır.İkinci notada isə “Niderland polisinin Rotterdam şəhərində keçirilən mitinqdə dinc nümayişçilərə qarşı hərəkətinin qeyri-proporsional olması, həmçinin bu fəaliyyətin insan hüquqlarını və müvafiq Avropa sazişini pozması” qeyd edilir, eyni zamanda, “Türkiyə vətəndaşlarının Baş Konsulluğa girişini əngəlləməyin diplomatiya prinsiplərinə və beynəlxalq sazişlərə zidd olduğu” vurğulanır.Xatırladaq ki, Türkiyə və Niderland arasında diplomatik münaqişə krallıqda təhlükəsizlik mülahizələri ilə türk siyasətçilərinin konstitusiya islahatları lehinə çıxışlarına qadağa qoyulması qərarı fonunda yaranıb. Martın 11-də xarici işlər naziri Mövlud Çavuşoğlunun təyyarəsinin Niderlanda enişinə icazə verməyib. Sonradan türk diasporu qarşısında çıxış etmək üçün Almaniyadan Rotterdama gələn ailə və sosial siyasət məsələləri naziri Fatma Betül Sayan Kaya konsulluğa buraxılmayıb və o “arzuolunmaz əcnəbi” elan edilib.Niderlandın Ankaradakı müvəqqəti işlər müvəkkili Daan Feddo Husinqa insidentlə bağlı üç dəfə Türkiyənin Xarici İşlər Nazirliyinə çağırılıb. Ona “ailə və sosial siyasət məsələləri üzrə nazir Fatma Betül Sayan Kayanın Baş Konsulluğun ərazisində vətəndaşlarla görüşünə maneə olunması faktı ilə bağlı Türkiyənin qınağı” çatdırılıb.xeber100.com

5,3 bal gücündə zəlzələ baş verib

Martın 12-də səhər saatlarında Yaponiyanın şimal-şərqində yerləşən Fukuşima prefekturası yaxınlığında 5,3 bal gücündə zəlzələ baş verib.Yaponiya Milli Meteorologiya Agentliyinin yaydığı məlumata görə, yeraltı təkanlar yerli vaxtla saat 04:57 radələrində baş verib. Zəlzələnin ocağı dənizdə, 50 kilometr dərinlikdə yerləşib. Sunami təhlükəsi elan olunmayıb.Dörd bal gücündə yeraltı təkanlar 17 prefekturada, o cümlədən Miyaqi, İbaraki, Saytama, Çiba və Tokioda hiss olunub. Dağıntılar və zərərçəkənlər barədə məlumat verilmir.xeber100.com

Zəlzələ və sunami qurbanlarının xatirəsi yad olunub

Yaponiyada bu gün yerli vaxtla saat 14:46-da (Bakı vaxtı ilə 9:46) 2011-ci il zəlzələsi və sunamisinin qurbanlarının xatirəsi bir dəqiqəlik sükutla yad olunub. Düz altı il əvvəl bu vaxt ölkənin şimal-qərb sahillərində güclü sunamiyə səbəb olan 9 bal gücündə zəlzələ baş vermişdi. Təbii fəlakət 15 mindən çox insanın ölümü ilə nəticələnmişdi.Yaponiya KİV-ləri xəbər verir ki, faciənin ildönümü ilə əlaqədar Tokio Milli Teatrında keçirilən mərasimdə Baş nazir Sindzo Abe, xarici diplomatlar və fəlakət qurbanlarının qohumları iştirak edirlər.Yaponiyanın NHK telekanalı qurbanlarla bağlı son hesablamaların nəticələrini açıqlayıb: 15 893 nəfər həlak olub, daha 2553 nəfər itkin düşmüş sayılır. Telekanalın məlumatına görə, təxliyə olunmuş 123 mindən çox insan hələ də evlərinə qayıda bilməyib.Nəhəng dalğaların zədələdiyi “Fukusima-1” atom elektrik stansiyasında qəzanın nəticələrini indiyədək tam aradan qaldırmaq mümkün olmayıb. Mütəxəssislərin hesablamalarına görə, bunun üçün azı 40 il vaxt tələb edilir.xeber100.com

BMT Təhlükəsizlik Şurasının məlumatı

Afrikanın dörd ölkəsində - Yəmən, Nigeriya, Somali və Cənubi Sudanda BMT-nin yarandığı 1945-ci ildən bəri ən böyük humanitar böhran yaşanır. Həmin ölkələrin 20 milyondan çox sakini aclıq təhlükəsi ilə üz-üzədir. Bu barədə BMT Təhlükəsizlik Şurasının iclasında çıxış edən qurumun baş katibinin humanitar məsələlər üzrə müavini Stiven O’Brayen məlumat verib.TASS informasiya agentliyi xəbər verir ki, Stiven O’Brayenin sözlərinə görə, beynəlxalq ictimaiyyət vəziyyəti nəzərə almasa, adıçəkilən ölkələrin ərazisindən bütün dünyaya yeni qaçqın dalğası başlayacaq və bu, bütöv regionlarda daha çox qeyri-sabitlik yaradacaq.“BMT-nin Yəmən, Nigeriya, Somali və Cənubi Sudanda humanitar əməliyyatların keçirilməsi ilə bağlı planı və əhaliyə kömək göstərmək üçün yüksək ixtisaslı əməkdaşları var”, - deyə o əlavə edib. O’Brayen bu planın yaxın 5 ayda reallaşması üçün 4,4 milyard dollar tələb olunduğunu vurğulayıb.xeber100.com

Dövlətlərarası münasibətlər bərpa olunur

Türkiyə Prezidenti Rəcəb Tayyib Ərdoğan Moskvaya rəsmi səfəri çərçivəsində rusiyalı həmkarı Vladimir Putinlə görüşüb.Prezident Vladimir Putin qeyd edib ki, artıq iki ölkənin dövlətlərarası münasibətləri bərpa olunur. Son vaxtlar Rusiya bu münasibətlərin hər iki ölkəyə layiq səviyyəyə qalxması üçün fəal çalışır. Dövlət başçısı xüsusi vurğulayıb ki, Rusiya ilə Türkiyənin hərbi və xüsusi xidmət idarələri arasında etimad yüksəkdir və onlar çox səmərəli əməkdaşlıq edirlər. Rusiya-Türkiyə iqtisadi-ticarət əlaqələri də bərpa olunur, sərmayələr sahəsində əməkdaşlıq və iri layihələrin həyata keçirilməsinə hazırlıq davam edir. Rusiya Prezidenti energetika sahəsində, o cümlədən “Akkuyu” atom elektrik stansiyasının inşası ilə bağlı əməkdaşlığın da yüksək səviyyədə olduğunu diqqətə çatdırıb.xeber100.com

Konstitusiya Məhkəməsinin qərarına etiraz…

Koreya Respublikasının Konstitusiya Məhkəməsi Prezident Pak Kın Heyin impiçmentini təsdiqləyib.Konstitusiya Məhkəməsinin qərarına etiraz edən Pak Kın Heyin tərəfdarları paytaxt Seulda etiraz aksiyası keçiriblər. Yonhap agentliyi məlumat verir ki, polislə toqquşmalar zamanı 2 nəfər ölüb.Pak Kın Hey impiçment nəticəsində cinayət məsuliyyətinə cəlb olunmaqla bağlı immunitetini də itirib. Bu, prokurorluq orqanlarına imkan verir ki, sabiq prezidenti istintaqa cəlb etsin. Sabiq prezidentin korrupsiya qalmaqalında adı hallanan rəfiqəsinə himayədarlıq etdiyi iddia olunur. Belə ki, Pak Kın Heyin hazırda həbsdə olan rəfiqəsi Çoy Sun-silin bəzi şirkətlərdən iri məbləğdə rüşvət aldığı bildirilir.xeber100.com

AFR Daxili İşlər Nazirliyinin məlumatına görə…

Bu il fevral ayında Almaniyaya gələn qaçqınların sayı 14 mindən bir qədər artıq olub. Onların əksəriyyəti Suriya, İraq, Eritreya və Əfqanıstandandır.AFR Daxili İşlər Nazirliyinin bu gün dərc etdiyi məlumata görə, 2017-ci ilin əvvəlindən bəri AFR-ə 29 minə yaxın qaçqın gəlib. Müqayisə üçün xatırladaq ki, 2016-cı ildə təkcə fevral ayında sığınacaq tapmaq üçün bu ölkəyə üz tutanların sayı 60 mindən çox idi.Nazir Tomas de Mezyer daha əvvəl bildirib ki, miqrantların qeyri-leqal yolla Qərbi Avropaya keçmək üçün istifadə etdikləri “Balkan marşrutu”nun bağlanması, habelə Avropa İttifaqı ilə Türkiyə arasında 2016-cı ilin ikinci rübündə bağlanmış Qaçqınlar haqqında saziş AFR-ə qaçqın axınının azalmasına kömək edib.AFR-ə qaçqın axınının azalmasının bir səbəbi də AFR-də təhlükəsiz mənşə ölkələri sayıla biləcək Əlcəzair, Mərakeş və Tunisdən olan miqrantların sayının azalmasıdır.xeber100.com

Anadolu informasiya agentliyinin məlumatı

Martın 10-da Türkiyə Prezidenti Rəcəb Tayyib Ərdoğanın Moskvaya səfəri başlayıb.Anadolu informasiya agentliyi xəbər verir ki, Türkiyə nümayəndə heyətinə xarici işlər naziri Mövlud Çavuşoğlu, ədliyyə naziri Bəkir Bozdağ, iqtisadiyyat naziri Nihat Zeybekçi, müdafiə naziri Fikri İşık, nəqliyyat, dənizçilik və kommunikasiya naziri Əhməd Arslan, energetika və təbii sərvətlər naziri Berat Albayraq, qida, əkinçilik və heyvandarlıq naziri Faruk Çelik, mədəniyyət və turizm naziri Nəbi Avcı, baş qərargah rəisi general Hulusi Akar daxildir.Rəcəb Tayyib Ərdoğan Moskvada Rusiya Prezidenti Vladimir Putinlə görüşəcək, yüksək səviyyəli əməkdaşlıq şurasının iclasında iştirak edəcək. Dövlət başçılarının iki ölkə arasında əlaqələrin yaxşılaşdırılması, regional problemlər, xüsusən Suriya məsələsi və terrorla mübarizə mövzuları ətrafında müzakirələr aparması planlaşdırılır.Türkiyə Prezidenti sazişlərin imzalanması mərasimindən və Vladimir Putinlə birgə mətbuat konfransından sonra naməlum əsgərin abidəsi önünə əklil qoyacaq.xeber100.com

ABŞ-ın Enerji İnformasiya Administrasiyasının məlumatına görə…

ABŞ-da xam neft ehtiyatları ötən hesabat həftəsində əvvəlki həftəyə görə gündəlik 8,2 milyon barrel (1,58 faiz) artaraq 528,4 milyon barrel olub.Azərtac xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb.Bu göstəricinin xam neft ehtiyatlarındakı həftəlik artım hesabatı hazırlanmağa başladığı 1992-ci ildən indiyədək maksimal həcm olduğu bildirilib.xeber100.com