Azərbaycan Gimnastika Federasiyasının məlumatına görə…

Mayın 18-dən 24-dək İspaniyanın Pamplona şəhərində bədii gimnastika üzrə “Challenge” seriyasına aid dünya kuboku yarışları keçiriləcək.Azərbaycan Gimnastika Federasiyasının mətbuat xidməti xəbər verir ki, turnirdə Azərbaycan yığması da mübarizə aparacaq.Turnirdə iştirak etmək məqsədilə Güllü Ağalarzadə, Ləman Əlimuradova, Kamilla Əliyeva, Zeynəb Hümmətova, Yelizaveta Luzan, Darya Sorokinadan ibarət qrup hərəkətləri üzrə komandamız və fərdi gimnastımız Zöhrə Ağamirova İspaniyaya yola düşüblər.xeber100.com

Şahmat üzrə “Chessable Masters” yarışı start götürəcək

Mayın 19-da şahmat üzrə nüfuzlu Çempionlar turu çərçivəsində onlayn formatda “Chessable Masters” yarışı start götürəcək.16 şahmatçının qatılacağı turnirdə Azərbaycanı Şəhriyar Məmmədyarov təmsil edəcək. Ş.Məmmədyarovdan başqa, turnirdə hazırkı dünya çempionu Maqnus Karlsen, Tari Aryan (Norveç), Vey Yu, Dinq Liren (Çin), Samuel Şenkland, Mişra Abhimanyu (ABŞ), David Guizarro (İspaniya), Rameşbabu Praqnanandha, Pentala Harikrişna, Qucarati (Hindistan), Cons Gevane (İngiltərə), Yorden Van Forrest, Aniş Giri (Niderland), Niels Qrandelius (İsveç) və kanadalı Erik Hansen iştirak edəcəklər.Şahmatçılar əvvəlcə dairəvi sistem (qələbə 3 xal, heç-heçə 1 xal) üzrə mübarizə aparacaqlar. Yekun nəticədə, 8 ən güclü şahmatçı nokaut sistemi üzrə keçiriləcək növbəti mərhələyə vəsiqə qazanacaq.Turnir mayın 26-dək davam edəcək.xeber100.com

İsrail Yüksək Liqasında 2021/2022-ci il mövsümünün çempionu müəyyənləşib

Futbol üzrə İsrail Yüksək Liqasında 2021/2022-ci il mövsümünün çempionu müəyyənləşib.Bu, “Makkabi” (Hayfa) klubu olub.Komanda 34-cü turda “Hapoel”lə (Berşeva) heç-heçə (1:1) edib və xallarının sayını 72-yə çatdırıb. Hayfa təmsilçisi mövsümün sonuna 1 tur qalmış ən yaxın izləyicisi “Hapoel”i 5 xal qabaqlayıb.Beləliklə, “Makkabi” ardıcıl ikinci dəfə İsrail çempionu olub.Qeyd edək ki, “Makkabi” tarixində 14-cü dəfə ölkə çempionluğunu qazanıb.xeber100.com

Heydər Əliyevin anadan olmasının 99-cu ildönümünə həsr edilmiş turnir keçirilib

Bakı Şəhər Gənclər və İdman Baş İdarəsi (BŞGİBİ) tərəfindən 11 nömrəli Uşaq-Gənclər İdman Məktəbində ümummilli lider Heydər Əliyevin anadan olmasının 99-cu ildönümünə həsr edilmiş şahmat turniri keçirilib.BŞGİBİ-dən verilən məlumata görə, turnirdə 130 şahmatçı İsveçrə sistemi üzrə mübarizə aparıb.Yarış 5 yaş qrupu üzrə oğlanlar və qızlar arasında keçirilib.Yaş qrupları üzrə Xalid Rəhmanov (5-6 yaş), Fateh Rzasoy (7-8 yaş), Kamran Şıxıyev (9-10 yaş), Rəhman Mehdili (11-12 yaş) və Elgün Abbasov (14-15 yaş) birinci olublar.Qaliblərə diplom və medallar təqdim edilib.xeber100.com

“ASK Arena”da AFFA Region Liqasının digər yarımfinal oyunu keçirilib

“ASK Arena”da AFFA Region Liqasının digər yarımfinal oyunu keçirilib.Finala vəsiqə qazanmaq uğrunda oyunda “Xan Lənkəran” və “Araz Naxçıvan” komandaları qarşılaşıb. Rəqibini 2:1 hesabı ilə məğlub edən “Araz Naxçıvan” Region Liqasının finalına vəsiqə qazanan digər komanda olub.Qeyd edək ki, Region Liqasının finalı – “Cəbrayıl” – “Araz Naxçıvan” qarşılaşması mayın 20-də saat 16:00-da Şamaxı şəhər stadionunda keçiriləcək.xeber100.com

İtaliya A Seriyasını tərk edən ikinci komanda da müəyyənləşib

İtaliya A Seriyasını tərk edən ikinci komanda da müəyyənləşib.37-ci turda “Napoli”yə 0:3 hesabı ilə uduzan “Cenoa” bu mövsüm B seriyasına düşən ikinci komanda olub. Daha əvvəl “Venetsiya” da yüksək liqanı tərk etmişdi.Yeni mövsümdə A Seriyasında oynamaq hüququnu itirəcək üçüncü iştirakçı isə son turda bilinəcək. Bu, ya “Salernitana”, ya da “Kalyari” olacaq.xeber100.com

Almaniya 2-ci Bundesliqasında 2021/2022-ci il mövsümünə yekun vurulub

Almaniya 2-ci Bundesliqasında 2021/2022-ci il mövsümünə yekun vurulub.Azərbaycan milli komandasının yarımmüdafiəçisi Dmitri Nazarovun çıxış etdiyi “Ersgebirge” mövsümün sonuncu matçında - 34-cü turda səfərdə Drezden “Dinamo”su ilə qarşılaşıb 1:0 hesabı ilə qalib gəlib.D.Nazarov bu matçın iştirakçısı olub. O, start heyətdə meydana çıxıb və sonadək mübarizə aparıb.Otuz dörd oyuna 26 xal toplayan “Ersgebirge” mövsümü 18 kollektiv arasında 17-ci pillədə tamamlayıb və komanda aşağı liqaya yuvarlanıb.D.Nazarov geridə qalan mövsümdə meydana çıxdığı 30 oyunda 4 qola imza atıb.xeber100.com

Sabah İtaliyada beynəlxalq şahmat festivalı start götürəcək

Sabah İtaliyada beynəlxalq şahmat festivalı start götürəcək.Yarışda Azərbaycanı Eltac Səfərli təmsil edəcək. Turnirdə 15 şahmatçı iştirak edəcək ki, onlardan da 6-sı qrosmeysterdir. İsveçrə sistemi üzrə 9 turdan ibarət olacaq yarış mayın 20-dək davam edəcək.Turnirin reytinq favoriti FIDE bayrağı altında çıxış edən rusiyalı Andrey Yesipenkodur (2709). Eltac Səfərli isə 2600 xalla reytinq cədvəlində 4-cü pillədə qərarlaşıb.xeber100.com

İngiltərə Premyer Liqasının 37-ci turunun oyunlarına start verilib

Mayın 15-də Futbol üzrə İngiltərə Premyer Liqasının 37-ci turunun oyunlarına start verilib.Turnir cədvəlinin lideri "Mançester Siti" səfərdə "Vest Ham Yunayted" komandasının qonağı olub.Gərgin keçən görüşdə qalib müəyyənləşməyib - 2:2.Bu nəticədən sonra xal ehtiyatını 90-a çatdıran Mançester təmsilçisi liderliyini davam etdirir. 56 xalı olan "Vest Ham Yunayted" 7-ci yerdə qərarlaşıb. Bir oyun az keçirən "Liverpul" isə 86 xalla ikinci yerdədir.Beləliklə, Premyer Liqanın qalibinin adı son turda müəyyənləşəcək.Turun digər görüşlərində aşağıdakı hesablar qeydə alınıb: "Tottenhem" - "Börnli" - 1:0; "Aston Villa" - "Kristal Palas" - 1:1; "Lids Yunayted" - "Brayton" - 0:1; "Vatford" - "Lester Siti" - 1:5; "Volverhemton" - "Norviç Siti" - 1:1.xeber100.com

Berlində Formula E-nin yeddinci və səkkizinci mərhələləri keçiriləcək

Formula E-nin rəhbərliyi 2022-ci il mövsümü üçün təqvimdə edilən dəyişikliyi açıqlayıb.İyulun 2-də keçirilməsi planlaşdırılan Vankuver yürüşünü Mərakeş mərhələsi əvəz edəcək.Dəyişiklik Beynəlxalq Avtomobil Federasiyası tərəfindən də təsdiqlənməlidir.Mərakeşdə yarış beşinci dəfə təşkil olunacaq. Belə ki, Mərakeş 2016-cı, 2018-2020-ci illərdə də Formula E yarışına ev sahibliyi edib.Bu həftəsonu Berlində Formula E-nin yeddinci və səkkizinci mərhələləri keçiriləcək.