Azərbaycan Premyer Liqasında III turun daha bir oyunu keçirilib

Futbol üzrə Azərbaycan Premyer Liqasında III turun daha bir oyunu keçirilib. İlk iki turda məğlub olan "Qəbələ" öz meydanında "Sumqayıt"ı qəbul edib. Görüş qonaqların 2:1 hesablı qələbəsi ilə başa çatıb. "Gənclik şəhəri" təmsilçisindən qolları 3-cü dəqiqədə İsa Suliman, 31-ci dəqiqədə Kamran Əliyev vurublar. Meydan sahiblərinin heyətində isə 53-cü dəqiqədə Osama Xalayla fərqlənib. Bu qələbədən sonra xallarını 6-ya çatdıran "Sumqayıt" zirvəyə yüksəlib. Xalı olmayan "Qəbələ" isə sonuncu pillədə qərarlaşıb. Günün digər oyununda "Səbail" "Zirə" ilə qarşılaşacaq. Qeyd edək ki, III turun açılış oyununda "Turan Tovuz" "Kəpəz"ə 2 cavabsız qolla qalib gəlib. Tura avqustun 10-da keçiriləcək "Qarabağ" "Araz-Naxçıvan" və "Sabah" - "Neftçi" matçları ilə yekun vurulacaq.xeber100.com

Azərbaycan milli komandası növbəti oyununu keçirib

Qadın voleybolçulardan ibarət Azərbaycan milli komandası Avropa çempionatında növbəti oyununu keçirib. Ataman Güneyligilin başçılıq etdiyi kollektiv “C” qrupundakı ikinci matçında ev sahibi Almaniya ilə qarşılaşıb. Görüş rəqibin 3:1 hesablı qələbəsi ilə başa çatıb. Millimiz qrupdakı ilk görüşündə Çexiya yığmasını böyük hesabla məğlub edib – 3:0. “C” qrupunun digər matçında İsveç seçməsi Yunanıstana 1:3 hesabı ilə uduzub. İlk iki turdan sonra aktivində üç xalı olan Azərbaycan millisi üçüncü pillədə qərarlaşıb. Qeyd edək ki, sentyabrın 3-dək davam edəcək qitə çempionatına Belçika, İtaliya, Almaniya və Estoniya ev sahibliyi edir. Qrupda ilk dörd pilləni tutan ölkələr 1/8 finala yüksələcəklər.xeber100.com

“Partizan” və “Sabah” komandaları arasında ikinci hissə start götürüb

Serbiyada "Partizan" və "Sabah" komandaları arasında keçirilən UEFA Konfrans Liqasının III təsnifat mərhələsinin cavab oyununda ikinci hissə start götürüb. İlk yarıdan sonra meydan sahibləri hesabda öndədirlər - 1:0. Qarşılaşmada yeganə qolu 30-cu dəqiqədə Mateus Saldanya vurub. Komandalar meydana aşağıdakı heyətlərlə çıxıblar: "Partizan": 1. Aleksandar Yovanoviç,2. Arandel Stoykoviç, 3. Mixaylo İliç, 6. Svetozar Markoviç (k), 5. Nikola Antiç, 40. Kristian Beliç, 8. Frank Kanute, 10. Bibras Natço, 7. Severina Xander, 9. Kvinsi Meniq11. Mateus Saldanya Baş məşqçi: İqor Dulyay "Sabah": 1. Yusif İmanov, 2. Amin Seydiyev, 24. Maruan Hadudi, 44. Sofian Çakla (k), 7. Boyan Letiç, 15. Kristian da Silva, 10. Aleksey İsayev, 12. Vensan Till, 9. Anatoli Nuriyev, 27. Jarl Marqarita, 18. Davit Volkov Baş məşqçi: Murad Musayev Qeyd edək ki, Bakıdakı ilk matçda Azərbaycan təmsilçisi 2:0 hesabı ilə qalib gəlib.xeber100.com

Milli komandamız Avropa çempionatında mübarizəyə başlayacaq

Qadın voleybolçulardan ibarət Azərbaycan milli komandası bu gün Avropa çempionatında mübarizəyə başlayacaq. Ataman Güneyligilin başçılıq etdiyi kollektiv C qrupundakı ilk oyununda Çexiya yığması ilə qarşılaşacaq. Almaniyanın Düsseldorf şəhərində oynanılacaq qarşılaşma Bakı vaxtı ilə saat 22:00-da start götürəcək. Bu qrupun digər matçında Türkiyə seçməsi İsveçi sınağa çəkəcək. Qeyd edək ki, C qrupunda Azərbaycan, Çexiya, Türkiyə və İsveçlə yanaşı, Almaniya və Yunanıstan komandaları da mübarizə aparacaq. Sentyabrın 3-dək davam edəcək qitə çempionatına Belçika, İtaliya, Almaniya və Estoniya ev sahibliyi edir. Qrupda ilk 4 pilləni tutan ölkələr 1/8 finala yüksələcəklər.xeber100.com

Azərbaycan Cüdo Federasiyasının məlumatı əsasında…

Müxtəlif regionlarda cüdo idman növü üzrə infrastrukturun təkmilləşdirilməsi və inkişafı Azərbaycan Cüdo Federasiyasının (ACF) əsas fəaliyyət istiqamətlərindən biridir. ACF-dən verilən məlumata görə, qurum ötən ilin əvvəlindən respublikanın müxtəlif regionlarında idman klublarının bərpasını və təmirini həyata keçirib. Avqustun 17-də isə Zirə İdman Kompleksində yeni təmir edilmiş cüdo zalı istifadəyə verilib. ACF-in vitse-prezidenti Elnur Məmmədli, baş katib Rəşad Rəsullu, qurumun prezidentinin müşaviri Natiq Bağırov, Zirə İdman Kompleksinin direktoru Vüsal Məmmədov, Zirə kəndinin nümayəndələri və digər rəsmi şəxslər cüdo zalında yaradılan şəraitlə tanış olublar. Məlumat verilib ki, federasiya tərəfindən yüksək səviyyədə təmir edilən cüdo təlim mərkəzinin ümumi sahəsi 210 kvadrat metr təşkil edir və bir “dojo” (cüdo məşq zalı) var. Cüdo zalında idmançılar üçün bütün zəruri şərait təmin edilib. Məşq zalı Beynəlxalq Cüdo Federasiyasının rəsmi təchizatçısı olan “Taishan” firmasının tatamiləri ilə təchiz olunub. İndiyə qədər Gəncə, Ağstafa, Zaqatala, Goranboy, Zəngilan rayonu Ağalı kəndi, Sabirabadda cüdo zalları istifadəyə verilib. Respublikamızın bir neçə şəhər və rayonunda isə cüdo zallarının təmiri davam etməkdədir. Həmçinin son bir il müddətində ACF tərəfindən 80-dən çox cüdo idman zalına 4000-dən çox tatami paylanılması reallaşdırılıb.xeber100.com

“Qarabağ” və “Olimpiya” arasında keçiriləcək oyununun hakimləri açıqlanıb

UEFA Avropa Liqasının pley-off mərhələsində “Qarabağ” və Sloveniyanın “Olimpiya” komandası arasında Bakıda keçiriləcək cavab oyununun hakimləri açıqlanıb. Qitə futbol qurumunun rəsmi saytı xəbər verir ki, Tofiq Bəhramov adına Respublika stadionunda oynanılacaq matç İspaniyadan olan hakimlər briqadasına tapşırılıb. Qarşılaşmanı Alexandro Ernandes idarə edəcək. Ona yan xətt hakimləri Xose Naranyo və Dieqo Sançes Royo köməklik göstərəcəklər. Dördüncü hakim isə Alexandro Munyis Ruis olacaq. Qeyd edək ki, avqustun 31-də keçiriləcək görüş saat 20:00-da başlayacaq. İlk oyun isə avqustun 24-də Lyublyanada baş tutacaq.xeber100.com

Boks üzrə yeniyetmələrdən ibarət Azərbaycan milli komandası yeni rekord vurub

Boks üzrə yeniyetmələrdən ibarət Azərbaycan milli komandası yeni rekord vurub. Federasiyadan verilən məlumata görə, komandamız bu uğura Belarusda keçirilən II MDB Oyunlarında imza atıb. Yığmanın heyətində Aynur Mikayılova (54 kq), Məhəmmədəli Qasımzadə (60 kq), Ziya Həsənov (71 kq) və Fərhad Şeydayev (75 kq) gümüş medal qazanıb. Ömər Aslanlı (54 kq), Aslan Quliyev (63,5 kq), Lalə Mədətova (48 kq), Aysu İsmayılova (50 kq), Nərmin Əlizadə (52 kq) və Qızbəs İsgəndər (60 kq) Oyunları bürünc mükafatla bitiriblər. Bununla da I MDB Oyunları ilə müqayisədə medalların sayında ikiqat yüksəliş qeydə alınıb. Komanda 4 gümüş və 6 bürünc medal əldə etməklə ikinci ilki də rəsmiləşdirib. Boksçularımız mükafat sayı ilə yanaşı, medalların əyarında da rekord müəyyənləşdirib. Bundan əlavə, Orşa şəhərində baş tutan yarışda qızlardan ibarət yığma 3 medalı 5-ə, oğlanlardan ibarət komanda 2 mükafatı 5-ə yüksəldib. 2 il öncə Rusiyanın Kazan şəhərində keçirilmiş I MDB Oyunlarında isə boksçularımızın qazancı 5 “bürünc” olub. Belarusda, həmçinin 4 gümüş medal əldə etməklə, mükafatların əyarında da ilk yaşanıb.xeber100.com  

Azərbaycan Premyer Liqasının oyunlarını idarə edəcək hakimlər açıqlanıb

Azərbaycan Premyer Liqasının III turunun oyunlarını idarə edəcək hakimlər açıqlanıb. Peşəkar Futbol Liqasının rəsmi saytına istinadən xəbər verir ki, turun mərkəzi qarşılaşması hesab olunan “Sabah”–“Neftçi” matçı FİFA referisi ƏIiyar Ağayevə tapşırılıb. Azərbaycan Premyer Liqası III tur 18 avqust (cümə) 17:00. “Kəpəz” – “Turan Tovuz” Hakimlər: Cavid Cəlilov, Zöhrab Abbasov, Şirmamed Mamedov, Əli Əliyev VAR: Rəşad Əhmədov AVAR: Cavanşir Yusifov Hakim-inspektor: Babək Quliyev AFFA nümayəndəsi: Seymur Səlimli Gəncə şəhər stadionu. 19 avqust (şənbə) 18:00. “Qəbələ” – “Sumqayıt” Hakimlər: Kamranbəy Rəhimov, Kamran Bayramov, Rəhman İmami, Kamran Əliyev Hakim-inspektor: Munis Abdullayev AFFA nümayəndəsi: Mübariz Hüseynov Qəbələ şəhər stadionu 20:00. “Səbail” – “Zirə” Hakimlər: İnqilab Məmmədov, Namiq Hüseynov, Teymur Teymurov, Fərid Hacıyev Hakim-inspektor: Rəhim Həsənov AFFA nümayəndəsi: Rüfət Əmirov “ASCO Arena” 20 avqust (bazar) 18:00. “Qarabağ” – “Araz-Naxçıvan” Hakimlər: Nicat İsmayıllı, Cəmil Quliyev, Eyyub İbrahimov, Kamal Umudlu Hakim-inspektor: Asim Xudiyev AFFA nümayəndəsi: Əsgər Əmirəliyev “Azersun Arena” 20:00. “Sabah” – “Neftçi” Hakimlər: Əliyar Ağayev, Zeynal Zeynalov, Elşad Abdullayev, Rauf Cabarov Hakim-inspektor: Barış Şimşek AFFA nümayəndəsi: Elgiz Abbasov “Bank Respublika Arena”xeber100.com

“Neftçi” və “Sabah” futbol klubları növbəti oyunlarına çıxacaqlar

Bu gün UEFA Konfrans Liqasında III təsnifat mərhələsinin cavab oyunları keçiriləcək. Azərbaycanın turnirdəki təmsilçiləri “Neftçi” və “Sabah” növbəti oyunlarına çıxacaqlar. Hər iki komanda rəqibi ilə səfərdə üz-üzə gələcək. “Neftçi” Türkiyədə “Beşiktaş”ın qonağı olacaq. Ötən həftə Bakıda 1:3 hesabı ilə məğlub olan “ağ-qaralar”ın İstanbulda bunun əvəzini çıxmaq şansı o qədər də yüksək deyil. “Sabah” isə öz meydanında iki cavabsız qolla üstələdiyi Serbiya “Partizan”ı ilə Belqradda qarşılaşacaq. Murad Musayevin kollektivi avrokuboklardakı debüt mövsümündə daha bir mərhələ adlamağa yaxındır.xeber100.com

UEFA Konfrans Liqasının III təsnifat mərhələsində

Bu gün Türkiyədə “Beşiktaş” və “Neftçi” arasında keçiriləcək UEFA Konfrans Liqasının III təsnifat mərhələsinin cavab oyununun başlama saatı dəyişdirilib. Görüş əvvəldən planlaşdırıldığı kimi Bakı vaxtı ilə saat 21:00-da başlamayacaq. Qarşılaşma nəzərdə tutulan vaxtdan 1 saat gec başlayacaq. Dəyişikliyin hansı səbəbdən edildiyi hələlik açıqlanmayıb. Qeyd edək ki, komandalar arasında Bakıda keçirilmiş ilk matçda “Neftçi” rəqibinə 1:3 hesabı ilə uduzub.xeber100.com