“Real Madrid”in xorvatiyalı yarımmüdafiəçisi müqaviləsini yeniləyəcək

“Real Madrid”in xorvatiyalı yarımmüdafiəçisi Luka Modriç klubu ilə müqaviləsini yeniləyəcək.Xarici KİV xəbər verir ki, yaxın vaxtlarda tərəflər hazırkı müqaviləni bir il yarım müddətinə - 2023-cü ilin yayınadək uzadacaqlar.Otuz altı yaşlı yarımmüdafiəçinin klubu ilə hazırkı müqaviləsi 2022-ci ilin yayınadək nəzərdə tutulub.Cari mövsüm L.Modriç “Real Madrid”in heyətində 20 oyun keçirib və 5 məhsuldar ötürmə edib.xeber100.com

“Milan” klubu sol cinah müdafiəçisi ilə yeni müqavilə imzalayacaq

İtaliyanın “Milan” klubu sol cinah müdafiəçisi Teo Hernandes ilə yeni müqavilə imzalayacaq.Bu barədə tanınmış idman jurnalisti Nikolo Şira şəxsi tviter səhifəsində paylaşım edib.Yeni müqavilə 2026-cı ilin yayınadək nəzərdə tutulub və futbolçu ilinə 4,5 milyon avro məvacib alacaq.Cari mövsüm fransalı hücuma meyilli müdafiəçi “Milan”ın heyətində bütün turnirlərdə 22 oyun keçirib, 4 qol vurub və 5 məhsuldar ötürmə ilə yadda qalıb.xeber100.com

“Səbail” klubunun futbolçusu komandadan ayrılmaq istəyir

Bakının “Səbail” klubunun futbolçusu Yurgen Qoxa komandadan ayrılmaq istəyir.lbaniyalı müdafiəçi karyerasını ölkəsində davam etdirmək niyyətindədir. Təcrübəli oyunçu ilə "Teuta" klubu yaxından maraqlanır.Bakı təmsilçisi ilə cari mövsümün sonunadək müqaviləsi olan Qoxa əməkdaşlığa qarşılıqlı razılıq əsasında xitam verilməsi üçün danışıqları davam etdirir. Hazırda Bakıda olan futbolçunun məsələsinə yaxın günlərdə aydınlıq gələcək.Qeyd edək ki, futbolçu Azərbaycanda “Səbail”dən əvvəl “Qəbələ”nin də formasını geyinib.

İspaniya Superkuboku yarışlarının yarımfinal mərhələsinə start veriləcək

Yanvarın 12-də futbol üzrə İspaniya Superkuboku yarışlarının yarımfinal mərhələsinə start veriləcək.İlk yarımfinalda iki əzəli rəqib “Barselona” və “Real Madrid” klubları üz-üzə gələcəklər. “Barselona”nın iki futbolçusu həmin oyunda komandasına kömək edə bilməyəcək. Kataloniya təmsilçinin məşqçilər korpusu Pedri və Ferran Torressin xidmətindən yararlana bilməyək. Buna səbəb Səudiyyə Ərəbistanına getməzdən əvvəl hər iki futbolçunun koronavirus testi müsbət çıxıb. Futbolçular karantinə alınıblar.Qeyd edək ki, İspaniya Superkuboku Səudiyyə Ərəbistanında keçiriləcək. Digər yarımfinalda “Atletiko Madrid” və turnirin hazırkı qalibi “Atletik Bilbao” üz-üzə gələcək. Həmin görüş yanvarın 13-də baş tutacaq. Görüşlər Bakı vaxtı ilə saat 23:00-da start götürəcək.xeber100.com

İngiltərə Premyer Liqasında 18-ci turun oyunu təxirə salınıb

Futbol üzrə İngiltərə Premyer Liqasında 18-ci turun “Everton” – “Lester” oyunu yenidən təxirə salınıb.Bu barədə Premyer Liqanın rəsmi saytı məlumat yayıb.Oyunun yanvarın 11-də keçirilməsi nəzərdə tutulsa da, “Lester” klubu bu görüşün yenidən təxirə salınmasını istəyib. Buna sözügedən komandada hələ də əksər futbolçuların koronavirusdan tam sağalmaması səbəb göstərilib.Görüşün nə vaxt keçiriləcəyinə hələ ki, qərar verilməyib.xeber100.com

İtaliya A Seriyasının 22-ci və 23-cü turlarında…

İtaliya A Seriyasının 22-ci və 23-cü turlarının bütün matçlarında stadionlara 5 min tamaşaçının buraxılmasına icazə verilib.Liqa Assambleyasının rəhbərliyi COVID-19-a yoluxma hallarındakı artım tendensiyasının qarşısını almaq məqsədilə bu barədə qərar qəbul edib.Qərara görə, bütün oyunlarda stadionların qonaq sektorları bağlı olacaq.Bu günə planlaşdırılan 21-ci turun oyunları və gələn həftə keçiriləcək Super Kubokun final matçında isə tamaşaçıların 50 faizi stadionlara buraxılacaq.xeber100.com

İtaliya A Seriyasının 21-ci turuna “Venesiya”–“Milan” oyunu ilə start verilib

Yanvarın 9-da futbol üzrə İtaliya A Seriyasının 21-ci turuna “Venesiya”–“Milan” oyunu ilə start verilib."Penco" stadionunda keçirilən görüşdə milanlılar üstün olublar - 0:3."Rossonyeri"nin heyətində Zlatan İbrahimoviç və Teo Hernandes (2) fərqləniblər.Qeyd edək ki, matçın 58-ci dəqiqəsində meydan sahibləri azlıqda qalıb. Mixael Svobida birbaşa qırmızı vərəqə alaraq meydandan kənarlaşdırılıb.Bu qələbə sayəsində "Milan" xal ehtiyatını 48-ə çatdıraraq turnir cədvəlində liderliyə yüksəlib. İki oyun az keçirən "İnter" 46 xalla ikinci yerdədir. "Venesiya" isə 17 xalla on altıncı yerdə qərarlaşıb.Turun digər görüşləri gün ərzində keçiriləcək.xeber100.com

“Kəpəz” klubu qış transfer pəncəsində heyətinə yeni futbolçu cəlb edib

Gəncənin “Kəpəz” klubu qış transfer pəncəsində heyətinə yeni futbolçu cəlb edib.Bu barədə Gəncə klubu rəsmi saytı vasitəsilə məlumat yayıb.Birinci Divizion təmsilçisi Roman Hüseynovla heyətini gücləndirib. Onunla mövsümün sonunadək müqavilə bağlanacaq. Futbolçu Gəncə təmsilçisinə Premyer Liqa klubu “Sumqayıt”dan keçib.Qeyd edək ki, R.Hüseynov 2018-ci ildə “Kəpəz” elitada çıxış edən zaman 6 ay bu komandanın formasını geyinib.xeber100.com

“Barselona” futbol klubu ikinci transferini reallaşdırıb

“Barselona” qış fasiləsində ikinci transferini reallaşdırıb.Kataloniya klubu “Ayntraxt”ın hücumçusu Fabio Blankonu heyətinə qatıb.“Valensiya”nın yetirməsi bununla 6 aylıq fasilədən sonra yenidən vətəni İspaniyaya qayıdıb. On səkkiz yaşlı forvard “Barselona” ilə 2,5 illik müqavilə imzalayıb. Anlaşmaya əsasən, İspaniyanın U-19 yığmasının üzvü əvvəlcə “Barselona”nın B komandasında çıxış edəcək.Qeyd edək ki, “Barselona”nın qış fasiləsində ilk transferi “Mançester Siti”nin hücumçusu Ferran Torres olub.xeber100.com

“Keşlə” klubu yaxın günlərdə daha bir futbolçusu ilə yollarını ayıracaq

Bakının “Keşlə” klubu yaxın günlərdə daha bir futbolçusu ilə yollarını ayıracaq.Söhbət müdafiəçi Miyuşko Boyoviçdən gedir.Monteneqrolu futbolçu ilə müqavilənin birtərəfli şəkildə pozulması gözlənilir. Legionerin əvəzində heyətə yeni əcnəbi müdafiəçinin cəlb olunması gözlənilir.Qeyd edək ki, M.Boyoviç 2019-cu ildən “Keşlə”də çıxış edir.xeber100.com