Dünya futbol məşqçilərinin reytinq cədvəli açıqlanıb

Dünya futbol məşqçilərinin reytinq cədvəli açıqlanıb.Planetin ən yaxşı 500 mütəxəssisi arasında Azərbaycan bir məşqçi - "Qarabağ"ın çalışdırıcısı Qurban Qurbanov ilə təmsil olunub. Hesabında 1592 xal olan Q.Qurbanov 223-cü pillədə qərarlaşıb.Ağdam klubunun baş məşqçisi Ole-Qunnar Sulşer, Miçel, Raymond Domenek, Eusebio di Françesko, Murat Yakın, Aleksey Mixayliçenko, Ərtoğrul Sağlam, Viktor Qoncarenko, Miodraq Bojoviç, Valeri Karpin, Paulu Souza, Tomas Doll, Filippo İnzaqi kimi tanınmışları arxada qoyub.Qeyd edək ki, siyahının ilk üç pilləsində Pep Qvardiola (2194), Yurgen Klopp (2088) və Joze Mourinyo (2065) qərarlaşıblar.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) yeni ilin ilk ayı - yanvar ayı üçün reytinq siyahısını açıqlayıb.Dünya reytinqində ön sıralarda olan Şəhriyar Məmmədyarov (2767 xal) və Teymur Rəcəbovun (2753 xal) mövqeləri dəyişməyib. Ş.Məmmədyarov 9-cu, T.Rəcəbov isə 14-cü sırada yer alıblar.Kişi şahmatçılarımızdan ilk yüzlükdə iki təmsilçimiz var. Belə ki, Qədir Hüseynov (2661 xal) 77-ci, Rauf Məmmədov isə (2656 xal) 87-ci pillədə qərarlaşıblar.Siyahıya norveçli dünya çempionu Maqnus Karlsen (2865 xal) başçılıq edir. İkinci pillədə Fransanı təmsil edən gənc istedad Alireza Firuzca (2804 xal), üçüncü yerdə isə çinli Liren Dinq (2799 xal) yer alıblar.Qadınların reytinq cədvəlində isə ilk yüzlükdə şahmatçılarımız Günay Məmmədzadə 2470 xalla 24-cü, Gülnar Məmmədova (2387 xal) 68-ci, Xanım Balacayeva (2376 xal) 79-cu pillədə qərarlaşıblar.Qadınların reytinq cədvəlinə çinli Hou Yifan (2658 xal) başçılıq edir. Rusiyalı Aleksandra Qoryaçkina (2610 xal) və hindistanlı Hampi Koneru (2586 xal) ilk üçlüyü tamamlayıblar.xeber100.com

Macarıstanın paytaxtı Budapeşt şəhərində beynəlxalq turnir başllayıb

Macarıstanın paytaxtı Budapeşt şəhərində şahmat üzrə beynəlxalq turnir start götürüb.Yarışda Azərbaycanı təmsil edən Azər Mirzəyev liderliyə yüksəlib. Təmsilçimiz 7 turdan sonra rəqiblərini xeyli qabaqlayaraq birinci pillədə qərarlaşıb. Belə ki, onun ən yaxın izləyiciləri olan yerli idmançılar Vilmos Balint və Marcell Borhy 4,5 xala malikdirlər. İsveçrə sistemi üzrə keçirilən turnir 9 turdan ibarətdir.xeber100.com

“Neftçi” klubunun heyətində ən çox oyun keçirmiş futbolçunun adı açıqlanıb

2021-ci ildə Bakını "Neftçi" klubunun heyətində ən çox oyun keçirmiş futbolçunun adı açıqlanıb.Kapitan Emin Mahmudov bu göstərici üzrə bütün komanda yoldaşlarını geridə qoyub.Otuz yaşlı yarımmüdafiəçi ötən il 38 qarşılaşmada komandanın formasını geyinib.Qeyd edək ki, E.Mahmudov 2017-ci ildən "Neftçi"də çıxış edir.xeber100.com

İngiltərə Premyer Liqasında ötən ilin ən yaxşı bombardiri seçildi

"Liverpul"un hücumçusu Məhəmməd Salah İngiltərə Premyer Liqasında ötən ilin ən yaxşı bombardiri seçilib.Misirli futbolçu ötən il Premyer Liqa oyunlarında 24 qol vurub.İlk üçlükdə "Tottenhem"dən Harri Keyn (18 qol) və "Mançester Siti"dən İlkay Gündoğan (15) yer alıblar.xeber100.com

Azərbaycan Güləş Federasiyasının məlumatı əsasında…

2021-ci il geridə qalmaq üzrədir. Pandemiya ilə əlaqədar yarış baxımından kasad olan 2020-dən fərqli, bu il kifayət qədər intensiv oldu. Dünya və Avropa çempionatları əvvəlki qaydada keçirildi. Ən əsası, bütün çətinliklərə və məhdudiyyətlərə baxmayaraq, Tokio Olimpiadası baş tutdu.Azərbaycan Güləş Federasiyası xəbər verir ki, ilin əsas yarışı olan Olimpiya Oyunlarında qazancımız 1 gümüş və 2 bürünc medal oldu. Yaponiyada Hacı Əliyev (65 kq) ikinci, Rafiq Hüseynov və Mariya Stadnik isə üçüncü yeri tutublar. Dünya çempionatlarında ümumilikdə 31 (5 qızıl, 6 gümüş, 20 bürünc), Avropa çempionatlarında isə 39 (11 qızıl, 12 gümüş, 16 bürünc) medal əldə edildi. Bundan başqa, Kazanda keçirilən ilk MDB Oyunlarında güləşçilərimiz 16 dəfə bayrağımızı yüksəyə qaldırdı. İdmanın bu növündə 6 qızıl, 4 gümüş, 6 bürünc medal qazanıldı. Güləş başqa çoxşaxəli yarışlarda olduğu kimi, MDB Oyunlarında da ölkəmizin hesabına ən çox medal gətirən idman növü oldu.Güləşçilərimiz, ümumilikdə 2021-ci ildə nüfuzlu yarışlarda 89 (22 qızıl, 23 gümüş, 44 bürünc) medal qazanıb. Bütün beynəlxalq turnirlər nəzərə alınmaqla qazancımız 143 medal olub ki, bunların da 35-i qızıl, 42-si gümüş, 66-sı isə bürüncdür.Komanda şəklində qazanılan uğurlar da az olmadı. Makedoniyada keçirilən U-23 Avropa çempionatında sərbəst güləş üzrə millimiz 1 qızıl, 3 gümüş və 3 bürünc medalla 140 xal toplayaraq 3-cü yeri tutdu. Güləşin bu növündə Almaniyada təşkil olunan gənclərin analoji yarışında da komandamız ilk “3-lüy”ü qapadı. Bu dəfə millimiz 3 qızıl, 1 gümüş medalla 119 xal əldə etdi. Gənc yunan-Roma güləşçilərimiz isə Rusiyada baş tutan dünya çempionatında eyni uğura imza atdı. “Klassiklər” 1 qızıl, 1 gümüş və 2 bürünc medalla 101 xal toplayaraq 3-cü yeri tutdu. Norveçdə keçirilən böyüklərin mundialında yunan-Roma güləşi üzrə millimiz 1 qızıl, 1 gümüş və 2 bürünc medalla 107 xal yığaraq dünya 3-sü oldu. Yeri gəlmişkən, Oslodakı nəticələrə əsasən, həm sərbəst, həm də yunan-Roma güləşi üzrə komandalarımız gələn il keçiriləcək Dünya Kubokunda iştirak hüququ qazanıb.xeber100.com    

Cüdo üzrə yığma komandamızın təlim-məşq toplanışında

Böyüklər və gənclərdən ibarət cüdo üzrə yığma komandamızın Göygöl Olimpiya Kompleksindəki təlim-məşq toplanışı başa çatıb.İlin son təlim-məşq toplanışında əsasən, Bakı, Sumqayıt, Gəncə və Qəbələdən yaşı 18-dən 31-dək olan 58 cüdoçu iştirak edib. Hazırlığa dekabrın 7-9-da keçirilmiş Azərbaycan kuboku yarışının qalib və mükafatçıları, həmçinin milli komandanın aparıcı heyətinin üzvləri də qatılıblar. Təlim-məşq toplanışının təşkilində əsas məqsəd gələn ilin yanvarın sonlarından başlayacaq beynəlxalq yarışlara cüdoçuların hazırlığını artırmaqdır.Böyüklərdən ibarət yığma komandanın kapitanı Rüstəm Orucov əsas hədəfin “Paris-2024” olduğunu bildirib: “Təlim-məşqlərdə, həm böyüklər, həm də gənclər arasında ən güclü cüdoçular hazırlıq keçirlər. Yığma üzvləri gələn il keçiriləcək turnirlərə hazırlaşırlar. Şübhəsiz, əsas hədəf Paris Yay Olimpiya Oyunlarıdır. Lakin bu nüfuzlu yarışdan əvvəl bizi Avropa və dünya çempionatları, İslam Həmrəyliyi Oyunları kimi güclü yarışlar gözləyir”.Millinin məşqçisi Elçin İsmayılov cüdoçuların hazırlıq prosesində əsasən, güc və dözümlülük məşqlərinin keçirildiyini bildirib. O, toplanışa titullu cüdoçularla yanaşı, gənc və perspektivli idmançıların da iştirak etdiklərini bildirib.xeber100.com  

“Tottenhem”in baş məşqçisi İngiltərə Premyer Liqasında yeni rekorda imza atıb

“Tottenhem” klubunun baş məşqçisi Antonio Konte İngiltərə Premyer Liqasında yeni rekorda imza atıb.Xarici KİV-ə istinadla xəbər verir ki, Konte bu rekorda İngiltərə Premyer Liqasının 20-ci turu çərçivəsində “Sauthempton” klubuna qarşı keçirilən oyunda nail olub. “Sent-Meri” stadionunda heç-heçə (1:1) bitin oyunda “Tottenhem” klubu Kontenin rəhbərliyi altında məğlubiyyətsiz oyunlar seriyasını yeddiyə çatdırıb. Bununla da Konte ilk yeddi oyunu məğlubiyyətsiz başa vuran məşqçi kimi London təmsilçisinin tarixinə düşüb.Xatırladaq ki, Antonio Konte “Tottenhem”ə baş məşqçi gələndən sonra klub keçirdiyi yeddi matçın 4-də qələbə qazanıb, 3-də isə rəqiblə heç-heçə oynayıb.xeber100.com

UEFA 2021-ci il üçün son reytinq cədvəlini açıqlayıb

UEFA futzal üzrə milli komandaların 2021-ci il üçün son reytinq cədvəlini açıqlayıb.Azərtac xəbər verir ki, hesabında 2015 xal olan Azərbaycan millisi yeddinci pillədə qərarlaşıb. Joze Alesio Da Silvanın baş məşqçi olduğu komanda ötən illə müqayisədə bir pillə geriləyib.Siyahıya 2493 xalla İspaniya millisi başçılıq edir. Rusiya 2464 xalla ikinci, Portuqaliya isə 2450 xalla üçüncü sırada yer alıblar.xeber100.com

Fransa Futbol Federasiyası final mərhələsinin oyunu barədə qərarını açıqlayıb

Fransa Futbol Federasiyasının İntizam Komitəsi “Paris” və “Olimpik” (Lion) komandaları arasında yarımçıq dayandırılmış ölkə kuboku yarışının 1/32 final mərhələsinin oyunu barədə qərarını açıqlayıb.Hər iki komanda texniki məğlubiyyət alaraq, kubok yarışından kənarlaşdırılıb. Bu səbəbdən “Nitsa” birbaşa 1/8 finala vəsiqə qazanıb.Xatırladaq ki, “Paris” – “Olimpik” matçı azarkeşlər arasında kütləvi dava səbəbindən yarımçıq dayandırılmışdı. Baş verənlərlə əlaqədar Lion təmsilçisi 52 min avro cərimələnib, azarkeşlərin cari mövsümün sonunadək komandanın səfər oyunlarında iştirakına qadağa qoyulub. “Paris” klubu isə 10 min avro cərimələnib. Aşağı liqa təmsilçisi qarşıdakı 5 ev oyununu doğma “Şarleti” stadionunda keçirə bilməyəcək.xeber100.com