UEFA Konfrans Liqasının qrup mərhələsinin beşinci turunda

Ağdamın “Qarabağ” klubunun UEFA Konfrans Liqasının qrup mərhələsinin beşinci turunda Kiprin “Omoniya” komandası ilə keçirəcəyi ev oyununun biletləri satışa çıxarılıb.Biletlərin qiyməti müvafiq olaraq 3, 5, 10, 50 və 75 manat təşkil edir.Tofiq Bəhramov adına Respublika stadionunda keçiriləcək oyuna COVID-19 pandemiyası ilə əlaqədar arena tutumunun 50 faizi qədər azarkeş tribunalara buraxılacaq.Matç gec saatlarında başa çatacağı üçün “Qarabağ” klubunun “Bakı Metropoliteni” QSC-yə ünvanladığı məktuba müsbət cavab verilib. Noyabrın 25-dən 26-na keçən gecə metronun “Gənclik”, “Nəriman Nərimanov” və “28 May” stansiyalarına giriş saat 01:00-dək sərnişinlər üçün açıq olacaq.Qeyd edək ki, noyabrın 25-də Tofiq Bəhramov adına Respublika stadionunda keçiriləcək “Qarabağ” – “Omoniya” görüşü saat 21:45-də başlayacaq. Azərbaycan təmsilçisi artıq pley-offa vəsiqəni təmin edib.xeber100.com

“Atletiko Madrid” klubu daha bir ciddi itki ilə qarşılaşıb

İspanıyanın “Atletiko Madrid” klubu daha bir ciddi itki ilə qarşılaşıb.İspaniya mətbuatı xəbər verir ki, bu dəfə komandanın portuqaliyalı hücumçusu Joao Feliks zədələnib. Onun müəyyən müddət yarışlardan kənarda qalacağı bildirilib.Xatırladaq ki, “Atletiko Madrid”in müdafiəçisi Kiran Trippye zədələndiyi, hücumçu Antuan Qrizmann isə cəzalı olduğu üçün UEFA Çempionlar Liqasının qrup mərhələsinin beşinci turunda İtaliyanın "Milan" komandası ilə oyunda iştirak etməyəcəklər.“Atletiko Madrid” - "Milan" komandaları arasındakı oyun noyabrın 24-də keçiriləcək.xeber100.com

Dekabrın 17-də 7-ci beynəlxalq super turnir keçiriləcək

Dekabrın 17-də Bakıda Azərbaycanın görkəmli şahmatçısı, Avropa çempionu, beynəlxalq qrossmeyster Vüqar Həşimovun xatirəsinə həsr olunan 7-ci beynəlxalq super turnir keçiriləcək.Azərbaycan Şahmat Federasiyasından Azərtac-a bildiriblər ki, 8 şahmatçının iştirakı ilə baş tutacaq turnir rapid və blits üzrə təşkil olunacaq. Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin, Azərbaycan Şahmat Federasiyasının dəstəyi, SOCAR-ın sponsorluğu ilə keçiriləcək. Yarışa “Fairmont Baku” oteli ev sahibliyi edəcək.Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014, 2015, 2018, 2019), Azərbaycan şahmatçısı Şəhriyar Məmmədyarov isə iki (2016, 2017) dəfə turnirin qalibi olublar.Ötən il koronavirus pandemiyası ilə əlaqədar turnir keçirilməyib.Vüqar Həşimov memorialının yeni loqosu Vüqar Həşimovun silueti əsasında hazırlanıb. Qara fonda ağ tonda təqdim olunan Vüqar Həşimovun silueti əlavə detallar olmadan, yalnız kənar cizgilərinin birrəngli təsviri əsasında yaradılıb.xeber100.com

Azərbaycan çempionatının XI turunun oyunlarına hakim təyinatları açıqlanıb

Futbol üzrə Azərbaycan çempionatının XI turunun oyunlarına hakim təyinatları açıqlanıb.Peşəkar Futbol Liqasının (PFL) məlumatına görə, üç günü əhatə edəcək tura noyabrın 19-da “Azərsun Arena”da keçiriləcək “Qarabağ” – “Keşlə” oyunu ilə start veriləcək. Kamal Umudlunun idarə edəcəyi qarşılaşma saat 19:00-da start götürəcək.Noyabrın 20-də saat 16:00-da başlayacaq “Zirə” – “Səbail” matçının baş hakimi Əliyar Ağayev olacaq. Görüş Zirə İdman Kompleksinin stadionunda oynanılacaq.Həmin gün “Bakcell Arena”da baş tutacaq “Neftçi” – “Sabah” görüşdə baş hakim funksiyasını Rəvan Həmzəzadə yerinə yetirəcək. Qarşılaşma saat 18:15-də başlayacaq.Tura noyabrın 21-də keçiriləcək “Qəbələ” - “Sumqayıt” oyunu ilə yekun vurulacaq. Rəşad Əhmədovun idarə edəcəyi qarşılaşma saat 16:00-da start götürəcək.Turun görüşləri “CBC Sport” kanalı ilə birbaşa yayımlanacaq.Qeyd edək ki, 10 turdan sonra turnir cədvəlinə 23 xalla “Qarabağ” klubu başçılıq edir. Aktivində 18 xalı olan “Qəbələ” ikinci, bir xal az toplayan “Neftçi” isə üçüncü yerdə qərarlaşıb. Digər pillələrdə müvafiq olaraq “Zirə” (16), “Sumqayıt” (11), “Keşlə” (10), “Səbail” (9) və “Sabah” (8) klubları yer alıblar.xeber100.com

Azərbaycan Gimnastika Federasiyasının məlumatına görə…

Azərbaycan Gimnastika Federasiyası (AGF) Bakının Binə qəsəbəsində yerləşən “Ümid yeri” uşaq sığınacağında xeyriyyə aksiyası keçirib.Tədbir Bakıda keçirilən batut gimnastikası, ikili mini-batut və tamblinq üzrə 35-ci dünya çempionatına həsr olunub.Xeyriyyə aksiyası çərçivəsində AGF-in əməkdaşları ilə birlikdə dünya çempionatının ulduz səfirləri - kanadalı Karen Kokbern və fransalı Devid Martin sığınacağı ziyarət ediblər.Onlar uşaq sığınacağında yaradılan şəraitlə tanış olub, onun rəhbəri və müəssisənin əməkdaşları ilə söhbət ediblər.Dünya çempionatının ulduz səfirləri “Ümid yeri” uşaq sığınacağının balaca sakinləri ilə görüşüb, onlarla söhbətləşiblər. Uşaqlar qonaqlar üçün tamaşa hazırlayıb, musiqi ifa ediblər.Ulduz səfirlər və federasiyanın əməkdaşları balacalara hədiyyələr təqdim edib, onlarla xatirə şəkilləri çəkdiriblər.Bakıda batut gimnastikası və tamblinq üzrə 35-ci dünya çempionatı noyabrın 21-dək davam edəcək. Yarışa 33 ölkədən 300-dək gimnast qatılıb. Dörd gün davam edəcək çempionatda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər. Bundan əlavə, komanda çoxnövçülüyü, eləcə də hər proqram üzrə komanda hesabında qaliblər müəyyənləşəcək.Yarışların ilkin cədvəlinə əsasən ilk iki gün təsnifat, sonuncu iki gün isə finallar keçiriləcək. Qaydalara əsasən, hər iştirakçı bir neçə proqramda çıxış edə bilər.xeber100.com

Şahmat üzrə Avropa çempionatının altıncı turunda

Sloveniyada keçirilən şahmat üzrə Avropa çempionatının altıncı turunda qadınlardan ibarət komandamız daha bir qələbə qazanıb.Təmsilçilərimizdən Ülviyyə Fətəliyeva Daniela Movilyanuyaya qalib gəlib, Xanım Balacayeva Tea Queçi, Günay Məmmədzadə Marina Brunello, Gülnar Məmmədova isə Olqa Zimina ilə bərabər oyun nümayiş etdiriblər.Beləliklə, İtaliya yığması ilə qarşılaşmada komandamız 2,5:1,5 hesablı qələbə qazanıb.Qeyd edək ki, 6-cı turda kişilərdən ibarət komandamızın Ermənistan yığması ilə qarşılaşması heç-heçə ilə başa çatıb.Avropa çempionatında kişilərin yarışında 39, qadınların mübarizəsində isə 29 komanda mübarizə aparır. Doqquz turdan ibarət çempionata noyabrın 21-də yekun vurulacaq.xeber100.com

İtaliya VAR sistemi üzrə hakimlərin danışıqlarını paylaşmağa hazırlaşır

İtaliya VAR (videoköməkçi hakim) sistemi üzrə hakimlərin danışıqlarını paylaşmağa hazırlaşır.Bu barədə İtaliya Hakimlər Komitəsinin sədri Alfredo Trentalange deyib.VAR dialoqlarının paylaşılmasında hər hansı maneə olmadığını bildirən A.Trentalange deyib: “Bizim heç nəyi gizlətmək fikrimiz yoxdur. Tezliklə bu istiqamətdə addım atacağıq və VAR danışıqlarını hər kəslə paylaşacağıq. O zaman hamı hakimlərin xoş niyyətini görəcək”.Komitə sədri VAR sisteminin futbolda haqsızlığı aradan qaldırdığını və hakimlərin ixtisaslaşması üçün yaxşı təcrübə olduğunu bildirib.xeber100.com

Avropa zonası üzrə seçmə mərhələsinə yekun vurulub

Futbol üzrə dünya çempionatının Avropa zonası üzrə seçmə mərhələsinə yekun vurulub.UEFA qrup oyunlarından sonra statistik göstəriciləri açıqlayıb. A qrupunu 1 xalla sonuncu pillədə başa vuran Azərbaycan millisi əksər göstəricilərdə ən zəiflər sırasındadır.Komandamızın heyətində yalnız Şahruddin Məhəmmədəliyev ən çox seyv edən qapıçılar sırasına düşüb ki, bu da rəqiblərin yığmamızdan güclü olduğunu göstəricisidir. Belə ki, “Qarabağ”ın qapıçısı millinin heyətində 8 oyunda 44 seyv edərək, komandasını qoldan ən çox xilas edən üçüncü qapıçıdır. O, yalnız Lixtenşteyn (Benjamin Büçel - 72 seyv) və San-Marino (Elia Benedettini - 62) yığmalarının qolkiperindən geri qalır.Ş.Məhəmmədəliyev həm də ən çox qol buraxan 6 qapıçıdan biridir. O, 18 dəfə topu tordan çıxarmalı olub. Bu baxımdan ilk “beşlik”də müvafiq olaraq Elia Benedettini (San Marino – 46 qol), Henri Bonelyo (Malta - 30), Benjamin Büçel (Lixtenşteyn - 30), Deyl Koleinq (Cəbəllütariq - 23) və Ofir Marsiano (İsrail - 21) qərarlaşıb.Vurduğu 4 qolla bu tsikldə Azərbaycan millisinin bombardiri olan Emin Mahmudov bu göstəricidə 23-39-cu yerləri bölüşdürür. Qrup mərhələsinin bombardirləri 12 qolla niderlandlı Memfis Depay və ingiltərəli Harri Keyndir.xeber100.com

Avropa zonası üzrə seçmə mərhələsində X turun növbəti oyunları keçirilib

Futbol üzrə 2022-ci il dünya çempionatının Avropa zonası üzrə seçmə mərhələsində X turun növbəti oyunları keçirilib.C, F və I qruplarında oynanılan qarşılaşmalardan sonra növbəti 2 komanda final mərhələsinə birbaşa vəsiqə əldə edib.C qrupunda doğma meydanda Bolqarıstana 4:0 hesabı ilə qalib gələn İsveçrə millisi 1-ci yerin sahibi kimi mundiala yollanıb. Səfərdə Şimali İrlandiyanın müqavimətini qıra bilməyən İtaliya yığması isə pley-offda mübarizə aparacaq.I qrupunda San-Marinonu 10 cavabsız qolla məğlub edən İngiltərə seçməsi dünya çempionatına birbaşa yollanmaq hüququ qazanıb. Qrupu 2-ci sırada tamamlayan Polşa isə final mərhələsinə getmək üçün pley-off matçları oynamalıdır.Günün bütün görüşlərində aşağıdakı hesablar qeydə alınıb: C qrupu Şimali İrlandiya – İtaliya - 0:0; İsveçrə - Bolqarıstan - 4:0. Qrupdakı vəziyyət: İsveçrə 18, İtaliya 16, Şimali İrlandiya - 9, Bolqarıstan - 8, Litva - 3. F qrupu İsrail - Farer Adaları - 3:2; Şotlandiya – Danimarka - 2:0; Avstriya – Moldova - 4:1. Qrupdakı vəziyyət: Danimarka 27, Şotlandiya 23, İsrail - 16, Avstriya - 16, Farer Adaları - 4, Moldova - 1. I qrupu San-Marino - İngiltərə - 0:10; Albaniya – Andorra - 1:0; Polşa – Macarıstan - 1:2. Qrupdakı vəziyyət: İngiltərə 26, Polşa 20, Albaniya - 18, Macarıstan - 17, Andorra - 6, San-Marino - 0.XM.xeber100.com

Azərbaycan Cüdo Federasiyasında yeni təyinatların da olacağı gözlənilir

Azərbaycan Cüdo Federasiyasının rəhbərliyində dəyişikliklərdən sonra yeni təyinatların da olacağı gözlənilir. Belə ki, yaxın zamanda federasiyanın baş katibi postuna yeni təyinat gözlənilir.Bununla bağlı Azərtac-ın sorğusunu cavablandıran qurumun baş katibi Elmar Babanlı artıq istefa ərizəsini yazdığını bildirib: “Federasiyada tutduğum vəzifədən azad olunmağım barədə ərizəmi artıq yeni rəhbərliyə təqdim etmişəm. Çox yaxın zamanda bu vəzifəyə yeni təyinatın olacağına ümid edirəm”.E.Babanlı istefa verdikdən sonra da ehtiyac yaranarsa federasiyaya kömək və dəstək verəcəyini vurğulayıb: “Bu yaxınlarda cüdo üzrə “Böyük dəbilqə” turnirinin yüksək səviyyədə təşkili üçün ciddi səy göstərdik. Yəni, federasiyanın əvvəlki texniki heyəti ehtiyac yaranarsa köməyini və dəstəyini əsirgəməyəcək. Fəaliyyətimi “Neftçi” idman klubunda baş menecer kimi davam etdirirəm”.xeber100.com