UEFA Konfrans Liqasının ikinci turunda ən yaxşı qollar açıqlanıb

UEFA Konfrans Liqasının qrup mərhələsinin ikinci turunda vurulan ən yaxşı qolları açıqlayıb.Ağdamın “Qarabağ” klubunun futbolçusu Kadi Borgesin Kiprdə “Omoniya”ya vurduğu hər iki qol ən yaxşılar siyahısında yer alıb.Daha əvvəl 24 yaşlı braziliyalının 52-ci dəqiqədəki uzun məsafədən dəqiq zərbəsini azarkeşlər həftənin ən yaxşı qolu adına layiq görüblər.Qeyd edək ki, qarşılaşma "Qarabağ"ın 4:1 hesablı qələbəsi ilə yekunlaşıb.xeber100.com

Peşəkar Futbol Liqasının məlumatı əsasında…

Futbol üzrə Azərbaycan kuboku yarışlarının 2021-2022-ci il mövsümünün iştirakçıları müəyyənləşib.Peşəkar Futbol Liqasının (PFL) rəsmi saytına istinadən xəbər verir ki, yarışda Premyer Liqanın 8 komandası ilə yanaşı, I Divizion təmsilçiləri olan “Zaqatala”, “Kəpəz”, “Qaradağ Lökbatan” və MOİK mübarizə aparacaqlar.Ölkə kuboku yarışlarının püşkatma mərasimi noyabrın 10-da AFFA-nın inzibati binasında keçiriləcək. Tədbir saat 15:00-da başlayacaq və pandemiya qaydalarına riayət olunmaqla baş tutacaq.xeber100.com    

Futbol üzrə dünya çempionatının seçmə mərhələsi çərçivəsində

Futbol üzrə dünya çempionatının seçmə mərhələsi çərçivəsində Belqraddakı Rayko Mitiç stadionunda Serbiya - Azərbaycan oyunu başlayıb.“CBC Sport” televiziya kanalı vasitəsilə canlı yayımlanan oyunu Belçikadan olan hakimlər briqadası idarə edir. Qarşılaşmanın baş hakimi Erik Lambrextsdir. Ona Rien Vanizer və Jo De Vayrdt kömək edirlər. Dördüncü hakim funksiyasını Natan Verbumen yerinə yetirir.Matçın VAR hakimi Laurens Visser, onun köməkçisi Conatan Landotdur.Serbiya millisinin start heyətində Predraq Raykoviç, Miloş Velkoviç, Matiya Nastasiç, Luka Yoviç, Stefan Mitroviç, Saşa Lukiç, Filip Kostiç, Duşan Vlahoviç, Sergey Milinkoviç-Saviç, Marko Qruyiç və Darko Lazoviç yer alıblar.Yığmamızın heyətində isə meydana Şahruddin Məhəmmədəliyev, Qara Qarayev, Azər Salahlı, Höccət Haqverdi, Maksim Medvedev, Emin Mahmudov, Renat Dadaşov, Abbas Hüseynov, Anton Krivotsyuk, Filip Ozobiç və Araz Abdullayev çıxıblar.Bu komandaların Bakıdakı oyununda Serbiya 2:1 hesabı ilə qalib gəlib. Hazırda 1 xalı olan Azərbaycan millisi qrupda sonuncu – beşinci pillədə qərarlaşıb. Serbiya isə 14 xalla hələlik qrup lideridir.xeber100.com

Azərbaycan Futzal Federasiyasının məlumatı

Futzal üzrə Yüksək Liqanın üçüncü turunun oyun cədvəli açıqlanıb.Azərbaycan Futzal Federasiyası xəbər verir ki, oktyabrın 15-də keçiriləcək turun qarşılaşmaları “Olimpik Star”da təşkil olunacaq.Tur çərçivəsində “Xilə” - EKOL, “Record club” – “Baku Fire”, “Neftçi” – “Alyans” və U-19 - Araz-Naxçıvan” matçları təşkil olunacaq.Hesabında 6 xal EKOL, “Araz-Naxçıvan” və “Baku Fire” komandaları turnir cədvəlinin ilk üç pilləsində yer alıblar. “Record club” və “Xilə” 3 xalla 4-5-ci pilləni bölüşürlər. U-19, “Alyans” və “Neftçi” klublarının hesabında xal yoxdur.xeber100.com

Futbol üzrə dünya çempionatının seçmə mərhələsi çərçivəsində

Futbol üzrə dünya çempionatının seçmə mərhələsi çərçivəsində növbəti oyununu Azərbaycan millisinə qarşı keçirəcək Serbiya yığması bu görüşə itkilərlə çıxacaq.Müdafiəçi Straxinya Pavloviç və yarımmüdafiəçi Filip Curiçiç bu oyunu buraxacaqlar.“Monako”nun 20 yaşlı mərkəz müdafiəçisi Pavloviç Lüksemburqla oyunda sarı vərəqə alaraq cəzalı duruma düşüb. İtaliyanın "Sassuolo" klubunun formasını geyinən Curiçiç də sarı vərəqə limitini doldurduğuna görə yığmamızla oyunu buraxmaq məcburiyyətində qalıb.Serbiya – Azərbaycan matçı oktyabrın 12-də Belqradda keçiriləcək.xeber100.com

Beynəlxalq Cüdo Federasiyasının məlumatına görə…

Noyabrın 5-7-də Bakıda cüdo üzrə “Böyük dəbilqə” turniri keçiriləcək.Beynəlxalq Cüdo Federasiyasının saytına istinadla xəbər verir ki, turnirə qatılacaq İsrail komandasının heyəti açıqlanıb. Belə ki, qadınların turnirində Şira Rişoni (48 kq), Gefen Primo (52 kq), Kerem Primo (57 kq), İnbal Şemeş (63 kq), İnbar Lanir (78 kq) və Raz Herşko (+78 kq) mübarizə aparacaqlar.Qeyd edək ki, indiyədək “Böyük dəbilqə” turnirində 12 ölkədən 56 idmançının iştirakı təsdiqlənib. Paytaxtımızda keçiriləcək nüfuzlu yarışda iştirak edəcək Azərbaycan komandasının heyəti isə hələ açıqlanmayıb.Cüdo üzrə “Böyük dəbilqə” turniri Bakıda 2013-cü ildən keçirilir.xeber100.com

Dünya çempionatının seçmə mərhələsi çərçivəsində

Dünya çempionatının seçmə mərhələsi çərçivəsində keçirilmiş Polşa – San-Marino oyunu meydan sahiblərinin qapıçısı Lukaş Fabianski üçün əlamətdar olub.AZƏRTAC xəbər verir ki, 36 yaşlı qapıçı Polşa millisinin heyətində vida matçını keçirib. O, bu oyuna start heyətdə başlayıb və 67-ci dəqiqədə əvəzlənib. Qarşılaşma Polşanın 5:0 hesablı qələbəsi ilə başa çatıb.Hazırda İngiltərənin “Vest Hem” komandasının uğurları üçün çalışan Fabianski Polşa yığmasında 57 oyun keçirib. O, daha əvvəl ölkəsində “Lex” və “Legiya” klublarının, həmçinin İngiltərədə “Arsenal” və “Suonsi Siti”nin də formasını geyinib.xeber100.com

Formula 1 Türkiyə Qran-Prisinin qalibi müəyyənləşib

Oktyabrın 10-da Formula 1 Türkiyə Qran-Prisinin qalibi müəyyənləşib.“İstanbul-Park” avtodromunda təşkil olunan mövsümün 16-cı yarışında “Mercedes”in pilotu Valtteri Bottas birinci olub. İlk üçlüyü “Red Bull Racing”in pilotları Maks Ferstappen və Serxio Peres tamamlayıblar.V.Bottas mövsümdə birinci, karyerasında isə onuncu qələbəsini qazanıb. Türkiyə Qran-Prisi Formula 1 tarixinə düşüb. Belə ki, yarışın tarixində 12-ci dəfədir ki, bütün pilotlar yarışı başa vurmağı bacarıblar.Beləliklə, Formula 1 üzrə dünya çempionatının Avropa mərhələsinə yekun vurulub.Pilotların siyahısına 262,5 xalla M.Ferstappen başçılıq edir. Luis Hamilton ("Mercedes") 256,5 xalla ikinci, V.Bottas isə 177 xalla üçüncü pillədə yer alıb.Konstruktorlar kubokunda "Mercedes" 433,5 xalla birincidir. Hesabında 397,5 xal olan "Red Bull Racing" ikinci, "McLaren" isə 240 xalla üçüncü yerdə qərarlaşıb.Növbəti yarış iki həftə sonra ABŞ-da təşkil olunacaq.Qeyd edək ki, iyunun 6-da Bakı şəhər halqasında təşkil edilən Formula 1 Azərbaycan Qran-Prisində "Red Bull"un pilotu Serxio Peres qalib olmuşdu.xeber100.com

Güləş üzrə dünya çempionatının səkkizinci yarış günündə

Norveçin paytaxtı Osloda güləş üzrə dünya çempionatı sona yaxınlaşır.Səkkizinci yarış günündə - oktyabrın 9-da 63, 67 və 87 kiloqram çəki dərəcələrində çıxış edən yunan-Roma güləşçiləri mübarizəyə qoşulublar.Bu gün millimizin 3 güləşçisi xalçaya çıxacaq. Belə ki, Taleh Məmmədov (63 kq) türkiyəli Mehmet Çeker, Həsrət Cəfərov (67 kq) ABŞ idmançısı Peyton Omaniya, İslam Abbasov (87 kq) gürcüstanlı Laşa Qobadze ilə qarşılaşacaq.Qeyd edək ki, Azərbaycanın sərbəst güləşçilərdən Abubakr Abakarov (86 kq) və Osman Nurməhəmmədov (92 kq) bürünc medal qazanıblar. Qadın güləşçilər yarışı medalsız bitiriblər. Yunan-Roma güləşçilərindən isə Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) isə bürünc medal əldə ediblər.xeber100.com

Milli komandaların tarixinin ən gənc futbolçularının siyahısı açıqlanıb

UEFA-ya üzv olan ölkələrin milli komandalarının tarixinin ən gənc futbolçularının siyahısı açıqlanıb.Beynəlxalq Futbol Tarixi və Statistikaları Federasiyası (IFFHS) 55 yığmanın hər birinin rekordçusunu təqdim edib.Azərbaycan millisi də siyahıda yer alıb. Komandamızın mütləq rekordçusu Araz Abdullayevdir. Yarımmüdafiəçinin millidəki debütü 16 yaş 172 günlüyündə gerçəkləşib. 2008-ci il oktyabrın 11-də ilk dəfə milli forma geyinən futbolçu iki gündən sonra yığma karyerasının 13 illiyini tamamlayacaq.Azərbaycan millisi debütantının gəncliyinə görə Avropada 13-cüdür. Yəni yalnız 12 yığmada daha gənc oyunçular olub.Avropa rekordu serbiyalı Antun Rudinskiyə məxsusdur. O, 15 yaş 32 günlüyündə milli forma geyinib.Serbiyadan başqa, Şimali İrlandiya, Macarıstan, Lüksemburq, Norveç, Çexiya, Belçika, Türkiyə, Yunanıstan, İtaliya, Ermənistan və Andorrada da daha gənc debütant olub.xeber100.com