İngiltərə Premyer Liqasının doqquzuncu turunun növbəti oyunlarında

Bu gün futbol üzrə İngiltərə Premyer Liqasının doqquzuncu turunun növbəti oyunları keçirilib.Turun ikinci oyun günündə altı oyun baş tutub.Gecənin ən məhsuldar oyunu "Stenford Bric" stadionunda qeydə alınıb.Çempionluğa iddialı "Çelsi" klubu autsayder "Norviç Siti"nin qapısına yeddi cavabsız qol keçirib.Oyunda Meyson Mount (3), Kallum Xodson-Odoi, Ris Ceyms, Benjamin Çiluel və Ceyms Arons (avtoqol) fərqləniblər.Bu nəticədən sonra xallarını 22-yə çatdıran "Çelsi" turnir cədvəlində liderliyini qoruyub. "Norviç Siti" isə iki xalla sonuncu - 20-ci yerdə qərarlaşıb."Çelsi"nin turnir cədvəlində əsas rəqibi "Mançester Siti" səfərdə "Brayton"la qarşılaşır. Həmin görüşdə Mançester təmsilçisi 3:0 öndədir.Turun digər görüşlərində aşağıdakı hesablar qeydə alınıb: "Kristal Palas" - "Nyukasl Yunayted" - 1:1; "Everton" - "Vatford" - 2:5; "Lids Yuneyted" - "Volverhemton" - 1:1; "Southemton" - "Börnli" - 2:2; "Arsenal" - "Aston Villa" - 3:1.xeber100.com

“Qarabağ” və Qazaxıstanın “Kayrat” komandalarının start heyətləri açıqlanıb

Oktyabrın 21-də UEFA Konfrans Liqasının qrup mərhələsinin üçüncü turu çərçivəsində üz-üzə gələcək Ağdamın “Qarabağ” və Qazaxıstanın “Kayrat” komandalarının start heyətləri açıqlanıb.Saat 20:45-də Tofiq Bəhramov adına Respublika Stadionunda start götürəcək oyunu ukraynalı FIFA referisi Yevgeni Aranovski idarə edəcək.Ağdam təmsilçisinin heyətində Şahruddin Məhəmmədəliyev, Tural Bayramov, Kevin Medina, Maksim Medvedev, Abbas Hüseynov, Patrik Andrade, Qara Qarayev, Abdullah Zubir, Filip Ozobiç, Kadi Borqes və İbrahim Vadji meydana çıxacaqlar.“Kayrat” klubunun ilk onbirliyində isə Stas Pokatilov, Yan Voroqovski, Nurali Alip, Rade Duqaliç, Maki Baqnak, Dino Mikanoviç, Rikardo Alves, Denis Polyakov, Neboyşa Kosoviç, Joao Paulo və Jose Kante yer alıblar.Ağdam təmsilçisinin heyətində 3 futbolçu - Xayme Romero, Bədavi Hüseynov və Elvin Cəfərquliyev zədə üzündən görüşü buraxmalı olacaqlar. Qonaq komandanın heyətində bombardir Artur Şuşenaçev və Kamo Ohanesyan meydana çıxmayacaqlar.Qeyd edək ki, hazırda “Qarabağ” 4 xalla H qrupuna liderlik edir. Ağdam təmsilçisi ilə eyni xala malik “Bazel” ikinci, 1 xalı olan “Kayrat” və “Omoniya” isə 3-4-cü pillələrdə qərarlaşıblar. Bu qrupun digər oyununda Kiprin “Omoniya” klubu İsveçrədə “Bazel” komandasının qonağı olacaq.Xatırladaq ki, “Qarabağ” klubu birinci turda “Bazel” ilə heç-heçə edib – 0:0. Qurban Qurbanovun yetirmələri ikinci turda Kiprdə “Omoniya” klubunu 4:1 hesabı ilə darmadağın ediblər.xeber100.com

UEFA Konfrans Liqasının qrup mərhələsinin üçüncü turunda

Oktyabrın 21-də UEFA Konfrans Liqasının qrup mərhələsinin üçüncü turunda “Qarabağ” doğma meydanda “Kayrat”ı məğlub edib.Tofiq Bəhramov adına Respublika Stadionunda start götürən oyunda "Kayrat" hesabı açıb. Qonaq klubun qolunu 19-cu dəqiqədə onbir metrlik cərimə zərbəsindən Jose Kante vurub. Matçın 79-cu dəqiqəsində Ramil Şeydayev hesabı bərabərləşdirməyə nail olub. Görüşün 90+1-ci dəqiqəsində Abbas Hüseynov komandasının ikinci qolunu vuraraq "Qarabağ"ı hesabda irəli keçirib.Beləliklə, "Qarabağ" öz meydanın möhtəşəm geri dönüş edərək "Kayrat"ı 2:1 hesabı ilə məğlub edib.Matçı ukraynalı FIFA referisi Yevgeni Aranovski idarə edib.Ağdam təmsilçisinin heyətində Şahruddin Məhəmmədəliyev, Tural Bayramov, Kevin Medina, Maksim Medvedev, Abbas Hüseynov, Patrik Andrade, Qara Qarayev, Abdullah Zubir, Filip Ozobiç, Kadi Borqes və İbrahim Vadji meydana çıxıblar.“Kayrat” klubunun ilk onbirliyində isə Stas Pokatilov, Yan Voroqovski, Nurali Alip, Rade Duqaliç, Maki Baqnak, Dino Mikanoviç, Rikardo Alves, Denis Polyakov, Neboyşa Kosoviç, Joao Paulo və Jose Kante yer alıblar.Ağdam təmsilçisinin heyətində 3 futbolçu - Xayme Romero, Bədavi Hüseynov və Elvin Cəfərquliyev zədə üzündən görüşü buraxmalı olublar. Qonaq komandanın heyətində bombardir Artur Şuşenaçev və Kamo Ohanesyan meydana çıxmayıblar.Qeyd edək ki, hazırda “Qarabağ” 7 xalla H qrupuna liderlik edir. Ağdam təmsilçisindən 3 xal geri qalan “Bazel” ikinci, 1 xalı olan “Kayrat” və “Omoniya” isə 3-4-cü pillələrdə qərarlaşıblar. Bu qrupun digər oyununda Kiprin “Omoniya” klubu İsveçrədə “Bazel” komandasının qonağı olacaq.Xatırladaq ki, “Qarabağ” klubu birinci turda “Bazel” ilə heç-heçə edib – 0:0. Qurban Qurbanovun yetirmələri ikinci turda Kiprdə “Omoniya” klubunu 4:1 hesabı ilə darmadağın ediblər.xeber100.com    

Türkiyənin Mersin şəhərində V beynəlxalq şahmat turniri keçiriləcək

Türkiyənin Mersin şəhərində V beynəlxalq şahmat turniri keçiriləcək.Turnirin A kateqoriyasında Misrətdin İsgəndərov, Ülvi Sadıqov, Pərviz Qasımov, Urfan Sevdimalıyev, Elvin Bayramov, Toğrul Həsənzadə, Talıb Babayev, Rəşad Zeynallı, Nərmin Kazımova, Sadiq Məmmədov, Amil Abbasov, Sadiq Qarayev və Süleyman Süleymanlı iştirak edəcəklər.Yarışda Türkiyə və Azərbaycanla yanaşı, Rusiya, Ukrayna, Hindistan, Belarus kimi ölkələrdən şahmatçılar iştirak edəcəklər. Noyabrın 11-də start götürəcək turnir İsveçrə sistemi üzrə keçiriləcək və 9 turdan ibarət olacaq.xeber100.com

“Spartak Moskva” klubu İngiltərənin “Lester” komandasını qəbul edib

Oktyabrın 20-də UEFA Avropa Liqasının qrup mərhələsində III turun daha bir oyunu keçirilib.Rusiyanın "Spartak Moskva” klubu C qrupunda İngiltərənin "Lester" komandasını qəbul edib. Moskvadakı "Spartak" stadionunda oynanılan qarşılaşma qonaqların 4:3 hesablı qələbəsi ilə başa çatıb. Matçda hesabı meydan sahibləri açıblar. Oyunun 11-ci dəqiqəsində Aleksandr Sobolyov fərqlənib. Matçın 44-cü dəqiqəsində Cordan Larsson fərqi iki topa çatdırıb. Lakin "Lester" oyunda geridönüş etməyi bacarıb. Zambiyalı hücumçu Patson Daka 45-ci, 48-ci 54-cü və 79-cu dəqiqələrdə rəqib qapısına yol tapmaqla poker edib. Qarşılaşmanın 86-cı dəqiqəsində Sobolyov dubl müəllifi olsa da, komandasını məğlubiyyətdən xilas edə bilməyib. Bu qalibiyyətdən sonra xallarını 4-ə çatdıran "Lester" 2-ci pilləyə yüksəlib. "Spartak" isə 3 xalla 3-cü sırada qərarlaşıb.Qeyd edək ki, qrupa 6 xalla Azərbaycan millisinin hücumçusu Mahir Emrelinin çıxış etdiyi Polşanın "Legiya" komandası başçılıq edir. Bir xalı olan İtaliya "Napoli"si isə sonuncudur. “Legiya” oktyabrın 21-də səfərdə “Napoli” komandası ilə görüşəcək.xeber100.com

Şahmat üzrə Avropa çempionatında 6-cı tura yekun vurulub

Müxtəlif yaş qrupları üzrə keçirilən onlayn Avropa çempionatında 6-cı tura yekun vurulub.18 yaşlı şahmatçıların yarışında Uğur İlyaslı (oğlanlar), 16 yaşlıların turnirində Ayan Allahverdiyeva (qızlar), 10 yaşlılarda isə Səadət Bəşirli (qızlar) 5,5 xalla birinci pillədə qərarlaşıblar.Digər şahmatçılarımızdan Mələk İsmayıl (18 yaş, qızlar), Şiroğlan Talıbov (16 yaş, oğlanlar), Nərmin Abdinova (14 yaş, qızlar), Cahandar Azadəliyev (12 yaş, oğlanlar) isə 4,5 xalla ön sıralarda yer alıblar.Qeyd edək ki, qitə çempionatında Azərbaycanı 44 şahmatçı təmsil edir.İsveçrə sistemi üzrə keçirilən turnir 9 turdan ibarətdir. Yarış oktyabrın 21-də başa çatacaq.xeber100.com

Futzal üzrə Avropa çempionatının final mərhələsinin püşkü atılıb

Xəbər verdiyimiz kimi, oktyabrın 18-də futzal üzrə Avropa çempionatının final mərhələsinin püşkü atılıb.Niderlandın Zeist şəhərində təşkil olunan püşkatma mərasimində iştirak edən Azərbaycan millisinin baş məşqçisi Joze Alesio Da Silva qrupumuzla bağlı fikrini bölüşüb: “Final mərhələsinə hər zaman güclü komandalar vəsiqə qazanır. Bunu nəzərə alsaq, burada asan rəqib, komanda axtarmağın mənası yoxdur. Normal qrupa düşmüşük. Bunu deməklə işimizin asan olacağına işarə etmirəm. Əksinə, çətin olacaq. Əslində, İspaniya arzulamadığım rəqibdir. Amma birinci səbətdə yer alan yığmaların biri qrupumuza düşməli idi, payımıza İspaniya düşdü. Yaxşı hazırlaşmalıyıq. Çünki komandalar bura yaxşı hazırlıq keçib gələcəklər və hər bir iştirakçının arzusu ən azı qrupdan növbəti mərhələyə vəsiqə qazanmaq olacaq”.Braziliyalı mütəxəssis qeyd edib ki, şans hər zaman var. Hər oyunda meydana çıxan millilərin şansı 50 faizə bərabər olur. Qalır bu göstəricini xeyrinə dəyişmək. Yaxşı nəticə qazanmaq üçün ciddi hazırlaşmalıyıq.Püşkə əsasən, millimiz “D” qrupunda Gürcüstan, Bosniya və Herseqovina və İspaniya komandaları ilə qarşılaşacaq. Bu qrupun oyunları Niderlandın Qroningen şəhərində keçiriləcək.xeber100.com

8 Noyabr – Zəfər Günü ilə bağlı silsilə tədbirlər keçiriləcək

8 Noyabr – Zəfər Günü ilə bağlı AFFA-nın təşkilatçılığı ilə silsilə tədbirlər keçiriləcək.AFFA-nın məlumatına görə, tədbirlər planında “Zəfər liqası”, “Zəfər kuboku” və “Zəfər festivalı”nın təşkil olunması nəzərdə tutulub.Tədbirlərin tarixləri və iştirakçılar hələ müəyyənləşməyib.xeber100.com

UEFA Avropa Konfrans Liqasının qrup mərhələsi çərçivəsində

UEFA Avropa Konfrans Liqasının qrup mərhələsi çərçivəsində keçiriləcək “Qarabağ” (Ağdam) – “Kayrat” (Qazaxıstan) oyununun hakimləri açıqlanıb.Qarşılaşmanı Ukraynadan olan hakimlər briqadası idarə edəcək. Matçın baş hakimi Yevgeni Aranovski olacaq. Ona Semyon Şlonçak və Andrey Skripka kömək edəcəklər. Dördüncü hakim funksiyasını Vitali Romanov yerinə yetirəcək.Matç oktyabrın 21-da saat 20:45-də Tofiq Bəhramov adına Respublika stadionunda start götürəcək.xeber100.com

Futbol üzrə İtaliya A Seriyasının səkkizinci turun növbəti oyununda

Oktyabrın 16-da futbol üzrə İtaliya A Seriyasının səkkizinci turun növbəti oyunu keçirilib.Turun ilk oyun günündə üç qarşılaşma olub. Gecənin ən maraqlı görüşü "San Siro" stadionunda reallaşıb."Milan" öz meydanında "Verona" komandasını qəbul edib.Görüşü daha fəal başlayan qonaqlar gözlənilmədən ardıcıl iki qol vurub. "Verona"nın heyətində Canluka Kaprari (7) və Antonin Barak (24) fərqləniblər.Fasilədən sonra hücumlarını kəsərin artıran "Milan"ın heyətində 59-cu dəqiqədə Olivye Jiru, 76-cı dəqiqədə Frank Kessi və 78-ci dəqiqədə Koray Quter (avtoqol) fərqlənərək əzmkar qələbə qazanıb.Bu qələbə sayəsində "Milan" xal ehtiyatını 22-ə çatdıraraq turnir cədvəlində liderliyə yüksəlib. "Verona" isə 8 xalla 13-cü yerdə qərarlaşıb.Turun mərkəzi qarşılaşmasında "İnter" səfərdə "Latsio"ya 3:1, "Spezia" isə öz meydanında "Salernitana"nı (2:1) məğlub edib.xeber100.com