Güləşçilər arasında dünya çempionatı davam edir

Rusiyanın Ufa şəhərində gənc güləşçilər arasında dünya çempionatı davam edir.Azərtac xəbər verir ki, yarışın son 3 günündə mübarizəyə qoşulacaq yunan-Roma güləşçilərimiz bu gün Rusiyaya yollanıblar.Heyətdə böyük məşqçi Nurəddin Rəcəbov, məşqçilər Emin Əhmədov və Zöhrab Abbasovun rəhbərliyi altında Elmir Əliyev (55 kq), Nihat Məmmədli (60 kq), Ziya Babaşov (63 kq), Həsrət Cəfərov (67 kq), Xasay Həsənli (72 kq), Elcan Məmmədov (77 kq), Murad Əhmədiyev (82 kq), Laçın Vəliyev (87 kq) və Sərxan Məmmədov (130 kq) yer alıblar.Avqustun 20-də 55, 63, 77, 87 və 130 kiloqram çəki dərəcələrində yer alan güləşçilər xalçaya çıxacaqlar. Növbəti gün digər çəki dərəcələrində pəhləvanlar mübarizəyə qoşulacaqlar.xeber100.com

Futbol üzrə 2021/2022-ci il mövsümünün püşkatma mərasimi keçirilib

Bu gün futbol üzrə Azərbaycan Birinci Divizionunun 2021/2022-ci il mövsümünün püşkatma mərasimi keçirilib.Azərtac xəbər verir ki, püşkə əsasən, ilk turda “Sumqayıt-2” – “Qaradağ Lökbatan”, “Kəpəz” – “Qəbələ-2”, “Neftçi-2” – “Sabah-2”, “Keşlə-2” – “Zaqatala”, “Turan Tovuz” – MOİK və “Səbail-2” – “Zirə-2” matçları təşkil olunacaq.İlk turda “Qarabağ-2” komandası istirahət edəcək. birinci turun görüşləri sentyabrın 13-14-də baş tutacaq.xeber100.com

“Qarabağ” futbol klubu heyətini yeni futbolçu ilə gücləndirib

Ağdamın "Qarabağ" klubu heyətini yeni futbolçu ilə gücləndirib.Azərtac kluba istinadla xəbər verir ki, Ağdam təmsilçisi seneqallı hücumçu İbrahima Vadjini transfer edib.Son klubu Norveçin "Haugesund" komandası olan 26 yaşlı forvardla üçillik müqavilə imzalanıb.Afrikalı oyunçu "Qarabağ"da 25 nömrəli formanı geyinəcək.xeber100.com

“Kasımpaşa” komandasının yeni baş məşqçisi müəyyənləşib

Türkiyənin “Kasımpaşa” komandasının yeni baş məşqçisi müəyyənləşib.Azərtac xəbər verir ki, Super Liqa təmsilçisini bundan sonra Cihat Arslan çalışdıracaq. Bu barədə klubun rəsmi saytı məlumat yayıb.Əlli bir yaşlı mütəxəssislə imzalanmış müqavilənin detalları açıqlanmayıb.Qeyd edək ki, Cihat Arslan bu vəzifədə ölkə çempionatının ilk turundan sonra istefaya göndərilən Şenol Canı əvəzləyib.xeber100.com

“Volfsburq” futbol klubu Almaniya kuboku yarışlarından kənarlaşdırılıb

"Volfsburq" futbol klubu Almaniya kuboku yarışlarından kənarlaşdırılıb.Azərtac Bundesliqa təmsilçisinin rəsmi saytına istinadla xəbər verir ki, buna komandanın əvəzetmə qaydalarını pozması səbəb olub. Baş məşqçi Van Bommel "Proyssen"ə qarşı səkkizdəbir final matçında 6 əvəzetmə edib.Qarşılaşmanın əsas vaxtı 1:1 hesabı ilə yekunlaşıb. "Volfsburq" əlavə vaxtda 3:1 hesablı qələbə qazanıb."Proyssen"in etirazından sonra Almaniya Futbol İttifaqı komandanı 2:0 hesablı qələbəyə layiq görüb.xeber100.com

UEFA Konfrans Liqasının pley-off mərhələsi çərçivəsində

UEFA Konfrans Liqasının pley-off mərhələsi çərçivəsində keçiriləcək “Qarabağ” (Ağdam) – “Aberdin” (Şotlandiya) matçının təyinatları açıqlanıb.Azərtac xəbər verir ki, oyun Sloveniyadan olan hakimlər briqadasına tapşırılıb. Baş hakim Rade Obrenoviç olacaq. Ona Yure Praprotnik və Aleksandar Kasapoviç kömək edəcəklər. Dördüncü hakim funksiyasını Asmir Saqrkoviç yerinə yetirəcək.“Qarabağ” – “Aberdin” matçı avqustun 19-da Tofiq Bəhramov adına Respublika stadionunda saat 20:00-da start götürəcək.Qeyd edək ki, bu komandalar arasında cavab matçı avqustun 26-da Şotlandiyadakı “Pittodrie Stadium”da baş tutacaq və Bakı vaxtı ilə saat 22:45-də start götürəcək.xeber100.com

“Grand Chess Tour” şahmat seriyasının dördüncü mərhələsində

ABŞ-ın Sent-Luis şəhərində Azərbaycan qrossmeysteri Şəhriyar Məmmədyarovun da qatıldığı “Grand Chess Tour” şahmat seriyasının dördüncü mərhələsi – “Saint Louis Rapid and Blitz 2021” turnirinə yekun vurulub.Azərtac xəbər verir ki, Ş.Məmmədyarov turnirin blits yarışının son 9 turunda 3 qələbə qazanıb, 2 heç-heçə edib, 4 turda məğlub olub.Şahmatçımız rapid və blits turnirlərində ümumi nəticəyə görə, 17 xalla 6-cı yeri tutub.Mərhələnin mükafat fondu 150 min ABŞ dolları təşkil edib.Xatırladaq ki, Ş.Məmmədyarov seriyanın birinci mərhələsi "Superbet Chess Classic Romania"ın qalibi olub.xeber100.com

Şahmat üzrə Aqzamov memorialının birinci turunun oyunları keçiriləcək

Avqustun 16-da Özbəkistanın paytaxtı Daşkənddə şahmat üzrə Aqzamov memorialının birinci turunun oyunları keçiriləcək.Azərtac xəbər verir ki, yarışın güclü A turnirində Azərbaycanın 3 şahmatçısı - Misrətdin İsgəndərov, Məhəmməd Muradlı və Vüqar Rəsulov iştirak edir.Hər üç idmançımız yerli şahmatçılarla mübarizə aparacaqlar. Belə ki, M.İsgəndərov Muxiddin Madaminov, M.Muradlı Qayrat Halilov, V.Rəsulov Umida Omonovla üz-üzə gələcəklər.Yarış avqustun 22-dək davam edəcək.xeber100.com

Cüdo üzrə Avropa birinciliyi start götürəcək

Latviyanın paytaxtı Riqada avqustun 17-də Azərbaycan cüdoçularının da qatılacağı yeniyetmələr arasında cüdo üzrə Avropa birinciliyi start götürəcək.Azərtac xəbər verir ki, qitə birinciliyində Azərbaycanı 14 cüdoçu təmsil edəcək. Belə ki, oğlanlar arasında Xəyal Həsənov, Babarəhim Mirzəyev (50 kq), İslam Rəhimov (55 kq), Zahir Ağazadə, Aydın Rzayev (60 kq), Qədir Hüseynov (66 kq), Məmmədrza Hacızadə, Toğrul İbrahimov (73 kq), İsmayıl Zamanov (81 kq) və Əlirza Şıxəlizadə (90 kq) medallar uğrunda mübarizə aparacaqlar. Qızların yarışında isə Leyla Dəmirova, Fəridə Mirzəyev (44 kq), Könül Əliyeva və Aydan Vəliyeva (48 kq) iştirak edəcəklər.Avqustun 19-dək davam edəcək turnirə 37 ölkədən cüdoçular qatılacaqlar.xeber100.com

Azərbaycan Milli Karate Federasiyasının məlumatına görə…

Yeniyetmə və gənc karateçilərimiz avqustun 20-22-də Finlandiyanın Tampere şəhərində Avropa çempionatında iştirak edəcəklər.Azərbaycan Milli Karate Federasiyasının (AMKF) mətbuat xidmətindən Azərtac-a bildiriblər ki, qitə çempionatında federasiyanın prezidenti Yaşar Bəşirovun rəhbərlik etdiyi milli komandanın heyətində 14-15 yaşlı yeniyetmələr arasında 10, 16-17 yaşlı gənclərdə 8, 18-21 yaşadək gənclər arasında isə 10 karateçi yer alıb.Turnirə kumite üzrə yeniyetmə və gənclərin baş məşqçisi Anar Allahverdiyev, böyük məşqçilərdən Seymur Xudaverdiyev, Nağı Mehdiyev, Şahin Atamov, Niyazi Əliyev və Anar Əhmədov (kata) yollanır.Beynəlxalq hakimlər Cahangir Babayev, Şahin Xudaverdiyev, Vüqar Kərimov və Mais Mədətov yarışın hakimləri arasında olacaq. Hakimlərdən dərəcəsini artırmaq üçün M.Mədətov, beynəlxalq kateqoriya almaq üçün isə Vüsal İsrafilov və Seymur Məmmədov Avropa Karate Federasiyasının (EKF) Hakimlər komitəsinə imtahan verəcəklər.Yeniyetmə və gənclərin 48-ci, 21 yaşadək gənclərin isə 13-cü Avropa çempionatında 45 ölkədən 1008 idmançı mübarizə aparacaq.xeber100.com