Fransada çimərlik güləşi üzrə dünya seriyası davam edir

Fransada çimərlik güləşi üzrə dünya seriyası davam edir.Azərtac xəbər verir ki, Sen-Loran-dü-Var şəhərində keçirilən birinci mərhələdə ölkəmizi 3 güləşçi təmsil edir. Mahal Novruzov, Rübail İbrahimli (hər ikisi 70 kq) və Orxan Abasov (90 kq) mübarizəyə qrup mərhələsindən start verib.Yetmiş kiloqram çəki dərəcəsində iştirakçı sayı çox olduğundan güləşçilər 4 qrupa bölünüb. C qrupunda yer alan Mahal Novruzov Portuqaliya güləşçisi üzərində inamlı qələbə qazansa da, Ukrayna idmançısına məğlub olub. D qrupunda qərarlaşan Rübail İbrahimli isə həm Fransa, həm də Yunanıstandan olan rəqiblərinə qalib gəlib.Orxan Abasov B qrupunda əvvəlcə Fransa, daha sonra isə Ukrayna güləşçisindən güclü olub və sona bir tur qalmış yarımfinala vəsiqəni təmin edib.Qrup mərhələsinin son qarşılaşmaları, eləcə də yarımfinal və final görüşləri iyulun 17-də keçiriləcək.Qeyd edək ki, yarışda beynəlxalq dərəcəli hakim Sədi Quliyev ədaləti qoruyur.xeber100.com

Cüdoçular arasında Avropa kuboku turniri start götürüb

İyulun 17-də Çexiyanın paytaxtı Praqada gənc cüdoçular arasında Avropa kuboku turniri start götürüb.Azərtac xəbər verir ki, turnirdə Azərbaycanı 11 cüdoçudan ibarət komanda təmsil edəcək. Oğlanların yarışında Cavid Piriyev, Qasım Vəlizadə (60 kq), Rəşad Quluzadə (66 kq), Murad Bəşirov (73 kq), İbrahim Ağakişiyev (81 kq), Ruslan Səfxanov (90 kq) və Yaqub İsmayılzadə (+100 kq) medallar uğrunda mübarizə aparacaqlar. Qadın cüdoçulardan isə Gülşən Bəşirova, Könül Əliyeva (48 kq), Səbinə Əliyeva (52 kq) və Nərmin Əmirli (+78 kq) birincilik uğrunda yarışacaqlar.Turnirə iyulun 18-də yekun vurulacaq.xeber100.com

Basketbol üzrə Avroliqanın növbəti mövsüm üçün püşkü atılıb

Basketbol üzrə Avroliqanın növbəti mövsüm üçün püşkü atılıb.Azərtac xəbər verir ki, mövsüm sentyabrın 30-da start götürəcək. Reqlamentə gəlincə, 18 komandanın hərəsi müntəzəm çempionatda 34 oyun keçirəcək. Aprelin 8-də müntəzəm çempionat başa çatdıqdan sonra ilk 8 yeri tutan komanda pley-offa vəsiqə qazanacaq. Daha sonra 4 klub Berlində keçirilək “Dördlər finalı”nda çıxış edəcək.Mövsümün ilk turuna gəlincə, azarkeşlər sentyabrın 30-da 4 oyun izləyəcəklər. Fransada “Monako” “Panatinaikos”la qarşılaşacaq. Təl-Əvivdə “Makkabi” “Bavariya”nı qəbul edəcək. İtaliyada keçiriləcək “Milan” ilə ÇSKA arasında oyun da maraqla gözlənilir. Günün mərkəzi matçında isə “Real” Madriddə son çempion “Anadolu Efes”lə oynayacaq.Oktyabrın 1-də isə daha 5 görüş keçiriləcək. UNİKS Kazanda “Zenit”lə münasibətlərinə aydınlıq gətirəcək. “Fənərbağça” İstanbulda “Srvena Zvezda” ilə qarşılaşacaq. Fransada ASVEL “Jalgiris”in müqavimətini qırmağa çalışacaq. “Olimpiakos” Pireydə “Baskoniya”nı, “Barselona” isə “Palau Blauqrana”da Berlinin “Alba” klubunu qəbul edəcək.xeber100.com

“Səbail” futbol klubu heyətinə yeni futbolçu qatıb

Bakının “Səbail” futbol klubu heyətinə yeni futbolçu qatıb.Azərtac klubun saytına istinadən xəbər verir ki, paytaxt təmsilçisi Cavid Tağıyevi transfer edib. 29 yaşlı yarımmüdafiəçi ilə 1+1 illik müqavilə imzalanıb. O, komandada 10 nömrəli formanı geyinəcək.Qeyd edək ki, Tağıyevin son klubu "Sabah" olub.xeber100.com

“Neftçi” futbol klubu heyətinə yeni futbolçu qatıb

Paytaxtın "Neftçi" futbol klubu heyətinə yeni futbolçu qatıb.Azərtac klubun saytına istinadla xəbər verir ki, Bakı təmsilçisi son mövsümü "Havr"da (Fransa) keçirən Romen Baskı transfer edib. 26 yaşlı fransalı yarımmüdafiəçi ilə imzalanan müqavilənin detalları açıqlanmayıb.Qeyd edək ki, R.Bask "Neftçi"də 14 nömrəli forma ilə çıxış edəcək.xeber100.com

Azərbaycan şahmatçılarının da qatıldığı dünya kuboku yarışları davam edir

Rusiyanın Soçi şəhərində Azərbaycan şahmatçılarının da qatıldığı dünya kuboku yarışları davam edir.Azərtac xəbər verir ki, bu gün şahmatçılarımız cavab oyunlarında iştirak eəcəklər. Belə ki, altmış dörddəbir finalda şahmatçılarımız Şəhriyar Məmmədyarov braziliyalı Krikor Sevaq Mexitaryan, Nicat Abasov ermənistanlı Şant Sarqsyan, Vasif Durarbəyli rusiyalı Aleksandr Predke ilə yenidən üz-üzə gələcəklər. Otuz ikidəbir finalda isə qadın şahmatçılarımız Günay Məmmədzadə sloveniyalı Laura Unuk, Gülnar Məmmədova isə gürcüstanlı Lela Javakişvili ilə qarşlaşacaq.Qeyd edək ki, təmsilçilərimizin rəqibləri ilə birinci görüşləri heç-heçə ilə başa çatıb.Xatırladaq ki, dünya kuboku iddiaçılar turnirinə vəsiqə xarakteri daşıyır.xeber100.com

“Keşlə” klubu daha bir legioner futbolçu ilə müqavilə bağlamağa hazırlaşır

“Keşlə” klubu daha bir legioner futbolçu ilə müqavilə bağlamağa hazırlaşır.Azərtac xəbər verir ki, söhbət iranlı legioner Reza Kərimidən gedir. Gənc futbolçu artıq komandaya qoşulub.“Traktorsazi”nin yetirməsi ilə yaxın günlərdə rəsmi anlaşmanın bağlanılacağı gözlənilir.xeber100.com

UEFA Çempionlar Liqasının ikinci təsnifat mərhələsinin ilk oyunları çərçivəsində

UEFA Çempionlar Liqasının ikinci təsnifat mərhələsinin ilk oyunları çərçivəsində keçiriləcək “Olimpiakos” (Yunanıstan) – “Neftçi” matçının hakim təyinatları açıqlanıb.Azərtac xəbər verir ki, oyuna Portuqaliyadan olan hakimlər təyinat alıblar. Matçın baş hakimi Silva Pineyro Joao Pedro olacaq. Ona Pereyra Kosta Tiaqo Joze və Ferreyra Ribeyro Pedro Rikardo kömək edəcəklər. Dördüncü hakim funksiyasını Fernandes Korreyra Qustavo yerinə yetirəcək.“Olimpiakos”–“Neftçi” matçı iyulun 21-də Georgios Karaiskakis stadionunda təşkil olunacaq.Qeyd edək ki, bu komandalar arasında cavab oyunu iyulun 28-də Bakıda baş tutacaq. “Neftçi” turnirin birinci mərhələsində Gürcüstanın “Dinamo” (Tbilisi) komandasını mübarizədən kənarlaşdırıb.xeber100.com

“Səbail” futbol klubu iki futbolçusu ilə müqavilənin müddətini artırıb

Bakının “Səbail” klubu iki futbolçusu ilə müqavilənin müddətini artırıb.Azərtac xəbər verir ki, bu barədə klubun mətbuat xidməti məlumat yayıb. Belə ki, paytaxt təmsilçisi Elçin Rəhimli və Mirsayib Abbasovla yeni - birillik müqavilə bağlayıb.Qeyd edək ki, M.Abbasov və E.Rəhimli 2019-cu ilin yayından “Səbail”də çıxış edir.xeber100.com

İtaliya çempionatının 2021-2022-ci il mövsümünün başlayacağı tarix açıqlanıb

Futbol üzrə İtaliya çempionatının 2021-2022-ci il mövsümünün başlayacağı tarix açıqlanıb.Azərtac İtaliya Futbol Federasiyasının rəsmi səhifəsinə istinadla xəbər verir ki, yeni mövsüm avqustun 20-də start götürəcək. Çempionata 2022-ci il mayın 22-də yekun vurulması nəzərdə tutulub.Təqvimə əsasən birinci turun mərkəzi qarşılaşması sentyabrın 18-də “Yuventus” və “Milan” komandaları arasında oynanılacaq. Yeni mövsümün 9-cu turunda (23-24 oktyabr) “İnter” və “Yuventus” arasında prinsipial oyun baş tutacaq. Milan derbisi (“Milan” – “İnter”) isə noyabrın 7-də təşkil olunacaq.Birinci turun ilk oyunları aşağıdakılardır: “Bolonya” – “Salernitana”; “Kalyari” – “Spezia”; “Empoli” – “Latsio”; “Hellas Verona” – “Sassuolo”; “İnter” – “Cenoa”; “Napoli” – “Venesiya”; “Roma” – “Fiorentina”; “Sampdoriya” – “Milan”; “Torino” – “Atalanta”; “Udineze” – Yuventus”.xeber100.com