Azərbaycan Boks Federasiyasının məlumatı əsasında…

Beynəlxalq Olimpiya Komitəsi (BOK) azərbaycanlı hakim və həkimə etimad göstərib.Azərbaycan Boks Federasiyasından Azərtac-a bildiriblər ki, BOK iki həmyerlimizi Tokio Yay Olimpiya Oyunlarına dəvət edib. Olimpiadanın boks yarışlarında referilər arasında beynəlxalq dərəcəli hakim Anar Babanlı da olacaq. Leyla Nəsirova isə Olimpiadanın boks yarışlarında həkim kimi çalışacaq.Qeyd edək ki, “Tokio-2020”də Azərbaycanın beş boksçusu mübarizə aparacaq. Ölkəmizin idman şərəfini Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (81 kq) və Məhəmməd Abdullayev (+91 kq) qoruyacaqlar.“Tokio-2020”nin boks yarışları iyulun 24-dən avqustun 8-dək “Ryoqoku Kokuqikan” idman sarayında keçiriləcək.xeber100.com

Azərbaycan milli komandasının dünya çempionatının seçmə mərhələsi çərçivəsində

Futbol üzrə Azərbaycan milli komandasının dünya çempionatının seçmə mərhələsi çərçivəsində sentyabrın 1-də Lüksemburq, ayın 4-də İrlandiya və oktyabrın 12-də Serbiya milli komandalarına qarşı keçirəcək oyunların stadionu və başlama vaxtı məlum olub.Azərtac AFFA-ya istinadla xəbər verir ki, Lüksemburqla oyun Bakı vaxtı ilə saat 22:45-də Lüksemburqdakı “Stade de Luxembourg”da, İrlandiya ilə qarşılaşma saat 20:00-da Dublindəki “Aviva”, Serbiya ilə oyun isə saat 22:45-də Belqraddakı Rayko Mitiç adına stadionda keçiriləcək.xeber100.com

Beynəlxalq Olimpiya Komitəsinin 138-ci sessiyasında

Altı idman növü Beynəlxalq Olimpiya Komitəsi (BOK) tərəfindən rəsmən tanınıb.Azərtac xəbər verir ki, bu barədə qərar BOK-un Yaponiyanın paytaxtı Tokioda keçirilən 138-ci sessiyasında qəbul olunub.Beynəlxalq Sambo Federasiyası, Beynəlxalq Çirlidinq Şurası, Beynəlxalq Muay-tay Assosiasiyası Federasiyası, Beynəlxalq Aysştok İdmanı Federasiyası, Dünya Lakross Federasiyası və Dünya Kikboksinq Təşkilatı Assosiasiyası BOK tərəfindən rəsmən tanınıb.Tanınmış idman qurumlarının bəzilərinin idmançıları 2028-ci ildə Los-Ancelesdə keçiriləcək Yay Olimpiya Oyunlarında iştirak edə bilər.Altı idman növündən yalnız biri - aysştok qış idman növüdür.xeber100.com

“Olimpiakos” və “Neftçi” komandalarının start heyətləri açıqlanıb

UEFA Çempionlar Liqasının ikinci təsnifat mərhələsinin ilk oyunları çərçivəsində üz-üzə gələcək "Olimpiakos" (Yunanıstan) və "Neftçi" (Bakı) komandalarının start heyətləri açıqlanıb.Azərtac xəbər verir ki, Bakı vaxtı ilə saat 23:00-da Yunanıstanın Pirey şəhərindəki "Georgios Karaiskakis" stadionunda keçiriləcək qarşılaşmanı portuqaliyalı referi Joao Pinyeyru idarə edəcək.Bakı təmsilçisinin start heyətində Aqil Məmmədov, Mamadu Mboc, Voislav Stankoviç, Namik Ələskərov, Emin Mahmudov, Sezar Meza Kolli, Harramiz Soareş, Mert Çelik və Yusuf Laval yer alıblar."Olimpiakos"un heyətində isə Konstantinos Tsolakis, Ruben Semedu, Məhəmməd Kamara, Andreas Buxalakis, Ahmed Hassan, Tanasis Andrutsos, Pyer Kunde, Giorqos Masuras, Svetozar Markoviç, Oleq Ryabçuk və Lazar Ranceloviç meydana çıxacaqlar.Komandalar arasında cavab oyunu bir həftə sonra Bakıda təşkil olunacaq."Neftçi" Çempionlar Liqasında mübarizəyə birinci təsnifat mərhələsindən başlayıb. Bakı təmsilçisi Gürcüstanın "Dinamo" (Tbilisi) komandasını hər iki oyunda eyni hesabla yenib - 2:1. "Olimpiakos" isə birbaşa bu mərhələdən çıxış etməyə başlayacaq.Cütün qalibi Çempionlar Liqasının üçüncü təsnifat mərhələsində "Mura" (Sloveniya) - "Lüdoqorets" (Bolqarıstan) cütünün qalibi ilə üz-üzə gələcək. Məğlub komanda isə Avropa Liqasının üçüncü təsnifat mərhələsində "Malmö" (İsveç) - HİK (Finlandiya) cütünün uduzan tərəfi ilə görüşəcək.xeber100.com

Azərbaycan Güləş Federasiyasının məlumatına görə…

Avqustun 1-dən 7-dək Tokio Olimpiadasında güləş yarışları keçiriləcək.Ölkəmizi Olimpiya Oyunlarında təmsil edəcək hər 3 güləş növü üzrə millilərimiz son hazırlıq mərhələsinə keçiblər.Azərtac Azərbaycan Güləş Federasiyasına istinadla xəbər verir ki, Göygöl Olimpiya İdman Kompleksində təlim-məşq toplanışını başa vuraraq, Bakıya qayıdan yığmalarımız Tokioya səfər ərəfəsində son 1 həftəlik hazırlıq prosesini paytaxtda keçəcəklər.Artıq Olimpiya Güləş Mərkəzində son hazırlıq mərhələsinə start verilib. Bu məşqlər əsasən taktiki-texniki çalışmalar üzərində qurulacaq. Olimpiyaçılarımız ölkə xaricindən dəvət olunmuş sınaqçı-rəqiblərlə birgə hazırlıq prosesini davam etdirəcəklər.Qeyd edək ki, komandalarımız Tokioya iyulun 27-də yollanacaq.xeber100.com

Çempionlar Liqasının ikinci təsnifat mərhələsi çərçivəsində

Bakının "Neftçi” futbol klubu Çempionlar Liqasının ikinci təsnifat mərhələsi çərçivəsində Yunanıstanın “Olimpiakos” komandasına qarşı keçirəcəyi oyunlar üçün iştirak ərizəsini UEFA-ya təqdim edib.Azərtac xəbər verir ki, siyahıda 24 futbolçu yer alıb.Baş məşqçi Samir Abasovun sərəncamında 3 qapıçı, 6 müdafiəçi, 13 yarımmüdafiəçi və 2 hücumçu var. Paytaxt klubunun yeni transferləri – Huqo Basto ilə Romen Bask da “Olimpiakos”la oyunlara sifariş olunub.Heyətdə qapıçılar - Aqil Məmmədov, Kamran İbrahimov, Əlirza Müştəbəzadə, müdafiəçilər - Mamadu Mbodj, Huqo Basto, Voyislav Stankoviç, Romen Bask, Mert Çelik, Ömər Buludov, yarımmüdafiəçilər - Emin Mahmudov, Sezar Meza Kolli, Harramiz Suares, Fəhmin Muradbəyli, İsmayıl Zülfüqarlı, Yusuf Laval, Fərid Yusifli, Sabir Buqrin, Mamadu Kane, Vüsal Əsgərov, Asim Əlizadə, Emin Zamanov, Xəyal Nəcəfov, hücumçular - Namiq Ələsgərov və Mirabdulla Abbasov yer alıblar.Qeyd edək ki, komandalar arasında ilk oyun iyulun 21-də Yunanıstanda keçiriləcək. Həmin oyuna Bakı vaxtı ilə saat 23:00-da start veriləcək. Cavab görüşü isə iyulun 28-də Bakıda baş tutacaq. "Bakcell Arena"da keçiriləcək oyunun start fiti saat 21:00-da səslənəcək.xeber100.com

Beynəlxalq Olimpiya Komitəsinin 138-ci sessiyası öz işinə başlayıb

İyulun 20-də Tokioda Beynəlxalq Olimpiya Komitəsinin (BOK) 138-ci sessiyası öz işinə başlayıb.Azərtac xəbər verir ki, sessiya iştirakçıları əvvəlcə koronavirus pandemiyasının qurbanlarının xatirəsini bir dəqiqəlik sükutla anıblar.Sessiyada çıxış edən Yaponiyanın Baş naziri Yoşihide Suqa ölkəsinin Olimpiya Oyunlarını təhlükəsiz formatda keçirməkdə qətiyyətli olduğunu bir daha vurğulayıb.Yaponiya sakinlərinin həyatının və sağlamlığının hökumət üçün prioritet təşkil etdiyini qeyd edən Baş nazir, idmançıların yarışlarda özlərini rahat hiss etmələri üçün də lazım olan bütün addımların atıldığını bildirib. “Biz Oyunların təhlükəsiz formatda keçirilməsinə qəti şəkildə hazırıq”, - deyə Y.Suqa qeyd edib.BOK prezidenti Tomas Bax isə dünya ictimaiyyətinin Olimpiadanı təşkil etdiyinə görə yapon xalqına heyran olacağını söyləyib. “Nəhayət həmin an çatacaq. Düşünürəm ki, yarışları seyr edən bir neçə milyard insan Yaponiya əhalisinə heyran olacaq”, - deyə BOK prezidenti bildirib.BOK-un cari sessiyasında Yaponiyanın pandemiya şəraitində Oyunlara hazırlıq səviyyəsi qiymətləndiriləcək. Həmçinin 2032-ci ildə Yay Olimpiya və Paralimpiya Oyunlarının Avstraliyanın Brisben şəhərində keçirilməsi barədə qərar qəbul ediləcək. Sessiya zamanı BOK-un rəhbər vəzifələrinə seçkilərin keçiriləcəyi də gözlənilir.Xatırladaq ki, Tokio Olimpiadası 2020-ci il iyulun 23-dən avqustun 9-dək keçirilməli idi. Lakin koronavirus pandemiyasına görə yarışların vaxtı bir il sonraya dəyişdirilib. Təşkilatçıların yekdil qərarına əsasən əcnəbi tamaşaçılar və Yaponiyanın altı prefekturasının sakinləri yarışlara buraxılmayacaq. Bununla yanası, ölkədə epidemioloji vəziyyət ağır olduğuna görə Oyunlar fövqəladə vəziyyət şəraitində keçiriləcək.xeber100.com

Azərbaycan şahmatçılarının da qatıldığı dünya kuboku yarışları davam edir

Rusiyanın Soçi şəhərində Azərbaycan şahmatçılarının da qatıldığı dünya kuboku yarışları davam edir.Azərtac xəbər verir ki, bu gün dünya kubokunun üçüncü mərhələsində şahmatçılar tay-brekdə mübarizə aparacaqlar. Belə ki, otuz ikidəbir finalda Şəhriyar Məmmədyarov ilə ermənistanlı Haik Martirosyan arasında hesab bərabər olduğundan şahmatçılar tay-brekdə üz-üzə gələcəklər.Qeyd edək ki, şahmatçılarımızdan yalnız Vasif Durarbəyli üçüncü mərhələdə rəqibi çexiyalı David Navaranı məğlub edərək növbəti mərhələyə vəsiqə qazanıb.Yığmamızın digər üzvləri - Nicat Abasov, Günay Məmmədzadə, Gülnar Məmmədova rəqiblərinə məğlub olaraq turniri tərk ediblər. Bundan əvvəl isə şahmatçılarımız Ülviyyə Fətəliyeva və Türkan Məmmədyarova yarışda mübarizəni dayandırıblar.Xatırladaq ki, dünya kubokunun finalçıları iddiaçılar turnirinə vəsiqə qazanacaq.xeber100.com  

UEFA Avropa Konfrans Liqasının ikinci təsnifat mərhələsində

Ağdamın "Qarabağ" futbol klubu UEFA Avropa Konfrans Liqasının ikinci təsnifat mərhələsində İsrailin "Aşdod" komandası ilə oyunlar üçün iştirak ərizəsini UEFA-ya göndərib.Azərtac klubun saytına istinadla xəbər verir ki, region təmsilçisinin açıqladığı siyahıda 22 futbolçuya yer verilib. Onların 2-i qapıçı, 7-si müdafiəçi, 8-i yarımmüdafiəçi, 6-sı isə hücumçudur.İştirak ərizəsində qapıçılardan Şahruddin Məhəmmədəliyev, Emil Balayev, müdafiəçilərdən Rahil Məmmədov, Maksim Medvedev, Marko Veşoviç, Abbas Hüseynov, Elvin Cəfərquliyev, Bədavi Hüseynov, Kevin Medina, yarımmüdafiəçilərdən Qara Qarayev, Patrik Andrade, Uroş Matiç, Abdullah Zubir, Xayme Romero, İsmayıl İbrahimli, Filip Ozobiç, Kadi Borqes, hücumçulardan Ramil Şeydayev, Ayhan Arazlı, Musa Qurbanlı, Zamiq Əliyev, Toral Bayramov və Nihad Quliyevin adı yer alıb.Qeyd edək ki, “Qarabağ”la “Aşdod” arasında ilk matç iyulun 22-si Tofiq Bəhramov adına Respublika Stadionunda keçiriləcək. Görüş 20:00-da başlayacaq. Cavab oyunu isə iyulun 29-da İsraildə olacaq.xeber100.com

Azərbaycan Gimnastika Federasiyasının məlumatına görə…

Olimpiya Oyunlarından əvvəl bədii gimnastlarımızın sonuncu sınağı İsraildə təşkil edilmiş Qran-Pri yarışları olub.Azərtac Azərbaycan Gimnastika Federasiyasına istinadla xəbər verir ki, turnirdə iştirak etmək üçün Zöhrə Ağamirova, Arzu Cəlilova, eləcə də qrup hərəkətləri komandasının heyətində Zeynəb Hümmətova, Ləman Əlimuradova, Darya Sorokina, Yelizaveta Luzan və Nərminə Səmədova Tel-Əviv şəhərinə yollanıblar.Qızlarımız komandamızın hesabına 5 bürünc medal yazdırıblar. Qrup hərəkətləri komandamız yarışda “het-trik” edib. Onlar yarışın birinci günündə çoxnövçülükdə, final günü isə həm 5 top, həm də 3 halqa və 2 cüt gürzlərlə çıxışlarına görə bürünc medal qazanıblar.Daha iki bürüncü isə komandamızın aktivinə A.Cəlilova yazdırıb. Gənclərin dünya çempionatının ikiqat mükafatçısı olan A.Cəlilova Qran-Pri ilə birlikdə keçirilmiş beynəlxalq turnirdə top və gürzlərlə çıxışına görə dubl edib. Lentlə hərəkətlərdə finala adlamış Olimpiya Oyunlarına lisenziya sahibi Z.Ağamirova isə həlledici mərhələdə 5-ci yerdə qərarlaşıb.xeber100.com