Azərbaycan Futbol Federasiyaları Assosiasiyasının məlumatı

Azərbaycan Premyer Liqası klublarının UEFA-nın bayrağı altında təşkil olunan turnirlər çərçivəsində evdə keçirəcəkləri oyunlar zamanı müvafiq stadionların ümumi azarkeş tutumunun 50 faizi qədər azarkeş tribunalara buraxılacaq.Azərtac Azərbaycan Futbol Federasiyaları Assosiasiyasının (AFFA) saytına istinadla xəbər verir ki, AFFA-nın bununla bağlı Nazirlər Kabineti yanında Operativ Qərargaha ünvanladığı müraciət müsbət cavablandırılıb.COVID-19 pandemiyası ilə əlaqədar mövcud olan bütün tələb və tövsiyələrə, sanitar-gigiyenik qaydalara əməl edilməsi barədə məlumatlar AFFA tərəfindən klublara göndəriləcək.xeber100.com

“Grand Chess Tour” şahmat seriyasının üçüncü mərhələsində…

Bu gün “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour”un blits turniri start götürüb.Azərtac xəbər verir ki, iki gün davam edəcək turnirin birinci günündə Şəhriyar Məmmədyarov 9 turda mübarizə aparır.Belə ki, şahmatçımız startda fransalı Maksim Vaşye-Laqrava uduzsa da, növbəti görüşdə rusiyalı Yan Nepomnyaşiyə və niderlandlı Jorden Van Forestə qalib gəlib. Sonrakı qarşılaşmalarda Rusiyanın daha bir şahmatçısı Aleksandr Qrişuk və polşalı Yan-Kşıştof Dudaya məğlub olan şahmatçımız 6-cı turda eks-dünya çempionu, Rusiyanı təmsil edən Harri Kasparov üzərində qələbə qazanıb. Ş.Məmmədyarov 7-ci turda ukraynalı Anton Korobova məğlub olub. Şahmatçımızın daha bir keçmiş dünya çempionu, hindistanlı Vişvanatan Anandla qarşılaşması davam edir. Ş.Məmmədyarov bu gün son görüşünü niderlandlı Aniş Giriyə qarşı keçirəcək.Qeyd edək ki, bundan əvvəl turnir çərçivəsində rapid yarışı keçirilib. Yekun nəticələrə görə Şəhriyar Məmmədyarov 9 xalla 6-cı yerdə qərarlaşıb.Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub.xeber100.com

Boksçular arasında yarımfinal mərhələsinin görüşlərinə start verilib

Tbilisidə yeniyetmə boksçular arasında Avropa birinciliyində yarımfinal mərhələsinin görüşlərinə start verilib.Azərtac xəbər verir ki, Azərbaycan millisinin üzvü Məhəmmədəli Qasımzadə (54 kq) finala gedən yolda rumıniyalı Daniel Girleanu ilə üz-üzə gəlib. Səkkizdəbir finalda Arseni Oniyenkonu (Ukrayna), ardınca Fyodor Kamanini (Estoniya) məğlub edən boksçumuz rinqdən yenə qalib ayrılıb. O, son Avropa çempionu D.Girleanuya 4:1 hesabı ilə qalib gəlib.M.Qasımzadə final görüşündə rusiyalı Boqdan Prima ilə qarşılaşacaq.Qeyd edək ki, 30 ölkədən 339 (224 oğlan, 115 qız) boksçunun mübarizə apardığı yarışda final görüşləri iyulun 11-də baş tutacaq.xeber100.com

Tennis üzrə“Böyük Dəbilqə” seriyasından ikinci yarımfinal görüşü keçirilib

İyulun 9-da tennis üzrə kişilər arasında “Böyük Dəbilqə” seriyasından London açıq turnirində (Wimbledon) ikinci yarımfinal görüşü keçirilib.Azərtac xəbər verir ki, görüşdə Novak Cokoviç (Serbiya) Kanada təmsilçisi Denis Şapovalovla ilə üz-üzə gəlib. Görüş serbiyalı tennisçinin inamlı qələbəsi ilə başa çatıb - 3:0 (7:6, 7:5, 7:5).Dörddəbir finalda Novak Cokoviç macarıstanlı Marton Fuçoviçdən (6:3, 6:4, 6:4), Denis Şapovalov isə rusiyalı Karen Xaçanovdan (4:6, 6:3, 7:5, 1:6, 4:6) güclü olub.Xatırladaq ki, yarımfinal mərhələsinin digər görüşündə Matteo Barrettini (İtaliya) Xubert Qurkaçdan (Polşa) üstün olub - 3:1 (6:3, 6:0, 6:7, 6:4)Turnirin final görüşü iyulun 11-də keçiriləcək.Qeyd edək ki, “Wimbledon” mövsümün üçüncü “Böyük Dəbilqə” turniridir. Sayca 134-cü turnirin ümumi mükafat fondu 40 milyon avro təşkil edir. Bu turnirin sonuncu çempionu 2019-cu ildə serbiyalı Novak Cokoviç olub. Ötən il pandemiya səbəbindən “Wimbledon” turniri keçirilməyib.xeber100.com

“Grand Chess Tour” şahmat seriyasının üçüncü mərhələsində

İyulun 8-də “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour”da növbəti turun partiyaları oynanılacaq.Azərtac xəbər verir ki, Şəhriyar Məmmədyarov növbəti qarşılaşmalarda ağ fiqurlarla keçmiş dünya çempionu, hindistanlı Vişvanatan Anand, qara fiqurlarla rusiyalı Aleksandr Qrişuka qarşı mübarizə aparacaq. Günün sonuncu görüşündə isə şahmatçımız Polşa təmsilçisi Yan-Kşiştov Duda ilə üz-üzə gələcək. Şahmatçımız ağ fiqurlarla oynayacaq.Qeyd edək ki, Ş.Məmmədyarov ötən üç turun nəticəsinə görə, 3 xalla ikinci pillədə qərarlaşıb.Xatırladaq ki, Ş.Məmmədyarov seriyanın birinci yarışı "Superbet Chess Classic Romania"nın qalibi olub.xeber100.com

“Avro-2020”nin ikinci yarımfinal qarşılaşmasında

İyulun 7-də “Avro-2020”nin ikinci yarımfinal qarşılaşmasında İngiltərə və Danimarka milliləri üz-üz gəliblər.Azərtac xəbər verir ki, Londondakı “Uembli” stadionunda keçirilən görüşün əsas vaxtı 1:1 hesabı ilə başa çatıb.Oyunda hesab 30-cu dəqiqədə açılıb. Danimarkalıların 21 yaşlı hücumçusu Mikkel Damsqaard cərimə zərbəsindən baxımlı qola imza atıb - 1:0. Bu, Avropa çempionatında öz qapılarını toxunulmaz saxlayan ingilislərin buraxdıqları ilk qol olub.Qoldan sonra, xüsusilə birinci hissənin sonuna yaxın təzyiqi artıraraq bir neçə qol vəziyyəti yaradan İngiltərə komandası matçın 39-cu dəqiqəsində istəyinə çatıb. İngilislərin sağ cinahdan başladığı hücumda Sakanın cərimə meydançasına Rahim Sterlinqə ötürməsini dəf etməyə çalışan kapitan Simon Kyaer avtoqola imza atıb - 1:1.İlk hissə bu hesabla başa çatıb.Qarşılaşmanın ikinci hissəsi komandaların sürətli hücumları ilə başlayıb.Lakin hər iki komandanın cəhdlərinə baxmayaraq, ikinci hissədə qapılara top vurulmayıb.Qalibi müəyyənləşdirmək üçün hər biri 15 dəqiqədən ibarət iki əlavə vaxt oynanılır.İngiltərə seçməsi D qrupunda Xorvatiya və Çexiya millilərinə minimal hesabla qalib gəlib, Şotlandiya ilə qolsuz heç-heçə edib. Komanda səkkizdəbir finalda Almaniyanı (2:0), dörddəbir finalda isə Ukraynanı (4:0) mübarizədən kənarlaşdırıb.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar. Komanda Bakı Olimpiya Stadionunda oynadığı dörddəbir final görüşündə Çexiyaya 2:1 hesabı ilə qalib gələrək yarımfinala vəsiqə qazanıb.Yarımfinal mərhələsinin birinci oyununda İtaliya və İspaniya yığmaları qarşılaşıblar. Əsas vaxtı 1:1 hesabı ilə başa çatan görüşdə İtaliya millisi 11 metrlik cərimə zərbələri seriyasında 4:2 hesabı ilə qalib gəlib.“Avro-2020”nin final matçı iyulun 11-də “Uembli” stadionunda keçiriləcək. Görüş Bakı vaxtı ilə saat 23:00-da başlayacaq.xeber100.com

“Sabah” futbol klubu heyətini yeni futbolçu ilə gücləndirib

Bakının “Sabah” klubu heyətini yeni futbolçu ilə gücləndirib.Azərtac kluba istinadla xəbər verir ki, ispaniyalı vinger Xuan Kamara bundan sonra komandanın uğurları üçün çalışacaq.İyirmi yeddi yaşlı futbolçu Polşanın “Yagelloniya” klubundan bir illik icarəyə götürülüb.Kamara karyerası ərzində İspaniyanın “Vilyarreal B”, “Barselona B”, “Barselona”, “Jirona”, “Reus Deportiu”, Polşanın “Medz Leqnitsa”, “Yagelloniya”, Rumıniyanın “Dinamo” və “Universitatya Krayova” klublarında çıxış edib. Xuan 5 oyunda İspaniya U-17 millisinin də şərəfini qoruyub.Qeyd edək ki, yeni transfer “Sabah”da 17 nömrəli formada çıxış edəcək.xeber100.com

“Paris Sen-Jermen” futbol klubu yeni transferini rəsmiləşdirib

Fransanın “Paris Sen-Jermen” klubu yeni transferini rəsmiləşdirib.Azərtac klubun rəsmi saytına istinadən xəbər verir ki, Paris təmsilçisi İspaniyanın “Real Madrid” klubundan ayrılan Serxio Ramosla müqavilə imzalayıb.Otuz yaşlı müdafiəçi ikiillik sözləşməyə qol çəkib.Qeyd edək ki, 2005-ci ildən “Real Madrid”in formasını geyinmiş Serxio Ramos bu komandanın heyətində 5 dəfə İspaniya çempionu, 4 dəfə UEFA Çempionlar Liqasının qalibi olub, 4 dəfə İspaniya Super Kuboku və 1 dəfə klublararası dünya çempionluğu qazanıb. Həmçinin o, hərəyə 2 dəfə İspaniya kuboku və UEFA Super kubokunda qələbə sevinci yaşayıb.xeber100.com

İtaliya – İspaniya qarşılaşmasının əsas vaxtı 1:1 hesabı ilə başa çatıb

İyulun 6-da futbol üzrə 16-cı Avropa çempionatının yarımfinal mərhələsinin ilk oyununun - İtaliya - İspaniya qarşılaşmasının əsas vaxtı 1:1 hesabı ilə başa çatıb.Azərtac xəbər verir ki, Londonun “Uembli” stadionunda keçirilən matçın ilk hissəsi qolsuz heç-heçə ilə başa çatıb.Qarşılaşmada hesab 60-cı dəqiqədə açılıb. İtaliyalıların qapıçı Donnarumma ilə başlatdığı sürətli əks-hücumu Federiko Kieza cərimə meydançasından kənardan vurduğu baxımlı zərbə ilə dəqiq tamamlayıb - 1:0.İspaniya yığması bu qola matçın 80-ci dəqiqəsində Alvaro Moratanın Olmonun gözəl ötürməsindən sonra vurduğu topla cavab verib - 1:1.Qalan dəqiqələrdə hesab dəyişməyib və görüşün əsas vaxtı heç-heçə başa çatıb.Qalibi müəyyənləşdirmək üçün hazırda əlavə vaxt oynanılır.Final mərhələsinin digər iştirakçısı iyulun 7-də “Uembli” stadionunda keçiriləcək İngiltərə - Danimarka oyunundan sonra müəyyənləşəcək. Həmin görüş Bakı vaxtı ilə saat 23:00-da başlayacaq.“Avro-2020”nin final matçı iyulun 11-də “Uembli” stadionunda keçiriləcək.xeber100.com

Azərbaycan Boks Federasiyasının məlumatı əsasında…

Tokio Yay Olimpiya Oyunlarına hazırlaşan kişi boksçulardan ibarət Azərbaycan milli komandası İtaliyada beynəlxalq təlim-məşq toplanışında iştirak edir.Azərbaycan Boks Federasiyasından Azərtac-a bildiriblər ki, yığmamız Assizi şəhərindəki Boks Akademiyasında 10-dək ölkənin qatıldığı təlim-məşq toplanışında İtaliya, Kolumbiya, Hindistan, Ekvador, Peru və digər yığmalarla birgə məşqləri davam etdirir.Boksçularımız Assizidə əsasən fiziki və taktiki hazırlıq üzrə çalışırlar. Onların növbəti günlərdə sınaq görüşləri də planlaşdırılır. Toplanışa “Tokio-2020”yə lisenziya qazanan Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (81 kq) və Məhəmməd Abdullayev (+91 kq) qatılıblar. Umberto Orta Dominqesin baş məşqçisi olduğu millimiz iyulun 18-dək İtaliyada hazırlıq keçdikdən sonra Olimpiadanın təşkil olunacağı Tokioya yollanacaq.Qeyd edək ki, Tokio Olimpiadasının boks yarışları iyulun 24-də start götürəcək və avqustun 8-də başa çatacaq. Qarşılaşmalar “Ryoqoku Kokuqikan” İdman Sarayında keçiriləcək.xeber100.com