Boksçular arasında Avropa birinciliyinə yekun vurulub

Tbilisidə yeniyetmə boksçular arasında Avropa birinciliyinə yekun vurulub.Azərtac xəbər verir ki, Azərbaycan millisinin üzvü Məhəmmədəli Qasımzadə (54 kq) yarışı gümüş medalla başa vurub. Belə ki, boksçumuz ardıcıl olaraq Arseni Oniyenkonu (Ukrayna), Fyodor Kamanini (Estoniya) və Daniel Girleanunu (Rumıniya) məğlub etsə də, finalda rusiyalı Boqdan Primanın öhdəsindən gələ bilməyib. Gərgin idman mübarizəsi şəraitində keçən döyüş rəqibin qələbəsi ilə yekunlaşıb.Beləliklə, komandamız yarışı 1 medalla başa vurub.Qeyd edək ki, yarışda 30 ölkədən 339 (224 oğlan, 115 qız) boksçu mübarizə aparıb. Komandamız qitə birinciliyində 14 idmançı ilə təmsil olunub.xeber100.com

İkinci Avropa çempionatının püşkatma mərasiminin vaxtı dəyişdirilib

On doqquz yaşadək futzalçılar arasında təşkil edilən sayca ikinci Avropa çempionatının püşkatma mərasiminin vaxtı dəyişdirilib.Azərtac xəbər verir ki, UEFA əvvəlcə tədbirin iyulun 7-də baş tutacağını açıqlasa da, həmin gün UEFA Çempionlar Liqasınin ilkin mərhələsində mübarizə aparacaq komandalar rəqiblərini tanıyıb. Qitənin ali futbol qurumu U-19-ların püşkatmasını avqustun 30-na təyin edib. Beləliklə 19 yaşadək futzalçılardan ibarət millimizin rəqibləri avqustun 30-da müəyyənləşəcək. Bu turnirin ilkin mərhələsi bu il noyabrın 2-7-də keçiriləcək. Əsas mərhələnin qarşılaşmaları gələn il martın 15-20-də, həlledici görüşləri isə sentyabrın 3-10-da baş tutacaq. Final mərhələsinə İspaniya ev sahibliyi edəcək.xeber100.com  

“Grand Chess Tour” şahmat seriyasının üçüncü mərhələsində

Bu gün “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour”un blits turnirində son 9 turun partiyaları oynanılıb.Azərtac xəbər verir ki, startda 10-cu turda fransalı Maksim Vaşye-Laqrav ilə heç-heçə edən Azərbaycan şahmatçısı Şəhriyar Məmmədyarov sonrakı qarşılaşmalarda rusiyalı Yan Nepomnyaşi, niderlandlı Jorden Van Forest, Rusiyanın daha bir şahmatçısı Aleksandr Qrişuk, polşalı Yan-Kşıştof Duda, eks-dünya çempionu, Rusiyanı təmsil edən Harri Kasparov üzərində qələbə qazanıb. On altıncı turda ukraynalı Anton Korobova məğlub olan şahmatçımız son turda keçmiş dünya çempionu hindistanlı Vişvanatan Anandla heç-heçə edib. Təmsilçimiz son turda niderlandlı Aniş Giriyə məğlub olub. Beləliklə 18 turda 10 xal toplayan Şəhriyar Məmmədyarov 6-cı yeri tutub.Qeyd edək ki, bundan əvvəl turnir çərçivəsində rapid yarışı keçirilib. Yekun nəticələrə görə Şəhriyar Məmmədyarov 9 xalla 6-cı yerdə qərarlaşıb.Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub.xeber100.com

Futbol üzrə 16-cı Avropa çempionatının final matçında

İyulun 11-də futbol üzrə 16-cı Avropa çempionatının final matçında İtaliya və İngiltərə yığmaları qarşılaşırlar.Azərtac xəbər verir ki, “Uembli” stadionunda keçirilən oyunda İtaliya millisinin heyətində meydana Canluici Donnarumma, Emerson, Ciorcio Kellini (k), Leonardo Bonuççi, Ciovanni Di Lorenzo, Jorcinyo, Marko Verratti, Nikolo Barella, Federiko Kiesa, Lorenso İnsiqne və Ciro İmmobile çıxıblar.İngiltərə yığmasının start heyətində isə Cordan Pikford, Luk Şou, Harri Makuayr, Con Stons, Kayl Uolker, Kieran Trippier, Deklan Rays, Kalvin Filips, Meyson Maunt, Rahim Sterlinq və Harri Keyn (k) yer alıblar.Qarşılaşmanı niderlandlı Byörn Kuipers idarə edir.Bu komandalar indiyədək 27 dəfə qarşılaşıb. Onların 10-da İtaliya, 8-də isə İngiltərə millisi qalib gəlib. Doqquz oyun heç-heçə başa çatıb. Top nisbəti ingilislərin xeyrinədir – 33:31.Çempionatda son dərəcə inamlı oyun nümayiş etdirən İtaliya yığması A qrupundakı rəqiblərini – Türkiyə (3:0), İsveçrə (3:0) və Uels (1:0) seçmələrini məğlub edərək səkkizdəbir finala yüksəlib. Apennin təmsilçisi səkkizdəbir finalda Avstriyanı (2:1, əsas vaxt 0:0), dörddəbir finalda turnirin ən güclülərindən olan Belçikanı (2:1) mübarizədən kənarlaşdırıb. Apennin təmsilçisi yarımfinalda İspaniyanı (1:1, penalti 4:2) məğlub edərək finala yüksəlib.“Avro-2020”nin D qrupunda yer alan İngiltərə seçməsi isə Xorvatiya və Çexiya millilərinə minimal hesabla qalib gəlib (1:0), Şotlandiya ilə qolsuz heç-heçə edib. Komanda səkkizdəbir finalda Almaniyanı (2:0), dörddəbir finalda Ukraynanı (4:0), yarımfinalda isə Danimarka (2:1) millisini mübarizədən kənarlaşdırıb. Qeyd edək ki, İngiltərə millisi yarımfinal mərhələsinə kimi qapısını toxunulmaz saxlayan yeganə komanda idi.Xatırladaq ki, 1960-cı ildə keçirilən ilk Avropa çempionatının qalibi SSRİ yığması olub. Avropa çempionu titulunu ən çox Almaniya (1972, 1980, 1996) və İspaniya (1964, 2008, 2012) milliləri qazanıblar.Bakı Olimpiya Stadionu “Avro-2020”nin A qrupunun üç görüşünə və dörddəbir final mərhələsinin bir oyununa ev sahibliyi edib. İyunun 12-də Uels-İsveçrə (1:1), 16-da Türkiyə-Uels (0:2), 20-də İsveçrə-Türkiyə (3:1) qarşılaşmaları Bakıda oynanılıb. Çempionatın dörddəbir final mərhələsi çərçivəsində iyulun 3-də Bakıda Uels - Danimarka (0:4) görüşü keçirilib.xeber100.com

Azərbaycan Futbol Federasiyaları Assosiasiyasının məlumatı

Azərbaycan Premyer Liqası klublarının UEFA-nın bayrağı altında təşkil olunan turnirlər çərçivəsində evdə keçirəcəkləri oyunlar zamanı müvafiq stadionların ümumi azarkeş tutumunun 50 faizi qədər azarkeş tribunalara buraxılacaq.Azərtac Azərbaycan Futbol Federasiyaları Assosiasiyasının (AFFA) saytına istinadla xəbər verir ki, AFFA-nın bununla bağlı Nazirlər Kabineti yanında Operativ Qərargaha ünvanladığı müraciət müsbət cavablandırılıb.COVID-19 pandemiyası ilə əlaqədar mövcud olan bütün tələb və tövsiyələrə, sanitar-gigiyenik qaydalara əməl edilməsi barədə məlumatlar AFFA tərəfindən klublara göndəriləcək.xeber100.com

“Grand Chess Tour” şahmat seriyasının üçüncü mərhələsində…

Bu gün “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour”un blits turniri start götürüb.Azərtac xəbər verir ki, iki gün davam edəcək turnirin birinci günündə Şəhriyar Məmmədyarov 9 turda mübarizə aparır.Belə ki, şahmatçımız startda fransalı Maksim Vaşye-Laqrava uduzsa da, növbəti görüşdə rusiyalı Yan Nepomnyaşiyə və niderlandlı Jorden Van Forestə qalib gəlib. Sonrakı qarşılaşmalarda Rusiyanın daha bir şahmatçısı Aleksandr Qrişuk və polşalı Yan-Kşıştof Dudaya məğlub olan şahmatçımız 6-cı turda eks-dünya çempionu, Rusiyanı təmsil edən Harri Kasparov üzərində qələbə qazanıb. Ş.Məmmədyarov 7-ci turda ukraynalı Anton Korobova məğlub olub. Şahmatçımızın daha bir keçmiş dünya çempionu, hindistanlı Vişvanatan Anandla qarşılaşması davam edir. Ş.Məmmədyarov bu gün son görüşünü niderlandlı Aniş Giriyə qarşı keçirəcək.Qeyd edək ki, bundan əvvəl turnir çərçivəsində rapid yarışı keçirilib. Yekun nəticələrə görə Şəhriyar Məmmədyarov 9 xalla 6-cı yerdə qərarlaşıb.Xatırladaq ki, Şəhriyar Məmmədyarov seriyanın birinci yarışının - "Superbet Chess Classic Romania"nın qalibi olub.xeber100.com

Boksçular arasında yarımfinal mərhələsinin görüşlərinə start verilib

Tbilisidə yeniyetmə boksçular arasında Avropa birinciliyində yarımfinal mərhələsinin görüşlərinə start verilib.Azərtac xəbər verir ki, Azərbaycan millisinin üzvü Məhəmmədəli Qasımzadə (54 kq) finala gedən yolda rumıniyalı Daniel Girleanu ilə üz-üzə gəlib. Səkkizdəbir finalda Arseni Oniyenkonu (Ukrayna), ardınca Fyodor Kamanini (Estoniya) məğlub edən boksçumuz rinqdən yenə qalib ayrılıb. O, son Avropa çempionu D.Girleanuya 4:1 hesabı ilə qalib gəlib.M.Qasımzadə final görüşündə rusiyalı Boqdan Prima ilə qarşılaşacaq.Qeyd edək ki, 30 ölkədən 339 (224 oğlan, 115 qız) boksçunun mübarizə apardığı yarışda final görüşləri iyulun 11-də baş tutacaq.xeber100.com

Tennis üzrə“Böyük Dəbilqə” seriyasından ikinci yarımfinal görüşü keçirilib

İyulun 9-da tennis üzrə kişilər arasında “Böyük Dəbilqə” seriyasından London açıq turnirində (Wimbledon) ikinci yarımfinal görüşü keçirilib.Azərtac xəbər verir ki, görüşdə Novak Cokoviç (Serbiya) Kanada təmsilçisi Denis Şapovalovla ilə üz-üzə gəlib. Görüş serbiyalı tennisçinin inamlı qələbəsi ilə başa çatıb - 3:0 (7:6, 7:5, 7:5).Dörddəbir finalda Novak Cokoviç macarıstanlı Marton Fuçoviçdən (6:3, 6:4, 6:4), Denis Şapovalov isə rusiyalı Karen Xaçanovdan (4:6, 6:3, 7:5, 1:6, 4:6) güclü olub.Xatırladaq ki, yarımfinal mərhələsinin digər görüşündə Matteo Barrettini (İtaliya) Xubert Qurkaçdan (Polşa) üstün olub - 3:1 (6:3, 6:0, 6:7, 6:4)Turnirin final görüşü iyulun 11-də keçiriləcək.Qeyd edək ki, “Wimbledon” mövsümün üçüncü “Böyük Dəbilqə” turniridir. Sayca 134-cü turnirin ümumi mükafat fondu 40 milyon avro təşkil edir. Bu turnirin sonuncu çempionu 2019-cu ildə serbiyalı Novak Cokoviç olub. Ötən il pandemiya səbəbindən “Wimbledon” turniri keçirilməyib.xeber100.com

“Grand Chess Tour” şahmat seriyasının üçüncü mərhələsində

İyulun 8-də “Grand Chess Tour” şahmat seriyasının üçüncü mərhələsinin - Xorvatiyanın paytaxtı Zaqrebdə keçirilən "Croatia Grand Chess Tour”da növbəti turun partiyaları oynanılacaq.Azərtac xəbər verir ki, Şəhriyar Məmmədyarov növbəti qarşılaşmalarda ağ fiqurlarla keçmiş dünya çempionu, hindistanlı Vişvanatan Anand, qara fiqurlarla rusiyalı Aleksandr Qrişuka qarşı mübarizə aparacaq. Günün sonuncu görüşündə isə şahmatçımız Polşa təmsilçisi Yan-Kşiştov Duda ilə üz-üzə gələcək. Şahmatçımız ağ fiqurlarla oynayacaq.Qeyd edək ki, Ş.Məmmədyarov ötən üç turun nəticəsinə görə, 3 xalla ikinci pillədə qərarlaşıb.Xatırladaq ki, Ş.Məmmədyarov seriyanın birinci yarışı "Superbet Chess Classic Romania"nın qalibi olub.xeber100.com

“Avro-2020”nin ikinci yarımfinal qarşılaşmasında

İyulun 7-də “Avro-2020”nin ikinci yarımfinal qarşılaşmasında İngiltərə və Danimarka milliləri üz-üz gəliblər.Azərtac xəbər verir ki, Londondakı “Uembli” stadionunda keçirilən görüşün əsas vaxtı 1:1 hesabı ilə başa çatıb.Oyunda hesab 30-cu dəqiqədə açılıb. Danimarkalıların 21 yaşlı hücumçusu Mikkel Damsqaard cərimə zərbəsindən baxımlı qola imza atıb - 1:0. Bu, Avropa çempionatında öz qapılarını toxunulmaz saxlayan ingilislərin buraxdıqları ilk qol olub.Qoldan sonra, xüsusilə birinci hissənin sonuna yaxın təzyiqi artıraraq bir neçə qol vəziyyəti yaradan İngiltərə komandası matçın 39-cu dəqiqəsində istəyinə çatıb. İngilislərin sağ cinahdan başladığı hücumda Sakanın cərimə meydançasına Rahim Sterlinqə ötürməsini dəf etməyə çalışan kapitan Simon Kyaer avtoqola imza atıb - 1:1.İlk hissə bu hesabla başa çatıb.Qarşılaşmanın ikinci hissəsi komandaların sürətli hücumları ilə başlayıb.Lakin hər iki komandanın cəhdlərinə baxmayaraq, ikinci hissədə qapılara top vurulmayıb.Qalibi müəyyənləşdirmək üçün hər biri 15 dəqiqədən ibarət iki əlavə vaxt oynanılır.İngiltərə seçməsi D qrupunda Xorvatiya və Çexiya millilərinə minimal hesabla qalib gəlib, Şotlandiya ilə qolsuz heç-heçə edib. Komanda səkkizdəbir finalda Almaniyanı (2:0), dörddəbir finalda isə Ukraynanı (4:0) mübarizədən kənarlaşdırıb.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar. Komanda Bakı Olimpiya Stadionunda oynadığı dörddəbir final görüşündə Çexiyaya 2:1 hesabı ilə qalib gələrək yarımfinala vəsiqə qazanıb.Yarımfinal mərhələsinin birinci oyununda İtaliya və İspaniya yığmaları qarşılaşıblar. Əsas vaxtı 1:1 hesabı ilə başa çatan görüşdə İtaliya millisi 11 metrlik cərimə zərbələri seriyasında 4:2 hesabı ilə qalib gəlib.“Avro-2020”nin final matçı iyulun 11-də “Uembli” stadionunda keçiriləcək. Görüş Bakı vaxtı ilə saat 23:00-da başlayacaq.xeber100.com