Futbol üzrə 16-cı Avropa çempionatının ikinci finalçısı müəyyənləşəcək

İyulun 7-də Bakı vaxtı ilə saat 23:00-da başlayacaq İngiltərə - Danimarka matçı nəticəsində futbol üzrə 16-cı Avropa çempionatının ikinci finalçısı müəyyənləşəcək.Azərtac xəbər verir ki, Londondakı “Uembli” stadionunda keçiriləcək ikinci yarımfinal görüşünü Niderlanddan olan referi Danni Makkeli idarə edəcək.Bu komandalar indiyədək rəsmi turnirlərdə 23 dəfə qarşılaşıblar. Həmin görüşlərin 13-də İngiltərə, 5-də Danimarka qalib gəlib, 5 oyun heç-heçə başa çatıb. Top fərqində İngiltərə millisinin böyük üstünlüyü var – 39:23.“Avro-2020”də qapısını toxunulmaz saxlamağı bacaran yeganə komanda olan İngiltərə seçməsi D qrupunda Xorvatiya və Çexiya millilərinə minimal hesabla qalib gəlib, Şotlandiya ilə qolsuz heç-heçə edib. Komanda səkkizdəbir finalda Almaniyanı (2:0), dörddəbir finalda isə Ukraynanı (4:0) mübarizədən kənarlaşdırıb.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar. Komanda Bakı Olimpiya Stadionunda oynadığı dörddəbir final görüşündə Çexiyaya 2:1 hesabı ilə qalib gələrək yarımfinala vəsiqə qazanıb.Yarımfinal mərhələsinin birinci oyununda İtaliya və İspaniya yığmaları qarşılaşıblar. Əsas vaxtı 1:1 hesabı ilə başa çatan görüşdə İtaliya millisi 11 metrlik cərimə zərbələri seriyasında 4:2 hesabı ilə qalib gəlib.“Avro-2020”nin final matçı iyulun 11-də “Uembli” stadionunda keçiriləcək. Görüş Bakı vaxtı ilə saat 23:00-da başlayacaq.xeber100.com

Azərbaycan Futzal Federasiyasının məlumatına görə…

Azərbaycanı UEFA Çempionlar Liqasında təmsil edəcək “Araz-Naxçıvan” futzal klubu mübarizəyə ilkin mərhələdən başlayacaq.Azərtac Azərbaycan Futzal Federasiyasına istinadla xəbər verir ki, UEFA iyulun 5-də ilkin mərhələdə iştirak edəcək klubların siyahısını açıqlayıb.Əsas mərhələyə vəsiqə uğrunda 32 komanda gücünü sınayacaq. İlkin mərhələnin püşkü iyulun 7-də atılacaq. Oyunlar isə avqustun 20 - 25-də keçiriləcək.Reqlamentə əsasən, komandalar hər birində 4 iştirakçı olmaqla 8 qrupda mübarizə aparacaq. Yalnız qrup qalibləri və ikinci pilləni tutmuş ən yaxşı göstəriciyə malik bir komanda (ümumilikdə 9 komanda) əsas mərhələyə vəsiqə qazanacaq və 23 komandaya qoşulacaq.Əsas mərhələnin püşkü isə avqustun 30-da atılacaq. Oyunlar oktyabrın 26 - 31-də təşkil olunacaq.Ümumilikdə isə builki Çempionlar Liqasına 51 federasiyadan 55 klub qatılacaq. İlkin mərhələdə iştirak edəcək 32 komanda bunlardır: "Luxol St. Andreus Futsal" (Malta), "Veilimdorf" (Almaniya), "Araz-Naxçıvan" (Azərbaycan), APOEL (Kipr), "JB Futsal Gentofte" (Danimarka), "Haladas VSE" (Macarıstan), "Futsal Mineva" (İsveçrə), KMF FON (Serbiya), "Kampuksen Dinamo" (Finlandiya), "Liqeni" (Kosovo), MFC CIU (Gürcüstan), "Differdanj" (Lüksembruq), "Proekt" (Şimali Makedoniya), "Dukas" (Yunanıstan), "Dinamo Plus" (Moldova), "SMS Vimsi" (Estoniya), "Hammarbü" (İsveç), "London Helvesia" (İngiltərə), "Raba" (Latviya), "Varna Siti" (Bolqarıstan), "KF Tirana" (Albaniya), "Diamant Lints" (Avstriya), "Blü Magik FC Dublin" (İrlandiya), "Dolfins Aşdod" (İsrail), "Utleira İdrettslaq" (Norveç), "Tavşançalı" (Türkiyə), "Cefn Druids" (Uels), "Europa" (Cəbəllütarıq), "Titoqrad" (Monteneqro), "Sparta Belfast" (Şimali İrlandiya), "Fiorentino" (San Marino), "Enkamp" (Andorra).xeber100.com

16-cı Avropa çempionatının yarımfinal mərhələsinin ilk oyunu keçiriləcək

İyulun 6-da futbol üzrə 16-cı Avropa çempionatının yarımfinal mərhələsinin ilk oyunu keçiriləcək.Azərtac xəbər verir ki, Londonun “Uembli” stadionunda keçiriləcək birinci yarımfinal matçında çempionatın favoritlərindən hesab olunan İtaliya və İspaniya yığmaları qarşılaşacaqlar. Bakı vaxtı ilə saat 23:00-da başlayacaq matçı almaniyalı referi Feliks Brix idarə edəcək.Yarımfinal mərhələsinin “Uembli” stadionunda keçiriləcək digər oyununda isə İngiltərə və Danimarka milliləri qarşılaşacaqlar. Həmin görüş iyulun 7-də Bakı vaxtı ilə saat 23:00-da başlayacaq.Turnirdə son dərəcə inamlı oyun nümayiş etdirən İtaliya yığması A qrupundakı rəqiblərini – Türkiyə (3:0), İsveçrə (3:0) və Uels (1:0) seçmələrini məğlub edərək səkkizdəbir finala yüksəlib. Apennin təmsilçisi səkkizdəbir finalda Avstriyanı (2:1, əsas vaxt 0:0), dörddəbir finalda isə turnirin ən güclülərindən olan Belçikanı (2:1) mübarizədən kənarlaşdırıb.Yer aldığı E qrupunda İsveç (0:0) və Polşa (1:1) komandaları ilə heç-heçə edən İspaniya sonuncu görüşdə Slovakiyanın qapısından 5 cavabsız top keçirib. Üçqat Avropa çempionları səkkizdəbir finalda Xorvatiyanı (5:3, əsas vaxt 3:3), Avstriyanı (1:1, penaltilərlə 3:1) məğlub edərək finala yüksəlib.İtaliya və İspaniya seçmələri indiyədək müxtəlif turnirlərdə 36 dəfə qarşılaşıblar. Bu görüşlərin 11-də İtaliya, 12-də isə İspaniya qalib gəlib, 13 görüş heç-heçə başa çatıb. Top nisbətində də İtaliya yığmasının cüzi üstünlüyü var – 43:40.“Avro-2020”nin final matçı iyulun 11-də “Uembli” stadionunda keçiriləcək.xeber100.com

Beynəlxalq “Serbia Chess Open 2021” şahmat turniri davam edir

Serbiyanın paytaxtı Belqradda birinci beynəlxalq “Serbia Chess Open 2021” şahmat turniri davam edir.Azərtac xəbər verir ki, yarışın “Masters” turnirində Azərbaycan geniş heyətlə təmsil olunur.Keçirilmiş dörd turdan sonra təmsilçilərimizin arasında ən yaxşı nəticəyə Vüqar Əsədli və Misrətdin İsgəndərov malikdirlər. Hər iki şahmatçımız 3,5 xalla hazırda 4-22-ci yerləri bölüşürlər.Aktivlərində 3 xal olan Eltac Səfərli, Ülvi Sadqıqov, Xəzər Babazadə, Aydın Süleymanlı və Əhməd Əhmədzadənin də çıxışlarını uğurlu qiymətləndirmək olar.“Serbia Chess Open 2021”də 41 ölkədən 400-dən yuxarı şahmatçı iştirak edir.xeber100.com

XVI Yay Paralimpiya Oyunlarının başlamasına 50 gün qalıb

Yaponiyanın paytaxtı Tokioda keçiriləcək XVI Yay Paralimpiya Oyunlarının başlamasına 50 gün qalıb.Azərrtac Azərbaycan Milli Paralimpiya Komitəsinə istinadla xəbər verir ki, milli komandamız bu günədək 6 idman növündə ümumilikdə 31 lisenziya qazanıb. Onlardan 11-i cüdo, 8-i atletika, 4-ü parataekvando, 3-ü üzgüçülük, 3-ü pauerliftinq və 2-si güllə atıcılığı növündədir. Azərbaycan Paralimpiya tarixində bu rekord göstəricidir.İyulun 30-da milli Paralimpiya komandamızın lisenziya gözləntiləri var və onlar tədricən elan ediləcək.Qeyd edək ki, Azərbaycan milli komandası “Rio-2016” XV Yay Paralimpiya Oyunlarına 22 lisenziya qazanmışdı.xeber100.com

Güləş Federasiyası: Güləşçilərin Avropa çempionatı başa çatıb

Almaniyanın Dortmund şəhərində keçirilən gənc güləşçilərin Avropa çempionatı başa çatıb.Azərtac Azərbaycan Güləş Federasiyasına istinadla xəbər verir ki, qitə birinciliyinin son 3 günündə çıxış edən yunan-Roma güləşçilərimiz 4 medal qazanıblar.Həsrət Cəfərov (67 kq) bütün rəqiblərinə qalib gələrək Avropa çempionu olub. Qurban Qurbanov (63 kq) gümüş, Nihat Məmmədli (60 kq) və Xasay Həsənli (72 kq) isə bürünc medala sahib olublar.Beləliklə, Avropa çempionatına 9 idmançı ilə yollanan millimiz 1 qızıl, 1 gümüş və 2 bürünc medalla komanda hesabında 99 xal toplayıb. Yığmamız bu nəticə ilə Avropa çempionatında dördüncü yeri tutub. Komandamız 3-cü pillədə qərarlaşan Türkiyədən cəmi 1 xal geri qalıb. Gürcüstan (154) birinci, Rusiya (118) isə ikinci olublar.xeber100.com

UEFA “Avro-2020”nin finalında istifadə olunacaq topu təqdim edib

UEFA futbol üzrə “Avro-2020”nin finalında istifadə olunacaq topu təqdim edib.Azərtac UEFA-ya istinadla xəbər verir ki, Avropa çempionatının final oyunu iyulun 11-də Londondakı “Uembli” stadionunda keçiriləcək.Turnirin ilk finalçısı iyulun 6-da keçiriləcək İtaliya-İspaniya oyunundan sonra müəyyənləşəcək. İkinci finalçı isə bir gün sonra keçiriləcək İngiltərə-Danimarka matçının qalibi olacaq.xeber100.com

Çexiya və Danimarka yığmalarının start heyətləri açıqlanıb

Futbol üzrə Avropa çempionatının dörddəbir final mərhələsi çərçivəsində Bakı Olimpiya Stadionunda üz-üzə gələcək Çexiya və Danimarka yığmalarının start heyətləri açıqlanıb.Azərtac xəbər verir ki, Çexiya millisinin heyətində meydana Tomaş Vaclik, Yan Boril, Tomaş Kalas, Ondrey Çelustka, Vladimir Soufal, Tomaş Souçek (k), Tomaş Holeş, Petr Şevçik, Antonin Barak, Lukaş Masopust və Patrik Şik çıxacaqlar.Danimarka yığmasının start heyətində isə Kasper Şmeyxel, Yannik Vesterqaard, Simon Kyer (k), Andreas Kristensen, Yoakim Mehle, Tomas Delaney, Pyer-Emil Hoybyerq, Yens Striqer, Mikkel Damsqaard, Kasper Dolberq və Martin Breytveyt yer alıblar.Saat 20:00-da başlayacaq qarşılaşmanı niderlandlı Byörn Kuipers idarə edəcək.Xatırladaq ki, “Avro-2020”nin D qrupunda yer alan Çexiya birinci oyunda Şotlandiyanı 2:0 hesabı ilə məğlub etsə də, ikinci görüşdə Xorvatiya ilə heç-heçə edib – 1:1. Komanda qrupda sonuncu qarşılaşmada İngiltərəyə minimal hesabla uduzub. Çexiya seçməsi səkkizdəbir finalda turnirin favoritlərindən sayılan Niderlandı mübarizədən kənarlaşdırıb – 2:0.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar.Bu oyunda mərhələ keçən komanda yarımfinalda İngiltərə-Ukrayna qarşılaşmasının qalibi ilə üz-üzə gələcək. Romadakı “Olimpiko” stadionunda baş tutacaq İngiltərə-Ukrayna oyunu Bakı vaxtı ilə saat 23:00-da start götürəcək. Görüşün baş hakimi almaniyalı Feliks Brix olacaq. Britaniyalılar əvvəlki raundda Almaniyanı (2:0), Ukrayna isə İsveçi üstələyib – 2:1.“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək. Birinci yarımfinal matçında İtaliya və İspaniya komandaları qarşılaşacaqlar.Qeyd edək ki, Bakı Olimpiya Stadionu “Avro-2020”nin A qrupu çərçivəsində Uels-İsveçrə (1:1), Uels – Türkiyə (0:2) və İsveçrə - Türkiyə (3:1) oyunlarına ev sahibliyi edib.xeber100.com

Avropa çempionatının dörddəbir final mərhələsi çərçivəsində

Futbol üzrə Avropa çempionatının dörddəbir final mərhələsi çərçivəsində Bakı Olimpiya Stadionunda Çexiya və Danimarka yığmaları qarşılaşırlar.Azərtac xəbər verir ki, Çexiya millisinin heyətində meydana Tomaş Vaclik, Yan Boril, Tomaş Kalas, Ondrey Çelustka, Vladimir Soufal, Tomaş Souçek (k), Tomaş Holeş, Petr Şevçik, Antonin Barak, Lukaş Masopust və Patrik Şik çıxıblar.Danimarka yığmasının start heyətində isə Kasper Şmeyxel, Yannik Vesterqaard, Simon Kyer (k), Andreas Kristensen, Yoakim Mehle, Tomas Delaney, Pyer-Emil Hoybyerq, Yens Striqer, Mikkel Damsqaard, Kasper Dolberq və Martin Breytveyt yer alıblar.Qarşılaşmanı niderlandlı Byörn Kuipers idarə edir.Xatırladaq ki, “Avro-2020”nin D qrupunda yer alan Çexiya birinci oyunda Şotlandiyanı 2:0 hesabı ilə məğlub etsə də, ikinci görüşdə Xorvatiya ilə heç-heçə edib – 1:1. Komanda qrupda sonuncu qarşılaşmada İngiltərəyə minimal hesabla uduzub. Çexiya seçməsi səkkizdəbir finalda turnirin favoritlərindən sayılan Niderlandı mübarizədən kənarlaşdırıb – 2:0.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar.Bu oyunda mərhələ keçən komanda yarımfinalda İngiltərə-Ukrayna qarşılaşmasının qalibi ilə üz-üzə gələcək. Romadakı “Olimpiko” stadionunda baş tutacaq İngiltərə-Ukrayna oyunu Bakı vaxtı ilə saat 23:00-da start götürəcək. Görüşün baş hakimi almaniyalı Feliks Brix olacaq. Britaniyalılar əvvəlki raundda Almaniyanı (2:0), Ukrayna isə İsveçi üstələyib – 2:1.“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək. Birinci yarımfinal matçında İtaliya və İspaniya komandaları qarşılaşacaqlar.Qeyd edək ki, Bakı Olimpiya Stadionu “Avro-2020”nin A qrupu çərçivəsində Uels-İsveçrə (1:1), Uels–Türkiyə (0:2) və İsveçrə-Türkiyə (3:1) oyunlarına ev sahibliyi edib.xeber100.com

Avropa çempionatının dörddəbir final mərhələsinə start veriləcək

İyulun 2-də İsveçrə-İspaniya oyunu ilə futbol üzrə Avropa çempionatının dörddəbir final mərhələsinə start veriləcək.Azərtac xəbər verir ki, Sankt-Peterburqda oynanılacaq görüş Bakı vaxtı ilə saat 20:00-da başlayacaq. Matçı ingiltərəli referi Maykl Oliver idarə edəcək.İsveçrə yığması səkkizdəbir finalda sonuncu dünya çempionu Fransanı mübarizədən kənarlaşdırıb. Həmin görüşdə əsas vaxt 3:3 hesabı ilə başa çatdığından 11 metrlik cərimə zərbələri seriyasında İsveçrə komandası 5:4 hesabı ilə qalib gəlib. İspaniya isə sonuncu dünya çempionatının gümüş mükafatçısı Xorvatiyanı 5:3 hesabı ilə məğlub edərək dörddəbir finala yüksəlib.Günün sonuncu görüşündə turnirin əsas favoritləri - Belçika və İtaliya komandaları üz-üzə gələcəklər. Münhendə baş tutacaq qarşılaşma Bakı vaxtı ilə saat 23:00-da start götürəcək. Görüşün baş hakimi sloveniyalı Slavko Vinçiç olacaq.İtaliya millisi səkkizdəbir finalda Avstriyanı (3:1), Belçika seçməsi isə sonuncu Avropa çempionu Portuqaliyanı (1:0) məğlub edib.Bu görüşlərdə qalib gələn komandalar yarımfinalda üz-üzə gələcəklər.Dörddəbir final mərhələsinin digər iki görüşündə Çexiya millisi Bakı Olimpiya Stadionunda Danimarka, Ukrayna isə Romadakı “Olimpiko” stadionunda İngiltərə seçməsi ilə qarşılaşacaqlar. Bakıdakı oyun saat 20:00-da, Ukrayna-İngiltərə matçı isə saat 23:00-da başlayacaq.“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək.xeber100.com