İtaliya millisi Avropa çempionatının dörddəbir final mərhələsinə yüksəlib

Futbol üzrə İtaliya millisi Avropa çempionatının dörddəbir final mərhələsinə yüksəlib.Azərtac xəbər verir ki, iyunun 26-da Londondakı "Uembli" stadionunda İtaliya və Avstriya yığma komandaları üz-üzə gəliblər.Matçın əsas vaxtında qapılara top vurulmayıb. Qalibi müəyyənləşdirmək üçün oyuna əlavə vaxt təyin olunub. Əlavə hissədə rəqibini 2:1 hesabı ilə məğlub edən İtaliya millisi "Avro-2020"nin dörddəbir final mərhələsinə adlayıb.İtaliya millisinin heyətində Federiko Çiesa, Matteo Pissina, rəqib komandadan isə Saşa Kalajdziç fərqlənib.İtaliya millisi dörddəbir finalda Belçika - Portuqaliya qarşılaşmasının qalibi ilə görüşəcək.xeber100.com

Cüdoçular arasında Avropa kuboku yarışı start götürəcək

İyulun 3-də Portuqaliyada gənc cüdoçular arasında Avropa kuboku yarışı start götürəcək.Azərtac xəbər verir ki, turnirdə Azərbaycanı 10 cüdoçudan ibarət komanda təmsil edəcək. Belə ki, yarışda Turan Bayramov, Samir Piriyev, Kənan İsmayılov (60 kq), Vaqif Tarverdiyev, Kamran Süleymanov (66 kq), Çingiz Fəttahov, Nəriman Mirzəyev, Zaməddin Poladov (73 kq), Elcan Hacıyev (81 kq) və Ruslan Nəsirli (100 kq) medallar uğrunda mübarizə aparacaqlar.Turnir iyulun 4-də başa çatacaq.xeber100.com

Basketbol üzrə Avropa çempionatının seçmə mərhələsi keçirilib

İsrailin Təl-Əviv şəhərində iyulun 25-26-da 3x3 basketbol üzrə Avropa çempionatının seçmə mərhələsi keçirilib.Azərtac xəbər verir ki, yarışda Azərbaycanın kişilərdən ibarət yığma komandası (Anar Haciyev, Cəbrayil Əkbərov, Endər Poladxanlı, Polad Həsənov) iştirak edib.Yarışın ilk günündə komandamız Belçikaya məğlub olsa (8-19) da, növbəti rəqibi Andorra yığmasına böyük hesabla qalib gəlib (22-5). Dörddəbir finala adlamaq üçün qrup mərhələsinin 3-cü oyununda komandamız Almaniya yığması ilə mübarizə aparmalı olub. Hava şəraitinin korlanması səbəbindən qarşılaşma əvvəl təxirə salınıb, daha sonra qapalı məkanda keçirilməsi qərara alınıb. Oyun bərabər səviyyədə başlasa da, sona yaxın Almaniya komandası millimizə qalib gəlib (21-14).Qrupda 3-cü pillədə qərarlaşan komandamız bununla da, yarışda iştirakını dayandırıb.Qeyd edək ki, Avropa çempionatı sentyabrın 10–12-də Parisdə keçiriləcək.xeber100.com

Reqbi Federasiyasının məlumatına görə…

Reqbi üzrə Azərbaycan milli komandasının baş məşqçisi Vaqif Səadətxan və reqbi hakimlər kollegiyasının sədri Zülfüqar Nəbiyevin iştirakı ilə yeni yaradılmış Naftalan Reqbi Klubunun idmançıları üçün təlim-məşq toplanışına start verilib.Azərbaycan Reqbi Federasiyasından Azərtac-a verilən məlumata görə, Naftalan Şəhər Gənclər və İdman İdarəsinin dəvəti ilə Naftalanda təşkil edilən və üç gün davam edəcək məşqlərə Gəncə Reqbi Klubunun məşqçi-müəllimləri də qatılıblar. Təlim-məşqlərdə təcrübəli mütəxəssislər bütün yaş dərəcələri üzrə məşq prosesini izləyib, balaca reqbiçilər ilə birgə çalışmalarda iştirak edirlər.Naftalan Şəhər Gənclər və İdman İdarəsinin rəisi Samir Qocayev təlim-məşqlər zamanı federasiya nümayəndələrini və idmançıları qəbul edib. O, dəvəti qəbul edib gəldikləri üçün Azərbaycan Reqbi Federasiyasının rəhbərliyinə və məşqçi-müəllimlərinə təşəkkürünü bildirib. S.Qocayev təlim-məşqlərin təşkilində əsas məqsədin idmanın digər növlərində olduğu kimi, reqbi üzrə də idmançılarımızın böyük nailiyyətlər əldə etmələri üçün şərait yaratmaq olduğunu bildirib.Sonda Naftalan Reqbi Klubunda ölkəmizin idman şərəfini layiqincə qoruyacaq atletlərin yetişəcəyinə əminlik ifadə olunub.

“Avro-2020”nin səkkizdəbir final mərhələsinə start veriləcək

İyunun 26-da keçiriləcək iki oyunla “Avro-2020”nin səkkizdəbir final mərhələsinə start veriləcək.Azərtac xəbər verir ki, günün Bakı vaxtı ilə saat 20:00-da başlayacaq birinci oyunu Uels və Danimarka yığmaları arasında olacaq. Amsterdamdakı “Yohan Kroyf Arena”da keçiriləcək görüşü almaniyalı FIFA referisi Daniel Zibert idarə edəcək. Bu qarşılaşmanın qalibi dörddəbir final matçını Bakıda oynayacaq. Rəqib isə Niderland - Çexiya duelinin qalibi olacaq.A qrupunu ikinci pillədə tamamlayaraq, pley-off-a yüksələn Uels yığması artıq Bakıda iki oyun keçirib. Bakı Olimpiya Stadionunda birinci oyunda İsveçrə ilə 1:1 hesablı heç-heçə edən uelslilər ikinci görüşdə Türkiyə millisinə qalib gəlib - 2:0.İkinci oyunda isə İtaliya və Avstriya yığmaları üz-üzə gələcəklər. İngiltərənin paytaxtı Londondakı “Uembli” stadionunda oynanılacaq görüş Bakı vaxtı ilə saat 23:00-da başlayacaq. Matçın baş hakimi ingiltərəli Entoni Teylor olacaq. Mərhələni keçən kollektiv dörddəbir finalda Belçika - Portuqaliya cütünün qalibi ilə qarşılaşacaq.Xatırladaq ki, İtaliya A qrupunda keçirdiyi görüşlərin üçünü də qələbə ilə başa vurub. Apennin təmsilçisi qrupda Türkiyə (3:0), İsveçrə (3:0) və Uels (1:0) millilərinə qalib gəlib.C qrupunda mübarizə aparan Avstriya millisi Şimali Makedoniya (3:1) və Ukrayna (1:0) seçmələrinə qalib gəlsə də, Niderlanda 0:2 hesabı ilə uduzaraq qrupu ikinci sırada başa vurub.xeber100.com

UEFA Çempionlar Liqasının birinci təsnifat mərhələsi çərçivəsində

UEFA Çempionlar Liqasının birinci təsnifat mərhələsi çərçivəsində keçiriləcək “Dinamo” (Tbilisi, Gürcüstan) – “Neftçi” oyununun hakimləri müəyyənləşib.Azərtac xəbər verir ki, matçı İsraildən olan hakimlər briqadası idarə edəcək.Görüşün baş hakimi David Fuksman olacaq. Ona Nati Dotan və Matityahu Yakobov kömək edəcəklər. Dördüncü hakim funksiyasını İdan Leiba yerinə yetirəcək.“Dinamo”-“Neftçi” matçı iyulun 7-də Tbilisidəki Boris Payçadze adına “Dinamo Arena”da keçiriləcək.

“Keşlə” futbol klubu heyətini gücləndirməkdə davam edir

Bakının "Keşlə" futbol klubu heyətini gücləndirməkdə davam edir.Azərtac kluba istinadla xəbər verir ki, Bakı təmsilçisi seneqallı futbolçu Oumar Goudiaby ilə birillik müqavilə imzalanıb.Qeyd edək ki, hücumçu mövqeyində oynayan futbolçunun son komandası Şimali Makedoniyanın 1-ci liqasında çıxış edən "Pelister" olub.xeber100.com

Beynəlxalq Şahmat Federasiyası seçim sistemlərini eyniləşdirməyə çalışır

Beynəlxalq Şahmat Federasiyası (FIDE) kişilər və qadınlar arasında keçirilən dünya tacı matçı üçün seçim sistemlərini eyniləşdirməyə çalışır.Azərtac xəbər verir ki, bu barədə FIDE prezidenti Arkadi Dvorkoviç TASS informasiya agentliyinə açıqlamasında bildirib.O, qeyd edib ki, qadınlar arasında Qran-Pri seriyasının təşkili ideyası əsasən, şahmat tacı matçı üçün sistemin həm kişilər, həm də qadınlar arasında eyniləşdirmək istəklərindən irəli gəlib. Belə ki, qadınlar arasında, ümumilikdə turnir az keçirildiyinə görə Qran-Prinin təşkili qərara alınıb. Bu yarış qabaqcıl şahmatçılara həmişə yarışlarda mübarizə aparmaq imkanı yaradıb.Qadınlar arasında Qran-Pri seriyasında Azərbaycan şahmatçısı Günay Məmmədzadə iştirak etsə də, mükafatçılar sırasına düşə bilməyib.Seriyanın 2020-ci ildə müxtəlif ölkələrdə baş tutan dörd mərhələsinin qalibləri, müvafiq olaraq hindistanlı Humpi Koneru (Moskva), rusiyalı Aleksanra Kostenyuk (Monako), gürcüstanlı Nana Dzaqnidze (Lozanna), qazaxıstanlı Jansaya Abdumalik (Cəbəllütariq) olublar.FIDE prezidenti onu da qeyd edib ki, ümumilikdə Qran-Prinin keçirildiyi dörd şəhərin hamısı çox yaxşıdır. Amma seriyanın mərhələ yarışları üçün müraciət edənlər olacaqsa, keyfiyyətinə görə məkanlar seçiləcək.xeber100.com    

Dünya çempionatının seçmə mərhələsinin dörddəbir finalında

Çimərlik futbolu üzrə Azərbaycan milli komandasının dünya çempionatının seçmə mərhələsinin dörddəbir finalında qarşılaşacağı rəqibi müəyyənləşib.Azərtac xəbər verir ki, A qrupunun son oyununda Ukrayna komandasını 1:0 hesabı ilə məğlub edən son dünya çempionu Portuqaliya yığması dörddəbir finalda millimizin rəqibi olub.Qeyd edək ki, Portuqaliya – Azərbaycan oyunu iyunun 25-də Portuqaliyanın Nazare şəhərində keçiriləcək.xeber100.com

“Avro-2020”nin qrup mərhələsinə yekun vurulub

İyunun 23-də keçirilmiş oyunlarla “Avro-2020”nin qrup mərhələsinə yekun vurulub.Azərtac AFFA-ya istinadla xəbər verir ki, iyulun 3-də Bakı Olimpiya Stadionunda keçiriləcək dörddəbir final mərhələsi oyununda səkkizdəbir final mərhələsinin Niderland - Çexiya və Danimarka - Uels cütlüklərinin qalibləri qarşılaşacaq.xeber100.com