“Neftçi” futbol klubu hazırlıq prosesi çərçivəsində yoxlama oyununa çıxacaq

Sloveniyada təlim-məşq toplanışında olan Bakının “Neftçi” futbol klubu bu gün hazırlıq prosesi çərçivəsində yoxlama oyununa çıxacaq.Azərtac xəbər verir ki, Azərbaycan milli komandasının baş məşqçisi Canni De Byazi “Kodeljevo Sport Ljubljana” stadionunda Sloveniyanın “Olimpiya” komandasına qarşı keçiriləcək qarşılaşmanı izləyəcək.xeber100.com

“Milan” klubunun yarımmüdafiəçisi “İnter”ə transfer olunub

İtaliyanın “Milan” klubunun türkiyəli yarımmüdafiəçisi Hakan Çalhanoğlu “İnter”ə transfer olunub.Azərtac İtaliya mətbuatına istinadla xəbər verir ki, 27 yaşlı futbolçunun keçidi haqqında detallar açıqlanmır.Qeyd edək ki, ötən mövsüm “Milan”nın heyətində 42 oyunda iştirak edək edən futbolçu 9 qol və 12 məhsuldar ötürmə ilə yadda qalıb.xeber100.com

“Egyptian Pharaohs Cup” adlı beynəlxalq turnir keçirilib

Misirdə bədii gimnastika üzrə “Egyptian Pharaohs Cup” adlı beynəlxalq turnir keçirilib. Yarışda çıxış edən bədii gimnastlarımız ölkəmizi uğurla təmsil ediblər.AZƏRTAC Azərbaycan Gimnastika Federasiyasına istinadla xəbər verir ki, turnirdə Azərbaycan təmsilçiləri - Arzu Cəlilova böyüklər arasında, Alina Məmmədova gənclər yaş qrupunda, Məryəm Əliyeva, Gövhər İbrahimova və Aydan Rəhimova isə yeniyetmələr arasında çıxış ediblər.A.Cəlilova topla nümayiş etdirdiyi proqramına görə bürünc medal qazanıb.Yeniyetmələrin yarışlarında A qrupunda çıxış edən G.İbrahimova və M.Əliyeva 2 proqram üzrə qalib olublar. G.İbrahimova gürzlərlə, M.Əliyeva isə topla hərəkətlərdə həmyaşıdlarından fərqlənərək fəxri kürsünün ən yüksək pilləsinə qalxıblar.Qızlar çoxnövçülükdə və halqa ilə çıxışlarına görə də fəxri kürsüdə mövqe tutmağı bacarıblar. Hər iki proqram üzrə G.İbrahimova gümüş, M.Əliyeva sə bürünc medala layiq görülüblər.Yeniyetmələrin yarışlarında B qrupunda çıxış edən A.Rəhimova isə yarışdığı hər 3 proqramda (çoxnövçülük, alətsiz və halqa) ilk pillədə qərarlaşıb.A.Məmmədova gənclərin çoxnövçülük yarışında 45 gimnast arasında 16-cı olub.xeber100.com

Çimərlik futbolu üzrə dünya çempionatının seçmə mərhələsində

Çimərlik futbolu üzrə Azərbaycan milli komandası Portuqaliyanın Nazare şəhərində təşkil olunan dünya çempionatının seçmə mərhələsində ilk oyununu keçirib.Azərtac AFFA-ya istinadla xəbər verir ki, Fransa yığması ilə qarşılaşan komandamız Sabir Allahquliyevin vurduğu qollarla 2:0 hesablı qələbə qazanıb.Millimiz növbəti oyununu iyunun 22-də İsveçrə yığmasına qarşı keçirəcək.xeber100.com

“Grand Chess Tour” yarışının ikinci mərhələsinin rapid yarışı başa çatıb

Parisdə Azərbaycan şahmatçısı Teymur Rəcəbovun da qatıldığı nüfuzlu “Grand Chess Tour” yarışının ikinci mərhələsinin rapid yarışı başa çatıb.Azərtac xəbər verir ki, şahmatçımız T.Rəcəbov son turlarda Etienne Bakrot, Riçard Rapport ilə heç-heçə edib, Yan Nepomnyaşiyə məğlub olub.Şahmatçımız turnirin yekun nəticələrinə görə, 8 xalla səkkizinci yeri tutub. Rapid yarışının qalibi 12 xalla ABŞ təmsilçisi Uesli So olub.İyunun 21-də “Grand Chess Tour” turnirinin ikinci mərhələsi çərçivəsində blits turniri keçiriləcək.xeber100.com

İsveçrə-Türkiyə matçının ən yaxşı futbolçusu müəyyənləşib

Futbol üzrə "Avro-2020"nin A qrupu çərçivəsində Bakı Olimpiya Stadionunda keçirilən İsveçrə-Türkiyə matçının ən yaxşı futbolçusu müəyyənləşib.Azərtac xəbər verir ki, İsveçrə yığmasının futbolçusu Cerdan Şakiri görüşün ən yaxşısı seçilib.Bu barədə UEFA-nın rəsmi saytı məlumat yayıb.Qeyd edək ki, Cerdan Şakiri Türkiyə millisi ilə matçda dubl edib.xeber100.com

Koronavirus infeksiyasına 56 yeni yoluxma faktı qeydə alınıb

Azərbaycan Respublikasında koronavirus infeksiyasından daha 88 nəfər müalicə olunaraq sağalıb, 56 yeni yoluxma faktı qeydə alınıb.Nazirlər Kabineti yanında Operativ Qərargahdan Azərtac-a verilən məlumata görə, ötən sutka ərzində COVID-19-dan 1 nəfər vəfat edib.Hazırkı dövrədək ölkəmizdə 335 min 493 nəfərin koronavirus infeksiyasına yoluxması faktı müəyyən edilib. Onlardan 329 min 550 nəfər müalicə olunaraq sağalıb, 4962 nəfər vəfat edib. Aktiv xəstə sayı 981 nəfərdir.Ötən müddət ərzində 3 milyon 675 min 862 test aparılıb. Bugünkü test sayı isə 7581-dir.xeber100.com

Şahmat festivalının əsas yarışı – altıncı turun oyunları keçirilir

İyunun 19-da ənənəvi Praqa şahmat festivalının əsas yarışı – “Masters” turnirinin altıncı turunun oyunları keçirilir.Azərtac xəbər verir ki, Azərbaycan şahmatçısı Nicat Abasov altıncı turda Polşa təmsilçisi Radoslav Voytaşek ilə qarşılaşır.Turun digər oyunlarında polşalı digər şahmatçısı Yan-Kşıştof Duda isveçli Nils Qrandeliusla mübarizə aparacaq. Çexiya şahmatçıları David Navara niderlandlı Jorden Van Forest, Tay Dan Van Nquyen ABŞ təmsilçisi Sem Şenklandla üz-üzə gələcəklər.Yeddi turdan ibarət turnirə aktivində 4 xal olan S.Şenkland başçılıq edir. N.Abasov 3 xalla üçüncü yerdədir.xeber100.com

Güləşçilərin Avropa çempionatı davam edir

Bolqarıstanın Samokov şəhərində yeniyetmə güləşçilərin Avropa çempionatı davam edir.Azərtac xəbər verir ki, mübarizəyə dörddəbir finaldan qoşulan Fəraim Mustafayev (48 kq) estoniyalı idmançını vaxtından əvvəl üstələyərək yarımfinala yüksəlib. Rusiyadan olan güləşçini də tam üstünlüklə yolundan kənarlaşdıran F.Mustafayev finala vəsiqə qazanıb. Təmsilçimiz həlledici görüşdə Türkiyədən olan rəqibinə də aşkar fərqlə qalib gələrək Avropa çempionu olub. Güləşçimiz iki il əvvəl U-15 Avropa çempionatında da qızıl medal qazanmışdı.Güləşçimiz Fərid Baxışlı (55 kq) debütdə estoniyalı güləşçiyə tam üstünlüklə qalib gəlib. Yeniyetmə pəhləvanımız Almaniya təmsilçisinə də eyni aqibəti yaşadıb. Rusiya təmsilçisi ilə gərgin keçən mübarizədə də sevinən tərəf olan F.Baxışlı adını yarımfinala yazdırıb. Bu mərhələdə Belarus güləşçisindən də güclü olan idmançımız finala adlayıb. Həlledici görüşdə Ermənistan idmançısı ilə üz-üzə gələn həmyerlimiz böyük fərqlə hesabda geridə olsa da, möhtəşəm geridönüş edərək sonuncu xal prinsipinə əsasən Avropa çempionu olub.Çempionatda 65 kiloqram çəki dərəcəsində çıxış edən Kənan Abdullazadə ilk mərhələdə türkiyəli həmkarı üzərində əzmkar qələbə qazanıb. Həmyerlimiz daha sonra erməni rəqibini "tuşe" ilə xalçadan məyus yola salıb. Ancaq Ukrayna təmsilçisi ilə bacarmayıb. Rəqib finala yüksəldiyi üçün güləşçimiz iyunun 19-da təsəlliverici görüşə çıxıb və yunan həmkarına "tuşe"ylə qalib gəlib. Estoniya təmsilçisinə də heç bir şans tanımayan K.Abdullazadə Avropa çempionatının bürünc medalına sahib çıxıb.Cocu Səmədov (80 kq) səkkizdəbir finalda belaruslu rəqibinə uduzub.Qeyd edək ki, sərbəst güləş üzrə Azərbaycan millisi Avropa çempionatında 3 gümüş və 1 bürünc medala sahib olub.xeber100.com

“Səbail” futbol klubu müdafiəçisi ilə müqaviləni yeniləyib

Bakının "Səbail" klubu müdafiəçisi Adil Nağıyev ilə müqaviləni yeniləyib.Azərtac kluba istinadla xəbər verir ki, futbolçu ilə birillik müqavilə imzalanıb.Futbolçu 2019-cu ildən Bakı təmsilçisinin şərəfini qoruyur.Müdafiəçi karyerası ərzində "Zirə" və "Sumqayıt" klublarında çıxış edib.xeber100.com