Milli Gimnastika Arenasında dünya çempionatı davam edir

Bakıda, Milli Gimnastika Arenasında aerobika gimnastikası üzrə dünya çempionatı davam edir.Azərtac xəbər verir ki, yarışda 22 ölkədən 171 gimnast birincilik uğrunda mübarizə aparır.Son dövrlərdə Azərbaycanda inkişaf etdirilən aerobikası gimnastikası üzrə Avropa çempionatı ölkəmizdə ilk dəfə 2019-cu ildə təşkil olunub. Çempionata uğurla ev sahibliyi etmiş Milli Gimnastika Arenası bu dəfə qapılarını dünya birinciliyində iştirak edən gimnastikanın ən dinamik növünün nümayəndələri üçün açıb.Azərbaycanı yarışlarda Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova, Nigar İbrahimbəyli, İmran İmranov, Nurcan Cabbarlı, Akif Kərimli, Elçin Məmmədov və Mədinə Mustafayeva təmsil edirlər.Çempionatın sonuncu günündə müxtəlif proqramlar üzrə final yarışları keçirilir.xeber100.com

Budapeştdə cüdo üzrə dünya çempionatı keçiriləcək

İyunun 6-dan 13-dək Budapeştdə cüdo üzrə dünya çempionatı keçiriləcək.Azərtac xəbər verir ki, Olimpiadaya lisenziya xarakterli çempionatda Azərbaycanı 12 cüdoçu təmsil edəcək. Kişilərin yarışında Davud Məmmədsoy, Kəramət Hüseynov (60 kq), Orxan Səfərov, Nicat Şıxəlizadə (66 kq), Nurlan Osmanov, Hidayət Heydərov (73 kq), Murad Fətiyev, Zelim Tkçayev (81 kq) və Elmar Qasımov (100 kq) mübarizə aparacaqlar.Qadınların mübarizəsində isə ölkəmizi Aişə Qurbanlı, Leyla Əliyeva (48 kq) və Gültac Məmmədəliyeva (52 kq) iştirak edəcəklər.xeber100.com

Aerobika gimnastikası üzrə dünya çempionatı davam edir

Bakıda aerobika gimnastikası üzrə dünya çempionatı davam edir.Azərtac xəbər verir ki, mayın 29-dək davam edəcək yarışda 22 ölkədən 171 gimnast birincilik uğrunda mübarizə aparacaq.Azərbaycanda son dövrlərdə inkişaf etdirilən bu növ üzrə Avropa çempionatı ilk dəfə olaraq 2019-cu ildə təşkil edilmişdi. Aerobika gimnastikası üzrə Avropa çempionatına uğurla ev sahibliyi etmiş Milli Gimnastika Arenası artıq bu dəfə dünya birinciliyi zamanı gimnastikanın ən dinamik növünün nümayəndələri üçün öz qapılarını açıb.Çempionatda gimnastlar fərdi qadın və kişi, qarışıq cütlük, üçlük, qrup, həmçinin aerodans və aerostep proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.Azərbaycanı yarışlarda Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova, Nigar İbrahimbəyli, İmran İmranov, Nurcan Cabbarlı, Akif Kərimli, Elçin Məmmədov və Mədinə Mustafayeva təmsil edəcəklər.Çempionatın ikinci günündə gimnastlar qarışıq cütlük, aerodans, qruplar üzrə və kişilər fərdi proqramda təsnifat yarışında güclərini sınayacaqlar. Həmçinin üçlük, aerostep və qadınlar arasında fərdi proqramda final yarışları təşkil olunacaq.xeber100.com

“Champions Chess Tour” seriyasının yarımfinal mərhələsi start götürəcək

Mayın 28-də norveçli dünya çempionu Maqnus Karlsenin təşkil etdiyi “Champions Chess Tour” onlayn seriyasının “The FTX Crypto Cup” turnirinin yarımfinal mərhələsi start götürəcək.Azərtac xəbər verir ki, turnirin dörddəbir finalında niderlandlı Aniş Giriyə qalib gələn Azərbaycan şahmatçısı Teymur Rəcəbov yarımfinalda Maqnus Karlsen ilə qarşılaşacaq. Bu gün şahmatçılar yarımfinalın dörd partiyadan ibarət birinci dövrəsində üz-üzə gələcəklər.Digər yarımfinal oyunu Rusiya təmsilçisi Yan Nepomnyaşi ilə ABŞ şahmatçısı Uesli So arasında baş tutacaq.“The FTX Crypto Cup” turnirinin mükafat fondu 220 min ABŞ dolları məbləğində pul mükafatı və 100 min dollar dəyərində “bitcoin” olacaq.“Champions Chess Tour” onlayn şahmat seriyası ümumilikdə 10 turnirdən ibarətdir. Sentyabradək davam edəcək seriyanın ümumi mükafat fondu isə 1,5 milyon dollardır.xeber100.com

“Zirə” futbol klubu daha 3 futbolçusu ilə yollarını ayırıb

Bakının "Zirə" klubu daha 3 futbolçusu ilə yollarını ayırıb.Azərtac klubun rəsmi saytına istinadla xəbər verir ki, qapıçı Mateus Albino, yarımmüdafiəçi Elvin Camalov və vinger Rodriqo Bonqonqui ilə müqavilə başa çatıb.“Zirə" onlara göstərdikləri xidmətləri qarşılığında təşəkkür edib, karyeralarında uğurlar arzulayıb.Qeyd edək ki, "Zirə" daha əvvəl Ruslan Qurbanov, Kərim Diniyev, Tural Bayramlı, Lazar Corceviç və Klesio Baukla əməkdaşlığa son qoyub. Qəsəbə təmsilçisi əvəzində "Sabah"dan yarımmüdafiəçi Təmkin Xəlilzadəni və "Sumqayıt"dan qapıçı Mehdi Cənnətovu heyətinə qatıb.xeber100.com

Futbol üzrə Azərbaycan millisi beynəlxalq yoldaşlıq oyununa çıxıb

Futbol üzrə Azərbaycan millisi beynəlxalq yoldaşlıq oyununa çıxıb.Azərtac xəbər verir ki, Canni De Byazinin başçılıq etdiyi millimiz Alanyadakı Oba stadionunda Türkiyə yığmasının qonağıdır.Kosovodan olan hakimlər briqadası idarə etdiyi matçda yığmamızın start heyətində Emil Balayev, Qara Qarayev, Maksim Medvedev, Namik Ələskərov, Emin Mahmudov, Ramil Şeydayev, Abbas Hüseynov, Bədavi Hüseynov, Elvin Cəfərquliyev, Anton Krivotsyuk və İsmayıl İbrahimli yer alıblar.Türkiyə seçməsinin ilk on birliyində Altay Bayındır, Mərt Müldür, Merih Demiral, Çağlar Söyüncü, Cengiz Ünder, Halil İbrahim Dervişoğlu, Halil Akbunar, Taylan Antalyalı, Rıdvan Yılmaz, Orkun Kökçü və Kaan Ayhan meydana çıxıblar.Qeyd edək ki, Azərbaycan millisi bu matçdan sonra iyunun 2-də Minskdə Belarus, iyunun 6-da isə Kişineuda Moldova ilə yoldaşlıq görüşləri keçirəcək.xeber100.com

Şahmatçılar arasında Qran-Pri turnirinin dördüncü turunun oyunları keçirilib

Mayın 25-də Cəbəllütariqdə qadın şahmatçılar arasında Qran-Pri turnirinin dördüncü turunun oyunları keçirilib.Azərtac xəbər verir ki, yarışda ölkəmizi təmsil edən Günay Məmmədzadə keçmiş dünya çempionu, Ukrayna təmsilçisi Mariya Muzıçuk ilə görüşüb. Qarşılaşma şahmatçımızın məğlubiyyəti ilə başa çatıb.Ukraynanın digər təmsilçisi - Anna Muzıçuk isə rusiyalı Valentina Quninaya qalib gəlib. Turu daha bir şahmatçı - almaniyalı Elisabet Paets qələbə ilə başa vurub. O, gürcüstanlı Nana Dzaqnidzeni məğlub edib. Rusiyalı şahmatçılar Katerina Laqnonun bolqarıstanlı Antoaneta Stefanova, Alina Kaşlinskayanın Qazaxıstan şahmatçısı Dinara Saduakassova ilə, rumıniyalı İrina Bulmaqanın isə Qazaxıstanın digər təmsilçisi Jansaya Abdumalik ilə qarşılaşmaları heç-heçə başa çatıb.On bir turdan ibarət turnirə iyunun 2-də yekun vurulacaq.xeber100.com  

Azərbaycan Gimnastika Federasiyasının məlumatı əsasında…

Azərbaycan Gimnastika Federasiyasının (AGF) 2021-ci ildə təşkil edəcəyi ən irimiqyaslı yarış aerobika gimnastikası üzrə dünya çempionatı olacaq.Azərtac xəbər verir ki, ölkəmizin ilk dəfə ev sahibliyi edəcəyi yarış mayın 27-29-da keçiriləcək.Azərbaycanda son dövrlərdə inkişaf etdirilən bu növ üzrə Avropa çempionatı isə ilk dəfə olaraq 2019-cu ildə təşkil edilmişdi. Aerobika gimnastikası üzrə Avropa çempionatına uğurla ev sahibliyi etmiş Milli Gimnastika Arenası artıq bu dəfə dünya çempionatı zamanı gimnastikanın ən dinamik növünün nümayəndələri üçün öz qapılarını açmağa hazırlaşır.İlkin qeydiyyat siyahısına əsasən, yarışda 22 ölkədən 171 idmançının iştirakı gözlənilir.Üç gün davam edəcək çempionatda gimnastlar fərdi qadın və kişi, qarışıq cütlük, üçlük, qrup, həmçinin aero dans və aero step proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.xeber100.com

UEFA Avropa Liqasının 2020-2021-ci il mövsümünün final görüşü keçiriləcək

Mayın 26-da Polşanın Qdansk şəhərində UEFA Avropa Liqasının 2020-2021-ci il mövsümünün final görüşü keçiriləcək.Azərtac xəbər verir ki, turnirin həlledici görüşündə İngiltərənin “Mançester Yunayted” klubu İspaniyanın “Vilyarreal” komandası ilə üz-üzə gələcək. Bakı vaxtı ilə saat 23:00-da start götürəcək qarşılaşmanı fransalı referi Kleman Türpen idarə edəcək.“Qarabağ” klubunun yer aldığı I qrupdan lider kimi pley-offa adlayan La Liqa təmsilçisi tarixində ilk dəfə UEFA Avropa Liqasının finalında oynayacaq. Komandanın baş məşqçisi Unai Emeri isə artıq dörd dəfə bu həyəcanı yaşayıb. İspaniyalı mütəxəssis 2013-2016-cı illərdə ölkəsinin “Sevilya”, 2018-2019-cu mövsümündə isə İngiltərənin “Arsenal” komandası ilə finala çıxmağı bacarıb. “Sevilya” ilə ilk üç finalda qələbə qazanan U.Emeri London klubunun sükanı arxasında olarkən Bakıda baş tutmuş həlledici oyunda “Çelsi”yə məğlub olub. Əlli yaşlı mütəxəssis, həmçinin üç müxtəlif komandanın baş məşqçisi kimi UEFA Avropa Liqasının finalına yüksələn ilk çalışdırıcı kimi tarixə düşüb.“Mançester Yunayted” isə sonuncu dəfə 2016-2017-ci il mövsümündə qitənin ikinci dərəcəli klub turnirinin qalibi olub.Həlledici oyundan əvvəl komandaların heyətində ciddi itkilər var. “Qırmızı şeytanlar”ın heyətində Antoni Marsial zədəli olduğu üçün meydana çıxa bilməyəcək. Kapitan Hari Maquayrın da eyni səbəbdən oynamayacağı gözlənilir. “Vilyarreal”ın isə üç oyunçusu matçı buraxmalı olacaq. Visente İborra, Samuel Çukvueze və Xuan Foyt zədə üzündən ingilislərə qarşı oynamayacaq.Qeyd edək ki, “Vilyarreal” yarımfinalda “Arsenal”ı (2:1, 0:0), “Mançester Yunayted” isə “Roma”nı (6:2, 2:3) məğlub edərək finala vəsiqə qazanıblar.xeber100.com

2022-ci ildə keçiriləcək iddiaçılar turnirinin şahmatçıları müəyyənləşib

Beynəlxalq Şahmat Federasiyası (FIDE) 2022-ci ildə keçiriləcək iddiaçılar turnirində iştirak edəcək şahmatçıları müəyyənləşdirib.Azərtac xəbər verir ki, Azərbaycan təmsilçisi Teymur Rəcəbov 2019-cu ildə keçirilmiş dünya kubokunun sahibi kimi bu nüfuzlu yarışda iştirak edəcək.İddiaçılar turnirində T.Rəcəbovdan başqa bu ilin dekabrında dünya çempionu adı uğrunda keçiriləcək qarşılaşmada məğlub oyunçu (Maqnus Karlsen - Yan Nepomnyaşi), 2021-ci ilin avqustunda keçiriləcək dünya kubokunun qalibi və finalçısı, noyabrda Men adasında təşkil ediləcək “Grand Swiss 2021”də ilk iki yeri tutan şahmatçı və 2022-ci ildə təşkil ediləcək Qran-Pri seriyasının nəticələrinə görə ilk iki yeri tutan şahmatçı mübarizə aparacaq.Xatırladaq ki, ötən ilin martında Teymur Rəcəbov dünyada hökm sürən koronavirus pandemiyası səbəbindən FIDE-yə iddiaçılar turnirini başqa vaxta təxirə salmağı təklif etmişdi. FIDE isə bu təklifə sərt reaksiya verərək T.Rəcəbovu turnirdən uzaqlaşdırmaq barədə qərar vermişdi.xeber100.com