UEFA Konfrans Liqasının ikinci təsnifat mərhələsində

"Qəbələ" və Kiprin "Omoniya" komandaları arasında keçiriləcək UEFA Konfrans Liqasının ikinci təsnifat mərhələsinin matçları üçün təyinatlar bəlli olub. İyulun 27-dəki ilk qarşılaşma Rumıniyadan olan hakimlər briqadasına tapşırılıb. Matçın baş hakimi Andrey Çivulete olacaq. Ona Sebastyan George və Daniel Mitruti kömək edəcəklər. Dördüncü hakim funksiyasını Horatiu Fesnic yerinə yetirəcək. Avqustun 3-də baş tutacaq səfərdəki görüşü isveçli baş hakim Adam Ladebek idarə edəcək. Ona yan xətt hakimləri Markus Lundqren Klitte və Daniel İng köməklik göstərəcəklər. Dördüncü hakim isə Yoakim Estlinq olacaq. Qeyd edək ki, ilk matç saat 20:00-da, cavab qarşılaşması Bakı vaxtı ilə saat 21:00-da start götürəcək.xeber100.com

PSJ futbol klubu İtaliya millisinin üzvünü transfer edib

Fransanın PSJ klubu 18 yaşlı yarımmüdafiəçi Şer Nduru transfer edib. İtaliyalı oyunçu ilə 2028-ci ilin yayınadək müqavilə imzalanıb. Futbolçu 27 nömrəli forma geyinəcək. O, PSJ-yə azad agent kimi keçib. Futbolçu ötən mövsüm “Benfika”nın B komandasında 57 matçda 5 qol vurub, 1 məhsuldar ötürmə edib. Qeyd edək ki, Ndur İtaliyanın gənclərdən ibarət yığmasının üzvüdür.xeber100.com

“Səbail” futbol klubu heyətini daha bir futbolçu ilə gücləndirib

Transfer çalışmalarını davam etdirən Bakının "Səbail" klubu heyətini daha bir futbolçu ilə gücləndirib. Bakı təmsilçisi son mövsümü Fransanın "Sedan" komandasında keçirmiş hücumçu Aleksandr Ramalinqomla birillik müqavilə imzalayıb. Madaqaskar millisinin üzvü karyerası ərzində "Marinyan", "Balajn", "Ayaçço", "Marinyan Cinyak", "Bezye" (hamısı Fransa) "Virton" (Belçika) klublarının uğurları üçün çalışıb. Otuz yaşlı futbolçu yığmada 8 oyun keçirib.xeber100.com

“Linkoln” – “Qarabağ” matçının birinci hissəsi başa çatıb

UEFA Çempionlar Liqasının birinci təsnifat mərhələsinin ilk oyunları çərçivəsində keçirilən “Linkoln” – “Qarabağ” matçının birinci hissəsi başa çatıb. “Viktoriya” stadionunda keçirilən matçın 25-ci dəqiqəsində meydan sahibi komandanın heyətində Kike Qomes hesabı açıb. Görüşün birinci hissəsi Cəbəllütariq təmsilçisinin minimal üstünlüyü ilə başa çatıb - 1:0. Komandalar arasında cavab oyunu iyulun 19-da Bakı Olimpiya Stadionunda keçiriləcək. Bu cütün qalibi ikinci təsnifat mərhələsində “Rakuv” (Polşa) – “Flora” (Estoniya) cütünün güclüsü ilə qarşılaşacaq.xeber100.com

Azərbaycan Cüdo Federasiyası seminar təşkil edib

Azərbaycan Cüdo Federasiyası (ACF) “Hakimlik fəaliyyətində özünəinam hissinin əhəmiyyəti” mövzusunda seminar təşkil edib. Bu barədə Azərbaycan Cüdo Federasiyasından məlumat verilib. Təlimdə peşəkar psixoloq Aytac Sahilin iştirakı ilə hakimlik fəaliyyəti zamanı yaranan münaqişəli vəziyyətlər və hakimlərin özünəinam hissini münaqişəli vəziyyətləri idarəetmədə rolu haqqında ətraflı müzakirələr aparılıb. Psixoloq tərəfindən hakimlərə münaqişəli halların daha effektiv həll olunması üçün xüsusi psixoloji biliklər və effektiv vasitələr haqqında məlumat verilib. Həmçinin hakimlər mövzu ilə bağlı öz təcrübələrini bölüşüb və daha əvvəl yaşadıqları münaqişəli vəziyyətlərdə hansı üsullardan istifadə etdiklərini bildirərək mütəxəssis tərəfindən tövsiyələr alıblar. Təlimin məqsədi hakimlərin yerli və beynəlxalq yarışlarda yaranan münaqişəli vəziyyətləri effektiv həll etməsi və hakimlik fəaliyyətinin daha da səmərəli təşkil edilməsidir. Qeyd edək ki, ACF-in təhsil strategiyasına əsasən, hakimlər üçün davamlı olaraq seminarların keçirilməsi planlaşdırılır.xeber100.com

“Linkoln” komandası Çempionlar Liqasının birinci təsnifat mərhələsində

Cəbəllütariqin “Linkoln” komandası Çempionlar Liqasının birinci təsnifat mərhələsində Ağdamın “Qarabağ” klubuna qarşı keçirəcəyi oyunlar üçün iştirak ərizəsini UEFA-ya göndərib. Komanda 22 futbolçu sifariş edib. Heyətdə qapıçılar - Deyl Kolinq, İvan Villanueva, Nauset Santana, müdafiəçilər - Roy Çipolina, Bernardu Lopeş, İtan Britto, İbrahim Ayu, Con Sarcent, Xesus Toskano, yarımmüdafiəçilər - Xuampe, Qrem Torilya, Cumaney Börnet, Marko Rosa, Mandi, Liam Uoker, Mustafa Yahaya, Samson Acayi, hücumçular - Santi Luke, Kike Qomes, Nano, Li Kasyaro və Xuan Penya yer alıblar. Qeyd edək ki, “Qarabağ” klubu “Linkoln”a qarşı ilk matçını iyulun 11-də səfərdə, cavab görüşünü isə iyulun 19-da evdə keçirəcək.xeber100.com

Dünya çempionatının seçmə mərhələsi çərçivəsində

Bakının ilk dəfə ev sahibliyi etdiyi çimərlik futbolu üzrə dünya çempionatının Avropa üzrə əsas seçmə mərhələsi zamanı bu sahəyə marağı olan bir qrup autizmli və Daun sindromlu uşaqlar peşəkar futbolçularla xüsusi təlim-məşq oyununda görüşüblər. “Hər şey mümkündür” adlı sosial layihə çərçivəsində təşkil olunmuş oyunda 20-ə yaxın uşaq iştirak edib. Tədbirə Xüsusi Olimpiya və Milli Paralimpiya komitələrinin nümayəndələri, Dünya Çimərlik Futbolu Təşkilatı, Azərbaycan Çimərlik Futbolu Federasiyasının rəsmiləri də qatılıblar. Oyun Bakı Su İdman Sarayı nəzdində fəaliyyət göstərən Avropa Oyunları Parkında baş tutub. Bir saata yaxın davam edən matçda qonaqlar fiziki məhdudiyyətlərə baxmayaraq müxtəlif Avropa yığmalarının futbolçular ilə yarışıb, idmanın bütün maneələri yıxmağa qadir olduğunu bir daha sübut ediblər. İdmanla məşğul olmaq fiziki qabiliyyətindən asılı olmayaraq fərdlərdə özünə inam yaradır və şəxsi inkişafa töhfə verir. Qeyd edək ki, Gənclər və İdman Nazirliyi, Bakı Şəhər Halqası Əməliyyat Şirkəti (BŞH) və Azərbaycan Futbol Federasiyaları Assosiasiyasının (AFFA) təşkilatçılığı ilə baş tutan seçmə mərhələ iyulun 9-da yekunlaşacaq.xeber100.com

“Neftçi” “Match TV” beynəlxalq turnirində ikinci oyununu keçirib

Yeni mövsümə Rusiyada hazırlaşan “Neftçi” “Match TV” beynəlxalq turnirində ikinci oyununu keçirib. Paytaxt klubu Serbiya təmsilçisi “Srvena Zvezda” ilə qarşılaşıb. Qarşılaşma “Neftçi”nin böyükhesablı məğlubiyyəti ilə başa çatıb - 0:4. “Srvena Zvezda”nın qollarını Mirko İvaniç, Stefan Mitroviç, Osman Bukari və Yovan Slyiviç vurublar. Xatırladaq ki, “Neftçi” turnirdə keçirdiyi ilk oyunda Rusiya “Zenit”inə 1:3 hesabı ilə uduzub. Paytaxt klubu son matçında Türkiyə “Fənərbağça”sı ilə qarşılaşacaq. Görüş iyulun 15-də olacaq.xeber100.com

Azərbaycan Həndbol Federasiyasının məlumatına görə…

Həndbol üzrə yığma komandamız Avropa çempionatına hazırlığı davam etdirir. Azərbaycan Həndbol Federasiyasının mətbuat xidmətindən bildiriblər ki, avqustun 5-dən 13-dək Bakıda keçiriləcək yarışa hazırlaşan on yeddi yaşadək qızlardan ibarət yığmamız Tbilisidə təlim-məşq toplanışında iştirak edir. On beş həndbolçunun qatıldığı hazırlıq prosesinə baş məşqçi Sergey Kambur və köməkçisi Sakinat Abbasova rəhbərlik edirlər. Yığma komandamızın təlim-məşq toplanışı iyulun 9-dək davam edəcək. Qeyd edək ki, milimiz A qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. B qrupunda isə İspaniya, İsrail, Yunanıstan, Lüksemburq və Farer adaları komandaları mübarizə aparacaqlar.xeber100

Formula 1 çempionatının 2023-cü il mövsümünün onuncu mərhələsində

Formula 1 çempionatının 2023-cü il mövsümünün onuncu mərhələsi - Böyük Britaniya Qran-Prisi start götürür. Yarışlar “Silverstoun” avtodromunda keçiriləcək. Hazırkı mövsümdə titul uğrunda mübarizədə “Red Bull” komandasından olan niderlandlı pilot Maks Ferstappenə üçqat dünya çempion adını qazanmağa mane olan intriqalar gözlənilmir. O, ötən doqquz yürüşdən yeddisində, o cümlədən son beş yürüşdə qalib gəlib və yaxın təqibçisi, öz komanda yoldaşı olan meksikalı Serxio Peresi 81 xal üstələyir. Niderlandlının ortağına isə şəxsi hesabda ikinci yeri qoruyub saxlamaq o qədər də asan olmayacaq: ispaniyalı Fernando Alonso (“Aston Martin”) və britaniyalı Luis Hamilton (“Mercedes”) yəqin ki, meksikalı ilə mübarizəyə çıxacaqlar. “Silverstoun” trası Nortgemptonşirdə eyniadlı kəndin yaxınlığında yerləşir. İlk rəsmi Qran-Pri 1950-ci il mayın 13-də təşkil olunub və Formula 1 tarixində birinci olub. Avtodromun sxemi mövcud olduğu illər ərzində 9 dəfə dəyişib. Tras mürəkkəb, yüksəksürətli hesab edilir, sürətli döngələrə malikdir. Böyük Britaniya Qran-Prisinin qaliblər üzrə rekordsmen Hamilton hesab olunur. O, ev mərhələsində 8 dəfə birinci finiş edib. Hazırkı pilotlardan Alonso (2006, 2011) və ispaniyalı Karlos Sayns da (oğul) (2022) qalib olublar. 2020-ci ildə 70 illik Qran-Prisi çərçivəsində Silverstounda Ferstappen qələbə qazanıb. Bu gün sərbəst yürüşlərin birinci hissəsi başlayacaq. Şənbə günü üçüncü sərbəst praktika və təsnifat təşkil olunacaq. Mərhələnin proqramı bazar günü başa çatacaq.xeber100.com