Avropa çempionatının təsnifat mərhələsi çərçivəsində

Kişi voleybolçulardan ibarət Azərbaycan millisi bu gün Avropa çempionatının təsnifat mərhələsi çərçivəsində ikinci oyununu keçirəcək.Azərtac xəbər verir ki, Gürcüstanda təşkil olunan birinci dövrənin oyunlarında “F” qrupunda yer alan yığmamız meydan sahibləri ilə qarşılaşacaq.Millimiz birinci oyununda Monteneqroya 1:3 hesabı ilə məğlub olub.Yığmamız birinci dövrədə sonuncu oyununu mayın 9-da Yunanıstan seçməsinə qarşı keçirəcək.

Azərbaycan Premyer Liqasında XXVI tura start veriləcək

Mayın 8-də futbol üzrə Azərbaycan Premyer Liqasında XXVI tura start veriləcək.Azərtac xəbər verir ki, ilk oyun günündə iki qarşılaşma keçiriləcək.Tur “ASK Arena”da oynanılacaq “Keşlə”- “Sumqayıt” matçı ilə başlayacaq. Hazırda meydan sahibləri 23 xalla sonuncu, qonaqlar isə 33 xalla dördüncü pillədə qərarlaşıb.Komandalar Azərbaycan çempionatlarında indiyədək 34 görüşdə üz-üzə gəliblər. Bunların 16-sı “Keşlə”nin, 8-i “Sumqayıt”ın qələbəsi ilə başa çatıb. Top fərqində də paytaxt təmsilçisi açıq-aşkar üstündür - 51:34. Son dörd görüşdə meydan sahibi olan komanda qələbə qazanmayıb. “Sumqayıt” isə son altı səfər matçında qol sevinci yaşayıb.Bu komandalar mayın 24-də Azərbaycan kubokunun finalında da üz-üzə gələcəklər.Günün sonuncu oyununda Premyer Liqa liderindən cəmi bir xal geri qalan “Neftçi” 24 xalla yeddinci sırada qərarlaşan “Səbail”in qonağı olacaq.İndiyədək Premyer Liqada iki klub arasında keçirilmiş 14 oyunun 2-də “dənizçilər”, 9-da isə “ağ-qaralar” qələbə qazanıb. Flaqman bu görüşlərdə 30 qol vurub, Bayıl təmsilçisi cəmi 10 dəfə fərqlənib. “Neftçi” komandası “Səbail” ilə son dörd matçda meydanı qolsuz tərk etməyib. “Səbail” isə yeddi oyunda qalib gələ bilməyib.Qeyd edək ki, tura mayın 9-da keçiriləcək “Zirə” – “Qəbələ” və “Sabah” – “Qarabağ” matçları ilə yekun vurulacaq.xeber100.com  

Bədii gimnastika üzrə dünya kuboku yarışları davam edir

Bakıda bədii gimnastika üzrə dünya kuboku yarışları davam edir.Azərtac xəbər verir ki, Milli Gimnastika Arenasında gimnastlar fərdi proqramda halqa və topla proqramlarını təqdim edirlər.Belarus gimnastı Alina Harnasko halqa ilə yarışlarda liderliyi ələ alıb. Gimnastın çıxışı hakimlər tərəfindən 25,300 xalla qiymətləndirilib. Bolqarıstanlı Katrin Taseva 25 xalla ikinci, İtaliya təmsilçisi Aleksandra Acurcukukuleze isə 24,850 xalla üçüncü pillədə qərarlaşıblar.Azərbaycanı fərdi proqramda Yay Universiadasının gümüş medalçısı, İslam Həmrəyliyi Oyunlarının qalibi, Olimpiya Oyunlarına lisenziya qazanmış Zöhrə Ağamirova, gənclər arasında dünya çempionatının ikiqat mükafatçısı Arzu Cəlilova təmsil edəcəklər.Kubok yarışlarında 35 ölkədən 61-i fərdi və 106-sı qrup komandasının (18 qrup) üzvü olmaqla, 167 gimnast iştirak edir.xeber

Gürcüstanda yeniyetmə və gənclər arasında şahmat turniri keçiriləcək

Ümummilli lider Heydər Əliyevin anadan olmasının 98-ci ildönümü münasibətilə Gürcüstanda yeniyetmə və gənclər arasında şahmat turniri keçiriləcək.Azərtac xəbər verir ki, turnir Azərbaycanın Gürcüstandakı səfirliyinin təşəbbüsü və “SOCAR Georgia” şirkətinin dəstəyi ilə reallaşacaq.Xatirə turniri mayın 10-da saat 10:00-dan etibarən səfirliyin Tbilisi şəhəri Vaxtanq Qorqasali küçəsi 4 ünvanında yerləşən inzibati binasında start götürəcək.İsveçrə sistemi ilə keçiriləcək turnirin yekununda hər iki kateqoriya üzrə ilk üç yeri tutacaq Gürcüstan vətəndaşları səfir Faiq Quliyev və Gürcüstan hökumətinin səlahiyyətli nümayəndələri tərəfindən təltif olunacaqlar.xeber100.com

Güləş üzrə dünya Olimpiya təsnifat turniri davam edir

Bolqarıstanın paytaxtı Sofiyada güləş üzrə dünya Olimpiya təsnifat turniri davam edir.Azərtac xəbər verir ki, turnirin ikinci günündə - mayın 7-də qadın güləşçilər mübarizə aparırlar.Qadın güləşçilərimizdən Elis Manolova (68 kq) startda Yunanıstan təmsilçisi Aqora Papavasileuya qalib gələrək dörddəbir finala yüksəlib. Təmsilçimizin növbəti rəqibi Argentina idmançısı Klara Vaskes olacaq.Millimizin üzvlərindən Türkan Nəsirova (53 kq) ilk görüşdə Luisa Melendresə (Ekvador), Alyona Kolesnik (57 kq) qırğızıstanlı Nuraida Anarkulovaya, Tatyana Omelçenko (62 kq) Luisa Niemeşə, Gözəl Zutova (76 kq) isə rumıniyalı Katalina Axenteyə məğlub olaraq mübarizəni dayandırıblar.Lisenziya sahiblərini müəyyənləşdirən yarımfinal qarşılaşmaları saat 20:00-da start götürəcək.Qeyd edək ki, qadın güləşçilərimizdən yalnız səkkizqat Avropa çempionu Mariya Stadnik "Tokio-2020"yə vəsiqəni təmin edib.xeber100.com

Cüdo üzrə “Böyük dəbilqə” turnirinə mayın 7-də yekun vurulub

Kazanda keçirilən cüdo üzrə “Böyük dəbilqə” turnirinə mayın 7-də yekun vurulub.Azərtac xəbər verir ki, sonuncu günündə Azərbaycanın bir cüdoçusu mübarizə aparıb. Camal Feyziyev (+100 kq) onaltıdabir final mərhələsində Slovakiya təmsilçisi Marius Fizeli məğlub etsə də, səkkizdəbir finalda braziliyalı Rafael Silvaya uduzub.Beləliklə, turnirə 10 cüdoçu ilə qatılan komandamız yarışı bir bürünc medalla başa vurub. Bürünc medalı yığmamızın aktivinə 81 kiloqram çəki dərəcəsində mübarizə aparan Murad Fətiyev yazdırıb. İdmançımız bu nəticə ilə həm də Tokio Yay Olimpiya Oyunlarına vacib lisenziya xalları qazanıb.“Böyük dəbilqə” turnirində 79 ölkədən 400-dən çox idmançı mübarizə aparıb.xeber100.com

Cüdo üzrə “Böyük dəbilqə” turnirinin ikinci günündə…

Kazanda keçirilən cüdo üzrə “Böyük dəbilqə” turnirinin ikinci günündə Azərbaycan cüdoçusu bürünc medal qazanıb.Azərtac xəbər verir ki, 81 kiloqram çəki dərəcəsində mübarizə aparan təmsilçimiz Murad Fətiyev üçüncü yer uğrunda qarşılaşmada belaruslu Yunus Bekmurzayevi məğlub edərək bürünc medal qazanıb. Beləliklə, komandamız turnirdə ilk medalını əldə edib.Qeyd edək ki, cüdoçularımız turnirin birinci gününü medalsız başa vurublar. Yetmiş doqquz ölkədən 400-dən çox idmançının mübarizə apardığı yarışda Azərbaycan 10 cüdoçu ilə təmsil olunur. Tokio Olimpiadasına lisenziya xarakterli yarış mayın 7-dək davam edəcək.xeber100.com

FIDE şahmat tacı uğrunda keçiriləcək qarşılaşmanın vaxtını dəyişdirməyəcək

FIDE şahmat tacı uğrunda norveçli Maqnus Karlsen və rusiyalı Yan Nepomnyaşi arasında keçiriləcək qarşılaşmanın vaxtını dəyişdirməyi planlaşdırmır.Azərtac xəbər verir ki, bu barədə FIDE prezidenti Arkadi Dvorkoviç jurnalistlərə açıqlamasında deyib. O, şahmat tacı uğrunda görüşə hazırlıq işlərinin artıq başladığını bildirib.Qarşılaşma noyabrın 24-dən dekabrın 16-dək Dubayda təşkil olunacaq Ümumdünya Sərgisi çərçivəsində keçiriləcək.Xatırladaq ki, Yekaterinburqda keçirilmiş iddiaçılar turnirində qalib gələn Rusiya təmsilçisi Yan Nepomnyaşi şahmat tacı uğrunda görüşdə iştirak hüququ qazanıb.xeber100.com

“Mançester Siti” futbol klubu yeni rekord müəyyənləşdirib

İngiltərənin “Mançester Siti” futbol klubu UEFA Çempionlar Liqasının finalına çıxmaqla yeni rekord müəyyənləşdirib.Azərtac xəbər verir ki, “Mançester Siti” turnirin tarixində həlledici oyuna vəsiqə qazanan doqquzuncu İngiltərə klubu olub. Bu, UEFA Çempionlar Liqasında rekord sayılır. İndiyədək heç bir ölkədən bu qədər klubu finala yüksəlməyib.“Mançester Siti”dən əvvəl “Liverpul”, “Tottenhem”, “Çelsi”, “Mançester Yunayted”, “Arsenal”, “Aston Villa”, “Nottinqem Forest” və “Lids” klubları qitənin ən nüfuzlu klub turnirinin finalında iştirak edib.Xatırladaq ki, “Mançester Siti” klubu “Paris Sen-Jermen” komandasını səfərdə 2:1, ev oyununda isə 2:0 hesabı ilə məğlub edərək ilk dəfə UEFA Çempionlar Liqasının finalına vəsiqə qazanıb.xeber100.com

UEFA Çempionlar Liqasında yarımfinal mərhələsinin ikinci cavab oyunu keçiriləcək

Mayın 5-də futbol üzrə UEFA Çempionlar Liqasında yarımfinal mərhələsinin ikinci cavab oyunu keçiriləcək.Azərtac xəbər verir ki, bununla da turnirin ikinci finalçısı müəyyənləşəcək. İngiltərənin “Çelsi” və İspaniyanın “Real Madrid” komandaları həlledici qarşılaşmaya sonuncu vəsiqə uğrunda cavab matçına çıxacaqlar. İlk oyunda 1:1 hesablı heç-heçəyə nail olan “zadəganlar” Londonda bu üstünlükdən yararlanmağa çalışacaqlar.İtaliyalı FIFA referisi Daniele Orsatonun idarə edəcəyi qarşılaşma Bakı vaxtı ilə saat 23:00-da başlayacaq.Meydan sahiblərinin heyətində ciddi itki yoxdur. Mateo Kovaçiçin oynayıb-oynamayacağı sual altındadır. Qonaqlarda isə zədədən əziyyət çəkən Dani Karvahal və Lukas Vaskesin matçı buraxacaqları dəqiqləşib. Rafael Varanla Ferlan Mendinin meydana çıxıb-çıxmayacağı isə bilinmir.Qeyd edək ki, qitənin ən nüfuzlu klub turnirinin ilk finalçısı ötən gün “Paris Sen-Jermen”i iki oyunun nəticəsinə əsasən məğlub edən (2:1, 2:0) “Mançester Siti”dir. Mançester təmsilçisi klub tarixində ilk dəfə turnirin finalına vəsiqə qazanıb.xeber100.com