“Qarabağ” futbol klubunun aparıcı futbolçusu komandadan ayrıla bilər

Ağdamın “Qarabağ” klubunun aparıcı futbolçusu Xayme Romero komandadan ayrıla bilər.Azərtac xəbər verir ki, futbolçuya Kiprin “Apollon” klubundan təklif gəlib. Növbəti mövsüm Çempionlar Liqasında oynamağı hədəfləyən komanda mövsümün sonunda ispaniyalı futbolçunu transfer üçün danışıqlara başlayacaq.Qeyd edək ki, “Apollon” bir müddət əvvəl Ağdam klubundan ayrılan Donald Geryeni heyətinə qatıb.xeber100.com

Beynəlxalq Şahmat Federasiyası şahmatçılara maliyyə dəstəyi göstərəcək

Beynəlxalq Şahmat Federasiyası (FIDE) bu il də veteran şahmatçılara illik maliyyə dəstəyi göstərəcək.Azərtac xəbər verir ki, bu barədə FIDE-nin rəsmi saytında məlumat verilib.Məlumatda bildirilir ki, vəsait şahmatın inkişafında böyük əməyi olan, lakin hazırda maliyyə vəziyyəti sabit olmayan və yaşı 65-dən yuxarı şahmatçılar, məşqçilər və mütəxəssislər üçün nəzərdə tutulub. Bu il üçün veteran şahmatçılara göstəriləcək maliyyə vəsaitinin miqdarı hələ müəyyənləşməyib.Ötən il bu məqsədlə 56 min avro vəsait ayrılmışdı.xeber100.com

“Konyaspor” futbol klubunun yeni baş məşqçisi müəyyənləşib

Türkiyənin “Konyaspor” klubunun yeni baş məşqçisi müəyyənləşib.Azərtac xəbər verir ki, Super Liqa təmsilçisi İlhan Palut ilə anlaşıb. Qırx dörd yaşlı mütəxəssislə 1,5 illik müqavilə imzalanıb.Qeyd edək ki, çalışdırıcı “Konyaspor”dan əvvəl “Göztəpə”, “Hatayspor” və “Ümraniyəspor” klublarında da baş məşqçi kimi çalışıb.xeber100.com

“Keşlə” komandası Moldova millisinin futbolçusunu heyətinə qatıb

Bakının “Keşlə” komandası Moldova millisinin futbolçusu Yevgeni Koçuku heyətinə qatıb.Azərtac klubun rəsmi saytına istinadla xəbər verir ki, 27 yaşlı yarımmüdafiəçi ilə cari mövsümün sonunadək müqavilə imzalanıb.Qeyd edək ki, Y.Koçuk bundan əvvəl Moldovanın “Daçia”, Slovakiyanın “Jilina”, Azərbaycanın “Səbail” və “Sabah” klublarında çıxış edib. O, yığmada 25 oyun keçirib.xeber100.com

“Böyük dəbilqə” turnirində Azərbaycanın 17 cüdoçusunun iştirakı planlaşdırılıb

Daşkənddə keçiriləcək “Böyük dəbilqə” turnirində Azərbaycanın 17 cüdoçusunun iştirakı planlaşdırılıb.Azərtac xəbər verir ki, yarışda kişilər arasında Kəramət Hüseynov, Davud Məmmədsoy (hər ikisi 60 kq), Nicat Şıxəlizadə, Yaşar Nəcəfov (hər ikisi 66 kq), Rüstəm Orucov, Nurlan Osmanov (73 kq), Murad Fətiyev, Hidayət Heydərov (hər ikisi 81 kq), Məmmədəli Mehdiyev (90 kq), Aslan Mirzəyev, Adil Kərimli (hər ikisi 100 kq), Uşangi Kokauri, Camal Feyziyevin (100 kiloqramdan yuxarı) iştirakı nəzərdə tutulub. Qadınların yarışında isə mübarizə aparmaq üçün Aişə Qurbanlı, Leyla Əliyeva (48 kq), Gültac Məmmədəliyeva (52 kq), İrina Kindzerskanın (78 kiloqramdan yuxarı) adları siyahıya daxil edilib.Yarış martın 5-dən 7-dək keçiriləcək.xeber100.com

İdman gimnastikası üzrə Avropa çempionatı tamaşaçısız keçiriləcək

Bu il İsveçrədə keçiriləcək idman gimnastikası üzrə Avropa çempionatı tamaşaçısız keçiriləcək.Azərtac xəbər verir ki, bu barədə “Avropa Gimnastikası”nın mətbuat xidməti məlumat yayıb.Məlumatda bildirilib ki, yerli Təşkilat Komitəsinin rəhbəri Katrin Amaker bu qərarın idmançıların sağlamlığına görə qəbul edildiyini vurğulayıb: “Tribunaların boş olması, eləcə də, azarkeşlərin mübarizəni yalnız evdən izləyə biləcəkləri üçün kədərləndik. Ancaq sağlamlıq hər şeydən vacibdir”.Turnir Bazeldə aprelin 21-25-də təşkil ediləcək. Satılmış biletlər üçün bütün pullar geri qaytarılacaq.xeber100.com

“Champions Chess Tour” seriyası çərçivəsində keçiriləcək dördüncü turnirdə

Azərbaycan şahmatçısı Teymur Rəcəbov “Champions Chess Tour” seriyası çərçivəsində keçiriləcək dördüncü turnirdə iştirak edəcək.Azərtac xəbər verir ki, təmsilçimiz “Opera Euro Rapid” onlayn turnirinin dörddəbir finalına adlamaqla növbəti turnirə vəsiqəni əldə edib. Qeyd edək ki, seriya çərçivəsində növbəti yarış martın 13-21-də keçiriləcək.Xatırladaq ki, Teymur Rəcəbov “Champions Chess Tour”un sentyabrda keçiriləcək final mərhələsində də iştirak edəcək. O, vəsiqəni “Airthing Masters” turnirinin finalında Ermənistan şahmatçısı Levon Aronyanı məğlub etməklə qazanıb.xeber100.com

Güləş üzrə millilərimiz fevralın 8-də növbəti təlim-məşq toplanışına start verib

Yunan-Roma və sərbəst güləş üzrə millilərimiz fevralın 8-də növbəti təlim-məşq toplanışına start verib.Azərtac xəbər verir ki, hər iki yığmamız ölkə xaricində toplanış keçir. Yunan-Roma güləşi üzrə millimiz baş məşqçi Aleksandr Tarakanov və böyük məşqçi Rövşən Bayramovun rəhbərliyi altında Belarusun paytaxtı Minskdə məşqlərə başlayıb. “Stayki” Olimpiya Mərkəzində keçirilən hazırlıq prosesində bir neçə ölkənin komandası iştirak edir. Hazırlıq prosesi fevralın 25-dək davam edəcək.Sərbəst güləş üzrə millimiz isə Dağıstana yollanıb. Mahaçqalada keçirilən toplanışa baş məşqçi Namiq Abdullayev və böyük məşqçi Zəlimxan Hüseynov nəzarət edirlər. Bu komandanın da ölkə xaricində hazırlığı fevralın 25-dək davam edəcək.Qeyd edək ki, təlim-məşq toplanışları martın 18-dən 21-dək Macarıstanın paytaxtı Budapeştdə baş tutacaq Avropa Olimpiya təsnifat turnirinə hazırlıq xarakteri daşıyır.xeber100.com

“La ville d’Orsay” onlayn şahmat turnirinin qalibləri müəyyənləşib

Fransanın Orsay şəhər merinin təşkilatçılığı ilə keçirilmiş “La ville d'Orsay” onlayn şahmat turnirinin qalibləri müəyyənləşib.Azərtac xəbər verir ki, 294 şahmatçının mübarizəyə qoşulduğu yarışda Azərbaycan şahmatçıları da iştirak ediblər. Şahmatçılarımızdan ən yaxşı nəticəni Rauf Məmmədov (8,5 xal, 8-ci yer) göstərib. Şəhriyar Məmmədyarov 7,5 xalla 26-cı yeri tutub. Onunla eyni xalı yığan Fransada yaşayan həmyerlimiz və turnirin təşkilatçılarından biri olan Namiq Quliyev isə 29-cu pillədə qərarlaşıb.Yarışın qalibi 11 turdan 10 xal toplayan Gürcüstan təmsilçisi Baadur Jobava olub.xeber100.com

“Sabah” futbol klubu heyətini yeni futbolçu ilə gücləndirib

Bakının “Sabah” klubu heyətini yeni futbolçu ilə gücləndirib.Azərtrac xəbər verir ki, paytaxt təmsilçisi ukraynalı yarımmüdafiəçi Dmitro Klotsla anlaşıb.İyirmi dörd yaşlı oyunçu ilə mövsümün sonunadək müqavilə imzalanıb. O, “Sabah”da 48 nömrəli formanı geyinəcək.Qeyd edək ki, 2020-ci ildə “Keşlə”də oynayan Dmitro Klots 2014-2020-ci illərdə ölkəsində “Karpatı” (Lvov) komandasının şərəfini qoruyub.xeber100.com