İdman gimnastikası üzrə Avropa çempionatı tamaşaçısız keçiriləcək

Bu il İsveçrədə keçiriləcək idman gimnastikası üzrə Avropa çempionatı tamaşaçısız keçiriləcək.Azərtac xəbər verir ki, bu barədə “Avropa Gimnastikası”nın mətbuat xidməti məlumat yayıb.Məlumatda bildirilib ki, yerli Təşkilat Komitəsinin rəhbəri Katrin Amaker bu qərarın idmançıların sağlamlığına görə qəbul edildiyini vurğulayıb: “Tribunaların boş olması, eləcə də, azarkeşlərin mübarizəni yalnız evdən izləyə biləcəkləri üçün kədərləndik. Ancaq sağlamlıq hər şeydən vacibdir”.Turnir Bazeldə aprelin 21-25-də təşkil ediləcək. Satılmış biletlər üçün bütün pullar geri qaytarılacaq.xeber100.com

“Champions Chess Tour” seriyası çərçivəsində keçiriləcək dördüncü turnirdə

Azərbaycan şahmatçısı Teymur Rəcəbov “Champions Chess Tour” seriyası çərçivəsində keçiriləcək dördüncü turnirdə iştirak edəcək.Azərtac xəbər verir ki, təmsilçimiz “Opera Euro Rapid” onlayn turnirinin dörddəbir finalına adlamaqla növbəti turnirə vəsiqəni əldə edib. Qeyd edək ki, seriya çərçivəsində növbəti yarış martın 13-21-də keçiriləcək.Xatırladaq ki, Teymur Rəcəbov “Champions Chess Tour”un sentyabrda keçiriləcək final mərhələsində də iştirak edəcək. O, vəsiqəni “Airthing Masters” turnirinin finalında Ermənistan şahmatçısı Levon Aronyanı məğlub etməklə qazanıb.xeber100.com

Güləş üzrə millilərimiz fevralın 8-də növbəti təlim-məşq toplanışına start verib

Yunan-Roma və sərbəst güləş üzrə millilərimiz fevralın 8-də növbəti təlim-məşq toplanışına start verib.Azərtac xəbər verir ki, hər iki yığmamız ölkə xaricində toplanış keçir. Yunan-Roma güləşi üzrə millimiz baş məşqçi Aleksandr Tarakanov və böyük məşqçi Rövşən Bayramovun rəhbərliyi altında Belarusun paytaxtı Minskdə məşqlərə başlayıb. “Stayki” Olimpiya Mərkəzində keçirilən hazırlıq prosesində bir neçə ölkənin komandası iştirak edir. Hazırlıq prosesi fevralın 25-dək davam edəcək.Sərbəst güləş üzrə millimiz isə Dağıstana yollanıb. Mahaçqalada keçirilən toplanışa baş məşqçi Namiq Abdullayev və böyük məşqçi Zəlimxan Hüseynov nəzarət edirlər. Bu komandanın da ölkə xaricində hazırlığı fevralın 25-dək davam edəcək.Qeyd edək ki, təlim-məşq toplanışları martın 18-dən 21-dək Macarıstanın paytaxtı Budapeştdə baş tutacaq Avropa Olimpiya təsnifat turnirinə hazırlıq xarakteri daşıyır.xeber100.com

“La ville d’Orsay” onlayn şahmat turnirinin qalibləri müəyyənləşib

Fransanın Orsay şəhər merinin təşkilatçılığı ilə keçirilmiş “La ville d'Orsay” onlayn şahmat turnirinin qalibləri müəyyənləşib.Azərtac xəbər verir ki, 294 şahmatçının mübarizəyə qoşulduğu yarışda Azərbaycan şahmatçıları da iştirak ediblər. Şahmatçılarımızdan ən yaxşı nəticəni Rauf Məmmədov (8,5 xal, 8-ci yer) göstərib. Şəhriyar Məmmədyarov 7,5 xalla 26-cı yeri tutub. Onunla eyni xalı yığan Fransada yaşayan həmyerlimiz və turnirin təşkilatçılarından biri olan Namiq Quliyev isə 29-cu pillədə qərarlaşıb.Yarışın qalibi 11 turdan 10 xal toplayan Gürcüstan təmsilçisi Baadur Jobava olub.xeber100.com

“Sabah” futbol klubu heyətini yeni futbolçu ilə gücləndirib

Bakının “Sabah” klubu heyətini yeni futbolçu ilə gücləndirib.Azərtrac xəbər verir ki, paytaxt təmsilçisi ukraynalı yarımmüdafiəçi Dmitro Klotsla anlaşıb.İyirmi dörd yaşlı oyunçu ilə mövsümün sonunadək müqavilə imzalanıb. O, “Sabah”da 48 nömrəli formanı geyinəcək.Qeyd edək ki, 2020-ci ildə “Keşlə”də oynayan Dmitro Klots 2014-2020-ci illərdə ölkəsində “Karpatı” (Lvov) komandasının şərəfini qoruyub.xeber100.com

“Kəpəz” futbol klubu Azərbaycan kubokunda 100-cü oyununu keçirib

Gəncənin “Kəpəz” futbol klubu Azərbaycan kubokunda 100-cü oyununu keçirib.Azərtac xəbər verir ki, yubiley dörddəbir final mərhələsinin “Keşlə” ilə matçına təsadüf edib. Bu qarşılaşmayadək 99 görüşə çıxan “Kəpəz” 0:2 hesabı ilə uduzub.Turnirdə 1992-ci ildə debüt edən “Kəpəz” 57 qələbə qazanıb, 15 heç-heçə edib və 28 dəfə uduzub. Gəncəlilər 180 qol vurub, 104-nü buraxıblar.Qeyd edək ki, “Kəpəz” evdə 47, səfərdə 49, neytral meydanda 4 dəfə qüvvəsini sınayıb.xeber100.com

Azərbaycan kubokunun dörddəbir final mərhələsinin cavab qarşılaşması keçirilib

Fevralın 6-da futbol üzrə Azərbaycan kubokunun dörddəbir final mərhələsinin birinci cavab qarşılaşması keçirilib.Azərtac xəbər verir ki, günün birinci matçında "Qəbələ" öz meydanında Ağdamın "Qarabağ" klubunu qəbul edib. Qəbələ şəhər stadionunda baş tutan görüşdə Ağdam təmsilçisi meydan sahiblərinin qapısından üç cavabsız top keçirib. "Qarabağ"ın qollarını Maksim Medvedev (6) və Patrik Andrade (45+4, 48) vurublar.Beləliklə, birinci oyunda da Qəbələ təmsilçisini 3:1 hesabı ilə məğlub edən ağdamlılar yarımfinala vəsiqə qazanıblar.Günün digər matçında isə "Səbail" doğma meydanda "Sumqayıt"ı qəbul edəcək.Ölkə kubokunun dörddəbir final mərhələsinin digər iki matçı fevralın 7-də keçiriləcək. Bu oyunlarda "Kəpəz" klubu "Keşlə"ni, "Zirə" isə "Neftçi"ni qəbul edəcək.xeber100.com

“Champions Chess Tour” onlayn şahmat seriyasının üçüncü mərhələsində

Fevralın 6-da start götürəcək “Champions Chess Tour” onlayn şahmat seriyasının üçüncü mərhələsində Azərbaycan şahmatçısı Teymur Rəcəbov beş oyun keçirəcək.Azərtac xəbər verir ki, “Opera Euro Rapid” adlanan turnirin birinci turunda şahmatçımız Almaniya təmsilçisi Matias Blubaum ilə qarşılaşacaq. İlk qarşılaşma Bakı vaxtı ilə 20:00-da başlayacaq.Qeyd edək ki, böyük maraqla gözlənilən Teymur Rəcəbov - Levon Aronyan qarşılaşması fevralın 8-də 15-ci turun oyunları çərçivəsində baş tutacaq. Üç gün davam edəcək qrup mərhələsində gündə beş tur oynanılacaq. Turnirin mükafat fondu 100 min ABŞ dolları təşkil edir.“Champions Chess Tour” onlayn şahmat seriyası ümumilikdə 10 turnirdən ibarətdir və 2021-ci ilin sentyabrına qədər davam edəcək.xeber100.com

Türkiyə çempionatında XXIII tur çərçivəsində

Fevralın 4-də futbol üzrə Türkiyə çempionatında XXIII tur çərçivəsində keçirilən qarşılaşmada “Trabzonspor” doğma meydanda “Dənizlispor”u qəbul edib.Azərtac xəbər verir ki, qarşılıqlı hücumlar şəraitində keçən görüşdə meydan sahibləri rəqibini minimal hesabla məğlub edib. Trabzon təmsilçisinin yeganə qolunu 61-ci dəqiqədə Anastasios Bakasetas vurub.Günün digər oyununda "Göztəpə" və "Yeni Malatyaspor" klubları qarşılaşıblar. Bu matçda isə qalib müəyyənləşməyib - 2:2.Hazırda Türkiyə Superliqasının turnir cədvəlinə 48 xalla “Fənərbağça” başçılıq edir. İkinci pillədə 45 xal toplayan “Qalatasaray”, üçüncü pillədə isə onunla eyni xala malik olan “Beşiktaş” qərarlaşıb.xeber100.com

2023-cü ilin yayında keçiriləcək III Avropa Oyunlarının proqramı genişləndiriləcək

Avropa Olimpiya Komitələri (AOK) 2023-cü ilin yayında keçiriləcək III Avropa Oyunlarının proqramını genişləndirməyə davam edir.Azərtac xəbər verir ki, atıcılıq idman növü də Polşanın Krakov şəhərində keçiriləcək Oyunların proqramına daxil edilib. Atıcılıq bundan əvvəlki Oyunlarda – “Bakı-2015” və “Minsk-2019”da yer alıb.III Avropa Oyunlarının proqramına qeyd etdiyimiz idman növü ilə yanaşı, müasir beşnövçülük, taekvondo, karate, çimərlik həndbolu, badminton, boks, kamandan oxatma, sinxron üzgüçülük, basketbol - 3x3, breyk-dans, kanoe (kayak və kanoe, kanoe slalom), velosiped idmanı (BMX, şose), qılıncoynatma, gimnastika, cüdo, karate, dağ qaçışı, reqbi-7, tramplindən tullanma (yay), idman dırmanması, stolüstü tennis, triatlon, voleybol, çimərlik voleybolu, ağırlıqqaldırma da daxildir.Xatırladaq ki, tarixdə ilk Avropa Oyunları 2015-ci il iyunun 12-28-də Bakıda təşkil olunub.xeber100.com