“Kəpəz” futbol klubu Azərbaycan kubokunda 100-cü oyununu keçirib

Gəncənin “Kəpəz” futbol klubu Azərbaycan kubokunda 100-cü oyununu keçirib.Azərtac xəbər verir ki, yubiley dörddəbir final mərhələsinin “Keşlə” ilə matçına təsadüf edib. Bu qarşılaşmayadək 99 görüşə çıxan “Kəpəz” 0:2 hesabı ilə uduzub.Turnirdə 1992-ci ildə debüt edən “Kəpəz” 57 qələbə qazanıb, 15 heç-heçə edib və 28 dəfə uduzub. Gəncəlilər 180 qol vurub, 104-nü buraxıblar.Qeyd edək ki, “Kəpəz” evdə 47, səfərdə 49, neytral meydanda 4 dəfə qüvvəsini sınayıb.xeber100.com

Azərbaycan kubokunun dörddəbir final mərhələsinin cavab qarşılaşması keçirilib

Fevralın 6-da futbol üzrə Azərbaycan kubokunun dörddəbir final mərhələsinin birinci cavab qarşılaşması keçirilib.Azərtac xəbər verir ki, günün birinci matçında "Qəbələ" öz meydanında Ağdamın "Qarabağ" klubunu qəbul edib. Qəbələ şəhər stadionunda baş tutan görüşdə Ağdam təmsilçisi meydan sahiblərinin qapısından üç cavabsız top keçirib. "Qarabağ"ın qollarını Maksim Medvedev (6) və Patrik Andrade (45+4, 48) vurublar.Beləliklə, birinci oyunda da Qəbələ təmsilçisini 3:1 hesabı ilə məğlub edən ağdamlılar yarımfinala vəsiqə qazanıblar.Günün digər matçında isə "Səbail" doğma meydanda "Sumqayıt"ı qəbul edəcək.Ölkə kubokunun dörddəbir final mərhələsinin digər iki matçı fevralın 7-də keçiriləcək. Bu oyunlarda "Kəpəz" klubu "Keşlə"ni, "Zirə" isə "Neftçi"ni qəbul edəcək.xeber100.com

“Champions Chess Tour” onlayn şahmat seriyasının üçüncü mərhələsində

Fevralın 6-da start götürəcək “Champions Chess Tour” onlayn şahmat seriyasının üçüncü mərhələsində Azərbaycan şahmatçısı Teymur Rəcəbov beş oyun keçirəcək.Azərtac xəbər verir ki, “Opera Euro Rapid” adlanan turnirin birinci turunda şahmatçımız Almaniya təmsilçisi Matias Blubaum ilə qarşılaşacaq. İlk qarşılaşma Bakı vaxtı ilə 20:00-da başlayacaq.Qeyd edək ki, böyük maraqla gözlənilən Teymur Rəcəbov - Levon Aronyan qarşılaşması fevralın 8-də 15-ci turun oyunları çərçivəsində baş tutacaq. Üç gün davam edəcək qrup mərhələsində gündə beş tur oynanılacaq. Turnirin mükafat fondu 100 min ABŞ dolları təşkil edir.“Champions Chess Tour” onlayn şahmat seriyası ümumilikdə 10 turnirdən ibarətdir və 2021-ci ilin sentyabrına qədər davam edəcək.xeber100.com

Türkiyə çempionatında XXIII tur çərçivəsində

Fevralın 4-də futbol üzrə Türkiyə çempionatında XXIII tur çərçivəsində keçirilən qarşılaşmada “Trabzonspor” doğma meydanda “Dənizlispor”u qəbul edib.Azərtac xəbər verir ki, qarşılıqlı hücumlar şəraitində keçən görüşdə meydan sahibləri rəqibini minimal hesabla məğlub edib. Trabzon təmsilçisinin yeganə qolunu 61-ci dəqiqədə Anastasios Bakasetas vurub.Günün digər oyununda "Göztəpə" və "Yeni Malatyaspor" klubları qarşılaşıblar. Bu matçda isə qalib müəyyənləşməyib - 2:2.Hazırda Türkiyə Superliqasının turnir cədvəlinə 48 xalla “Fənərbağça” başçılıq edir. İkinci pillədə 45 xal toplayan “Qalatasaray”, üçüncü pillədə isə onunla eyni xala malik olan “Beşiktaş” qərarlaşıb.xeber100.com

2023-cü ilin yayında keçiriləcək III Avropa Oyunlarının proqramı genişləndiriləcək

Avropa Olimpiya Komitələri (AOK) 2023-cü ilin yayında keçiriləcək III Avropa Oyunlarının proqramını genişləndirməyə davam edir.Azərtac xəbər verir ki, atıcılıq idman növü də Polşanın Krakov şəhərində keçiriləcək Oyunların proqramına daxil edilib. Atıcılıq bundan əvvəlki Oyunlarda – “Bakı-2015” və “Minsk-2019”da yer alıb.III Avropa Oyunlarının proqramına qeyd etdiyimiz idman növü ilə yanaşı, müasir beşnövçülük, taekvondo, karate, çimərlik həndbolu, badminton, boks, kamandan oxatma, sinxron üzgüçülük, basketbol - 3x3, breyk-dans, kanoe (kayak və kanoe, kanoe slalom), velosiped idmanı (BMX, şose), qılıncoynatma, gimnastika, cüdo, karate, dağ qaçışı, reqbi-7, tramplindən tullanma (yay), idman dırmanması, stolüstü tennis, triatlon, voleybol, çimərlik voleybolu, ağırlıqqaldırma da daxildir.Xatırladaq ki, tarixdə ilk Avropa Oyunları 2015-ci il iyunun 12-28-də Bakıda təşkil olunub.xeber100.com

İtaliyanın “Kalyari” futbol klubu heyətinə yeni futbolçu qatıb

İtaliyanın “Kalyari” klubu heyətinə yeni futbolçu qatıb.Azərtac xəbər verir ki, A Seriyası təmsilçisi qanalı qol cinah müdafiəçisi Kvadvo Asamoanı rənglərinə bağlayıb.Otuz iki yaşlı futbolçu ilə müqavilə mövsümün sonunadək nəzərdə tutulub. Futbolçu “Kalyari”yə azad agent statusunda keçib.xeber100.com

Azərbaycan millisinin Avropa çempionatının seçmə mərhələsi çərçivəsində

Qadın futbolçulardan ibarət Azərbaycan millisinin Avropa çempionatının seçmə mərhələsi çərçivəsində İspaniya və Moldova komandalarına qarşı keçirəcək oyunların stadionu və başlama vaxtı məlum olub.Azərtac AFFA-ya istinadla xəbər verir ki, İspaniya ilə oyun saat 20:00-da, Moldova komandası ilə qarşılaşma isə saat 18:00-da başlayacaq.Hər iki qarşılaşma ASK Arenada keçiriləcək.Qeyd edək ki, İspaniya ilə qarşılaşma fevralın 18-də, Moldova ilə oyun isə ayın 23-də təşkil olunacaq.xeber100.com

“Səbail” futbol klubu 800 manat məbləğində cərimələnib

AFFA İntizam Komitəsi “Səbail” klubunu 800 manat məbləğində cərimələyib.Azərtac xəbər verir ki, buna paytaxt təmsilçisinin “Sumqayıt”a 1:0 hesabı ilə qalib gəldiyi Azərbaycan kubokunun dörddəbir final mərhələsinin ilk matçına gecikməsi səbəb olub.“Kəpəz” klubu da eyni məbləğdə cərimə ödəyəcək. Gəncə təmsilçisinin 4 futbolçusu “Keşlə”yə 0:1 hesabı ilə uduzduqları dörddəbir finalın ilk görüşündə sarı vərəqə ilə cəzalandırlıb.xeber100.com

İngiltərənin “Bornmut” futbol klubu baş məşqçi ilə yollarını ayırıb

İngiltərənin “Bornmut” futbol klubu baş məşqçi ilə yollarını ayırıb.Azərtac klubun rəsmi saytına istinadla xəbər verir ki, Ceyson Tindell istefaya göndərilib. Klub rəhbərliyi komandanın cari Çempionşip mövsümündəki nəticələrini analiz edəndən sonra bu qərarı verib. Boş qalmış posta kimin gətiriləcəyi haqda məlumat verilmir.Qırx üç yaşlı Tindell 2012-ci ildən “Bornmut”da köməkçi-məşqçi kimi çalışıb. 2020-ci ilin avqustunda isə baş məşqçi vəzifəsinə gətirilib.Qeyd edək ki, “Bornmut” 42 xalla 6-cı pillədə qərarlaşıb. Komanda lider “Norviç”dən 13 xal geri qalır.xeber100.com

Beynəlxalq Hokkey Federasiyanın növbəti iclası keçirilib

Beynəlxalq Hokkey Federasiyanın növbəti iclası keçirilib.Azərtac xəbər verir ki, toplantıda bu il keçirilməli olan hokkey üzrə dünya çempionatının məkanı ilə bağlı məsələ müzakirə olunub. Belarusdan alınan dünya çempionatına Danimarka və Slovakiya ev sahibliyi etmək istəsə də, Beynəlxalq Hokkey Federasiyası onların təklifini qəbul etməyib. Nəticədə qərara alınıb ki, Belarusla birgə mundialı şərikli keçirmək hüququ əldən Latviya özü yarışlara ev sahibliyi etsin.Beləliklə də, A və B qruplarının oyunları Riqa şəhərində keçiriləcək. Mundial mayın 21-də start götürəcək.xeber100.com