Futbol üzrə dünya çempionatının seçmə mərhələsi çərçivəsində

Futbol üzrə dünya çempionatının seçmə mərhələsi çərçivəsində Portuqaliya və Azərbaycan milli komandaları arasında keçiriləcək qarşılaşmanın stadionu açıqlanıb.Azərtac xəbər verir ki, Portuqaliya Futbol Federasiyasının prezidenti Fernando Qomeş qurumun rəsmi saytına açıqlamasında matçın paytaxt Lissabonda yerləşən və “Sportinq” klubuna məxsus olan “Joze Alvalade” arenasında oynanılacağını bildirib.Qeyd edək ki, martın 24-də keçiriləcək qarşılaşma Bakı vaxtı ilə saat 23:45-də start götürəcək. Azərbaycan millisi “A” qrupunda Portuqaliya ilə yanaşı, Serbiya, İrlandiya və Lüksemburqla da mübarizə aparacaq.xeber100.com

Şahmatçılar arasında “Sarja” kuboku yarışı start götürəcək

Bu gün “Lichess.org” platforması vasitəsilə qadın şahmatçılar arasında “Sarja” kuboku yarışı start götürəcək.Azərtac xəbər verir ki, Birləşmiş Ərəb Əmirlikləri Şahmat Federasiyasının təşkilatçılığı ilə keçiriləcək turnirdə Azərbaycanı 8 şahmatçı təmsil edəcək. Sayca 11-ci dəfə təşkil ediləcək turnirə şahmatçılarımız Günay Məmmədzadə, Gülnar Məmmədova, Türkan Məmmədyarova, Ülviyyə Fətəliyeva, Nərmin Xələfova, Xəyalə Abdulla, Fidan Ağasıyeva və Aytac Məmmədov qatılacaqlar.Yarışda ümumilikdə 307 şahmatçı iştirak edəcək. Turnirin seçmə mərhələsində iştirakçılar İsveçrə sistemi üzrə blits turnirində mübarizə aparacaqlar. Onların arasından ən yaxşı nəticə göstərən şahmatçılar rapid (15 dəqiqə + 5 saniyə) üzrə keçiriləcək final mərhələsinə vəsiqə qazanacaqlar.Turnir yanvarın 9-dək davam edəcək.xeber100.com

Türkiyə çempionatının XVII turu çərçivəsində keçirilən qarşılaşmada

Yanvarın 5-də futbol üzrə Türkiyə çempionatının XVII turu çərçivəsində keçirilən qarşılaşmada “Qalatasaray” səfərdə “Konyaspor”un qonağı olub.Azərtac xəbər verir ki, qarşılıqlı hücumlar şəraitində keçən görüşdə İstanbul təmsilçiləri rəqibinə 4:3 hesabı ilə məğlub olublar. Konya klubunun heyətində Erdon Daçi (41, 46), Uğur Demirok (82) və Artem Kravets (90+2) fərqlənib. “Qalatasaray”ın qollarını isə Mbaye Caqne (45+2, 77) və Oğulcan Çağlayan (90+4) vurub.Günün digər matçlarında isə “Qaziantep” doğma meydanda “Ankaragücü”nü iki cavabsız qolla üstələyib. “Yeni Malatyaspor” – “Sivasspor” qarşılaşmasında isə 2:2 hesablı heç-heçə qeydə alınıb.Hazırda Türkiyə Superliqasına 31 xalla “Qaziantep” başçılıq edir. Onunla eyni xala malik olan “Beşiktaş” ikinci, 30 xal toplayan “Alanyaspor” klubu üçüncü pillədə qərarlaşıb.Qeyd edək ki, yeni mövsümdə Superliqada 21 komanda yarışır. XVII turda “Kasımpaşa” istirahət edir.xeber100.com

“Sabah” klubu futbolçusu ilə müqavilə müddətini uzadıb

“Sabah” klubu futbolçusu Şakir Seyidovla müqavilə müddətini uzadıb.Azərtac kluba istinadla xəbər verir ki, yeni müqavilənin müddəti 2023-cü ilin iyun ayınadək nəzərdə tutulub.Futbolçu 2018-ci ildən “Sabah”ın uğurları üçün çalışır. İyirmi bir yaşlı müdafiəçi komandanın heyətində ümumilikdə 31 oyun keçirib və 2 qola imza atıb.Qeyd edək ki, futbolçunun “Sabah”la əvvəlki müqaviləsi cari mövsümün sonunda başa çatırdı.xeber100.com

Ukrayna Olimpiya Oyunlarına ev sahibliyi etməyə iddialıdır

Ukrayna 2030 və ya 2032-ci illərin Olimpiya Oyunlarına ev sahibliyi etməyə iddialıdır.Azərtac xəbər verir ki, bu barədə İctimai Televiziyaya müsahibəsində Ukraynanın gənclər və idman naziri Vadim Qutstay məlumat verib.Onun sözlərinə görə, 10 ildən sonra Ukraynanın infrastrukturu Olimpiya oyunlarının keçirilməsinə cavab verəcək.Nazir bildirib ki, hazırda Ukrayna hökuməti Olimpiya oyunlarının hansı şəhərlərdə keçirilməsi və büdcə xərclərini müzakirə edir.xeber100.com

“Neftçi” futbol klubunun məşqçilər korpusunda yeni təyinat olub

“Neftçi” futbol klubunun məşqçilər korpusunda yeni təyinat olub. Əsas komandanın fiziki hazırlıq üzrə məşqçisi vəzifəsini Eduardo Karo yetirəcək.Azərtac kluba istinadla xəbər verir ki, 28 yaşlı ispaniyalı mütəxəssislə mövsümün sonunadək müqavilə bağlanıb.Qeyd edək ki, İspaniyanın “Terrassa”, “Gava”, Səudiyyə Ərəbistanının “Əl-Hilal” U-23 və Türkiyənin “Gənclərbirliyi” klublarında çalışmış Karo 2019/2020-ci il mövsümündə “Sumqayıt”ın fiziki hazırlıq üzrə məşqçisi olub.xeber100.com

“Avro-2023”ün seçmə mərhələsinin püşkatma mərasiminin vaxtı müəyyənləşib

İyirmi bir yaşadək futbolçulardan ibarət yığma komandalar arasında keçiriləcək “Avro-2023”ün seçmə mərhələsinin püşkatma mərasiminin vaxtı müəyyənləşib.Azərtac xəbər verir ki, püşkatma mərasimi yanvarın 28-də İsveçrənin Nyon şəhərində baş tutacaq. Bakı vaxtı ilə saat 13:00-da başlayacaq püşkatmada 53 komandanın rəqibi bilinəcək.Püşkatma zamanı komandalar 9 qrupa bölünəcək. Səkkiz qrupda 6, bir qrupda isə 5 komanda mübarizə aparacaq. Doqquz qrup qalibi və ən yaxşı nəticə göstərən ikinci yerin sahibi final mərhələsinə birbaşa yollanacaq. Digər 8 qrupun ikinciləri 4 vəsiqə üçün 2022-ci ilin sentyabrında pley-off oyunları keçirəcəklər.Azərbaycan millisi püşk zamanı 5-ci səbətdə Monteneqro, Kosovo, Litva, Qazaxıstan, Moldova, Kipr, Farer adaları və Latviya yığmaları ilə birgə yer alacaq.Qeyd edək ki, seçmə mərhələ bu ilin martından gələn ilin iyununadək keçiriləcək. Final mərhələsi isə 2023-cü ilin iyun-iyul aylarında baş tutacaq.xeber100.com

“Maynts” futbol klubunun yeni baş məşqçisi müəyyənləşib

Almaniyanın “Maynts” futbol klubunun yeni baş məşqçisi müəyyənləşib.Azərtac xəbər verir ki, Bundesliqa təmsilçisini Bo Svensson çalışdıracaq. Qırx bir yaşlı mütəxəssislə imzalanan müqavilənin detalları açıqlanmayıb.2015-2019-cu illərdə “Maynts”da məşqçilik edən danimarkalı mütəxəssisin son iş yeri Avstriyanın “Liferinq” komandası olub.B.Svensson baş məşqçi postunda Yan-Morits Lixteni əvəzləyib.xeber100.com

Misir həndbol üzrə 27-ci dünya çempionatına ev sahibliyi edəcək

Yanvarın 13-dən fevralın 1-dək Misir həndbol üzrə kişilər arasında 27-ci dünya çempionatına ev sahibliyi edəcək.Azərtac xəbər verir ki, yanvarın 3-də çempionatda iştirak edəcək ilk komanda – Yaponiya yığması Qahirəyə gəlib. Yapon idmançılar sabahdan etibarən COVID-19 pandemiyası şəraitində yüksək təhlükəsizlik tədbirləri görülən Yeni Qahirə idman sarayında məşqlərə başlayacaq və yanvarın 5-də Misir yığması ilə yoldaşlıq görüşü keçirəcəklər.Beynəlxalq Həndbol Federasiyasının qərarı ilə builki dünya çempionatı 27 deyil, 32 milli komandanın iştirakı ilə keçiriləcək. Onlar ilk mərhələdə səkkiz qrupda mübarizə aparacaqlar. Hazırkı dünya çempionu Danimarka Misirdə keçiriləcək çempionatda öz titulunu qorumağa çalışacaq. Oyunlar Qahirə, İsgəndəriyyə, Giza və Yeni Qahirədəki idman komplekslərində keçiriləcək.xeber100.com

“Atletik” futbol komandasının yeni baş məşqçisi müəyyənləşib

İspaniyanın “Atletik” futbol komandasının yeni baş məşqçisi müəyyənləşib.Azərtac xəbər verir ki, Bilbao təmsilçisi Marselino Qarsiya Torala tapşırılıb.Əlli beş yaşlı mütəxəssislə 2022-ci ilin yayınadək müqavilə imzalanıb. O, bu vəzifədə istefaya göndərilən Qaiska Qaritanonu əvəzləyib.Qeyd edək ki, Toral daha əvvəl İspaniyanın “Valensiya”, “Vilyarreal”, “Sevilya”, “Rasinq”, “Saraqosa”, “Rekreativo”, “Sportinq” və “Lealtade” komandalarına rəhbərlik edib.xeber100.com