Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) 2021-ci il yanvarın 1-nə olan reytinq siyahısını açıqlayıb.Azərtac xəbər verir ki, Azərbaycanın ilk onluqda yer alan iki şahmatçısının – Şəhriyar Məmmədyarovun və Teymur Rəcəbovun mövqeləri yeni reytinqdə dəyişməyib. Ş.Məmmədyarov (2770) səkkizinci, dünya kubokunun qalibi Teymur Rəcəbov (2765) isə onuncu pillədəki mövqelərini qoruyublar.Digər şahmatçılarımız isə reytinq siyahısında geriləyiblər. Nicat Abasov 2668 xalla 70-ci (sonuncu siyahıda 61-ci), Qədir Hüseynov 2665 xalla 74-cü (62), Rauf Məmmədov 2654 xalla 92-cidir (79). Reytinq siyahısında irəliləyən yeganə şahmatçı Arkadi Naydiçdir. Aktivində 2649 xal olan şahmatçımız mövqeyini 15 pillə yaxşılaşdıraraq 100-cü sırada qərarlaşıb.Qadın şahmatçılarının reytinq siyahısında isə ilk yüzlükdə üç təmsilçimiz yer alıb. Günay Məmmədzadə (2443) beş pillə geriləyək 31-ci yerdədir. Siyahıda 79-cu pillədə qərarlaşan Gülnar Məmmədova (2382) 13, 90-cı yerdəki Xanım Balacayeva (2376) isə 17 pillə geriləyiblər.Ölkələrin siyahısında isə Azərbaycan 2656 xalla yeddincidir.Qeyd edək ki, kişi şahmatçıların siyahısına norveçli dünya çempionu Maqnus Karlsen (2862) başçılıq edir. Qadın şahmatçılar arasında ən yüksək reytinq xalı (2658) çinli Yifan Houya məxsusdur. Milli federasiyaların reytinqində isə Rusiya (2736) liderdir.xeber100.com

Türkiyə çempionatının XV turunun birinci qarşılaşmasında

Dekabrın 27-də futbol üzrə Türkiyə çempionatının XV turunun birinci qarşılaşmasında “Kasımpaşa” səfərdə “Başakşəhər”in qonağı olub.Azərtac xəbər verir ki, qarşılıqlı hücumlar şəraitində keçən görüşdə qalib müəyyənləşməyib - 2:2.Günün digər matçında “Qaziantep” doğma meydanda “Alanyaspor”u 3:1 hesabı ilə məğlub edib. "Ankaragücü" isə səfərdə “Dənizlispor”u 1:2 hesabı ilə üstələyib. "Yeni Malatyaspor" öz meydanında "Ərzurumspor"a 1:3 hesabı ilə uduzub.Hazırda Türkiyə Superliqasına 29 xalla "Qalatasaray" başçılıq edir. 27 xal toplayan "Alanyaspor" və "Qaziantep" klubları müvafiq olaraq ikinci və üçüncü pillələrdə qərarlaşıblar.Qeyd edək ki, yeni mövsümdə Superliqada 21 komanda yarışır. XV turda "Fənərbağça" istirahət edir.xeber100.com

“L Equipe” nəşri 2020-ci ilin ən yaxşı idmançılarının adlarını açıqlayıb

Fransanın “L Equipe” nəşri 2020-ci ilin ən yaxşı idmançılarının adlarını açıqlayıb.Azərtac xəbər verir ki, ən yaxşı idmançı adına “Mercedes”in pilotu Luis Hamilton layiq görülüb. Britaniyalı sürücü bu il “Formula 1” üzrə 7 qat dünya çempionluğunu rəsmiləşdirərək, Mixael Şumaxerin rekordunu təkrarlayıb.Norveçli Marte Olsbü-Royselann ən yaxşı qadın idmançı seçilib. 30 yaşlı biatlonçu dünya çempionatında 7 medal qazanıb. Medallardan 5-i qızıl, 2-si bürünc əyarlı olub.xeber100.com

Azərbaycan Premyer Liqasında 2020-ci il başa çatıb

Futbol üzrə Azərbaycan Premyer Liqasında 2020-ci il başa çatıb. Bu haqda Peşəkar Futbol Liqası (PFL) məlumat yayıb.Azərtac xəbər verir ki, il ərzində 2019-2020-ci il mövsümünün 6, 2020-2021-ci il mövsümünün 13 turunun oyunları keçirilib. On doqquz turda ümumilikdə 75 oyun baş tutub. Bu matçlarda 196 qol vurulub. Orta məhsuldarlıq 2,61-ə bərabərdir. Meydan sahibləri 27, qonaqlar 26 qələbə qazanıb, 22 görüşdə isə heç-heçə qeydə alınıb.Yola salmaqda olduğumuz ilin ən yaxşı komandası “Qarabağ”dır. Bir oyun az keçirən Ağdam klubu il ərzində daha çox – 37 xal toplayıb. Cəmi bir dəfə uduzan Qurban Qurbanovun yetirmələri hamıdan çox qol vurub, ən az top buraxıb. Eyni sayda – 10 qələbəsi olan “Neftçi” 36 xal toplayıb. Üçüncü sırada qərarlaşan “Zirə” klubu “ağ-qaralar”dan 10 xal geridədir.xeber100.com

“Airthings Masters” turnirinin seçmə mərhələsində sonuncu turun oyunları keçiriləcək

Rapid üzrə “Champion Chess Tour” çərçivəsində onlayn təşkil edilən “Airthings Masters” turnirinin seçmə mərhələsində sonuncu turun oyunları keçiriləcək.Azərtac xəbər verir ki, azərbaycanlı qrossmeyster Teymur Rəcəbov bu gün daha üç görüşdə iştirak edəcək. Belə ki, şahmatçımız əvvəlcə amerikalı Uesli So, sonra Fransa təmsilçisi Maksim Vaşye-Laqrav ilə mübarizə aparacaq. Seçmə mərhələnin son oyununu isə T.Rəcəbov hindistanlı rəqibi Harikrişna Pentala ilə keçirəcək.Qeyd edək ki, şahmatçımız seçmə mərhələsi çərçivəsində keçirdiyi 7 turun oyunlarına görə 4,5 xalla liderlər qrupunda yer alır. İki mərhələdən ibarət yarışda 12 şahmatçı mübarizə aparır. Bu gün 12 iştirakçı arasında pley-offda mübarizəni davam etdirəcək ən güclü səkkizlik müəyyənləşəcək.Yanvarın 3-dək davam edəcək turnirin ümumi mükafat fondu 200 min ABŞ dollarıdır.xeber100.com

Futbol üzrə Türkiyə çempionatının XIV turu çərçivəsində

Dekabrın 24-də futbol üzrə Türkiyə çempionatının XIV turu çərçivəsində keçirilən qarşılaşmada “Beşiktaş” səfərdə “Ankaragücü”nün qonağı olub.Azərtac xəbər verir ki, qarşılıqlı hücumlar şəraitində keçən görüş İstanbul təmsilçisinin minimal hesablı qələbəsi ilə bitib - 0:1. “Beşiktaş”ın yeganə qolunu Damaqoy Vida vurub.Günün digər matçında isə “Konyaspor” səfərdə “Kayserispor”u 1:2 hesabı ilə üstələyib. “Sivasspor” isə öz meydanında “Gənclərbirliyi”ni 3:1 hesabı ilə məğlub edib. “Rizəspor”da “Antalyaspor”a 2:1 hesabı ilə qalib gəlib.Turun yekun nəticələrinə görə turnir cədvəlinə 27 xalla “Alanyaspor” başçılıq edir. 26 xal toplayan “Qalatasaray” və “Fənərbağça” klubları müvafiq olaraq ikinci və üçüncü pillələrdə qərarlaşıblar.Qeyd edək ki, yeni mövsümdə Superliqada 21 komanda yarışır. XIV turda “Fateh Karagümrük” istirahət edir.xeber100.com

Beynəlxalq Stolüstü Tennis Federasiyası dünya çempionatını ləğv edib

Beynəlxalq Stolüstü Tennis Federasiyasının (ITTF) İcraiyyə Komitəsi 2021-ci ilin fevralında Cənubi Koreyanın Busan şəhərində keçirilməsi planlaşdırılan komandalar arasında dünya çempionatını ləğv edib.Azərtac qurumun saytına istinadla xəbər verir ki, ölkənin tibb orqanları koronavirus infeksiyası səbəbindən təşkilatçılara yaxın aylarda bütün böyük yarışların təxirə salınmasını tövsiyə edib. Belə ki, pandemiya ilə əlaqədar ITTF stolüstü tennis üzrə komandalar arasında dünya çempionatının tarixini üç dəfə nəzərdən keçirmək məcburiyyətində qalıb. Tokio Yay Olimpiya Oyunlarının 2021-ci ilin yayına təxirə salınması səbəbindən təqvimdə bu yarışın vaxtının dördüncü dəfə dəyişdirilməsi imkanı olmadığı üçün İkinci Dünya müharibəsindən sonra ilk dəfə ITTF nüfuzlu turnirlərdən birini ləğv edib.Təşkilat yarışın böyük ehtimalla Tokio Olimpiadasından sonra baş tutacağını qeyd edib. Yekun qərar yanvarda qəbul olunacaq.xeber100.com

“Champion Chess Tour” çərçivəsində “Airthing Masters” turniri start götürəcək

Dekabrın 26-da “Champion Chess Tour” çərçivəsində “Airthing Masters” turniri start götürəcək.Azərtac xəbər verir ki, Azərbaycan qrossmeysteri Teymur Rəcəbovun da iştirak edəcəyi turnirə klassik reytinq üzrə dünyanın ən güclü 11 şahmatçısından 8-i qatılacaq. Yarışda ümumilikdə T.Rəcəbov da daxil olmaqla 12 şahmatçı - Maqnus Karlsen (Norveç), Maksim Vaşye-Laqrav (Fransa), Aniş Giri (Hollandiya), Hikaru Nakamura, Uesli So (ABŞ), Aleksandr Qrişuk, Yan Nepomnyaşi, Daniil Dubov (Rusiya), Levon Aronyan (Ermənistan), David Guijarro (İspaniya) və Pentala Harikrişna (Hindistan) mübarizə aparacaqlar.Yanvarın 3-dək davam edəcək turnirin ümumi mükafat fondu 200 min ABŞ dollarıdır.xeber100.com

“Xarı bülbül” adlı beynəlxalq turnir keçiriləcək

Gənclər və İdman, eləcə də Nəqliyyat, Rabitə və Yüksək Texnologiyalar nazirliklərinin, Azərbaycan Kiberidman Federasiyasının dəstəyi, ölkəmizdə kiberidmanın inkişafına töhfə verən “Gaming League Azerbaijan”ın (GLA) təşkilatçılığı ilə “Counter Strike: Global Offensive” oyunu üzrə “Xarı bülbül” adlı beynəlxalq turnir keçiriləcək.Azərtac xəbər verir ki, yarışda Azərbaycanla yanaşı, Gürcüstan, Ukrayna və Özbəkistan təmsilçiləri də iştirak edəcəklər. Turnirdə hər ölkə iki komanda ilə təmsil olunacaq. Bu turnirə həmin ölkələrin milli seçmə turnirlərinin qalibləri qatılacaqlar. Dekabrın 24-də başlayacaq yarış beş gün davam edəcək.Qeyd edək ki, 2019-cu ilə qədər olan statistikalara görə, 400 milyondan artıq insanın marağını qazanan kiber idman sahəsinin populyarlığı bu gün də artmaqdadır. Kiber idman 2022-ci ildə baş tutacaq 19-cu Asiya Oyunlarının proqramına sınaq kimi daxil edilib.Azərbaycanda 2019-cu ildə yaranmış və kiber idman turnirləri həyata keçirən GLA bu günədək 10-dan çox kiber idman çempionatı təşkil edib. Kiber idman mədəniyyətini inkişaf etdirmək məqsədilə yaradılan bu liqanın prioritet məqsədləri Azərbaycanda beynəlxalq səviyyədə idman oyunlarının inkişaf edilməsi, həm yerli, həm də beynəlxalq tədbirlərin keçirilməsi üçün lazımi şəraitin yaradılmasıdır.xeber100.com

UEFA 2020-ci il üçün futbol klublarının sonuncu reytinq cədvəlini açıqlayıb

UEFA 2020-ci il üçün futbol klublarının sonuncu reytinq cədvəlini açıqlayıb.Azərtac xəbər verir ki, son 5 mövsümün nəticələrinə əsasən hazırlanan reytinqdə təmsilçilərimizdən ən yaxşı göstərici “Qarabağ”a məxsusdur. Reytinq cədvəlində 69-cu pillədə qərarlaşan Ağdam təmsilçisi Türkiyənin “Fənərbağça”, “Sivasspor”, İspaniyanın “Atletik”, Rusiyanın “Spartak” kimi klublarını geridə qoyub.Digər klublarımıza gəlincə, “Qəbələ” 217-ci , “Neftçi” 244-cü , “Sumqayıt” 301-ci, “Səbail” 302-ci, “Zirə” 303-cü , “Kəpəz” isə 304-cüdür.Qeyd edək ki, reytinq cədvəlinə “Bavariya” klubu başçılıq edir.xeber100.com