Norveçdə şahmat üzrə super turnir davam edir

Norveçin Stavanger şəhərində start götürən şahmat üzrə super turnir davam edir.Azərtac xəbər verir ki, norveçli dünya çempionu Maqnus Karlsen turnirin dördüncü turunda amerikalı Fabiano Karuananı ağ fiqurlarla məğlub edib.İranlı Alireza Firuzca (Beynəlxalq Şahmat Federasiyasının bayrağı altında oynayır) erməni Levon Aronyanı qaralarla məğlub edib, Norveçin digər təmsilçisi Aryan Tari polşalı Yan Kşiştov Dudadan daha güclü olduğunu sübut edib.Dörd turdan sonra M.Karlsen (9 xal) turnir cədvəlinə başçılıq edir. A.Firuzdja, F.Karuana (hər biri 7 xal), A.Tari (1,5 xal) və Y.K.Duda (1 xal) sonrakı yerlərdə qərarlaşıblar.Altı şahmatçının iştirakı ilə keçirilən turnir oktyabrın 16-dək davam edəcək.Stavangerdəki şahmat turniri 2013-cü ildən keçirilir. Bundan əvvəl keçirilmiş yarışın qalibi Maqnus Karlsen olub.xeber100.com

Tennis üzrə açıq çempionatın finalçıları müəyyənləşib

Oktyabrın 10-da tennis üzrə Fransanın açıq çempionatının ("Roland Garros") finalçıları müəyyənləşib.Azərtac xəbər verir ki, turnirin ilk yarımfinal görüşündə ispaniyalı tennisçi Rafael Nadal argentinalı Dieqo Şvartsmanla qarşılaşıb. Üç setlik mübarizədə Nadal üstün olub - 6:3, 6:3, 7:6 (7:0). Görüş 3 saat 12 dəqiqə davam edib.Yarımfinal mərhələsinin ikinci görüşündə dünyanın bir nömrəli raketka ustası Novak Cokoviçlə (Serbiya) yunanıstanlı tennisçi Stefanos Tsitsipas qarşılaşıb.Üç saat 58 dəqiqə keçən gərgin görüş serbiyalının 6:3, 6:2, 5:7, 4:6, 6:1 qələbəsi ilə yekunlaşıb.Turnirin həlledici görüşü oktyabrın 11-də keçiriləcək.Qeyd edək ki, qadınların fərdi mübarizəsində həlledici görüşdə polşalı İqa Şvyontek və ABŞ-dan olan Sofiya Kenin üz-üzə gələcək.xeber100.com

UEFA Millətlər Liqasının 2020/2021-ci il mövsümündə

Futbol üzrə Azərbaycan milli komandası UEFA Millətlər Liqasının 2020/2021-ci il mövsümündə üçüncü oyununa çıxıb.Azərtac xəbər verir ki, millimiz Podqoritsa şəhər stadionunda Monteneqro yığmasının qonağıdır.Azərbaycan millisinin heyətində meydana Emil Balayev, Bəhlul Mustafazadə, Maksim Medvedev, Abbas Hüseynov, Bədavi Hüseynov, Anton Krivotsyuk, Qara Qarayev, Elvin Camalov, Əli Qurbani, Rəhim Sadıxov və Namik Ələsgərov çıxıblar.Monteneqro komandasının ilk onbirliyində isə Milan Miyatoviç, Momçilo Raspopoviç, İqor Vuyaçiç, Marko Simiç. Risto Radunoviç, Marko Bakiç, Nikola Vukçeviç, Aleksandar Bolyeviç, Stevan Yovetiç, Sead Hakşabanoviç və Dino İslamoviç yer alıblar.Oyunu İspaniyadan olan hakimlər briqadası idarə edir. Matçın baş hakimi Rikardo de Burgos Bengoeçeadır. Ona Roberto del Palomar və Pau Cebrian Devis kömək edirlər. Dördüncü hakim funksiyasını Xavier Estrada Fernandez yerinə yetirir.Matç “CBC Sport” televiziya kanalı vasitəsilə canlı yayımlanacaq.İlk turda millimiz Bakıda Lüksemburqa 1:2 hesabı ilə uduzub. Daha sonra Nikosiyada Kipri 1:0 hesabı ilə məğlub edib.Qrupun digər matçında Lüksemburq Kipri qəbul edəcək.Qrupa hesabında 6 xal olan Monteneqro yığması liderlik edir. Lüksemburq və Azərbaycan 3 xalla ilk üçlükdə yer alıblar. Hesabında xal olmayan Kipr isə qrupda sonuncudur.xeber100.com

Formula 1 üzrə dünya çempionatının 11-ci mərhələsi start götürür

Formula 1 üzrə dünya çempionatının 11-ci mərhələsi - Ayfel Qran-Prisi start götürür. Yarış Almaniyanın “Nurburqrinq” avtodromunda keçiriləcək.Azərtac xəbər verir ki, yarışda “Mercedes”in təmsilçisi Luis Hamilton Formula 1-in yeddiqat dünya çempionu almaniyalı Mixael Şumaxerin rekordunu təkrarlaya bilər. Britaniyalı sürücü bu nailiyyətə çatmaq üçün Soçidəki son mərhələdə ilk cəhdində fürsəti əldən verib. Bunun səbəbi L.Hamiltonun səhv yerlərdə hazırlıq keçməsinə görə aldığı iki beş saniyəlik cərimə olub. Nəticədə, o, üçüncü yerdə qərarlaşıb. İngiltərəli sürücü ikinci cəhdini bir sıra ölkələrin koronavirus şəraitində mərhələ keçirməkdən imtina etməsindən sonra mövsüm təqviminə daxil edilən Ayfel Qran-Prisində edəcək.Bu yarış, həm də, M.Şumaxerin oğlu Mikin qatılacağı ilk Formula 1 turniri olacaq. O, ilk məşqini “Alfa Romeo” komandası ilə keçirəcək. Onun “Ferrari”dəki komanda yoldaşı britaniyalı Kallum Aylott də Formula 1-də debüt məşqini edəcək.“Nurburqrinq”də Formula 1 mərhələsi sonuncu dəfə 2013-cü ildə keçirilib və alman Sebastyan Fettelin çempionluğu ilə başa çatıb.xeber100.com

Tokio marafonu oktyabrın 17-də baş tutacaq

Gələn il keçiriləcək Tokio marafonu oktyabrın 17-də baş tutacaq.Azərtac xəbər verir ki, bu barədə yarışın mətbuat xidməti məlumat yayıb.Yaponiyanın paytaxtında keçiriləcək marafonun əvvəlcə martın 7-də keçirilməsi nəzərdə tutulmuşdu.Marafonla bağlı yarışlar 2021-ci il martın əvvəllərində bir həftə ərzində baş tutacaq. Bunlara dünyanın hər yerindən iştirakçıların qatılacağı virtual marafon və Tokioda keçiriləcək atletika yarışları daxil olacaq. Bu ilin dekabrında bununla bağlı bütün təfərrüatlar barədə məlumat veriləcək.Bu il Tokio marafonu martın 1-də koronavirusun yayılması səbəbindən həvəskar qaçışçıların iştirakı olmadan keçirilib. Turnirdə yalnız 200 peşəkar idmançı iştirak edib.xeber100.com

“Joga Legal U-18” beynəlxalq turniri start götürəcək

Oktyabrın 15-də kapoeyra üzrə onlayn “Joga Legal U-18” beynəlxalq turniri start götürəcək.Azərbaycan Kapoeyra Federasiyasından Azərtac-a bildiriblər ki, ölkəmizi turnirdə 11 idmançı təmsil edəcək.Milli komandamızın üzvlərindən Dilqəm İsmayılov, Əli Hüseynov, Azər Orucov, Rauf Süleymanov, Cavidan Pənahlı, Cəfər Usubov, Turan Eldarov, Zülfüqar Zeynallı, Zülfü Rzayev, Gülçöhrə Abbasova və Xədicə Zeynallı birincilik uğrunda mübarizə aparacaqlar.İdmançılar federasiyanın rəhbərliyi altında şəxsi məşqçiləri ilə turnirə hazırlığı davam etdirirlər.xeber100.com

Azərbaycan millisi Avropa çempionatının seçmə mərhələsində

Bu gün 21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirəcək.Azərtac xəbər verir ki, baş məşqçi Milan Obradoviçin komandası “Nitra” stadionunda Slovakiya millisinin qonağı olacaq.Azərbaycan yığması meydana itki ilə çıxacaq. Çexiyanın “Viktoriya Jijkov” klubunda çıxış edən Fərid Nəbiyevin koronavirus testi müsbət nəticələnib və yarımmüdafiəçi toplanışa qatıla bilməyib.Qarşılaşma Norveçdən olan hakimlər briqadasına həvalə edilib. Əsas referi Kristofer Hagenesə Anders Olav Dale və İsak Elias Başevkin kömək edəcəklər. Dördüncü hakim funksiyasını isə Rohit Saggi yerinə yetirəcək.Azərbaycan komandası ikinci qrupda 7 oyundan sonra 6 xalla dördüncü, Slovakiya isə 6 oyundan sonra 6 xalla beşinci pillədə qərarlaşıb. Komandalar arasında Bakıda keçirilən matçda Azərbaycan yığması qələbə qazanmışdı - 2:1.xeber100.com

Tokio Yay Olimpiya Oyunlarının xərcləri azaldılacaq

Tokio Yay Olimpiya Oyunlarının xərcləri 284 milyon dollar azaldılacaq.Azərtac xəbər verir ki, bu barədə Tokio Olimpiadasının Təşkilat Komitəsinin baş katibi Toşiro Muto mətbuat konfransında məlumat verib.O, qeyd edib ki, yarışın formatını sadələşdirmək üçün təqdim etdikləri plan 52 bənddən ibarətdir. Burada söhbət xüsusilə, xarici nümayəndə heyətləri və Beynəlxalq Olimpiya Komitəsinin rəsmilərinin Oyunlarda iştirakını 10-15 faiz azaltmaqdan gedir. Bununla yanaşı, idman obyektlərinin daha qənaətli işıqlandırılması yolu ilə xərclərin azaldılması da gözlənilir.Tokio Olimpiadası 2020-ci il iyulun 24-dən avqustun 9-dək keçirilməli idi. Koronavirus pandemiyası səbəbindən Olimpiada bir il sonraya təxirə salınıb və 2021-ci il iyulun 23-dən avqustun 8-dək keçirilməsi planlaşdırılır.xeber100.com

“Makkabi” komandası heyətini yeni futbolçu ilə gücləndirib

UEFA Avropa Liqasının qrup mərhələsində “Qarabağ” klubunun rəqibi olan İsrailin “Makkabi” komandası heyətini yeni futbolçu ilə gücləndirib.Azərtac xəbər verir ki, Təl-Əviv təmsilçisi Cənubi Afrika Respublikasının “Bidvest Uits” klubundan Rouen Hümanı heyətinə qatıb. On doqquz yaşlı yarımmüdafiəçi ilə 1+1 illik müqavilə imzalanıb.Xatırladaq ki, “Qarabağ” klubu “Makkabi” ilə oktyabrın 22-də səfərdə, dekabrın 3-də isə evdə qarşılaşacaq.xeber100.com

“France Football” nəşri tarixin 10 ən yaxşı müdafiəçisinin adını təqdim edir

Fransanın “France Football” nəşri tarixin ən yaxşı 10 müdafiəçisinin adını açıqlayıb.Azərtac xəbər verir ki, ən yaxşı müdafiəçilərin siyahısında Franko Baresi (İtaliya), Bobbi Moore (İngiltərə), Frans Bekkenbauer (Almaniya), Daniel Passarella (Argentina), Fabio Kannavaro (İtaliya), Mattiaz Sammer (Almaniya), Marsel Desailli (Fransa), Qaetano Şirea (İtaliya), Ronald Koeman (Hollandiya) və Serxio Ramos (İspaniya) yer alıblar.Siyahıda hazırda yaşıl meydanlara çıxış edən yeganə futbolçu “Real Madrid”in müdafiəçisi Serxio Ramosdur. Müdafiəçi 2005-ci ilin yayında “Sevilya”dan Madrid təmsilçisinə keçib. “Real Madrid” bu transfer üçün 27 milyon avro ödəyib.Qeyd edək ki, 34 yaşlı müdafiəçi cari mövsümdə Madrid klubunun heyətində keçirdiyi dörd oyunda 1 qol vurub. Futbolçunun klubla müqaviləsi 2021-ci ilin yayınadək etibarlıdır.xeber100.com