“Monako” futbol klubu “Atletiko Madrid”in oyunçusunu heyətinə qatıb

“Monako” futbol klubu “Atletiko Madrid”in oyunçusunu transfer edib.Azərtac xəbər verir ki, “Monako” İspaniyanın “Atletiko Madrid” klubundan braziliyalı oyunçu Kayo Enrikeni heyətinə qatıb. İyirmi üç yaşlı oyunçu ilə beşillik müqavilə imzalanıb.Karyerasına 2016-cı ildə “Atletiko Madrid”də başlayan Enrike “Parana”, “Fluminense” və “Qremio” klublarında icarə əsasında çıxış edib.xeber100.com

Beynəlxalq Cüdo Federasiyasının məlumatı əsasında…

Budapeşt, Tokio və Dohada cüdo üzrə dünya turunun mərhələləri keçiriləcək.Azərtac xəbər verir ki, bu barədə Beynəlxalq Cüdo Federasiyasının (IJF) rəsmi saytında məlumat verilib.Mərhələ yarışları Budapeştdə bu ilin oktyabrında, Tokioda dekabrda, Dohada isə 2021-ci ilin əvvəlində baş tutacaq.Hər üç yarış “Tokio-2020” Olimpiadasına lisenziya xarakteri daşıyacaq.Xatırladaq ki, “Tokio-2020” Yay Olimpiya Oyunları 2020-ci il iyulun 24-dən avqustun 9-dək keçirilməli idi. Lakin koronavirus pandemiyasına görə, yarışlar bir il müddətinə təxirə salınıb.xeber100.com

Milli Basketbol Liqasında play-off oyunları bərpa ediləcək

İki günlük fasilədən sonra basketbol həvəskarları Milli Basketbol Liqasında (MBA) yenidən play-off oyunlarını izləyəcəklər. ABŞ-da baş qaldıran növbəti irqçilik qalmaqalına görə oyunları boykot edən basketbolçuları nəhayət ki, meydana çıxmağa razı salan tapılıb. Eyni sözləri Milli Hokkey Liqasına da aid etmək olar.Azərtac xəbər verir ki, MBA-da play-off oyunları yenidən bərpa ediləcək. Bu barədə liqa rəhbərliyi məlumat yayıb. Bir neçə gün əvvəl Amerika polisinin qaradərili vətəndaşa atəş açmasından sonra ölkəni bürüyən etiraz dalğası MBA oyunlarına da mənfi təsir göstərib. İki gün əvvəl “Miluoki” basketbolçuları “Orlando” ilə seriyanın 5-ci oyununa çıxmaqdan imtina etmişdi. Bir neçə saat sonra “Oklahoma Siti” ilə “Hyuston” basketbolçuları analoji addım atmışdı. Vəziyyətin nəzarətdən çıxdığını görən MBA rəhbərliyi play-offu qeyri-müəyyən müddətə təxirə salmaq qərarına gəlib. Təbii ki, bu proses çox uzun sürə bilməzdi. Onsuz da koronavirus pandemiyası liqanı yetərincə geriyə salmışdı. Belə bir məqamda basketbolçularla liqa rəhbərliyi arasında vasitəçi rolu oynamağa hazır olan kimsə önə çıxmalı idi. Amerika mətbuatının məlumatına görə, bu mənada “Şarlott”un sahibi, assosiasiyada yeganə qaradərili funksioner - Maykl Cordan xüsusi rol oynayıb.Elə basketbolçular arasında “Oklahoma Siti”nin oyun qurucusu Kris Polla “Mayami”nin forvardı Andre İqudala da liqanın bərpası üçün həmkarları ilə danışıq aparıb. Yeri gəlmişkən, oxşar vəziyyət MHL-də yaranmışdı. Ölkənin bütün peşəkar liqalarında oyunların dayandırılmasını görən MHL rəhbərliyi analoji qərar vermək qərarına gəlib. Vəziyyət qaydasına düşəndən sonra onlar da avqustun 29-da play-off oyunlarını bərpa etməyə razılaşıblar.xeber100.com

“Çelsi” futbol klubu “Paris Sen-Jemen”in müdafiəçisini transfer edib

İngiltərənin “Çelsi” klubu Fransanın “Paris Sen-Jemen” komandasının müdafiəçisi Tiaqo Silvanı transfer edib.Azərtac klubun rəsmi saytına istinadla xəbər verir ki, London təmsilçisi braziliyalı futbolçu ilə birillik müqavilə imzalayıb.Qeyd edək ki, Tiaqo Silva parislilərin heyətində 2012-ci ildən çıxış edib. Tiaqo 315 oyunda 17 qol və 5 məhsuldar ötürmə ilə yadda qalıb.xeber100.com

Şahmat Olimpiadasında yarımfinal oyunları start götürüb

Avqustun 29-da Ümumdünya Şahmat Olimpiadasında yarımfinal oyunları start götürüb.Azərtac xəbər verir ki, bu mərhələdə Hindistan Polşa, ABŞ Rusiya komandası ilə mübarizə aparacaq.Qeyd edək ki, Azərbaycan komandası dörddəbir final oyunlarında Polşa komandasına məğlub olaraq olimpiadada çıxışını dayandırıb.xeber100.com

Avropa Karate Federasiyasının ikinci virtual görüşündə

Avropa Karate Federasiyasının (EKF) ikinci virtual görüşündə koronavirus pandemiyası şəraitində karatenin inkişafı məsələləri müzakirə olunub.Azərtac xəbər verir ki, EKF-in prezidenti Antonio Espinosun rəhbərlik etdiyi videokonfransda qitənin 30-dək milli federasiyasının prezidenti iştirak edib. Digər qitə federasiyaları ilə görüş isə ikinci hissədə baş tutub.Azərbaycan Milli Karate Federasiyasının prezidenti və EKF-in idarə heyətinin üzvü Yaşar Bəşirov çıxışında milli federasiyanın bu dövrdə virtual fəaliyyətindən və idmançılarımızın hərtərəfli dəstəkləndiyindən söz açıb. Görüşün sonunda A.Espinos bu çətin günlərdə milli federasiyaların işlərini yüksək qiymətləndirib.Videokonfransda yarışların keçirilməsinin mümkün variantları müzakirə olunub, birgə səylər nəticəsində qarşıdakı aylarda həyatın öz axarına düşəcəyinə və turnirlərin bərpa ediləcəyinə inam ifadə olunub.xeber100.com

Avropa çempionatının seçmə mərhələsi çərçivəsində

İyirmi bir yaşadək futbolçulardan ibarət komandalar arasında Avropa çempionatının seçmə mərhələsi çərçivəsində Azərbaycanın müvafiq yaş qrupundan ibarət millisi ilə qarşılaşacaq Fransa yığmasının heyəti açıqlanıb.Azərtac AFFA-ya istinadla xəbər verir ki, heyətdə qapıçılar - Dimitri Berto (Monpelye), Alban Lafont (Nant), İllan Meslier (Lids, İngiltərə), müdafiəçilər - Benua Badiaşile (Monako), Melvin Bard (Lion), Kolin Daqba (PSJ), Bafode Diakite (Tuluza), Bubakar Kamara (Marsel), Jül Kunde (Sevilya, İspaniya), Krist-Emanuel Faytout Maoussa (Renn), Obite Evan Ndiçka (Ayntraxt, Almaniya), yarımmüdafiəçilər - Maksen Kaquere (Lion), İbrahima Diallo (Brest), Matteo Genduzi (Arsenal, İngiltərə), İmran Louza (Nant), Arno Nordin (Sent-Etyenn), Ceff Peyn-Adelaid (Lion), Bubakari Soumare (Lill), hücumçular - Mussa Diabi (Bayer, Almaniya), Erik Dina Ebimbe (Dijon), Amine Qouiri (Nitsa), Brayan Mbeumo (Brentford, İngiltərə) və Odson Eduard (Seltik, Şotlandiya) yer alıblar.Azərbaycan-Fransa matçı sentyabrın 7-də, saat 21:00-da, Sumqayıtdakı “Kapital Bank Arena”da start götürəcək.xeber100.com

“Zirə” futbol klubu braziliyalı qapıçı transfer edir

Bakının “Zirə” futbol klubu braziliyalı qapıçı transfer edir.“Globesporte” saytı xəbər verir ki, Bakı təmsilçisi braziliyalı Mateus Albino Carneiro ilə anlaşıb. İyirmi beş yaşlı oyunçu Braziliya C Seriyasında çıxış edən “Londrina” ilə müqaviləsini ləğv edir.Futbolçu yaxın günlərdə Bakıya gələcək. Mateus Albino Carneiro "Zirə"yə keçidini təsdiqləyib.Qeyd edək ki, Mateus Albino Carneiro 2018-ci ilin noyabrından “Londrina”da çıxış edib.xeber100.com

Şahmat Olimpiadasının final oyunları başlayıb

Ümumdünya Şahmat Olimpiadasının dörddəbir finalının oyunları başlayıb.Azərtac xəbər verir ki, Azərbaycan komandası bu mərhələdə Polşa yığması ilə mübarizə aparacaq.Millimizin əsas heyətində Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva yer alıblar. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımovdur.Dörddəbir finalın digər oyunlarında Rusiya Macarıstan, ABŞ Ukrayna, Hindistan Ermənistanla qarşılaşacaq.xeber100.com

Futbol klublarının növbəti UEFA reytinqi açıqlanıb

Futbol klublarının yeni UEFA reytinqi açıqlanıb.Azərtac xəbər verir ki, Azərbaycan klublarının mövqelərində dəyişiklik olub. Ağdamın “Qarabağ” klubu 20,500 xalla 62-ci pilləyə yüksəlib. “Styaua” (Rumıniya), “Milan” (İtaliya) və “Standard” (Belçika) da eyni xalla 62-65-ci pillələri bölüşürlər.Bu il avrokuboklarda iştirak etməyən “Qəbələ” 4 pillə geriləyərək 182-193-cü pillədə qərarlaşıb. Təmsilçimizin hesabında 5,500 xalı var.Avropa Liqasında “Şkupi”ni (Şimali Makedoniya) 2:1 hesabı ilə üstələyən “Neftçi” (5,000 xal) 11 pillə irəliləyərək 212-215-ci yerləri bölüşür.“Keşlə”, “Sumqayıt”, “Səbail”, “Zirə” və “Kəpəz” 3,175 xalla 303-307-ci yerlərə şərikdirlər.Qeyd edək ki, klubların siyahısına “Bavariya” (Almaniya) başçılıq edir.xeber100.com