Cüdo üzrə “Böyük dəbilqə” turniri keçiriləcək

Fevralın 21-dən 23-dək Almaniyanın Düsseldorf şəhərində cüdo üzrə “Böyük dəbilqə” turniri keçiriləcək.Azərtac xəbər verir ki, Azərbaycanı bu nüfuzlu yarışda 20 cüdoçu (14 kişi, 6 qadın) təmsil edəcək.Yarışda 122 ölkədən 900-dək cüdoçu mübarizə aparacaq.xeber100.com

Avstraliya açıq turnirində tennisçilərin final qarşılaşması keçirilib

Fevralın 1-də Avstraliya açıq turnirində qadın tennisçilərin yarışında final qarşılaşması keçirilib.Azərtac xəbər verir ki, turnirin həlledici görüşündə amerikalı Sofia Kenin və ispaniyalı Qarbinye Muquruza üz-üzə gəliblər.S.Kenin birinci setdə 4:6 hesabı ilə məğlub olmasına baxmayaraq, ardıcıl iki seti qələbə (6:2, 6:2) ilə başa vuraraq karyerasında ilk dəfə “Böyük dəbilqə” seriyasının qalibi adını qazanıb. Turnirdən əvvəl dünya reytinqində 15-ci yerdə olan amerikalı idmançı çempionluqdan sonra yeddinci sıraya yüksəlib.Turnirə fevralın 2-də kişi tennisçilər arasında final görüşündən sonra yekun vurulacaq.Həmin görüşdə serbiyalı Novak Cokoviç və avstriyalı Dominik Tim üz-üzə gələcəklər.Avstraliya açıq turniri “Böyük dəbilqə” seriyasının 2020-ci ildəki ilk yarışıdır. Turnirin ümumi mükafat fondu 49,1 milyon dollardır.xeber100.com

“Aeroflot Open” beynəlxalq şahmat festivalı keçiriləcək

Fevralın 17-dən 27-dək Moskvada “Aeroflot Open” beynəlxalq şahmat festivalı keçiriləcək.Azərtac xəbər verir ki, festivalın güclü şahmatçıların mübarizə aparacaqları “Open A” turnirində Azərbaycan təmsilçilərindən Rauf Məmmədov, Vasif Durarbəyli və Aydın Süleymanlı iştirak edəcəklər. “Open B” turnirində təmsilçilərimiz Məhəmməd Muradlı, Elvin Bayramov və Read Səmədov mübarizə aparacaqlar.Qeyd edək ki, ötən il keçirilmiş analoji yarışda Azərbaycan şahmatçısı Məhəmməd Muradlı 9 turdan 6,5 xal toplayaraq üçüncü yeri tutub.xeber100.com

Azərbaycan Premyer Liqasının 15-ci turunun ikinci görüşündə

Fevralın 1-də futbol üzrə Azərbaycan Premyer Liqasının 15-ci turunun ikinci görüşündə “Neftçi” doğma meydanda "Sumqayıt”ı qəbul edib.Azərtac xəbər verir ki, "Bakcell Arena"da keçirilən oyunda qalib müəyyənləşməyib.Görüşün 43-cü dəqiqəsində hesabı Sumqayıt təmsilçilərinin hücumçusu Rahim Sadikov açıb. Lakin meydan sahibləri 71-ci dəqiqədə hesaba tarazlıq gətirməyi bacarıblar. Matç elə bu hesabla bitib -1:1.Qeyd edək ki, "Neftçi" komandası oyunu 41-ci dəqiqədən etibarən bir nəfər azlıqda oynayıb. Bakı təmsilçisinin heyətində Vojislav Stankoviç qırmızı vərəqə alaraq komandasını azlıqda qoyub.Fevralın 2-də Qəbələ şəhər stadionunda keçiriləcək “Qəbələ” – “Keşlə” oyununda baş hakim funksiyasını Səbuhi Bayramov yerinə yetirəcək. Matç saat 15:00-da başlayacaq.Premyer Liqanın XV turuna həmin gün saat 17:30-da başlayacaq “Səbail” - “Qarabağ” matçı ilə yekun vurulacaq. Bu oyunda ədaləti İnqilab Məmmədov qoruyacaq.Bütün görüşlər “CBC Sport” kanalı ilə birbaşa yayımlanacaq.On dörd turdan sonra turnir cədvəlinə 31 xalla “Qarabağ” klubu başçılıq edir. Aktivində 26 xalı olan “Neftçi” ikinci, 23 xalı olan “Keşlə” isə üçüncü yerdə qərarlaşıb. Digər pillələrdə müvafiq olaraq “Zirə” (20), “Sumqayıt” (19), “Sabah” (13), “Qəbələ” (13) və “Səbail” (12) yer alıblar.xeber100.com

“Selta Viqo” komandası öz heyətinə rusiyalı futbolçunu cəlb edib

İspaniyanın “Selta Viqo” komandası öz heyətinə rusiyalı futbolçunu cəlb edib.Azərtac xəbər verir ki, La Liqa təmsilçisi Rusiya millisinin və Moskvanın “Lokomotiv” klubunun hücumçusu Fyodr Smolovu icarəyə götürüb.Qeyd edək ki, 29 yaşlı hücumçu cari mövsümdə “Lokomotiv”də 19 oyuna 4 qol vurub və eyni sayda məhsuldar ötürmə edib.xeber100.com

Azərbaycan kuboku yarışında ilkin mərhələyə yekun vurulub

Qadın həndbolçular arasında Azərbaycan kuboku yarışında ilkin mərhələyə yekun vurulub. Azarkeşlər qrup turnirinin son oyun günündə də maraqlı qarşılaşmalar izləyiblər.Azərbaycan Həndbol Federasiyasından Azərtac-a bildiriblər ki, meydançaya əvvəlcə “Azərsu” və “Qarabağ” komandaları çıxıblar. İlk iki görüşü qələbə ilə başa vuran rəqiblərin dueli qrup liderini müəyyənləşdirəcəkdi. Bu baxımdan gərgin mübarizə vəd edən qarşılaşmada “Qarabağ” qələbə qazanıb. Nominal qonaqlar kifayət qədər ciddi mübarizə aparan rəqibin müqavimətini çətinliklə də olsa qırıblar – 30:28.Günün digər matçında “Azəryol” komandası “İdman Akademiyası”nı sınağa çəkib. Turnirin aşkar autsayderi ilə oyun favorit – “Azəryol” üçün elə də çətin alınmayıb. Rəqibi əksər göstəricilərdə üstələyən “Azəryol” oyunda 37:30 hesabı ilə qalib gəlib.Qrup yarışlarının nəticələrinə əsasən, apreldə keçiriləcək yarımfinal oyunlarında “Qarabağ” klubu “İdman Akademiyası”, “Azərsu” komandası isə “Azəryol” ilə qarşılaşacaq. Kubokun sahibi isə may ayında müəyyənləşəcək.Xatırladaq ki, kişi həndbolçuların yarımfinal görüşlərində “Məhsul” klubu U-18 komandası, “Bakı” isə “Təhsil”lə üz-üzə gələcək.xeber100.com

“Liverpul” futbol klubu yeni rekord müəyyənləşdirib

İngiltərənin “Liverpul” futbol klubu yeni rekord müəyyənləşdirib.Azərtac xəbər verir ki, 18-ci turdan təxirə salınmış oyunda “Vest Ham” komandasını 2:0 hesabı ilə məğlub edən Liverpul təmsilçiləri bununla da cari mövsümdə Premyer Liqadakı bütün komandalara qalib gəliblər. “Liverpul” klubu tarixində ilk dəfə bir mövsümdə çempionatdakı bütün rəqiblərini məğlub etməyi bacarıb.Premyer Liqada 24 turdan sonra 23 qələbə qazanan və cəmi bir oyunda heç-heçə edən “Liverpul” 70 xalla turnir cədvəlinin lideridir. Komanda ən yaxın izləyicisi “Mançester Siti”ni 19 xal qabaqlayır.xeber100.com

“Bakı Şəhər Halqası” Əməliyyat Şirkəti beynəlxalq konfrans keçirəcək

Fevralın 12-də Formula 1 Azərbaycan Qran-Pri yarışının təşkilatçısı “Bakı Şəhər Halqası” Əməliyyat Şirkəti (BŞH) “İrimiqyaslı idman yarışlarının keçirilməsinin ölkəyə faydaları” adlı beynəlxalq konfrans keçirəcək.Azərtac xəbər verir ki, BŞH hər il ənənəvi olaraq təşkil etdiyi beynəlxalq konfransın builki buraxılışını Formula 1 Azərbaycan Qran-Prisinin 5 illiyi münasibətilə “İdman və şəhər” mövzusuna həsr edib.Bakı Konqres Mərkəzində baş tutacaq konfransda idman yarışlarının şəhər quruculuğuna təsirini öyrənən dünyanın bir sıra aparıcı mütəxəssisi çıxış edəcək, xarici ölkələrin nümayəndələri təcrübələrini bölüşəcəklər.Tədbirin keçirilməsində əsas məqsəd yerli biznes qurumlarını bir araya gətirərək ölkədə baş tutan irimiqyaslı idman yarışlarından maksimum faydalanmaq imkanlarını müzakirə etmək və bu çərçivədə xarici təcrübəni bölüşməkdir.xeber100.com

İngiltərə Premyer Liqasının 18-ci turunun oyunu keçirilib

Yanvarın 30-da futbol üzrə İngiltərə Premyer Liqasının 18-ci turunun təxirə salınmış oyunu keçirilib.Azərtac xəbər verir ki, turnir cədvəlinin hazırkı lideri “Liverpul” səfərdə “Vest Ham Yunayted” klubunun qonağı olub. Görüş “Liverpul”un 2:0 hesablı qələbəsi ilə başa çatıb.Oyunda hesab 35-ci dəqiqədə açılıb. Baş hakim Conatan Mossun ev sahiblərinin qapısına təyin etdiyi 11 metrlik cərimə zərbəsini Məhəmməd Salah dəqiq yerinə yetirib – 1:0. Qarşılaşmanın 52-ci dəqiqəsində “Liverpul” hesab arasındakı fərqi artırıb. Məhəmməd Salahın ötürməsini Aleks Oskleyd-Çemberlen qolla tamamlayıb - 2:0. Oyun bu hesabla da başa çatıb.Bu qələbədən sonra xal ehtiyatını 70-ə çatdıran “Liverpul” ən yaxın izləyicisi “Mançester Siti”dən 19 xal irəlidədir. “Vest Ham Yunayted” isə 23 xalla 17-ci pillədə qərarlaşıb.Premyer Liqanın 25-ci turunun oyunları fevralın 1-2-də keçiriləcək. “Liverpul” öz meydanında “Southampton” klubunu qəbul edəcək. Turun mərkəzi qarşılaşmalarında “Lester Siti” komandası “Çelsi”, “Tottenhem” isə “Mançester Siti” ilə üz-üzə gələcək. Birinci görüş fevralın 1-də Bakı vaxtı ilə saat 16:30-da, ikinci oyun isə saat 20:30-da başlayacaq.xeber100.com

“Sabah” futbol klubu daha bir futbolçu ilə müqavilə bağlayıb

Bakının “Sabah” klubu daha bir futbolçu ilə müqavilə bağlayıb.Azərtac kluba istinadla xəbər verir ki, paraqvaylı hücumçu Xulio Rodriqes bundan sonra komandanın uğurları üçün çalışacaq. İyirmi doqquz yaşlı futbolçu ilə mövsümün sonunadək müqavilə bağlanıb.Karyerası ərzində Argentinanın “Defensa”, “Berasateqi”, “Qodoy Kruz”, “Atletiko Union”, “Arsenal”, Meksikanın “Dorados de Sinaloa”, Paraqvayın “Deportivo Kapiata” klublarında çıxış etmiş hücumçunun sonuncu komandası “Zirə” olub.Xatırladaq ki, Rodriqes qış fasiləsində komandaya qoşulan üçüncü futbolçudur. Paraqvaylı hücumçudan öncə Mario Marina, Marko Deviç və Yevgeni Koçuk ilə müqavilə bağlanıb.xeber100.com