Tamblinq üzrə Azərbaycan çempionatı keçirilir

Azərbaycan çempionatı və birinciliyi keçirilir.Azərtac xəbər verir ki, tamblinq yarışlarında Bakı Gimnastika Məktəbi və “Neftçi” İdman Klubunun nümayəndələri uşaqlar, yeniyetmələr, gənclər və böyüklər yaş qruplarında mübarizə aparırlar.Noyabrın 9-da batut gimnastikası üzrə ölkə birinciliyi təşkil olunacaq. Yarışda balacalar, uşaqlar, yeniyetmələr, gənclər və böyüklər yaş kateqoriyaları üzrə iştirakçılar fərdi və sinxron proqramda Bakı Gimnastika Məktəbi və “Ocaq Sport” idman klubunu təmsil edəcəklər.Yarışda ilk dəfə Qaxdan olan gimnastlar da iştirak edərək, nümunəvi çıxışlar göstərəcəklər.Qeyd edək ki, tamblinq üzrə yarışa giriş sərbəstdir, batut gimnastikası üzrə turnirə isə biletlərin qiyməti 5 manat təşkil edir.xeber100.com

2019-2020-ci illər mövsümünün qrup mərhələsi çərçivəsində

UEFA Avropa Liqasının 2019-2020-ci illər mövsümünün qrup mərhələsi çərçivəsində keçirilən APOEL - “Qarabağ” oyunu başa çatıb.Azərtac xəbər verir ki, təhlükəli hücumlarla bol olan görüş meydan sahiblərinin 2:1 hesablı qələbəsi ilə yekunlaşıb.Komandamızın yeganə qolunu 10-cu dəqiqədə Maksim Medvedev vurub.xeber100.com

UEFA Avropa Liqasının dördüncü turunun oyunlarına start veriləcək

Noyabrın 7-də UEFA Avropa Liqasının qrup mərhələsinin dördüncü turunun oyunlarına start veriləcək.Azərtac xəbər verir ki, dördüncü tur çərçivəsində 23 qarşılaşma oynanılacaq. A qrupunda yer alan Ağdamın “Qarabağ” komandası səfərdə Kiprin APOEL klubunun qonağı olacaq. Qrupun digər oyununda “Sevilya” səfərdə Lüksemburqun “Düdelanj” komandası ilə qarşılaşacaq.Üç turdan sonra aktivində 9 xal olan “Sevilya” A qrupunda liderlik edir. “Qarabağ” 4 xalla ikinci, “Düdelanj” isə 3 xalla üçüncü yerdə qərarlaşıb. Qrupda sonuncu sırada yer alan APOEL-in 1 xalı var.Qeyd edək ki, UEFA Avropa Liqasının qrup mərhələsinin dördüncü turunun bir görüşü artıq oynanılıb. F qrupunda yer alan “Arsenal” komandası ötən gün səfərdə Portuqaliyanın “Gimaraeş” komandası ilə 1:1 hesablı heç-heçə edib.xeber100.com

FIDE Qran-Prisinin üçüncü mərhələsi çərçivəsində

Hamburqda keçirilən FIDE Qran-Prisinin üçüncü mərhələsi çərçivəsində şahmatçılar səkkizdəbir finalda mübarizə aparıblar. Şahmatçılardan fransalı Maksim Vaşe-Laqrav, bolqarıstanlı Veselin Topalov, rusiyalı Pyotr Svidler, Polşa təmsilçisi Yan-Kriştof Duda rəqiblərini məğlub edərək dörddəbir finala vəsiqə qazanıblar.Azərtac xəbər verir ki, təmsilçimiz Teymur Rəcəbovun rusiyalı Daniel Dubovla iki qarşılaşması da heç-heçə başa çatdığından idmançılar tay-brekdə görüşəcəklər. Turnirdə rusiyalı idmançılar Aleksandr Qrişuk polşalı Radoslav Voytaşek, Nikita Vityuqov çexiyalı David Navara, Dmitri Yakovenko çinli Yu Yanqi ilə tay-brekdə qarşılaşacaqlar.FIDE Qran-Prisi dörd mərhələdən ibarətdir. Yarışın əvvəlki mərhələləri Riqa və Moskvada keçirilib.Dekabrın 10-dan 24-dək Təl-Əvivdə Qran-Pri turnirinin dördüncü mərhələsi təşkil olunacaq.Qran-Pri turnirləri Olimpiya sistemi (uduzan çıxır) üzrə keçirilir.xeber100.com

Futbol üzrə Avropa çempionatının rəsmi topunun adı açıqlanıb

“Adidas” firması 2020-ci ildə keçiriləcək futbol üzrə Avropa çempionatının rəsmi topunun adını açıqlayıb.Azərtac xəbər verir ki, çempionatın topu ingiliscə “birlik” (unity) və “eyforiya” (euphoria) sözlərinin əsasında “Uniforia” adlandırılıb.Avropa çempionatının 60 illiyini qeyd etmək məqsədilə gələn yay keçiriləcək “Avro 2020”nin final mərhələsinin matçları qitənin 12 müxtəlif ölkəsində oynanılacaq. Turnirin məhz bu yeni formatı rəsmi oyun topunun tərtibatı üçün ilham mənbəyi olub.“Uniforia”nın tərtibatı körpülərin kəsişməsi, hüdudların qarışması, həmçinin sənət və futbolun təkrarolunmaz qarışığı ilə turniri müşayiət edəcək müxtəliflik anlayışlarını əhatə edir. Bu elementlər 2018-ci ildə start götürmüş tərtibat prosesinin başlanğıc nöqtələri idi.“Rəsmi topun tərtibatı zamanı biz həmişə mədəniyyəti - stadionda qürurla nümayiş etdirə biləcəyimiz küçə ruhunu əks etdirməyə çalışırıq”, – deyə “Adidas”ın məhsul dizayneri Anika Mari Kenno bildirib. O deyib ki, hazırda bizim bütün şəhərlərimizdə gördüyümüz əsas xüsusiyyət bir yerə toplaşmaq və dəyişiklik üçün birləşmək ehtiyacının mövcud olmasıdır. Dünyada əsas idman tədbirlərindən biri olaraq “Avro 2020” bu cür birliyin gücünü qürurla nümayiş etdirmək, eləcə də insanları, ideyaları və yaradıcılıqları birləşdirən bir qüvvə olaraq idmanı bayrama çevirmək üçün böyük bir imkandır.xeber100.com

Azərbaycan Voleybol Federasiyasının açıqlamasına əsasən…

Cari ilin mayında ölkəmizə dəvət olunmuş və qadın voleybolçular arasında milli komandamızın baş məşqçisi təyin edilmiş Covanni Kaprara ilə bağlanan müqavilə sentyabrda Avropa çempionatından sonra başa çatıb.Azərtac xəbər verir ki, bu barədə Azərbaycan Voleybol Federasiyasının açıqlamasında qeyd olunub.C.Kaprara milli komandamızın baş məşqçisi kimi Qızıl Avropa Liqasında, 2020-ci ildə Tokioda keçiriləcək Yay Olimpiya Oyunlarına lisenziya xarakterli təsnifat turnirində və Avropa çempionatında çıxış edib.Yanvarda keçiriləcək Avropa Olimpiya Təsnifat Turnirində çıxış edəcək milli komandamızın baş məşqçisinin kim olacağı isə Azərbaycan Voleybol Federasiyası tərəfindən yaxın zamanda açıqlanacaq.xeber100.com

FIDE Qran-Prisinin üçüncü mərhələsinin səkkizdəbir final oyunları keçirilib

Hamburqda FIDE Qran-Prisinin üçüncü mərhələsinin səkkizdəbir final oyunları keçirilib.Azərtac xəbər verir ki, yarışda ölkəmizi təmsil edən Teymur Rəcəbovun rusiyalı şahmatçı Daniel Dubovla qarşılaşması heç-heçə başa çatıb. Noyabrın 6-da şahmatçılar arasında ikinci qarşılaşma keçiriləcək. Qalib müəyyənləşməsə onlar “tay brek”də görüşəcəklər.Qeyd edək ki, Hamburq Qran-Prisi Teymur Rəcəbovun dünya kuboku turnirindən sonra iştirak etdiyi ilk yarışdır. Təmsilçimiz Azərbaycanın şahmat tarixində ilk dəfə dünya kuboku turnirinin qalibi olub. O, eyni zamanda, iddiaçılar turnirində birbaşa iştirak hüququ da qazanıb.Qran-Pri turnirləri Olimpiya sistemi (uduzan çıxır) üzrə keçirilir.xeber100.com

Futbol üzrə “Avro 2020”nin seçmə mərhələsi çərçivəsində

Futbol üzrə “Avro 2020”nin seçmə mərhələsi çərçivəsində noyabrın 19-da Anton Malatinskiy stadionunda Azərbaycan millisini qəbul edəcək Slovakiya yığmasının heyəti açıqlanıb.Azərtac xəbər verir ki, heyətə qapıçılar - Martin Dubravka (“Nyukasl”, İngiltərə), Marek Rodak (“Fulhem”, İngiltərə), Dominik Qreyf (“Slovan”), müdafiəçilər - Peter Pekarik (“Herta”, Almaniya), Lyubomir Şatka (“Lex”, Polşa), Milan Şkrinyar (“İnter”, İtaliya), Denis Vavro (“Latsio”, İtaliya), Martin Valyent (“Malyorka”, İspaniya), Norbert Qyomber (“Peruca”, İtaliya), David Hançko (“Sparta”, Çexiya), yarımmüdafiəçılər - Patrik Qroşovski (“Genk”, Belçika), Stanislav Lobotka (“Selta”, İspaniya), Yan Qrequş (“Minnesota Yunayted”, ABŞ), Yuray Kuçka (“Parma”, İtaliya), Matuş Bero (“Vitess”, Hollandiya), Marek Hamşik (“Dalyan Yifanq”, Çin), Andrey Duda (“Herta”, Almaniya), Laslo Benes (“Borussiya” M, Almaniya), Albert Ruşnak (“Real Solt Leyk”, ABŞ), Robert Mak (“Zenit”, Rusiya), Lukaş Haraslin (“Lexiya”, Polşa), hücumçular - Samuel Mraz (“Brondbü”, Danimarka), Mixal Duriş (“Anortosis”, Kipr) və Robert Bojenik (“Jilina”) dəvət olunublar.Qeyd edək ki, Slovakiya-Azərbaycan oyunu Bakı vaxtı ilə saat 23:45-də start götürəcək.xeber100.com

Azərbaycan Ağır Atletika Federasiyasının məlumatı

Noyabrın 9-10-da Ağır Atletika Akademiyasının Şüvəlan qəsəbəsindəki yarış zalında ağır atletika üzrə Azərbaycan kuboku turniri keçiriləcək.Azərbaycan Ağır Atletika Federasiyasından Azərtac-a bildiriblər ki, yarışda şəhər və rayonların, idman cəmiyyət, klub və mərkəzlərinin, Uşaq Gənclər İdman məktəblərinin hazırkı əsasnamə üzrə təyin olunmuş dərəcə normalarını yerinə yetirən və tibbi müayinədən keçən yüzə yaxın atleti qüvvəsini sınayacaq.Turnirin təşkilində məqsəd atletlərin hazırlıq vəziyyətinin yoxlanılması, ehtiyat qüvvənin nəzərdən keçirilməsi, güclü idmançıların seçilməsidir.xeber100.com

UEFA Çempionlar Liqasının növbəti qrup mərhələsində

Noyabrın 6-da UEFA Çempionlar Liqasının 2019-2020-ci il mövsümünün qrup mərhələsinin dördüncü turunun daha səkkiz qarşılaşması oynanılacaq.Azərtac xəbər verir ki, turun ikinci oyun günündə A, B, C və D qruplarında yer alan komandalar üz-üzə gələcəklər. Gün ərzində oynanılacaq görüşlər aşağıdakılardır: A qrupu: “Paris Sen-Jermen” (Fransa) – “Brügge” (Belçika); “Real Madrid” (İspaniya) – “Qalatasaray” (Türkiyə). Qrupdakı vəziyyət: “Paris Sen-Jermen” – 9, “Real Madrid” - 4, “Brügge” - 2, “Qalatasaray” - 1. B qrupu: “Bavariya” (Almaniya) – “Olimpiakos” (Yunanıstan); “Srvena Zvezda” (Serbiya) – “Tottenhem” (İngiltərə). Qrupdakı vəziyyət: “Bavariya” - 9, “Tottenhem” - 4, “Srvena Zvezda” - 3, “Olimpiakos” - 1. C qrupu: “Dinamo Zaqreb” (Xorvatiya) – “Şaxtyor” (Donetsk, Ukrayna); “Atalanta” (İtaliya) – “Mançester Siti” (İngiltərə). Qrupdakı vəziyyət: “Mançester Siti” - 9, “Dinamo Zaqreb” - 4, “Şaxtyor” - 4, “Atalanta” - 0. D qrupu: “Lokomotiv” (Moskva, Rusiya) – “Yuventus” (İtaliya); “Bayer Leverkuzen” (Almaniya) – “Atletiko Madrid” (İspaniya). Qrupdakı vəziyyət: “Atletiko Madrid” - 7, “Yuventus” - 7, “Lokomotiv” - 3, “Bayer” - 0.xeber100.com