Yunan-Roma güləşi üzrə növbəti təlim-məşq toplanışına start verilib

Yunan-Roma güləşi üzrə yığmamız növbəti təlim-məşq toplanışına start verib.Azərtac Azərbaycan Güləş Federasiyasına istinadla xəbər verir ki, Fransanın Nitsa şəhərində keçirilən Qran-pri turnirində çıxış etdikdən sonra vətənə qayıdan millimiz bir neçə günlük fasilədən sonra hazırlıq prosesini bərpa edib.Baş məşqçi Aleksandr Tarakanov, böyük məşqçi Rövşən Bayramov və məşqçi Akif Əliyevin rəhbərliyi altında baş tutan hazırlıq prosesi gələn ay İtaliyanın paytaxtı Romada keçiriləcək Avropa çempionatına və qarşıdakı lisenziya turnirlərinə hazırlıq xarakteri daşıyır. Komanda qitə birinciliyinədək məşqləri Olimpiya Güləş Mərkəzində davam etdirəcək.xeber100.com

Şahmat üzrə dördüncü turun oyunları keçiriləcək

Yanvarın 27-də şahmat üzrə açıq Lissabon turnirinin dördüncü turunun oyunları keçiriləcək.Azərtac xəbər verir ki, turnirin klassik yarışlarında Azərbaycan şahmatçılarından Vüqar Əsədli yerli idmançı Andre Neves Fidalgo, Nail Bəşirli rusiyalı Aleksander Motylev, Zaur Bayramov isə polşalı Paveł Yarats ilə qarşılaşacaqlar.Son üç turda maksimum xal toplayan V.Əsədli turnir cədvəlinin ikinci pilləsində yer alıb. N.Bəşirli və Z.Bayramov 2,5 xal toplayıblar.Doqquz turdan ibarət turnir İsveçrə sistemi üzrə keçirilir. Yarışda 227 şahmatçı mübarizə aparır.xeber100.com

“Zirə” futbol klubu daha bir legioner ilə yolları ayırıb

Paytaxtın “Zirə” futbol klubu daha bir legioner ilə yolları ayırıb.Azərtac xəbər verir ki, 27 yaşlı Robin Nqalandenin müqaviləsinə qarşılıqlı razılıq əsasında xitam verilib. Paytaxt klubu ilə cari mövsümün sonunadək müqaviləsi olan R.Nqalande ötən ilin yanvarından “Zirə”də çıxış edirdi.“Zirə” qış fasiləsində haitili Soni Norde ilə də yollarını ayırıb.xeber100.com

Karate 1 Premyer Liqa turniri başa çatır

Azərbaycan karateçisi Rafiz Həsənov Parisdə keçirilən Karate 1 Premyer Liqa turnirində bürünc medal qazanıb.Azərtac xəbər verir ki, yarışda 67 kiloqram çəki dərəcəsində iştirak edən Rafiz Həsənov üçüncü yer uğrunda döyüşdə braziliyalı Vinisius Fiqueyraya qalib gəlib.Komandamızın digər üzvü İrina Zaretska (68 kq) uğurla çıxış edərək finala vəsiqə qazanıb. O, həlledici döyüşdə misirli Feryal Abdelazezlə mübarizə aparacaq.Qeyd edək ki, Azərbaycanı kumite və kata yarışlarında 15 idmançı təmsil edir.Dünya Karate Federasiyasının (WKF) ən nüfuzlu liqa yarışının Paris mərhələsini idarə edən referilər arasında beynəlxalq hakimlərimiz Cahangir Babayev və Vüqar Kərimov da yer alıblar.Fransadakı turnirdə 92 ölkədən 703 karateçi mübarizə aparır. İdmançılar hər qələbəyə və medalların əyarına əsasən dünya reytinqi ilə yanaşı, Olimpiya xalları da qazanacaqlar.Karate 1 Premyer Liqa turnirinə yanvarın 26-da yekun vurulacaq.xeber100.com

“Gibraltar International Chess 2020” beynəlxalq şahmat festivalında

Yanvarın 26-da “Gibraltar International Chess 2020” beynəlxalq şahmat festivalının “Masters” turnirində altıncı turunun oyunları keçiriləcək.Azərtac xəbər verir ki, Azərbaycan şahmatçıları Şəhriyar Məmmədyarov növbəti turda hindistanlı Çopra Aryan, Vasif Durarbəyli ispaniyalı Karlos Ibarra Jerez Jose ilə görüşəcəklər.Cəbəllütariqdə keçirilən beynəlxalq turnirin ötən beş turunda hər iki şahmatçımız 3,5 xal toplayıb. V.Durarbəyli bu nəticə ilə turnir cədvəlinin 21-ci, Ş.Məmmədyarov isə 26-cı pillələrində qərarlaşıblar.“Masters” turnirinə dünyanın müxtəlif ölkələrindən 241 şahmatçı, o cümlədən 116 qrossmeyster qatılıb.xeber100.com

Türkiyə Superliqasının XIX turunda İstanbul derbisi keçirilib

Yanvarın 25-də Türkiyə Superliqasının XIX turunda İstanbul derbisi keçirilib.Azərtac xəbər verir ki, “Ülker” stadionunda keçirilən oyunda “Fənərbağça” “Başakşəhər”i qəbul edib və rəqibinə iki cavabsız qolla qalib gəlib - 2:0. Görüşdə qolları Maks Kruze (72) və Vedat Muriç (86) vurublar.Günün digər qarşılaşmalarında “Alanyaspor” səfərdə “Kasımpaşa”nı 2:1 hesabı ilə məğlub edib. “Kayserispor” – “Antalyaspor” görüşündə isə qalib müəyyənləşməyib - 1:1.Turun digər görüşləri yanvarın 26-27-də keçiriləcək.Hazırda turnir cədvəlində “Sivasspor” klubu 40 xalla vahid liderdir. “Fənərbağça” 37 xalla ikinci, “Başakşəhər” 36 xalla üçüncüdür.xeber100.com

“Qəbələ” komandası sonuncu yoxlama oyununu keçirib

2019-2020-ci illər mövsümünün ikinci yarısına hazırlaşan "Qəbələ" komandası Türkiyədə toplanışı çərçivəsində sonuncu yoxlama oyununu keçirib.Azərtac xəbər verir ki, "Qırmızı-qaralar" Antalyadakı hazırlıqları Rumıniyanın "Konkordiya" klubu ilə qarşılaşma ilə yekunlaşdırıb.Qarşılıqlı hücumlarla keçən oyunda hesabı "Qəbələ" açıb. 21-ci dəqiqədə Asif Məmmədov fərqlənib. Rumıniya təmsilçisi yeddi dəqiqə sonra bərabərlik qoluna imza atıb.Komandalar fasilədə və matçın gedişində oyunçu dəyişiklikləri ediblər. Fasilədən az sonra Amin Seydiyev komandamızı hesabda önə çıxarıb. Matçın sonuna doqquz dəqiqə qalmış "Konkordiya" oyunda hesabı bərabərləşdirib. Beləliklə, görüşdə qalib müəyyənləşməyib – 2:2.Xatırladaq ki, bunadək Antalyada üç yoxlama matçı keçirən baş məşqçi Elmar Baxşıyevin yetirmələri Macarıstanın MTK (0:3), Rusiyanın "Çayka" (3:0) və Bolqarıstanın "Etar" (0:0) klubları ilə görüşüb.xeber100.com

“Xilasedici” və “Neftçi” komandaları qarşılaşıb

Kişi voleybolçular arasında Azərbaycan Yüksək Liqasında növbəti görüşlər keçirilib.Azərtac xəbər verir ki, günün ilk matçında “Xilasedici” və “Neftçi” komandaları qarşılaşıb.Oyun “Xilasedici” klubunun 3:1 (26:24,19:25, 25:23, 25:20) hesablı qələbəsi ilə başa çatıb.Azərbaycan çempionatında günün ikinci qarşılaşmasında “Murov” komandası “Expres”i hər üç setdə məğlub edib - 25:14, 25:14, 25:14.xeber100.com  

Beynəlxalq şahmat festivalının beşinci turunun oyunları keçirilib

Yanvarın 25-də Cəbəllütariqdə beynəlxalq şahmat festivalının “Masters” turnirinin beşinci turunun oyunları keçirilib.Azərtac xəbər verir ki, Azərbaycan şahmatçısı Şəhriyar Məmmədyarov növbəti heç-heçəyə imza atıb. Beşinci turda onun təqibi argentinalı Fernando Peralta olub. Komandamızın digər üzvü Vasif Durarbəyli isə çinli idmançı Hao Yanqın öhdəsindən gələ bilməyib. Beş turdan sonra hər iki şahmatçımızın aktivində 3,5 xal var.“Masters” turnirinə dünyanın müxtəlif ölkələrindən 241 şahmatçı, o cümlədən 116 qrossmeyster qatılıb.xeber100.com

İngiltərə Premyer Liqasının 24-cü turunun sonuncu oyununda

Bu gün İngiltərə Premyer Liqasının 24-cü turunun sonuncu oyununda turnir cədvəlinin hazırkı lideri “Liverpul” səfərdə “Volverhemton” klubunun qonağı olub.Azərtac xəbər verir ki, görüşdə 2:1 hesabı ilə qalib gələn “Liverpul” məğlubedilməzlik seriyasını 40 oyuna çatdırıb. Qonaqların heyətində Cordan Hendersson (8) və Roberto Firmino (84) fərqləniblər. Ev sahiblərinin yeganə qolunu isə Raul Ximenes (51) vurub.Bu, İngiltərə Premyer Liqasının cari mövsümündə “Liverpul”un 14-cü, ümumilikdə isə 22-ci qələbəsidir. Cəmi bir görüşdə heç-heçə edən və bir oyun az keçirən Yurgen Kloppun yetirmələri 67 xalla çempionata başçılıq edirlər. “Liverpul”un ən yaxın izləyicisi “Mançester Siti”nin 51, üçüncü pillədə qərarlaşan “Lester Siti”nin isə 48 xalı var.Qeyd edək ki, “Liverpul” bu görüşdə qalib gəlməklə həm də məğlubiyyətsizlik seriyasını 40 oyuna çatdırıb. Premyer Liqada bu göstərici üzrə rekord “Arsenal” klubuna məxsusdur. 2003-2004-cü il mövsümündə 49 oyunda uduzmayan “Topçular” ardıcıl ikinci dəfə çempion olmuşdular.xeber100.com