“Qarabağ” futbol klubunun qapıçısı “Milan”a transfer olunub

Ağdamın “Qarabağ” klubunda icarə əsasında çıxış edən qapıçı - Asmir Beqoviç İtaliyanın “Milan” klubuna transfer olunub.Azərtac “Milan” klubun rəsmi saytına istinadla xəbər verir ki, 32 yaşlı Bosniya və herseqovinalı qapıçı “Milan” klubunda cari mövsümün sonuna kimi çıxış edəcək.Asmir “Qarabağ”da mövsümün ilk yarısında forma geyinib. Onun “Bornmut”la müqaviləsi 2021-ci ilin iyun ayınadəkdir.Beqoviçin yanvarın 15-də İtaliya kubokunda SPAL klubuna qarşı keçirəcəyi oyunda debütü gözlənilir.Qeyd edək ki, A.Beqoviç “Çelsi” və “Bornmunt”, “Stok Siti” və bir neçə tanınmış klubların formasını geyinib.xeber100.com

Azərbaycan milli komandası yoldaşlıq oyunları keçirəcək

Dünya çempionatının elit-raund mərhələsinə hazırlığını Bakıda davam etdirən futzal üzrə Azərbaycan milli komandası yanvarın 21-də və 22-də Özbəkistan yığması ilə yoldaşlıq oyunları keçirəcək.Azərtac AFFA-ya istinadla xəbər verir ki, hər iki qarşılaşmanı idarə edəcək hakimlər müəyyənləşib.Bakı İdman Sarayında keçiriləcək birinci oyunun baş hakimi Hikmət Qafarlı olacaq. Ona Anar Fərəcov və Rahin Heybətov kömək edəcəklər. Eyni məkanda təşkil olunacaq ikinci oyun isə Əli Cəbrayılova tapşırılıb. Knyaz Əmiraslanov və Fuad Həsənov köməkçi hakim funksiyasını yerinə yetirəcəklər.xeber100.com

İngiltərə Premyer Liqasının 22-ci turunun növbəti oyunları keçirilib

Yanvarın 12-də İngiltərə Premyer Liqasının 22-ci turunun növbəti oyunları keçirilib.Azərtac xəbər verir ki, son çempion “Mançester Siti” səfərdə “Aston Villa” komandasının qonağı olub.Görüş Mançester təmsilçisinin böyük hesablı qələbəsi ilə başa çatıb - 1:6.“Şəhərlilər”in heyətində Riyad Mahrez (2), Serxio Aquero (3) və Qabriel Jesus fərqləniblər. Meydan sahiblərinin heyətində isə yeganə qolun müəllifi Ənvər El-Qazi olub. Bu qələbədən sonra xalların sayını 48-ə çatdıran “Mançester Siti” turnir cədvəlində ikinci pilləyə yüksəlib. “Aston Villa” isə 21 xalla 18-ci yerdə qərarlaşıb.Günün digər erkən başlayan oyununda “Uotford” səfərdə “Bornmut”un qapısından 3 cavabsız top keçirib.Xatırladaq ki, ötən gün turun mərkəzi qarşılaşmasında turnir cədvəlinin hazırkı lideri “Liverpul” səfərdə “Tottenhem” komandasının qonağı olub. Gərgin idman mübarizəsi şəraitində keçən oyunda azarkeşlər cəmi bir qol görüblər. Matçın 37-ci dəqiqəsində braziliyalı Roberto Firmino komanda yoldaşı Məhəmməd Salahın ötürməsini dəqiq zərbə ilə tamamlayıb – 1:0. Qalan dəqiqələrdə “Tottenhem” futbolçularının cəhdlərinə baxmayaraq hesab dəyişməyib. Bununla da Yurgen Kloppun yetirmələri ardıcıl qələbələrinin sayını 12-yə çatdırıblar.“Liverpul”un turnir cədvəlində yaxın izləyicilərində olan “Lester Siti” bu turda doğma meydanda “Southampton”a 1:2 hesabı ilə uduzub. “Çelsi” öz meydanında “Börnli”ni (3:0), “Mançester Yunayted” isə “Norviç Siti”ni (4:0) məğlub ediblər. “Şeffild Yunayted” – “Uest Hem” və “Everton” – “Brayton və Hove Albion” görüşlərində ev sahibləri minimal hesabla qalib gəliblər. “Kristal Palas” – “Arsenal” və “Vulverhempton” – “Nyukasl” matçları isə heç-heçə (1:1) başa çatıb.Beləliklə, Premyer Liqanın 22-ci turunda da qalib gələn “Liverpul” komandası xal ehtiyatını 61-ə çatdırıb. Bir oyun az keçirən Yurgen Kloppun komandası ən yaxın rəqibi “Mançester Siti”ni 14 xal qabaqlayır. Üçüncü sırada qərarlaşan “Lester Siti” 45 xal toplayıb.“Çelsi” 39 xalla dördüncü, “Mançester Yunayted” 35 xalla beşincidir.xeber100.com

İspaniya Superkubokunun final görüşü keçirilib

Yanvarın 12-də İspaniya Superkubokunun final görüşü keçirilib.Azərtac xəbər verir ki, turnirin həlledici görüşündə iki Madrid təmsilçisi “Real” və “Atletiko” komandaları üz-üzə gəliblər.Gərgin idman mübarizəsi şəraitində keçən oyunun əsas vaxtında qalib müəyyənləşməyib. Qalibi müəyyən etmək üçün iki hissədən ibarət hərəsi 15 dəqiqə olmaqla vaxt əlavə olunub. Bu iki hissədə də qalib müəyyən olunmadığından komandalar 11 metrlik cərimə zərbələri vurmağa məcbur qalıb. Bu seriyalarda daha dəqiq olan “Real Madrid” tarixində 11-ci dəfə İspaniya Superkubokunun qalibi olub.“Real Madrid” İspaniya Superkubokunun yarımfinal mərhələsində “Valensiya” klubunu (3:1), “Atletiko Madrid” isə “Barselona” komandasını (3:2) məğlub etmişdi.Qeyd edək ki, İspaniya Superkubokunun bütün üç görüşü Səudiyyə Ərəbistanının Ciddə şəhərində keçirilib.xeber100.com

“Yuventus” futbol klubu “Roma” komandasının qonağı olub

Yanvarın 12-də İtaliya A Seriyasının 19-cu turunun mərkəzi qarşılaşması keçirilib.Azərtac xəbər verir ki, son çempion “Yuventus” səfərdə “Roma” komandasının qonağı olub. Görüş “Yuventus”un 2:1 hesablı qələbəsi ilə başa çatıb.Oyunda hesabı qonaqlar açıb. Turinlilərin türkiyəli müdafiəçisi Merih Demiral Paolo Dibalanın ötürməsini dəqiq zərbə ilə tamamlayıb.Qoldan 7 dəqiqə sonra “Yuventus” yenidən fərqlənib. Kriştiano Ronaldo 11 metrlik cərimə zərbəsini dəqiq yerinə yetirib.Fasiləyə komandalar “Yuventus”un 2:0 hesablı qələbəsi ilə yollanıb.Qarşılaşmanın ikinci hissəsində “Roma” qollardan birinin əvəzin çıxıb. Matçın 68-ci dəqiqəsində Dieqo Perotti fərqlənib.Bu qələbədən sonra “Yuventus” “İnter”in xal itkisindən yararlanaraq xalların sayını 48-ə çatdıraraq turnir cədvəlində liderliyi ələ alıb.Ötən gün “İnter” doğma azarkeşlər önündə “Atalanta” komandasını qəbul edib.Qarşılıqlı hücumlarla müşahidə olunan görüşdə qalib müəyyənləşməyib - 1:1. Oyunda hesabı erkən qolla - 4-cü dəqiqədə “İnter” açıb. Lautaro Martinez Romelu Lukakunun ötürməsini qolla tamamlayıb. Qonaqlar oyunun əsas vaxtının başa çatmasına 15 dəqiqə qalmış hesabı bərabərləşdiriblər. Robin Qosens komandasını məğlubiyyətdən xilas edib. “Atalanta” oyunun sonlarında qələbə qazanmaq üçün ideal şans əldə edib. Matçın 87-ci dəqiqəsində Luis Muriyel 11 metrlik cərimə zərbəsini dəqiq yerinə yetirə bilməyib.Turun digər görüşlərində “Milan” səfərdə cari mövsümdə inamlı oyunu ilə diqqət çəkən “Kalyari” komandasını 2:0 hesabı ilə məğlub edib. “Milan” klubunun yeni transferi Zlatan İbrahimoviç ilk dəfə olaraq start heyətdə yer alıb və debütünü qolla qeyd edib. Bu qələbədən sonra “Milan” 25-ci xalını qazanaraq turnir cədvəlində yeddinci pilləyə yüksəlib. “Kalyari” 29 xalla beşinci yerdədir.Turun maraq doğuran digər oyunlarından biri “Olimpiko” stadionunda keçirilib. Çempionluğa iddialı “Napoli” səfərdə “Latsio” klubuna məğlub olub - 0:1. Hazırda “Napoli” 24 xalla onuncu, “Latsio” isə 42 xalla üçüncü yerdə qərarlaşıb.Turun digər oyunlarında aşağıdakı hesablar qeydə alınıb: “Udineze” - “Sassuolo” - 3:0; “Fiorentino” - SPAL - 1:0; “Torino” - “Bolonya” - 1:0; “Sampdoriya” - “Breşiya” - 5:1; “Verona” - “Genoa” - 2:1.xeber100.com  

Su polosu üzrə Avropa çempionatına start verilib

Yanvarın 12-də Budapeştdə su polosu üzrə Avropa çempionatına start verilib.Azərtac xəbər verir ki, Macarıstan paytaxtı bu ümumavropa turnirinə artıq beşinci dəfə ev sahibliyi edir. Bundan əvvəl Macarıstan 1926, 1958, 2001 və 2014-cü illərdə su polosu üzrə Avropa yarışlarını qəbul edib.On yeddi ölkəni təmsil edən komandalar bu yaxınlarda yenidən qurulmuş “Duna Arena” hovuzunda yarışacaqlar.Turnirin Olimpiya statusunu nəzərə alsaq, bu hadisə cari ildə Macarıstanda keçiriləcək ən mühüm idman tədbirlərindən biridir.xeber100.com

“Liverpul” futbol klubu “Tottenhem”in qonağı olub

Futbol üzrə İngiltərə çempionatının 22-ci turunun mərkəzi qarşılaşmasında Premyer Liqanın cari mövsümünün lideri “Liverpul” səfərdə “Tottenhem”in qonağı olub.Azərtac xəbər verir ki, gərgin idman mübarizəsi şəraitində keçən oyunda azarkeşlər cəmi bir qol görüblər. Matçın 37-ci dəqiqəsində braziliyalı Roberto Firmino komanda yoldaşı Məhəmməd Salahın ötürməsini dəqiq zərbə ilə tamamlayıb – 1:0. Qalan dəqiqələrdə “Tottenhem” futbolçularının cəhdlərinə baxmayaraq, hesab dəyişməyib. Bununla da Yurgen Kloppun yetirmələri ardıcıl qələbələrinin sayını 12-yə çatdırıblar.“Liverpul”un ən yaxın izləyicisi “Lester Siti” bu turda doğma meydanda “Southampton”a 1:2 hesabı ilə uduzub. “Çelsi” öz meydanında “Börnli”ni (3:0), “Mançester Yunayted” isə “Norviç Siti”ni (4:0) məğlub ediblər. “Şeffild Yunayted” – “Uest Hem” və “Everton” – “Brayton və Hove Albion” görüşlərində ev sahibləri minimal hesabla qalib gəliblər. “Kristal Palas” – “Arsenal” və “Vulverhempton” – “Nyukasl” matçları isə heç-heçə (1:1) başa çatıb.Tura yanvarın 12-də oynanılacaq “Bournmut” – “Uotford” və “Aston Villa – “Mançester Siti” qarşılaşmaları ilə yekun vurulacaq.Beləliklə, Premyer Liqanın 22-ci turunda da qalib gələn “Liverpul” komandası xal ehtiyatını 61-ə çatdırıb. Bir oyun az keçirən Yurgen Kloppun komandası ən yaxın rəqibi “Lester Siti”ni 16 xal qabaqlayır. Üçüncü sırada qərarlaşan “Mançester Siti” (44 xal) sabahkı oyunda xal itirməzsə ikinci pilləyə yüksələcək. “Çelsi” 39 xalla dördüncü, “Mançester Yunayted” 35 xalla beşincidir. “Tottenhem” isə 30 xalla səkkizinci pillədə qərarlaşıb.xeber100.com

İtaliya A Seriyasının 19-cu turunun mərkəzi qarşılaşmasında

İtaliya A Seriyasının 19-cu turunun mərkəzi qarşılaşmasında turnir cədvəlinin hazırkı lideri “İnter” doğma azarkeşlər önündə “Atalanta” komandasını qəbul edib.Azərtac xəbər verir ki, qarşılıqlı hücumlarla müşahidə olunan görüşdə qalib müəyyənləşməyib - 1:1. Oyunda hesabı erkən qolla - 4-cü dəqiqədə “İnter” açıb. Lautaro Martinez Romelu Lukakunun ötürməsini qolla tamamlayıb. Qonaqlar oyunun əsas vaxtının başa çatmasına 15 dəqiqə qalmış hesabı bərabərləşdiriblər. Robin Qosens komandasını məğlubiyyətdən xilas edib. “Atalanta” oyunun sonlarında qələbə qazanmaq üçün ideal şans əldə edib. Matçın 87-ci dəqiqəsində Luis Muriyel 11 metrlik cərimə zərbəsini dəqiq yerinə yetirə bilməyib.Bu heç-heçədən sonra “İnter” xalların sayını 46-a çatdıraraq “Yuventus”u bir xal geridə qoyub və birinci sıraya yüksəlib. “Neradzurra” cari mövsümdə 12 oyunu da məğlubiyyətsiz başa vurub. “Atalanta” isə 35 xalla beşinci yerdə qərarlaşıb.Turun digər görüşlərində “Milan” səfərdə cari mövsümdə inamlı oyunu ilə diqqət çəkən “Kalyari” komandasını 2:0 hesabı ilə məğlub edib. “Milan” klubunun yeni transferi Zlatan İbrahimoviç ilk dəfə olaraq start heyətdə yer alıb və debütünü qolla qeyd edib. Bu qələbədən sonra “Milan” 25-ci xalını qazanaraq turnir cədvəlində yeddinci pilləyə yüksəlib. “Kalyari” 29 xalla beşinci yerdədir.Turun maraq doğuran digər oyunlarından biri “Olimpiko” stadionunda keçirilib. Çempionluğa iddialı “Napoli” səfərdə “Latsio” klubuna məğlub olub - 0:1. Hazırda “Napoli” 24 xalla onuncu, “Latsio” isə 42 xalla üçüncü yerdə qərarlaşıb.Turun əksər oyunları yanvarın 12-də keçiriləcək. Bu turun mərkəzi qarşılaşmasında “Yuventus” səfərdə “Roma” ilə üz-üzə gələcək.xeber100.com

“Neftçi” futbol klubu heyətini yeni futbolçu ilə gücləndirib

“Neftçi” klubu heyətini yeni futbolçu ilə gücləndirib.Azərtac kluba istinadla xəbər verir ki, İrandan olan 28 yaşlı yarımmüdafiəçi Saman Nəriman Cahan ilə 1,5 il müddətinə müqavilə bağlanıb.Sonuncu klubu “Maşinsazi”nin (2016-2017, 2019) kapitanı olmuş Saman İranın “Naft Tehran”, “Gostareş Fulad”, “Traktor”, “Persepolis” və “Peykan” klublarında çıxış edib. İran çempionatının qalibi olmuş futbolçu ölkəsinin U-23 milli komandasında 6 oyun keçirib, 1 qola imza atıb.xeber100.com

Formula 1 şirkəti yeni mövsümün cədvəlini açıqlayıb

Formula 1 şirkəti dünya çempionatının yeni mövsümü üçün mərhələlərin dəqiq cədvəlini açıqlayıb.Azərtac xəbər verir ki, iyunun 5-7-də təşkil olunacaq Azərbaycan Qran-Prisinin sərbəst yürüşlərdən ikisi birinci yarış gününə saat 13:00-14:30-a və 17:00-18:30-a təsadüf edəcək. Sonuncu sərbəst yürüş isə iyunun 6-da saat 14:00-dan 15:00-dək davam edəcək. İkinci yarış günündə həm də təsnifat yürüşü keçiriləcək. Saat 17:00-da start götürəcək yürüş 1 saat davam edəcək. İyunun 7-də isə saat 16:10-da Azərbaycan Qran-Prisinə start veriləcək.Qeyd edək ki, Azərbaycan Qran-Prisi bu il ardıcıl 5-ci dəfə təşkil olunacaq.xeber100.com