Badminton üzrə Azərbaycan çempionatına yekun vurulub

Badminton üzrə növbəti Azərbaycan çempionatına yekun vurulub.Azərtac xəbər verir ki, 1 nömrəli İdman Liseyinin badminton zalında keçirilən ölkə çempionatında 5 kateqoriya üzrə qaliblərin adlarına aydınlıq gəlib.Kişilərin şəxsi yarışında Edi Reski Dviçayo birinci olub. Ezmi Qovimuramadhoni və Orxan Qələndərov isə müvafiq olaraq ikinci və üçüncü yerləri bölüşüb.Qadın badmintonçuların şəxsi yarışında ən güclü adını Nigar Əliyeva qazanıb. Fidan Salmanova ikinci, Zülfiyyə Hüseynova isə üçüncü yeri tutub.Kişilərin qoşa yarışında Ezmi Qovimuramadhoni-Cahid Əlhəsənov tandemi bu kateqoriya üzrə qalib olub. Kənan Rzayev-Səbuhi Hüseynov qoşası ikinci, Rəvan Niftəliyev-Aqil Qəbilov ikilisi isə üçüncü yeri bölüşüb.Qadınların qoşa yarışında Azərbaycan çempionu adına Nigar Əliyeva-Nərmin Şərifova layiq görülüb. Mədinə Nağıyeva-Fatimə Əşrəfova gümüş, Adilə Mehdiyeva-Alla Vlasyuk isə bürünc medal qazanıb.Qarışıq-qoşa yarışlarında Səbuhi Hüseynov-Zülfiyyə Hüseynova qələbəni bayram edib. Rəvan Nifətliyev-Nigar Əliyeva bu kateqoriya üzrə ikinci, Cahid Əlhəsənov-Anna Jeleznyak isə üçüncü yeri tutub.Noyabrın 20-də start verilən Azərbaycan çempionatında 38 qadın və 58 kişi badmintonçu yarışıb. Bakı ilə yanaşı, Quba, Qusar, Gəncə və Lənkərandan rekord sayda 30 badmintonçu ölkə çempionatınıın iştirakçısı olub.Turnirin qalibləri Gənclər və İdman Nazirliyi və Azərbaycan Badminton Federasiyası tərəfindən diplom, medal və pul mükafatları ilə təltif ediliblər.xeber100.com

Azərbaycan Voleybol Federasiyasının məlumatı

Tbilisidə 16 yaşadək qız voleybolçular arasında Şərqi Avropa Zonal Assosiasiyasının (EEVZA) çempionatı keçirilir.Azərtac Azərbaycan Voleybol Federasiyasına istinadla xəbər verir ki, çempionatda 9 ölkənin milli komandası mübarizə aparır.Millimiz A qrupunda Gürcüstan, Latviya, Rusiya və Ukrayna yığmaları ilə birgə yer alıb. B qrupunda isə Belarus, Estoniya, Litva və Polşa seçmələri üz-üzə gələcəklər.Yığmamız ilk oyununda Ukrayna komandası ilə qarşılaşıb. Görüş rəqibin 3:0 hesablı qələbəsi ilə başa çatıb. “Avro 2020”yə seçmə xarakteri daşıyan yarışda voleybolçularımız növbəti oyununu noyabrın 25-də Gürcüstana qarşı keçirəcəklər.Yarışın reqlamentinə əsasən, çempion Monteneqroda keçiriləcək Avropa çempionatının finalına vəsiqə əldə edəcək.xeber100.com

Futzal üzrə IX turun oyunlarına hakim təyinatları açıqlanıb

Futzal üzrə Yüksək Liqada IX turun oyunlarına hakim təyinatları açıqlanıb.Azərtac Azərbaycan Futzal Federasiyasına istinadla xəbər verir ki, turun oyunları noyabrın 28-də keçiriləcək.Tura “Marafon”-“Yasamal” oyunu ilə start veriləcək. Saat 12:00-da başlayacaq görüşün baş hakimi Azər Əsgərov olacaq.Saat 14:00-da start götürəcək “Neftçi”-“Premirer” qarşılaşması Anar Fərəcova tapşırılıb.“Baku Fire”-“Bakı” oyununda Əli Cəbrayılov ədaləti qoruyacaq. Görüş saat 16:00-da başlayacaq.EKOL-“Xızı” arasında keçiriləcək oyuna Hikmət Qafarlı təyinat alıb. Qarşılaşmanın start fiti saat 18:00-da səsləndiriləcək.Tura “Record”-“Araz” matçı ilə yekun vurulacaq. Saat 20:00-da start götürəcək oyunun baş hakimi Ramiz Məhərrəmov olacaq.Turun oyunları Bakı İdman Sarayında təşkil olunacaq.Qeyd edək ki, səkkiz turdan sonra hesabında 24 xal olan “Araz” komandası turnir cədvəlinə liderlik edir. “Neftçi” və EKOL 18 xalla 2-3-cü pillədə yer alıblar.xeber100.com  

Futbol üzrə Azərbaycan Premyer Liqasında XII tura yekun vurulub

Noyabrın 24-də futbol üzrə Azərbaycan Premyer Liqasında XII tura yekun vurulub.Azərtac xəbər verir ki, həftənin son oyununda “Neftçi” “Qəbələ”ni qəbul edib. “Bakcell Arena”da baş tutan matç meydan sahiblərinin qələbəsi ilə yekunlaşıb - 4:1.Hesabı 17-ci dəqiqədə Soni Mustivar açıb. Ömər Buludov 24-cü, Stiven Monroz isə 35-ci dəqiqədə fərqlənməklə “Neftçi”nin üstünlüyünü bir qədər də möhkəmləndiriblər.Meydan sahibləri ikinci hissədə daha 2 qol vurublar. Qarşılaşmanın 90+2-ci dəqiqəsində Evangelos Platellas “Qəbələ”ni məyus edib. Bundan 3 dəqiqə sonra isə Donald Gerye avtoqola imza atıb.Bu qələbədən sonra xalını 21-ə çatdıran “Neftçi” 2-ci pilləyə yüksəlib. “Qəbələ” isə 9 xalla son sıradadır.Qeyd edək ki, hesabat turunda “Sumqayıt” evdə “Qarabağ”ı 2:1, “Zirə” isə “Keşlə”ni 3:1 hesabı ilə məğlub edib. Təkcə “Səbail” – “Sabah” oyununda qonaqlar qalib gəlib - 1:3.xeber100.com

“Fənərbağça” futbol klubu “Yeni Malatyaspor”un qonağı olub

Noyabrın 24-də Türkiyə Superliqasının XII turunda “Fənərbağça” səfərdə “Yeni Malatyaspor”un qonağı olub.Azərtac xəbər verir ki, “Yeni Malatyaspor” stadionunda keçirilən matçda qapılara qol vurulmayıb – 0:0.Günün digər oyunlarında “Göztəpə” səfərdə “Alanyaspor”u minimal hesabla məğlub edib 0:1. “Kayserispor” klubu isə doğma meydanda “Sivasspor”a 1:4 hesabı ilə uduzub. “Gənclərbirliyi” isə səfərdə “Kasımpaşa”nı 1:2 hesabı ilə üstələyib.Tura noyabrın 25-də keçiriləcək “Antalyaspor” – “Qaziantepspor” matçı ilə yekun vurulacaq.Hazırda “Sivasspor” 24 xalla turnir cədvəlinə liderlik edir. “Trabzonspor” və “İstanbul Başakşəhər” klubları 22 xalla müvafiq olaraq ikinci və üçüncü pillələrdə yer alıblar.xeber100.com

Antalyada keçirilən A kateqoriyalı şahmat turnirində

Antalyada keçirilən A kateqoriyalı açıq turnirdə şahmatçımız uğurla çıxış edib.Azərtac xəbər verir ki, komandamızın üzvü Rəsul İbrahimov 9 turdan 7 xal toplayaraq ikinci yeri tutub. Onunla eyni xal toplayan gürcüstanlı Konstantin Şanava əlavə göstəricilərə görə turnirin qalibi olub.xeber100.com

Yüksək Liqanın IX turunun oyun cədvəli açıqlanıb

Futzal üzrə Yüksək Liqanın IX turunun oyun cədvəli açıqlanıb.Azərtac Azərbaycan Futzal Federasiyasına istinadla xəbər verir ki, turun oyunları noyabrın 28-də keçiriləcək.Tura “Marafon”–“Yasamal” oyunu ilə start veriləcək. Görüş saat 12:00-da başlayacaq. Günün ikinci qarşılaşması “Neftçi” və “Premier” komandaları arasında keçiriləcək və matça saat 14:00-da start veriləcək. Saat 16:00-da “Baku Fire”–“Bakı”, iki saat sonra EKOL–“Xızı” və saat 20:00-da “Record”–“Araz” oyunlarının start fiti səsləndiriləcək.Turun oyunları Bakı İdman Sarayında təşkil olunacaq.Səkkiz turdan sonra hesabında 24 xal olan “Araz” komandası turnir cədvəlinə liderlik edir. “Neftçi” və EKOL 18 xalla 2-3-cü pillədə yer alıblar.xeber100.com

“Azərreyl” voleybol komandası yeni müqavilə imzalayıb

Bakının qadınlardan ibarət “Azərreyl” voleybol komandası yeni müqavilə imzalayıb.Azərtac xəbər verir ki, ölkə çempionu xorvatiyalı voleybolçu Doris Pişmatı heyətinə qatıb.Bakı təmsilçisi 20 yaşlı voleybolçunu Xorvatiyanın “Dinamo Zaqreb” komandasından transfer edib. D.Pişmat mövsümün sonunadək “Azərreyl”in şərəfini qoruyacaq.Qeyd edək ki, “Azərreyl” daha əvvəl Anastasiya Mertsalova, Marianna Abuyeva, İradə Hüseynova, Elmira Eynalova Valeriya Kondratyeva və Nelli Salbishvili ilə də müqavilə bağlayıb.xeber100.com

Bakı İdman Sarayında 27-ci Azərbaycan çempionatı davam edir

Bakı İdman Sarayında yeniyetmə və gənclər arasında 20-ci respublika birinciliyi, böyüklər arasında isə 27-ci Azərbaycan çempionatı davam edir.Azərtac xəbər verir ki, Gənclər və İdman Nazirliyinin, Azərbaycan Karate-Do Federasiyaları Assosiasiyasının və Milli Karate Federasiyasının birgə təşkil etdiyi yarışlarda uşaqlar, yeniyetmələr, gənclər və böyüklər mübarizə aparırlar.Turnirdə artıq böyüklər və gənclər arasında yarışların qalibləri müəyyənləşib. Belə ki, qadınlar arasında kata üzrə Neda Rezai, kumitedə Kəmalə Hüseynova (68 kq-dan yuxarı), Zamirə Rzayeva (68 kq), Bəsti İsmayılova (61 kq), İnci Əzizova (55 kq), Mədinə Quliyeva (50 kq) birinci yerə layiq görülüblər. Kişi karateçilərin mübarizəsində isə kata yarışında Ceyhun İsmayılov, kumite üzrə Elvin Ağayev (84 kq-dan yuxarı), Novruz Əliyev (84 kq), Samir Məmmədov (75 kq), Məhəmməd İsmayılov (67 kq) və Ülvi Qurbanov (60 kq) qızıl medal qazanıblar.U-21-lərin yarışında Nərgiz Məmmədova kata, Kəmalə Hüseynova (68 kq-dan yuxarı), Zamira Rzayeva (68 kq), Bəsti İsmayılova (61 kq), İnci Əzizova (55 kq), Fidan Teymurova (50 kq) kumite yarışlarında qalib olublar. Oğlanların yarışında isə Ceyhun İsmayılov kata, Murad Hacızadə (84 kq-dan yuxarı), Musa Sarızadə (84 kq), Fərid Şahbazlı (75 kq), Asim Məmmədov (67 kq) və Fərid Əbdülkərimov (60 kq) kumite üzrə birinci yerə layiq görülüblər.Yarışlar noyabrın 24-dək davam edəcək.xeber100.com

Azərbaycan Premyer Liqasının XII turuna start veriləcək

Noyabrın 22-də futbol üzrə Azərbaycan Premyer Liqasının XII turuna start veriləcək.Azərtac Peşəkar Futbol Liqasının saytına istinadla xəbər verir ki, turun açılış matçında “Kapital Bank Arena”da “Sumqayıt” və “Qarabağ” komandaları qarşılaşacaqlar. Saat 19:00-da başlayacaq görüşü Rauf Cabbarov idarə edəcək.Noyabrın 23-də keçiriləcək “Səbail”–“Sabah” matçının baş hakimi Səbuhi Bayramov olacaq. Saat 15:00-da start götürəcək görüş “ASCO Arena”da oynanılacaq.Noyabrın 24-də Zirə Olimpiya İdman Kompleksinin stadionunda keçiriləcək “Zirə”–“Keşlə” oyununda baş hakim funksiyasını Orxan Məmmədov yerinə yetirəcək. Matç saat 15:00-da başlayacaq.Tura həmin gün keçiriləcək “Neftçi”-“Qəbələ” oyunu ilə yekun vurulacaq. Kamal Umudlunun idarə edəcəyi qarşılaşma saat 17:00-da start götürəcək.Turun bütün görüşləri “CBC Sport” kanalı ilə birbaşa yayımlanacaq.On bir turdan sonra turnir cədvəlinə 27 xalla “Qarabağ” klubu başçılıq edir. Aktivində 19 xalı olan “Keşlə” ikinci, 18 xalı olan “Neftçi” isə üçüncü yerdə qərarlaşıblar. Digər pillələrdə müvafiq olaraq “Sumqayıt” (14), “Səbail” (11), “Zirə” (11), “Sabah” (10) və “Qəbələ” (9) yer alıblar.xeber100.com