Voleybolçular arasında Bakı birinciliyində növbəti oyunlar keçirilib

2006-2007-ci il təvəllüdlü qız voleybolçular arasında Bakı birinciliyində növbəti oyunlar keçirilib.Azərtac xəbər verir ki, “Azəri” komandası “Azərreyl 1” və “Azərreyl 2”ni 2:0 hesabı ilə məğlub edib. “Xətai” “Azərreyl 2”yə 2:0 hesabı ilə qalib gəlsə də, “Azərreyl 1”ə eyni hesabla uduzub.Altı komandanın iştirak etdiyi yarışın turnir cədvəlinə “Azəri” komandası liderlik edir.Qeyd edək ki, dairəvi sistem üzrə keçirilən birincilikdə ən çox xal qazanan komanda Bakı birincisi olacaq.xeber100.com

“King Salman World Cup” dünya çempionatının vaxtı açıqlanıb

Rapid və blits üzrə “King Salman World Cup” adı altında keçiriləcək dünya çempionatının yeri və vaxtı açıqlanıb.Azərtac xəbər verir ki, bu nüfuzlu yarış dekabrın 25-dən 30-dək Moskvada keçiriləcək. Yarışın açılış mərasimi dekabrın 25-də olacaq. Dekabrın 26-dan 28-dək rapid, ayın 29-dan 30-dək blits yarışları keçiriləcək. Dünyanın ən güclü şahmatçılarının qatılacağı “King Salman World Cup” dünya çempionatı ötən il Rusiyanın Sankt-Peterburq şəhərində təşkil olunub.xeber100.com

Cüdoçular arasında beynəlxalq turnir keçirilib

Ötən həftənin sonunda yeniyetmə cüdoçular arasında Avropa kuboku və bir neçə beynəlxalq turnir keçirilib.Azərcaycan Cüdo Federasiyasından Azərtac-a verilən məlumata görə, azərbaycanlı hakimlər də beynəlxalq turnirləri idarə edən ədalət təmsilçiləri arasında yer alıblar. Beynəlxalq dərəcəli hakim Rəşad Əliyev Macarıstanın Qyor şəhərində keçirilən yeniyetmələr arasında Avropa kuboku yarışında bir neçə görüş idarə edib. Daha bir referimiz Əli Kərimov isə Ukraynanın Zaporojye şəhərində baş tutan yeniyetmə cüdoçuların beynəlxalq turnirində ədalət təmsilçisi olub.xeber100.com

Dekabrın 12-14-də “Masters” turniri keçiriləcək

Dekabrın 12-14-də Çinin Tsindao şəhərində cüdo üzrə “Masters” turniri keçiriləcək.Azərtac xəbər verir ki, dünyanın ən güclü cüdoçularının yarışacağı bu turnirdə Azərbaycanın 9 kişi, 6 qadın idmançısı iştirak edəcək.Kişilərin yarışında ölkəmizi Kəramət Hüseynov (60 kq), Nicat Şıxəlizadə, Orxan Səfərov (hər ikisi 66 kq), Rüstəm Orucov, Hidayət Heydərov (hər ikisi 73 kq), Məmmədəli Mehdiyev (90 kq), Elmar Qasımov, Zelim Kotsoyev (hər ikisi 100 kq), Uşangi Kokauri (100 kq-dan yuxarı) təmsil edəcəklər. Qadınlar arasında isə Leyla Əliyeva, Aişə Qurbanlı (hər ikisi 48 kq), Gültac Məmmədəliyeva (52 kq), İçinxorloo Münxtsedev, Aleksandra-Larisa Florean (57 kq), İrina Kindzerska (78 kq-dan yuxarı) mübarizə aparacaqlar.Turnirdə 60-a yaxın ölkədən 400-dən çox idmançı gücünü sınayacaq.xeber100.com

Azərbaycan Futzal Federasiyasının məlumatı əsasında…

Futzal üzrə Yüksək Liqanın VIII turunun oyun cədvəli açıqlanıb.Azərtac Azərbaycan Futzal Federasiyasına istinadla xəbər verir ki, turun oyunları noyabrın 21-də keçiriləcək.Tura “Xızı–“Neftçi” oyunu ilə start veriləcək. Görüş saat 12:00-da başlayacaq. Günün ikinci qarşılaşması “Araz” və EKOL komandaları arasında keçiriləcək və matça saat 14:00-da start veriləcək. Saat 16:00-da “Premier”–“Marafon”, iki saat sonra “Bakı”–“Record” və saat 20:00-də “Yasamal”–“Baku Fire” oyunlarının start fiti səsləndiriləcək.Turun oyunları Bakı İdman Sarayında təşkil olunacaq.Yeddi turdan sonra hesabında 21 xal olan “Araz” komandası turnir cədvəlinə liderlik edir. EKOL 18 xalla ikinci, “Neftçi” isə 15 xalla üçüncü pillədə qərarlaşıblar.xeber100.com

Avropa Gimnastika İttifaqının ikiillik Baş Assambleyası keçirilib

Bolqarıstanın paytaxtı Sofiya şəhərində Avropa Gimnastika İttifaqının ikiillik Baş Assambleyası keçirilib.Azərtac xəbər verir ki, ölkəmizi tədbirdə Azərbaycan Gimnastikası Federasiyasının (AGF) baş katibi Nurlana Məmmədzadə, İcra Komitəsinin üzvü Mariana Vasileva, federasiyanın beynəlxalq əlaqələr üzrə meneceri Mehman Əliyev və texniki direktoru Natalya Bulanova təmsil ediblər.Qırx yeddi üzv federasiyanın iştirak etdiyi Baş Assambleyada bir sıra mühüm qərarlar qəbul edilib. Əsas qərarlar isə gimnastikanın gələcək inkişafı naminə təşkilatın Nizamnaməsinə bir sıra dəyişikliklərin edilməsi və təşkilatın adının dəyişdirilməsi sayıla bilər. Bundan sonra Avropa Gimnastika İttifaqı “Avropa gimnastikası” adlanacaq. Bu dəyişiklik isə 2020-ci il aprelin 1-dən qüvvəyə minəcək.“Avropa gimnastikası”na 2006-2017-ci illərdə AGF-nin baş katibi olmuş, azərbaycanlı Fərid Qayıbov rəhbərlik edir.Təşkilatın Baş Assambleyasının növbəti iclası isə 2021-ci ilin dekabrında Portuqaliyanın Albufeyra şəhərində keçiriləcək.xeber100.com

XIV Respublika spartakiadası davam edir

“Gənclik” Tələbə İdman Cəmiyyəti Respublika Şurasının təşkilatçılığı ilə orta ixtisas təhsil müəssisələri tələbələri arasında XIV Respublika spartakiadası davam edir.Azərtac xəbər verir ki, qızlar arasında keçirilən voleybol yarışında ən yüksək nəticəni Bakı 2 nömrəli Baza Tibb Kollecinin idmançıları göstəriblər. Bakı Dövlət Sosial-İtisad və Bakı Rabitə və Nəqliyat kolleclərinin komandaları sonrakı pillələrdə qərarlaşıblar.Oğlanların yarışında isə Bakı Dövlət Sosial-İqtisad Kollecinin yığması birinci yeri tutub. İkinci və üçüncü yerlərə Bakı Rabitə və Nəqliyyat, Azərbaycan Dövlət Pedaqoji kolleclərinin voleybolçuları layiq görülüblər.xeber100.com

Şahmat üzrə klublararası Avropa kuboku yarışlarına yekun vurulub

Noyabrın 16-da Monteneqroda şahmat üzrə klublararası Avropa kuboku yarışlarına yekun vurulub.Azərtac xəbər verir ki, qitə kubokunda debüt edən Azərbaycanın “Vüqar Həşimov” klubu son turda Avstriyanın “Rapid” komandasına 5:1 hesabla qalib gələrək xalların sayını 10-a çatdırıb. Digər komandamız “Odlar Yurdu” isə Serbiyanın “Jelica” komandasını 3:1 hesabı ilə məğlub edib. Yekun nəticəyə görə “Odlar Yurdu” komandası 9 xalla 4-cü, “Vüqar Həşimov” klubu isə 10 xalla 10-cu yeri yeri tutub.Qeyd edək ki, “Vüqar Həşimov” klubunda Rauf Məmmədov, Vüqar Əsədli, Ülvi Sadıqov, Anar Allahverdiyev, Aydın Süleymanlı, Əhməd Əhmədzadə və ukraynalı qrossmeyster Nataliya Buksa, “Odlar Yurdu” komandasının heyətində isə Günay Məmmədzadə, Ülviyyə Fətəliyeva, Xanım Balacayeva, Gülnar Məmmədova və Zeynəb Məmmədyarova mübarizə aparıblar.Kişilərdən ibarət komandalar arasında 14 xalla İtaliyanın "Obiettivo Risarcimento" yığması Avropa kubokunu qazanıb. Qadın şahmatçıların yarışında isə Gürcüstanın “Nona” komandası 11 xalla birinci yeri tutub.xeber100.com

“Avro-2020” seçmə mərhələsi çərçivəsində növbəti oyunlar keçiriləcək

Noyabrın 17-də “Avro-2020” seçmə mərhələsi çərçivəsində növbəti oyunlar keçiriləcək.Azərtac xəbər verir ki, bu gün A, B və H qruplarında ümumilikdə 7 qarşılaşma oynanılacaq.Günün görüşləri aşağıdakılardır: A qrupu: Bolqarıstan – Çexiya Kosovo – İngiltərə B qrupu: Lüksemburq – Portuqaliya Serbiya – Ukrayna H qrupu: Albaniya – Fransa Andorra - Türkiyə Moldova – İslandiya.xeber100.com

Yunan-Roma güləşi üzrə Azərbaycan çempionatı keçiriləcək

Dekabrın 4-6-da “Sərhədçi” İdman Olimpiya Mərkəzində sərbəst və yunan-Roma güləşi üzrə Azərbaycan çempionatı keçiriləcək.Azərtac xəbər verir ki, yarışın əsasnaməsinə uyğun olaraq, mübarizəyə yunan-Roma güləşçiləri start verəcək. Belə ki, dekabrın 4-də bütün çəki dərəcələri üzrə pəhləvanlar xalça üzərinə çıxacaq. İlk yarış günündə finalçılar müəyyənləşəcək, eləcə də təsəlliverici qarşılaşmalar keçiriləcək. Növbəti gün axşam seansında həlledici görüşlər baş tutacaq və güləşin bu növündə medalçılar bəlli olacaq.Dekabrın 4-də sərbəst güləş üzrə yarışa start veriləcək. Həmin gün bu növ üzrə 10 çəkidə (57, 61, 65, 70, 74, 79, 86, 92, 97 və 125 kq) finalçıların adlarına aydınlıq gələcək. Ertəsi gün əvvəlcə təsəlliverici, daha sonra medal görüşləri təşkil olunacaq.Qeyd edək ki, yarışlar hər gün saat 10:00-da başlayacaq. Çempionatın açılış mərasimi dekabrın 5-də 17:00-da start götürəcək. Çempionat boyunca arenaya giriş pulsuz olacaq.xeber100.com