Türkiyə Superliqasının VIII turu çərçivəsində keçirilən oyunlarda

Oktyabr 20-də futbol üzrə Türkiyə Superliqasının VIII turu çərçivəsində keçirilən oyunlarda “Fənərbağça” səfərdə “Dənizlispor”un qonağı olub.Azərtac xəbər verir ki, görüş hər iki tərəfin hücumları ilə yadda qalıb. Görüşdə hesabı 39-cu dəqiqədə İstanbul klubunun yarımmüdafiəçisi Toqa Ciyərçi açıb. Birinci hissə elə bu hesabla bitib. İkinci hissənin 62-ci dəqiqəsində istanbullular yenidən hesabda irəli keçiblər. Vedat Muruqi komandasının ikinci qolunu vurub. Meydan sahibləri isə 73-cü dəqiqədə Oskar Estupinanın qolu sayəsində hesab arasındakı fərqi minimuma endirib. Bu oyunda vurulan son qol olub. Beləliklə “Fənərbağça” səfərdə 2:1 hesablı ilə “Dənizlispor”u məğlub edib.Günün digər qarşılaşmasında isə “Alanyaspor” doğma meydanda “Rizəspor”u qəbul edib. Görüş meydan sahiblərinin 5:2 hesablı qələbəsi ilə bitib. “Kayserispor” və “Kasımpaşa” oyununda isə qalib müəyyənləşməyib 1:1.Bu oyundan sonra “Alanyaspor” çempionatda 17 xalla liderdir.xeber100.com

İngiltərə Premyer Liqasının 9-cu turunun mərkəzi qarşılaşması keçirilib

Oktyabrın 20-də İngiltərə Premyer Liqasının 9-cu turunun mərkəzi qarşılaşması keçirilib.Azərtac xəbər verir ki, “Mançester Yunayted” öz meydanında turnir cədvəlinin lideri “Liverpul” klubunu qəbul edib.Görüş 1:1 hesabı ilə heç-heçə başa çatıb.Oyunda hesabı 36-ci dəqiqədə Mançester təmsilçisi Markus Reşford açıb. Fasilədən sonra qonaqlar hesaba tarazlıq gətirib. Adam Lallana fərqlənib.“Liverpul” cari mövsüm ilk dəfədir xal itkisi ilə üzləşir. Mersessayd təmsilçisi 8 turun hamısında qələbə qazanaraq turnir cədvəlində 25 xalla liderdir. “Mançester Yunayted” isə 10 xalla 13-cü yerdədir.Xatırladaq ki, “Liverpul”un çempionluq uğrunda əzəli rəqibi “Mançester Siti” oktyabrın 19-da səfərdə “Kristal Palas” klubu ilə qarşılaşıb. Görüş qonaqların 2:0 hesablı qələbəsi ilə başa çatıb. Mançester təmsilçisinin heyətində Qabriel Jesus və David Silva fərqləniblər.“Şəhərlilər” bu qələbə sayəsində xallarının sayını 19-a çatdıraraq ikinci pillədəkı yerin qoruyub saxlayıb.Turun digər oyunlarında aşağıdakı hesablar qeydə alınıb: “Everton” - “Vest Ham” - 2:0; “Bormunt” - “Norviç Siti” - 0:0; “Aston Villa” - “Brayton” - 2:1; “Çelsi” - “Nyukasl” - 1:0; “Lester Siti” - “Börnli” - 2:1; “Tottenhem” - “Vatford” - 1:1; “Volverhemton” - “Southemton - 1:1.xeber100.com

İspaniya La Liqasının IX turunun son qarşılaşmasında

Oktyabrın 20-də futbol üzrə İspaniya La Liqasının IX turunun son qarşılaşmasında “Sevilya” doğma meydanda “Levante”ni qəbul edib.Azərtac xəbər verir ki, “Ramon Sançez Pizxuan” arenasında baş tutan görüşdə meydan sahibləri bir qolla qalib gəliblər. Oyunda yeganə qolu 86-cı dəqiqədə Luk De Yonq vurub. Beləliklə “Sevilya” doğma divarlar arasında “Levante”yə minimal hesabla qalib gəlib 1:0.Günün digər maraqlı qarşılaşması “Real Soseydad” və “Real Betis” arasında baş tutub. Gərgin keçən oyunda Betis təmsilçiləri 3:1 hesabı ilə uduzub.“Departivo Alaves” isə doğma divarlar arasında “Selta Viqo”nu 2:0 hesabı ilə məğlub edib. “Villarreal” isə səfərdə “Espanyol”u minimal hesaba üstələyib 0:1. “Atletiko Bilbao” və “Real Valladolid” qarşılaşmasında isə qalib müəyyənləşməyib.İspaniya çempionatında IX turdan sonra turnir cədvəlinə 19 xalla “Barselona” liderlik edir. Madridin “Real” klubu isə 18 xalla ikincidir. “Atletiko Madrid” və “Sevilya” klubları isə 16 xalla müvafoq olaraq 5 və 6-cı pillədə qərarlaşıblar.xeber100.com

“FIDE Grand Swiss 2019” turnirinin 10-cu turunun oyunları başa çatıb

Böyük Britaniyanın Men adasında şahmat üzrə “FIDE Grand Swiss 2019” turnirinin 10-cu turunun oyunları başa çatıb.Azərtac xəbər verir ki, şahmatçımız Vasif Durarbəyli Svaminathan Soumyanı (Hindistan) məğlub edib. Nicat Abbasov Boris Gelfand, Eltac Səfərli Tamir Nabaty (hər ikisi israilli) ilə heç-heçə ediblər. Rauf Məmmədov polşalı Radoslav Vojtaszekə məğlub olub.On turdan sonra N. Abbasovun 6 xalı var. Komandamızın digər üzvləri hərəyə 5 xal qazanıblar.xeber100.com

Azərbaycan Premyer Liqasında 8-ci turun daha bir oyunu keçirilib

Futbol üzrə Azərbaycan Premyer Liqasında 8-ci turun daha bir oyunu keçirilib.Azərtac xəbər verir ki, “Neftçi” klubu “Zirə"ni qəbul edib. “Bakcell Arena”da keçirilən qarşılaşma meydan sahiblərinin 3:0 hesablı qələbəsi ilə yekunlaşıb. “Neftçi”nin heyətində Dario Frederiko 27-ci dəqiqədə hesabı açıb.İlk hissə bu hesabla bitib. İkinci yarının əvvəlində flaqmanın hücumçusu Baqali Dabo fərqi artırıb.Fransalı oyunçu 46-cı dəqiqədə fərqlənib. Oyunun 77-ci dəqiqəsində isə Stiven Monroz 3-cü qolu rəqib qapısından keçirib. Matç “Zirə”nin yeni baş məşqçisi Zaur Həşimovun bu postda ilk rəsmi oyunu olub.Bu nəticədən sonra xallarının sayını 14-ə çatdıran “Neftçi” ikinci pilləyə yüksəlib və lider “Qarabağ”la xal fərqini azaldıb. “Zirə” isə 8 xalla beşinci yerdə qalıb.Qeyd edək ki, VIII turun ilk oyunlarında “Qarabağ” səfərdə “Qəbələ” ilə, “Sabah” isə “Keşlə” ilə 1:1 hesabı ilə heç-heçə edib.xeber100.com

Hərbçilərin 7-ci Dünya Oyunlarının cüdo yarışları davam edir

Çinin Uxan şəhərində keçirilən Hərbçilərin 7-ci Dünya Oyunlarının cüdo yarışları davam edir.Azərtac xəbər verir ki, oktyabrın 20-də 90 kiloqramadək kişilərin yarışında mübarizə aparan hərbçi idmançımız Məmmədəli Mehdiyev ilk turda Bəhreyn idmançısı Cəmşid Qələndərovu məğlub edib. Növbəti mərhələdə ispaniyalı Kulebras Tallon Serxioya, 1/4 final mərhələsində isə polşalı Kuzera Pyotra ipponla qalib gələrək yarımfinalda yarışmaq hüququ qazanıb.Cüdo yarışlarındakı digər təmsilçilərimizdən Hidayət Heydərov (-81kq) 1/32 final mərhələsində rusiyalı Alan Xubestova qalib gəlsə də, 1/16 final mərhələsində Cənubi Koreya idmançısı Li Sunq Hoya məğlub olub. Hidayət Heydərov təsəlliverici yarışların ilk turunda serbiyalı Milos Simonoviçə, ikinci turda isə polşalı Damyan Şvarnoveykiyə ipponla qalib gəlib. Hidayət 3-cü yer uğrunda təsəlliverici görüşlərini davam etdirir.Digər təmsilçimiz Elmar Qasımov (-100kq) ilk görüşündə Çili idmançısı Oskar Alarkona ipponla qalib gəlib. Lakin 1/4 final mərhələsində fransız Olivar Sedrikə məğlub olaraq, təsəlliverici görüşlərdə mübarizəni davam etdirəcək.Hərbçilərin 7-ci Dünya Oyunlarının boks yarışındakı təmsilçimiz Sərxan Əliyev (60-64 kq) ilk görüşündə Şri-Lanka idmançısı Racakaruna Bandaraya 5:0 hesabı ilə qalib gəlib. Sərxan Əliyev növbəti görüşünü oktyabrın 21-də braziliyalı Olivyera Vandersona qarşı keçirəcək.xeber100.com

Azərbaycan Alpaqut Federasiyasının məlumatına görə…

Qazax Olimpiya İdman Kompleksində alpaqut Turan döyüş sənəti üzrə IV Azərbaycan kuboku uğrunda yarışlar keçirilib.Azərbaycan Alpaqut Federasiyasının mətbuat xidmətindən Azərtac-a verilən məlumata görə, Gənclər və İdman Nazirliyinin illik təqvim planına uyğun olaraq keçirilən yarışda bütün yaş qrupları üzrə ölkənin 30-dan artıq komandasını təmsil edən 300-dən çox idmançı gücünü sınayıb. İdmançılar alpaqut idman növünün aypara, batur, caymaz və qurşaq sistemləri üzrə medallar uğrunda mübarizə aparıblar.Yarışın nəticələrinə görə, komanda hesabında aypara sistemi üzrə Suraxanı, Ağdam, Nizami rayonunun komandaları ilk üç yeri tutublar. Batur sistemi üzrə Şəmkir, Laçın, Zərdab, caymazda Binəqədi, Mingəçevir, Kəlbəcər, qurşaq sistemi üzrə isə Qazax, Laçın və Şəmkir komandaları fərqləniblər.Qaliblər diplom, medal və kubokla mukafatlandırılıblar.xeber100.com

Avropa Stolüstü Tennis Birliyinin təşkilatçılığı ilə seçmə turu keçirilib

Avropa Stolüstü Tennis Birliyinin (ASTB) təşkilatçılığı ilə “ETTU Eurotalents” adlı istedadların axtarışı proqramının seçmə turu keçirilib.Azərtac xəbər verir ki, 11 yaşlı tennisçimiz Adil Əhmədzadə Avropa istedadları siyahısında ilk onluğa daxil olub. ASTB tərəfindən il boyu təşkil olunan təlim-məşq toplantılarında Avropanın 13 yaşadək tennisçiləri bir neçə istiqamətdə öz güclərini sınayıblar. Aralarından dözümlü, çevik və istedadlılar seçilərək ASTB-nin “Eurotalents U-13” turnirində güclərini sınayıblar. On dörd Avropa ölkəsindən 37 idmançı arasında ən yüksək nəticə göstərən 11 yaşlı həmyerlimiz A.Əhmədzadə yekun mərhələyə vəsiqə qazanaraq, yaxşıların-yaxşısı adı uğrunda mübarizəyə qatılıb. Sloveniyada baş tutan ASTB-nin “Eurotalents U-13” yekun turnirində ilk 16-lığa düşmək uğrunda mübarizə aparan turnirin ən kiçik yaşlı iştirakçısı A.Əhmədzadə Avstriya, İngiltərə, Çexiya və Rumıniyalı rəqiblərini arxada qoyaraq yeddinci yerdə qərarlaşıb. Bununla da, stolüstü tennisçimiz Azərbaycan stolüstü tennis tarixində ilk dəfə Avropanın 13 yaşadək istedadları siyahısına daxil edilib.Qeyd edək ki, turnirdə yüksək bal toplayan 16 idmançıya ASTB növbəti ildə böyük dəstək verəcək.xeber100.com

Uşu üzrə XV dünya çempionatına start verilib

Oktyabrın 19-da Çinin Şanxay şəhərində uşu üzrə XV dünya çempionatına start verilib.Azərbaycan Uşu Federasiyasından Azərtac-a verilən məlumata görə, ölkəmizi Şanxayda Avropa çempionu, IV İslam Həmrəyliyi Oyunlarının bürünc və dünya çempionatının gümüş mükafatçısı Orxan Hətəmov (48 kq), dördqat Avropa çempionu, İslam Həmrəyliyi Oyunlarının mükafatçısı Elçin Eminov (56 kq), İslam Həmrəyliyi Oyunlarının bürünc və gümüş medalçısı Ruslan Pirəliyev (65 kq) təmsil edirlər.Uşu üzrə yığma komandamız dünya çempionatında böyük məşqçi Baharətdin Səlimovun rəhbərliyi altında mübarizə aparır.Qeyd edək ki, Çində keçirilən dünya çempionatında 120-yə yaxın ölkənin idmançıları iştirak edirlər.xeber100.com

Futbol üzrə İspaniya La Liqasının IX turu çərçivəsində

Oktyabrın 19-da futbol üzrə İspaniya La Liqasının IX turu çərçivəsində “Barselona” səfərdə “Eybar” komandasının qonağı olub.Azərtac xəbər verir ki, “Estadio Municipal de Ipurua” stadionunda keçirilən görüşdə hesabı 13-cü dəqiqədə kataloniyalıların hücumçusu Antuan Qrizman açıb. Birinci hissə bu hesabla başa çatıb - 1:0.İkinci hissənin 58-ci dəqiqəsində qonaqlar hesab arasındakı fərqi artırıblar. Bu dəfə argentinalı ulduz Lionel Messi komanda yoldaşı A.Qrizmanın ötürməsini dəqiq zərbə ilə rəqib qapısına yönəldib. Bundan iki dəqiqə sonra “Barselona”nın uruqvaylı hücumçusu Luiz Suarez hesabı 3:0-a çatdırıb.Beləliklə “Eybar” komandasını səfərdə böyük hesabla məğlub edən “Barselona” 19 xalla turnir cədvəlinin birinci pilləsinə yüksəlib.Günün digər qarşılaşmasında isə “Atletiko Madrid” öz meydanında “Valensiya”nı qəbul edib. Gərgin keçən görüşdə tərəflər hərəyə bir dəfə fərqləniblər.Bu gün İspaniya çempionatın favoritlərindən biri olan “Real Madrid” komandası səfərdə “Malyorka” ilə qarşılaşacaq. Oyun Bakı vaxtilə saat 23:00-da başlayacaq. Xatırladaq ki, madridlilər 8 oyundan 18 xalla turnir cədvəlində ikinci yeri tutur.Turun digər oyunları oktyabrın 19-da və 20-də keçiriləcək.xeber100.com