İspaniya La Liqasının beşinci turunun mərkəzi qarşılaşması keçirilib

Sentyabrın 22-də futbol üzrə İspaniya La Liqasının beşinci turunun mərkəzi qarşılaşması keçirilib.Azərtac xəbər verir ki, “Qarabağ” klubunun UEFA Avropa Liqasının qrup mərhələsindəki rəqibi, İspaniyanın “Sevilya” klubu ölkə çempionatında növbəti oyununu keçirib. Bu dəfə rəqib çempionluğa iddialı “Real Madrid” klubu olub.Təhlükəli hücumlarla bol olan görüşün ilk hissəsində hesab açılmayıb.Fasilədən sonra Madrid təmsilçisi hesabı açmağa nail olub. Dani Karvaxalin cinah ötürməsini Kərim Benzema dəqiq baş zərbəsi ilə tamamlayıb. Bu görüşdə yeganə qol olub. Bu qələbədən sonra “Real Madrid” xalların sayını 11-ə çatdıraraq turnir cədvəlində ikinci pilləyə yüksəlib. “Sevilya” isə 10 xalla beşinci pilləyə enib.“Real Madrid”in əzəli rəqibi son çempion - “Barselona” səfərdə “Qranada” komandası ilə üz-üzə gəlib.Görüş “Qranada”nın 2:0 hesablı qələbəsi ilə yekunlaşıb. Bu Kataloniya təmsilçisinin cari mövsüm ərizndə ikinci məğlubiyyətidir.Qolları ikinci dəqiqədə Ramon Aziz və 65-ci dəqiqədə Vadilyo vurublar. Beş turdan sonra 10 xal qazanan “Qranada” turnir cədvəlində birinci yerə yüksəlib. “Barselona” isə yeddi xalla yeddinci yerdə qərarlaşıb.La Liqanın digər favoriti “Atletiko Madrid” isə öz meydanında “Selta Viqo” ilə heç-heçə edib - 0:0.Günün digər oyunlarında aşağıdakı hesablar qeydə alınıb: “Osasuna” - “Betis” - 0:0, “Villareal” - “Valladolid” - 2:0, “Levante” - “Eybar” - 0:0, “Xetafe” - “Malyorka” - 4:2, “Espanyol” - “Real Sosyedad” - 1:3, “Valensiya” - “Leqanea” - 1:1, “Atletik Bilbao” - “Deportivo Alaves” - 2:0.xeber100.com

Daşkənddə paracüdo üzrə Qran-Pri yarışları başlayıb

Sentyabrın 23-də Özbəkistanın paytaxtı Daşkənddə paracüdo üzrə Qran-Pri yarışları başlayıb.Azərtac xəbər verir ki, turnirdə Azərbaycan millisi də medallar uğrunda mübarizə aparır. Kişilərin yarışında ölkəmizi Namiq Abaslı (66 kq), Ramil Qasımov (73 kq), Hüseyn Rəhimli (81 kq), Rövşən Səfərov (90 kq), Kənan Əbdülxanlı (100 kq) və İlham Zəkiyev (100 kq-dan yuxarı) təmsil edirlər.Qadınların mübarizəsində isə Şahanə Hacıyeva (48 kq), Bəsti Səfərova, Səbinə Abdullayeva (hər ikisi 52 kq), Afaq Sultanova, Sevda Vəliyeva (57 kq), Xanım Hüseynova (63 kq) və Zülfiyyə Hüseynova (70 kq) birincilik uğrunda yarışırlar.xeber100.com

Şahmat üzrə dünya kuboku turnirinin növbəti partiyaları oynanılacaq

Sentyabrın 23-də Xantı-Mansiyskdə şahmat üzrə dünya kuboku turnirinin dörddəbir final mərhələsinin birinci partiyaları oynanılacaq.Azərtac xəbər verir ki, bu mərhələdə Azərbaycan şahmatçısı Teymur Rəcəbov ABŞ təmsilçisi Cefferi Xionq ilə qarşılaşacaq.Xatırladaq ki, beş şahmatçımızın qatıldığı dünya çempionatında Arkadi Naydiç almaniyalı Niklas Huşenbetə, Nicat Abbasov ABŞ təmsilçisi Leyner Dominquez Perezə, Eltac Səfərli isə Ş.Məmmədyarova uduzaraq mübarizəni dayandırıblar. Ş.Məmmədyarov isə səkkizdəbir finalda komanda yoldaşı T.Rəcəbova məğlub olaraq turnirdə iştirakını başa vurub.Dünya kubokunun finalına yüksələcək şahmatçılar 2020-ci ildə şahmat tacına iddiaçılar turnirində iştirak hüququ qazanacaqlar.FIDE prezidenti Arkadi Dvorkoviç bildirib ki, turnirin bürünc mükafatçısı da təşkilatçıların xüsusi dəvətnaməsi olacağı halda belə bir hüquqa yiyələnə bilər.Sentyabrın 10-da start götürən dünya kuboku turnirinə oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır.xeber100.com

Azərbaycan Premyer Liqasının beşinci turunda

Sentyabrın 23-də futbol üzrə Azərbaycan Premyer Liqasının beşinci turuna “Zirə” – “Qarabağ” oyunu ilə yekun vurulacaq.Azərtac xəbər verir ki, Zirə İdman Kompleksinin stadionunda baş tutacaq görüş Bakı vaxtı ilə saat 19:00-da başlayacaq. Oyunda baş hakim funksiyasını Rauf Cabbarov yerinə yetirəcək.“Zirə” qalib gələcəyi təqdirdə xal ehtiyatını 10-a çatdıraraq üçüncü pilləyə yüksələcək. “Qarabağ” qələbə qazanarsa xallarını 15-ə çatdıraraq, ən yaxın izləyicisi “Səbail”i 5 xal geridə qoyacaq.İki komanda indiyədək 16 dəfə qarşılaşıb. “Zirə” heç bir görüşdə qalib gələ bilməyib. Oyunların 12-də ağdamlılar qalib gəliblər, dörd görüş isə heç-heçə başa çatıb. “Qarabağ” son üç qarşılaşmada qapısında qol görməyib. Ağdamlılar bu görüşlərdə 33 qol vurub, qapılarından cəmi 6 top buraxıblar.Qeyd edək ki, turun ilk üç görüşündə “Sumqayıt” komandası “Sabah”ı 1:0 hesabı ilə məğlub edib. “Səbail” - “Qəbələ” (1:1) və “Neftçi” - “Keşlə” (0:0) görüşlərində qalib müəyyənləşməyib.xeber100.com

37-ci dünya çempionatının sonuncu gününün yarışlarına start verilib

entyabrın 22-də Bakıda bədii gimnastika üzrə 37-ci dünya çempionatının sonuncu gününün yarışlarına start verilib.Azərtac xəbər verir ki, “Tokio 2020” Yay Olimpiya Oyunlarına lisenziya xarakteri daşıyan çempionatın yeddinci günündə qrup hərəkətləri komandaları final mərhələsində mübarizə aparırlar. İdmançılar 5 top, 2 cüt gürz və 3 halqa ilə proqramlarını təqdim edəcəklər.Yarışda qrup hərəkətləri komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.Üç halqa və iki cüt gürzlə final yarışlarında Azərbaycan, Yaponiya, Bolqarıstan, Rusiya, Belarus, İsrail, İtaliya və Çin yığmaları mübarizə aparacaq.Beş topla yarışlarda isə Rusiya, Bolqarıstan, Yaponiya, Belarus, Ukrayna, İtaliya, İsrail və Çin komandaları xalça üzərinə çıxacaqlar.Dünya çempionatında 61 ölkədən 300-dən artıq gimnast mübarizə aparır.xeber100.com

Azərbaycan Premyer Liqasında beşinci turun daha bir oyunu keçirilib

Sentyabrın 22-də futbol üzrə Azərbaycan Premyer Liqasında beşinci turun daha bir oyunu keçirilib.Azərtac xəbər verir ki, həftənin üçüncü matçında “Neftçi” klubu “Keşlə”ni qəbul edib. Görüşün birinci hissəsində hesab açılmayıb. Birinci hissədə əsas diqqət çəkən məqam meydan sahiblərinin azlıqda qalması olub. “Ağ-qaralar”ın yeni transferi Donald Gerye 34-cü dəqiqədə ikinci dəfə sarı vərəqə alıb və meydanı tərk edib.Qarşılaşmanın ikinci hissəsində də tarazlıq pozulmadığından tərəflər 1 xalla kifayətləniblər.Xalını 7-ə çatdıran “Keşlə” “Zirə” ilə 3-4-cü yerləri bölüşür. “Neftçi” isə 5 xalla altıncı yerdədir.Qeyd edək ki, ilk oyun günündə “Sumqayıt” “Sabah”ı 1:0 hesabı ilə məğlub edib. “Səbail” isə evdə “Qəbələ” ilə bərabərə qalıb - 1:1. Tura sabah keçiriləcək “Zirə” – “Qarabağ” qarşılaşması ilə yekun vurulacaq.xeber100.com

Özbəkistanda keçirilən cüdo üzrə “Qran-Pri” turniri başa çatıb

Sentyabrın 22-də Özbəkistanın paytaxtı Daşkənddə keçirilən cüdo üzrə “Qran-Pri” turniri başa çatıb.Azərtac xəbər verir ki, beynəlxalq yarışın son günü Azərbaycan millisi üçün uğurlu olub. Kişilər arasında 100 kiloqram çəki dərəcəsində mübarizə aparan təmsilçimiz Zelim Kotsoyev Ukrayna, ABŞ və Belarus cüdoçularını məğlub edərək finala çıxıb. Həlledici qarşılaşmada rusiyalı Kazbek Zankişiyevə uduzan idmançımız gümüş medala layiq görülüb.Xatırladaq ki, bu Azərbaycan millisinin Daşkənd turnirində qazandığı ikinci gümüş medaldır. Mötəbər yarışın ilk günü qadın cüdoçumuz Leyla Əliyeva “Qran-Pri”də 2-ci yeri tutub.Özbəkistanda dünyanın 70 ölkəsindən 421 cüdoçu qüvvəsini sınayıb.xeber100.com

Şahmat üzrə dünya kuboku turnirinin səkkizdəbir final mərhələsində

Sentyabrın 22-də Xantı-Mansiyskdə şahmat üzrə dünya kuboku turnirinin səkkizdəbir final mərhələsinin tay-breyk partiyaları oynanılıb.Azərtac xəbər verir ki, bu mərhələdə Azərbaycan şahmatçıları Teymur Rəcəbov və Şəhriyar Məmmədyarov qarşılaşıblar. Tay-breyk partiyasında şahmatçılarımız dörd görüş keçiriblər. Görüşün sonunda Rəcəbov 3,5:2,5 hesabı ilə Məmmədyarovu məğlub edərək dörddəbir finala vəsiqə qazanıb. Şahmatçımızın dörddəbir final mərhələsində rəqibi ABŞ təmsilçisi Cefferi Xionq olacaq.Xatırladaq ki, beş şahmatçımızın qatıldığı dünya çempionatında Arkadi Naydiç almaniyalı Niklas Huşenbetə, Nicat Abbasov ABŞ təmsilçisi Leyner Dominquez Perezə, Eltac Səfərli isə Ş.Məmmədyarova məğlub olaraq mübarizəni dayandırıblar.Dünya kubokunun finalına yüksələcək şahmatçılar 2020-ci ildə şahmat tacına iddiaçılar turnirində iştirak hüququ qazanacaqlar.FIDE prezidenti Arkadi Dvorkoviç bildirib ki, turnirin bürünc mükafatçısı da təşkilatçıların xüsusi dəvətnaməsi olacağı halda belə bir hüquqa yiyələnə bilər.Sentyabrın 10-da start götürən dünya kuboku turnirinə oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır.xeber100.com

Futbol üzrə Türkiyə Superliqasının V turunun ilk qarşılaşmasında

Futbol üzrə Türkiyə Superliqasının V turunun ilk qarşılaşmasında “Konyaspor” səfərdə “Göztəpə”nin qonağı olub.Azərtac xəbər verir ki, “Bornova” stadionunda baş tutan görüş tərəflərin qarşılıqlı hücumları ilə yadda qalıb. Lakin görüşün birinci hissəsində qol vurulmayıb. İkinci hissədə oyunun 50-ci dəqiqəsində meydan sahibləri azlıqda qalıblar. Andre Pokoya kobud oyununa görə hakim qırmızı vərəqə göstərib. Lakin “Göztəpə” 76-cı dəqiqədə hesabı açmağa nail olub. “Konyaspor”un müdafiəçisi Marin Anicicin öz qapısı qarşısında kobud oyununa görə hakim 11 metrlik cərimə zərbəsi təyin edib. Alpaslan Öztürk cərimə zərbəsini dəqiq yerinə yetirib. Beləliklə “Göztəpə” doğma meydanda “Konyaspor”u 1:0 hesabı ilə məğlub edib.Bu oyundan sonra “Göztəpə” çempionatda 5 xalla 12-ci pillədə qərarlaşıb. “Konyaspor” isə 6 xalla 9-cu olub.Turun digər qarşılaşmaları sentyabrın 21, 22 və 23-də keçiriləcək.xeber100.com

Azərbaycan Premyer Liqasının beşinci turuna start veriləcək

Sentyabrın 21-də futbol üzrə Azərbaycan Premyer Liqasının beşinci turuna start veriləcək.Azərtac xəbər verir ki, turun birinci günündə iki görüş oynanılacaq. Birinci oyunda “Sumqayıt” klubu “Sabah” komandası ilə qarşılaşacaq. Saat 17:30-da başlayacaq görüşü Rəvan Həmzəzadə idarə edəcək.Günün ikinci matçı “Səbail” və “Qəbələ” komandaları arasında oynanılacaq. Saat 19:45-də start götürəcək görüş “ACCO Arena”da keçiriləcək. Matçın baş hakimi Əliyar Ağayev olacaq.Sentyabrın 22-də “Bakcell Arena”da “Keşlə” klubu “Neftçi”nin qonağı olacaq. Matç saat 18:30-da başlayacaq. Oyunda baş hakim funksiyasını İnqilab Məmmədov yerinə yetirəcək.Tura sentyabrın 23-də oynanılacaq “Zirə” və “Qarabağ” matçı ilə yekun vurulacaq. Rauf Cabbarovun idarə edəcəyi qarşılaşma saat 19:00-da start götürəcək.Turun bütün görüşləri “CBC Sport” kanalı ilə birbaşa yayımlanacaq.Dörd turdan sonra turnir cədvəlinə 12 xalla “Qarabağ” klubu başçılıq edir. Doqquz xalı olan “Səbail” ikinci, “Zirə” isə 7 xalla üçüncü yerdə qərarlaşıb. Digər pillələrdə müvafiq olaraq, “Keşlə” (6 xal), “Neftçi” (4), “Sumqayıt” (3), “Qəbələ” (3) və “Sabah” (2) klubları yer alıblar.xeber100.com