Avropa çempionatının dörddəbir finalçıları müəyyənləşib

Macarıstan, Polşa, Slovakiya və Türkiyənin birgə ev sahibliyi etdiyi qadın voleybolçular arasında Avropa çempionatının dörddəbir finalçıları müəyyənləşib.Azərtac xəbər verir ki, yarımfinala vəsiqə uğrunda görüşdə Serbiya millisi Bolqarıstan, Türkiyə seçməsi Hollandiya, İtaliya yığması Rusiya, Polşa komandası isə Almaniya ilə qarşılaşacaq.Dörddəbir final mərhələsinin bütün görüşləri sentyabrın 4-də keçiriləcək. Bu mərhələnin oyunlarına Türkiyə və Polşa ev sahibliyi edəcək.Çempionatın C qrupunda mübarizə aparan millimiz Xorvatiya, Estoniyanı 3:2, Macarıstan və Rumıniyanı 3:0 hesabı ilə məğlub edib, Hollandiya seçməsinə isə uduzub - 0:3. Azərbaycan millisi 10 xalla qrup ikincisi kimi səkkizdəbir finala yüksəlib. Millimiz növbəti mərhələdə A qrupunda üçüncü olan Bolqarıstan komandası ilə qarşılaşıb. Rəqibinə 0:3 hesabı ilə məğlub olan millimiz Avropa çempionatını 10-cu pillədə başa vurub.Qadınların yarışında final matçı Türkiyədə, kişilərin mübarizəsində isə həlledici qarşılaşma Fransada təşkil olunacaq.Xatırladaq ki, iki il əvvəl Azərbaycan və Gürcüstanın birgə ev sahibliyi ilə keçirilən 30-cu Avropa çempionatında qızıl medalları Serbiya voleybolçuları qazanıblar. Sonrakı yerlərdə Hollandiya, Türkiyə və Azərbaycan komandaları qərarlaşıb.Çempionata sentyabrın 8-də yekun vurulacaq.xeber100.com  

Azərbaycan Premyer Liqasının növbəti oyun cədvəli məlum olub

Futbol üzrə Azərbaycan Premyer Liqasının dördüncü turunun oyun cədvəli məlum olub.Azərtac Peşəkar Futbol Liqasının saytına istinadla xəbər verir ki, sentyabrın 14-də “Kapital Bank Arena” keçiriləcək “Sumqayıt”–“Zirə” oyunu saat 18:00-da başlayacaq. Həmin gün “Bank Respublika Arena”da baş tutacaq “Sabah”–“Qəbələ” matçı isə saat 20:00-da start götürəcək.Sentyabrın 15-də “Bakcell Arena”da keçiriləcək “Keşlə”–“Səbail” matçı saat 18:00-da oynanılacaq. Turun mərkəzi və sonuncu oyunu - “Qarabağ” və “Neftçi” komandaları arasında baş tutacaq. Tofiq Bəhramov adına Respublika Stadionunda təşkil olunacaq görüş saat 20:00-da başlayacaq.Turun bütün görüşləri “CBC Sport” kanalında canlı yayımlanacaq.Üç turdan sonra turnir cədvəlinə 9 xalla “Qarabağ” klubu başçılıq edir. Altı xalı olan “Səbail” və “Keşlə” ikinci və üçüncü yerləri bölüşürlər. Digər pillələrdə müvafiq olaraq “Zirə” (4 xal), “Neftçi” (4), “Sumqayıt” (3), “Sabah” (2) və “Qəbələ” (0) qərarlaşıblar.xeber100.com

Futbol üzrə Avropa çempionatının seçmə mərhələsi çərçivəsində

Futbol üzrə Avropa çempionatının seçmə mərhələsi çərçivəsində keçiriləcək Uels-Azərbaycan oyununun hakimləri müəyyənləşib.Azərtac xəbər verir ki, matç Maltadan olan hakimlər briqadasına tapşırılıb. Qarşılaşmanın baş hakimi Trustin Farruciya Kann olacaq. Ona Alan Kamilyeri və Luke Portelli kömək edəcəklər. Dördüncü hakim funksiyasını Alan Mario Sant yerinə yetirəcək.Finlandiyalı Jouni Hutia oyunun hakim-inspektoru, isveçli Kristian Valendar isə UEFA nümayəndəsi olacaq.Qeyd edək ki, Uels-Azərbaycan oyunu sentyabrın 6-da Kardiff şəhər stadionunda keçiriləcək. Matç Bakı vaxtı ilə saat 22:45-də başlayacaq.xeber100.com

Beynəlxalq Basketbol Federasiyasının təşkilatçılığı ilə…

“Zirvə-Astara” komandası Beynəlxalq Basketbol Federasiyasının (FİBA) təşkilatçılığı ilə keçirilən 3×3 basketbolu üzrə 2019-cu il dünya turundakı çıxışını başa vurub.Azərtac xəbər verir ki, basketbolçularımız Xorvatiya, Polşa, Latviya, Belarus və İsveçrə mərhələlərində qüvvələrini sınayaraq uğur qazanmağa çalışıblar.“Zirvə-Astara”nın heyətində Amil Həmzəyev, Anar Hacıyev, Şarif Uilyams və Marşal Obrian Mozes kimi tanınmış basketbolçular oynayıblar.Komandamız “Atupri 3×3 Swiss Tour Final Zurich”, “Ghetto Basket. Riga #13. Quest Stop”, “Palova Round 3” və “Mistrzostw Radomia 2019” turnirlərindən sonra son olaraq Xorvatiyanın Oqulin şəhərində keçirilən “StreetballOG” yarışında qüvvəsini sınayıb.Sonuncu yarışda “Zirvə-Astara” C qrupunda yer alıb. Burada basketbolçularımız 2 oyun keçiriblər. “Nyu Strit Boyz” və “Rey Çarlz”a qalib gələn komandamız 1/4 finala yüksəlib. Burada idmançılarımız “Drvoysyeçe” komandasına 21:10 hesabı ilə qalib gələrək yarımfinala çıxıblar. “Spalato A2” ilə üz-üzə gələn “Zirvə Astara” 11:21 hesabı ilə məğlub olub. Ancaq üçüncü yer uğrunda qarşılaşma uğurlu alınıb. Basketbolçularımız bürünc medal uğrunda mübarizədə “Tesla”ya 21:19 hesabı ilə qalib gələrək fəxri kürsüyə qalxmağı bacarıblar.xeber100.com

“Sevilya” klubu futbolçu Xavyer Hernandesin keçidini həll edib

UEFA Avropa Liqasında “Qarabağ”la eyni qrupda yer alan İspaniyanın “Sevilya” klubu Meksika yığmasının futbolçusu Xavyer Hernandesin keçidini həll edib.Azərtac xarici KİV-lərə istinadla xəbər verir ki, 31 yaşlı hücumçu tibbi baxışdan keçmək üçün Andalusiya təmsilçisinin düşərgəsinə gəlib. “Çiçarito” ləqəbli forvardın səhhətində heç bir problem aşkarlanmayacağı təqdirdə, “Sevilya” onun məxsus olduğu İngiltərənin “Vest Hem” klubuna 9 milyon avro ödəyəcək.“Vest Hem” Hernandesi 2017-ci ildə Almaniyanın “Bayer” klubundan 17,8 milyon avroya alıb. Onun klubu ilə 2020-ci ilin iyulunadək müqaviləsi var.Meksikalı forvard karyerası ərzində İngiltərənin “Mançester Yunayted” və İspaniyanın “Real Madrid” klublarının da formasını geyinib.Qeyd edək ki, “Qarabağ” qrup mərhələsində ilk oyununu sentyabrın 19-da Bakıda “Sevilya”ya qarşı keçirəcək.xeber100.com

“Qalatasaray” komandası heyətinə yeni futbolçu cəlb edib

Türkiyənin “Qalatasaray” komandası heyətinə yeni futbolçu cəlb edib.Azərtac İstanbul təmsilçisinin rəsmi saytına istinadla xəbər verir ki, son ölkə çempionu İngiltərənin “Sautqempton” klubundan Mario Leminanı heyətinə qatıb. İyirmi altı yaşlı qabonlu yarımmüdafiəçi birillik icarəyə götürülüb.M.Lemina karyerası ərzində Fransanın “Loryen”, “Marsel” və İtaliyanın “Yuventus” klublarında oynayıb. O, ötən mövsüm İngiltərə Premyer Liqasında 21 görüşdə meydana çıxıb və 1 qol vurub.“Sarı-qırmızılar”ın hücumçusu Mbaye Diaqne isə birillik icarə əsasında Belçikanın “Brügge” klubunda çıxış edəcək. Ötən mövsüm “Kasımpaşa”dan “Qalatasaray”a transfer olan seneqallı futbolçu Superliqada oynadığı müddətdə 29 matçda 30 qol vurub.xeber100.com

Taekvondo üzrə “Koreya səfiri kuboku” keçiriləcək

Azərbaycan Taekvondo Federasiyasının (ATF) və Koreya Respublikasının Azərbaycandakı səfirliyinin birgə təşkilatçılığı və dəstəyi ilə gənclər arasında taekvondo üzrə “Koreya səfiri kuboku” keçiriləcək.Azərtac xəbər verir ki, sentyabrın 13-14-də Abşeron Olimpiya İdman Kompleksində keçiriləcək yarışda 2002-2004-cü il təvəllüdlü gənc taekvondoçular dayanq üzərinə çıxacaqlar.Yarış Azərbaycanda və bölgələrdə taekvondonun təbliği və inkişaf etdirilməsi, respublikada fəaliyyət göstərən taekvondo bölmələrinin işinin təkmilləşdirilməsi, Azərbaycan ilə Koreya arasında idman sahəsində əlaqələrin inkişafı, idmançıların yarış təcrübəsinin və ustalığının artırılması məqsədi daşıyır.“DAEDO” beynəlxalq taekvondo qaydaları üzrə keçiriləcək turnirin sonunda ilk üç yeri tutan idmançılar ATF və Koreya Respublikası səfirliyinin təsis etdiyi kubok, diplom, medallar və qiymətli hədiyyələri ilə mükafatlandırılacaqlar.xeber100.com

Cüdo üzrə dünya çempionatında komandalar arası yarışa start verilib

Sentyabrın 1-də Yaponiyada keçirilən cüdo üzrə dünya çempionatında komandalar arası yarışa start verilib.Azərtac xəbər verir ki, 15 komandanın iştirak etdiyi yarışda təmsil olunan Azərbaycan yığması əvvəlcə Portuqaliya komandası ilə qarşılaşıb. Gərgin keçən idman mübarizəsi yığmamızın 4:3 hesablı qələbəsi ilə başa çatıb.Səkkizdəbir finalda komandamızın rəqibi Braziliya yığması olacaq.xeber100.com

Premyer Liqanın üçüncü turu iki oyunla başa çatacaq

Bu gün Azərbaycan Premyer Liqasının üçüncü turuna yekun vurulacaq.Azərtac xəbər verir ki, Premyer Liqanın üçün turu sentyabrın 1-də keçiriləcək iki oyunla başa çatacaq.İlk oyunda paytaxt təmsilçisi “Neftçi” “Bakcell Arena”da “Sumqayıt” klubunu qəbul edəcək. Hazırda “flaqman” 1 xalla 7-ci, “gənclik şəhəri” təmsilçisi isə 3 xalla 5-ci pillədə qərarlaşıb. Meydan sahibləri qalib gələrsə 5-ci, qonaqlar qələbə qazanarsa ən azı 4-cü pilləyə yüksələcək.Bu, iki komanda arasında 29-cu qarşılaşma olacaq. Əvvəlki görüşlərin 14-dən “Neftçi”, 10-dan “Sumqayıt” qalib ayrılıb, 4 oyun isə heç-heçə ilə yekunlaşıb. Paytaxt komandası topların nisbətində də öndədir - 45:34. Son beş görüşdə meydan sahibi “Neftçi” qalib gələ bilməyib. Bu il keçirilən matçlarda hər iki komanda qol vurub.Günün ikinci - sonuncu görüşü “ASCO Arena”da “Səbail” və “Qarabağ” komandaları arasında keçiriləcək. Hazırda klubların hər birinin 6 xalı var və “Keşlə” ilə birgə ilk 3 yeri bölüşürlər. Lakin istənilən hesablı nəticə şərikli liderlərin sayının azalmasına səbəb olacaq.İki klub arasında indiyədək keçirilmiş 8 oyunun yalnız birində “Səbail” qələbə qazanıb ki, bu da texniki nəticə kimi tarixə düşüb. Qalan matçlardan isə “Qarabağ” qələbə ilə ayrılıb. Bu komandaların qarşılaşmalarında heç-heçə qeydə alınmayıb. “Səbail” öz meydanında keçirdiyi bütün oyunlarda məğlub olub. Topların nisbətində isə Ağdam komandası öndədir - 13:1.Xatırladaq ki, turun ilk oyun günündə “Keşlə” səfərdə “Qəbələ”ni (4:0) məğlub edib. “Zirə” – “Sabah” matçında isə qalib müəyyənləşməyib - 1:1.xeber100.com

“Azəryol” komandası növbəti avrokubok mövsümünə hazırlaşır

Bakının qadın həndbolçulardan ibarət “Azəryol” komandası növbəti avrokubok mövsümünə hazırlaşır.Azərtac xəbər verir ki, Azərbaycan çempionu Avropa Həndbol Federasiyası (EHF) Kuboku uğrunda yarışda Ukraynanın “Qaliçanka” klubu ilə mübarizə aparacaq.Razılaşmaya əsasən, həndbolçularımız hər iki oyunu səfərdə keçirəcəklər. İlk görüş sentyabrın 7-də, cavab matçı isə ertəsi gün təşkil olunacaq.Lvov şəhərinin “Qaliçanka” İdman Kompleksində keçiriləcək oyunları rumıniyalı hakimlər idarə edəcəklər. Görüşün EHF nümayəndəsi slovakiyalı Peter Dvorski olacaq.Qeyd edək ki, Ukraynada olan “Azəryol” sentyabrın 6-dək Ujqorod şəhərində oyunlara hazırlaşacaq.xeber100.com