Avropa çempionatının ilkin seçmə mərhələsində

Avropa çempionatının ilkin seçmə mərhələsinin oyunlarına hazırlaşan 21 yaşadək futbolçulardan ibarət Azərbaycan milli komandasının mayın 30-da Bakıda təlim-məşq toplanışı başlayıb.Azərtac AFFA-ya istinadla xəbər verir ki, iyunun 3-dək davam edəcək toplanışda Kamran İbrahimov (“Neftçi”), Şahin Zəkiyev (“Keşlə”), Murad Popov (“Qəbələ”), Amin Seydiyev (“Qəbələ”),Turan Manafov (“Zaqatala”), Ricat Qarayev (“Sumqayıt”), Murad Qayalı (“Keşlə”), Hüseyin Seyligli(“Beşiktaş”, Türkiyə), Nihad Tamazov (“Qarabağ”), Elçin Mustafayev (“Sabah”), Arziman Rizvanov(“Bohemians”, Çexiya), Baris Ekincier (“Bochum”, Almaniya), Nicat Süleymanov, Hacıağa Hacılı, İsmayıl İbrahimli (hamısı “Qarabağ”), Rövlan Muradov (“Qəbələ”), Süleyman Əhmədov (“Sumqayıt”), Ziya Əzizov(“NEC Nijmegen”, Hollandiya), Şakir Seyidov (“Sabah”), Tural Bayramlı (“Daugavpils”, (Latviya), Elvin Cəfərquliyev (“Qarabağ”), Rafael Məhərrəmli (“Zirə”), Musa Qurbanlı (“Qarabağ”) və Emil Qasımov (“Sabah”) iştirak edirlər.Qeyd edək ki, “Daugavpils” klubunun üzvü T.Bayramlı komandasının çempionatdakı oyununa görə toplanışa iyunun 2-dən qoşulacaq.xeber100.com

Azərbaycan millisi ilə qarşılaşacaq yığmanın heyəti açıqlanıb

“Avro-2020”nin seçmə mərhələsində iyunun 11-də “Bakcell Arena”da futbol üzrə Azərbaycan millisi ilə qarşılaşacaq Slovakiya yığmasının heyəti açıqlanıb:Azərtac AFFA-ya istinadla xəbər verir ki, heyətdə qapıçılar Martin Dubravka (“Nyukasl” İngiltərə), Matuş Kozaçik (Viktoriya Plzen, Çexiya), Marek Rodak (Roterham Yunayted, İngiltərə), Dominik Greif (Slovan Bratislava, Slovakiya), müdafiəçilər - Peter Pekarik (Herta, Almaniya), Lubomir Şatka (DAK 1904, Slovkiya), Milan Şkriniar (İnter, İtaliya), Denis Vavro (Kopenhagen, Danimarka), Lukaş Ştetina (Sparta Praqa, Çexiya), Branislav Ninaj (Fortuna Sittard, Hollandiya), David Hancko (Fiorentina, İtaliya), Robert Mazan (FC Benatky, Çexiya), yarımmüdafiəçilər - Stanislav Lobotka (Selta Viqo, İspaniya), Patrik Hroşovsky (Viktoriya Plzen, Çexiya), Jan Greguş (Minnesota Yunayted, ABŞ), Juraj Kucka (Parma, İtaliya), Matuş Bero (Vitesse, Hollandiya), Marek Hamşik (Talien İfang, Çin), Laszlo Benes (Holstein Kiel, Almaniya), Ondrej Duda (Herta, Almaniya), Martin Xrien (Santa Klara, Portuqaliya), Albert Rusnak (Real Salt Lake, ABŞ), Robert Mak (Zenit, Rusiya), Yaroslav Mihalik (Jilina, Slovakiya), Miroslav Stoch (Slaviya, Çexiya), Lukaş Haraslin (Lex, Polşa), hücumçular - Pavol Şafranko (Dundee Yunayted, Şotlandiya), Samuel Mraz (Krotone, İtaliya) və Robert Bojenik (Jilina, Slovakiya) yer alıblar.Qeyd edək ki, Azərbaycan-Slovakiya oyunu saat 20:00-da başlayacaq.xeber100.com

“Çelsi” və “Arsenal” komandaları qarşılaşacaq

Bu gün UEFA Avropa Liqasının final oyununda Londonun “Çelsi” və “Arsenal” komandaları qarşılaşacaq. Mən “Çelsi”nin azarkeşiyəm. Bu komanda 2013-2014-cü il mövsümündə UEFA Avropa Liqasının qalibi olub. UEFA Avropa Liqasının kubokuna hansı klubun sahib olacağı bu gün müəyyənləşəcək.Bu sözləri Azərtac-a müsahibəsində UEFA Avropa Liqasının final oyununu izləmək üçün Bakıya gələn britaniyalı azarkeş Aleks Nikolov deyib. Azərbaycana gələn hər bir azarkeşin, oyunçu və texniki heyətin təhlükəsizliyinin təmin olunması üçün lazımi təbirlər görüldüyünü deyən qonaq final oyununun maraqlı keçəcəyini bildirib.xeber100.com

UEFA İcraiyyə Komitəsinin iclası keçirilir

Mayın 29-da Bakıda UEFA İcraiyyə Komitəsinin iclası keçirilir.Azərtac xəbər verir ki, İcraiyyə Komitəsi gündəliyinə 2021-ci ildə keçiriləcək UEFA qadınlararası Çempionlar Liqasının ev sahibinin müəyyənləşdirilməsi, müxtəlif yarışların və texniki qaydaların təsdiqi, 2020/2022-ci illərdə futzal üzrə Avropa çempionatı, 2019/2020-ci illər Avropa U-17 və U-19 çempionatları, 2019/2020-ci illər UEFA Avropa qadınlararası U-17 və U-19 çempionatları, UEFA intizam qaydaları (2019 buraxılışı), UEFA təhlükəsizlik qaydaları (2019 buraxılışı), UEFA klubların maliyyə nəzarəti orqanının prosedur qaydaları (2019 buraxılışı), turnirlərin əsasnamələri – oyun qaydalarına adaptasiya, UEFA Avropa gənclər çempionatlarının formatı, Reynhart Qrindelin UEFA vitse-prezidenti və FIFA İcraiyyə Komitəsi üzvlüyündən azad olunması və “UEFA Grassroots 2019” mükafatı və s. məsələlər daxil edilib.UEFA İcraiyyə Komitəsinin iclası Bakıda ilk dəfə təşkil olunur.xeber100.com

İspaniya çempionatının ən yaxşı futbolçusu müəyyənləşib

“Barselona” klubunun hücumçusu Lionel Messi cari mövsümdə İspaniya çempionatının ən yaxşı futbolçusu seçilib.Azərtac “Marca” nəşrinə istinadla xəbər verir ki, “Barselona”nın kapitanı Lionel Messi hamını qabaqlayıb. Çempionatı 36 qolla başa vuran argentinalı hücumçu sərrast oyunçu üçün nəzərdə tutulan "Piçiçi" mükafatına 6-cı dəfə layiq görülüb. Leonel Messi ən çox qol vuran futbolçuların siyahısında ən yaxın izləyiciləri Luis Suares və Kərim Benzemadan 15 qol çox vurub.Qeyd edək ki, Messi cari mövsümdə 6-cı dəfə Avropanın ən çox qol vuran futbolçusu kimi “Qızıl buts” mükafatını qazanıb.xeber100.com

“Maynts” komandası yeni müqavilə imzalayıb

Almaniyanın "Maynts" klubu heyətini yeni futbolçuyla gücləndirib.Milli.az xəbər verir ki, Bundesliqa təmsilçisi "Bavariya"dan Conatan Mayeri transfer edib. Bu barədə klubun rəsmi saytı məlumat yayıb. 19 yaşlı müdafiəçiylə 2022-ci ilin yayına qədər müqavilə imzalanıb."Bavariya"nın gənclərdən ibarət komandasında çıxış edən Mayer, geridə qalan mövsümdə 26 oyunda iştirak edib.xeber100.com

“Qarabağ” futbol klubu transfer mövsümünə başlayır

"Qarabağ" transfer mövsümünə yeni qapıçı almaqla başlayır. Hannes Halldorsonu mövsümün gedişində yola salan ağdamlılar onu daha bir əcnəbi ilə əvəz edəcək.Milli.az xəbər verir ki, Ağdam təmsilçisi Şotlandiyanın "Sent-Mirren" klubunun qolkiperi Vatslav Qladkinin xidmətində maraqlıdı. Şotlandiya təmsilçisi ilə 2020-ci ilin iyununa qədər müqaviləsi olan 29 yaşlı futbolçunu Moskva "Spartak"ı və bir neçə İngiltərə klubu da transfer etmək istəyir. Amma "Qarabağ" bu transferdə daha israrlıdı.Qladki 2016/2017 mövsümündə UEFA Avropa Liqasının qrup mərhələsində Çexiyanın "Slovan" komandasının heyətində yer alıb. Lakin o, "Qarabağ"la hər iki matçda ehtiyatda qalıb.xeber100.com

“Barselona”klubunun yeni baş məşqçisi müəyyənləşib

Ernesto Valverdeni istefaya göndərməyə hazırlaşan "Barselona"nın yeni baş məşqçisi müəyyənləşib.Milli.az xəbər verir ki, bu iddia ilə "The Sun" nəşri çıxış edib. İddia olunub ki, "Barselona" rəhbərliyi komandanı "Arsenal"ın baş məşqçisi Unay Emeriyə tapşıracaq.Qeyd edək ki, "Barselona" cari mövsüm La Liqanı qazansa da, Çempionlar Liqası və İspaniya Kubokunda qalib ola bilməyib.xeber100.com

Çelsi” və “Arsenal”ın açıq məşqlərinin vaxtı müəyyənləşib

Mayın 29-da UEFA Avropa Liqasının Bakı Olimpiya Stadionunda keçiriləcək final oyununda qarşılaşacaq "Çelsi" və "Arsenal" komandalarının oyunöncəsi mətbuat konfransı və mətbuat üçün açıq məşqlərinin vaxtı müəyyənləşib.Trend-in AFFA-ya istinadən verdiyi məlumata görə, mayın 28-də Bakı Olimpiya Stadionunda saat 17:45-də "Arsenal" futbol klubunun baş məşqçi və 2 futbolçunun iştirakı ilə mətbuat konfransı, saat 18:30-da isə mətbuat üçün açıq məşqi keçiriləcək."Çelsi" komandasının baş məşqçisi və iki futbolçusunun iştirakı ilə mətbuat konfransı saat saat 20:15-də, mətbuat üçün açıq məşqi isə saat 21:00-da baş tutacaq.Tədbirlərdə müvafiq qaydada akkreditasiyadan keçmiş mətbuat nümayəndələri iştirak edə bilər.xeber100.com

İtaliya A Seriyasının növbəti mövsümünə yekun vurulub

Mayın 26-da İtaliya A Seriyasının 2018-2019-cu il mövsümünə yekun vurulub.Azərtac xəbər verir ki, çempionatın qızıl və gümüş mükafatçıları məlum olduğundan əsas mübarizə UEFA Çempionlar Liqasına vəsiqə qazananlar arasında gedib.Aktivində 66 xalı olan “İnter” doğma azarkeşlər önündə “Empoli” klubunu qəbul edib. Görüş “neradzura”ın 2:1 hesablı qələbəsi ilə başa çatıb.Eyni xala malik olan “Atalanta” “Sassuolo” komandasının qonağı olub. Bu görüşdə qonaqlar 3:1 hesabı ilə qələbə qazanıb.Altmış beş xalı olan “Milan” səfərdə SPAL klubunu 3:2 hesabla məğlub etsə də, bu qələbə “rossoneri”ə qitənin ən nüfuzlu klub turnirinə vəsiqə qazanmağa yetməyib.İtaliya A Seriyasının qızıl medallarını 90 xallı olan “Yuventus” klubu qazanıb.Çempionatın gümüş medallarına 78 xal toplayan “Napoli” komandası sahib olub. “Atalanta” komandası 69 xalla üçüncü, eyni xala malik amma şəxsi oyun nəticəsinə görə geri qalan “İnter” isə dördüncü olub. İlk dörd yeri tutan komandalar 2019-2020-ci il mövsümündə UEFA Çempionlar Liqasında iştirak hüququ qazanıblar.“Milan”, “Roma” və “Latsio” klubları isə UEFA Avropa Liqasında çıxış edəcəklər. “Empoli”, “Frosinone” və “Kiyevo” A Seriyasından vidalaşaraq ikinci diviziona - B Seriyasına enib.A Seriyasının sonuncu turunda aşağıdakı nəticələr qeydə alınıb: “Frosinone” - “Kiyevo” - 0:0; “Bolonya” - “Napoli” - 3:2; “Torino” - “Latsio” - 3:1; “Sampdoriya” - “Yuventua” - 2:0; “Roma” - “Parma” - 2:1; “Kalyari” - “Udineze” - 1:2.xeber100.com