“Borussiya” klubu ikinci transferini rəsmən açıqlayıb

Almaniyanın "Borussiya" klubu ikinci transferini rəsmən açıqlayıb.Milli.az xəbər verir ki, Dortmund təmsilçisi Münhenqladbax "Borussiya"sından 26 yaşlı belçikalı yarımmüdafiəçi Torqan Hazardı transfer edib. Bu transfer "Borussiya"ya 20 milyon avroya başa gəlib. Hazardla 2024-cü ilin yayına qədər müqavilə imzalanıb.Torqan Hazard bu mövsüm Bundesliqada 32 oyuna 10 qol vurub, 11 assist edib."Borussiya" daha öncə "Hoffenhaym"dan Niko Şultsu 27 milyon avroya transfer edib. Bundan əlavə, dortmundlular "Bayer"in vingeri Yulian Brandtın transferində anlaşma əldə edib.xeber100.com

Türkiyə Superliqasının XXXIII turu çərçivəsində

"Fənərbağça" futbol klubu Türkiyə Superliqasının XXXIII turu çərçivəsində "Ərzurumspor"un qonağı olub.Trend-in məlumatına görə, "Kazım Qarabəkir" stadionunda keçirilən "Ərzurumspor" – "Fənərbağça" matçı qonaqların minimal hesablı qələbəsi ilə yekunlaşıb.Oyunda yeganə qolu 59-cu dəqiqədə penalti zərbəsindən Viktor Mozes vurub.Qeyd edək ki, Türkiyə superliqasında "Qalatasaray" klubu artıq çempionluğunu rəsmiləşdirib. "Fənərbağça" komandası 43 xalla 8-ci, "Ərzurumspor" isə 32 xalla 17-cü pillədə - autsayderlər sırasında qərarlaşıb.xeber100.com

“Real” futbol klubu müqavilənin müddətini uzadıb

Almaniyalı futbolçu, Madridin “Real” komandasının yarımmüdafiəçisi Toni Kroos bu klubla müqaviləsinin müddətini 2023-cü ilin iyununadək uzadıb. Bu barədə “Real Madrid” klubu elan edib.Azərtac xəbər verir ki, klubun bəyanatında “Real Madrid”lə Toni Kroosun müqavilənin müddətinin 2023-cü il iyunun 30-dək uzadılması barədə razılığa gəldikləri bildirilir.29 yaşlı Kroos Madridin “Real” klubuna “Bavariya”dan 2014-cü ildə 25 milyon avro müqabilində keçib. O, Madrid klubu ilə ilkin müqaviləni 2020-ci ilədək imzalayıb, 2016-cı ildə müqavilə daha iki il müddətinə uzadılıb.2014-cü ildə futbol üzrə dünya çempionatında qalib gələn Kroos “Real Madrid”də keçirdiyi 233 oyunda 13 qolun müəllifidir. O, beş mövsüm ərzində 12 titula sahib olub.xeber100.com

Stolüstü tennis üzrə Azərbaycan çempionatı keçirilib

Mais Şeydabəyovun xatirəsinə həsr olunmuş stolüstü tennis üzrə veteranlar arasında Azərbaycan çempionatı keçirilib.Azərtac xəbər verir ki, “Şüa” idman-sağlamlıq kompleksində təşkil edilən çempionatda 50-dən çox iştirakçı mübarizə aparıb.40-44 yaş qrupu üzrə qadınların yarışında Xəyalə Qiyasova birinci, Könül Mikayılova ikinci, Şəfəq Nəcəfova isə üçüncü olublar. Bu yaş qrupu üzrə kişilərin mübarizəsində isə Vaqif Məmmədov, Zaur Mikayılov və Yaşar Mövlanov fəxri kürsüdə yer alıblar. 50-59 yaş qrupunda kişilərin yarışında Teymur Hüseynov, İlham Ağayev, Əsgərqulu Heydərli ilk üç yerə layiq görülüblər. Altmış yaş və ondan yuxarı yaş qrupu üzrə isə Səxavət Heydərov, Qulu Quliyev, Valeh Musayev fərqləniblər.Qoşa yarışlarda Zaur Mikayılov–Tahir Hüseynov, Əli Heydəri–Rəhim Hüseynov, Vaqif Məmmədov–Mehman Həsənov hamıdan güclü olublar.Qalib və mükafatçılara Azərbaycan Stolüstü Tennis Federasiyasının diplom və mükafatları təqdim olunub.xeber100.com

“Arsenal” komandasına qarşı Avropa Liqasının final matçında

“Derbi Kaunti”nin baş məşqçisi və “Çelsi”nin keçmiş futbolçusu Frenk Lempard yeni mövsümdə London klubunun indiki baş məşqçisi Mauritsio Sarrini əvəz edərək bu komandanın rəhbəri ola bilər.Azertac xəbər verir ki, “Çelsi” mayın 29-da Bakıda Londonun “Arsenal” komandasına qarşı Avropa Liqasının final matçının nəticəsindən asılı olmayaraq baş məşqçini dəyişəcək.Bildirilir ki, Sarrinin bu vəzifədən azad edilməsi təşəbbüsünü klubun sahibi Roman Abramoviç irəli sürüb. Buna səbəb italiyalı mütəxəssis ilə komandanın fanatlarının qarşılıqlı münasibətləri olub. Abramoviç baş məşqçi vəzifəsinə “Çelsi”nin adlı-sanlı futbolçusu, komandanın keçmiş kapitanı Lempardı dəvət etməklə vəziyyəti qaydaya salmağa ümid edir.İngiltərəli mütəxəssis cari mövsümdə “Derbi Kaunti”nin baş məşqçisidir. Bu komanda Çempionşipdə 46 matçdan sonra 74 xal toplayaraq 6-cə yeri tutub. Lempardın yetirmələri mayın 27-də İngiltərə Premyer Liqasına çıxmaq hüququ uğrunda finalda “Aston Villa” ilə qarşılaşacaqlar. Bu görüş Londonun “Uembli” stadionunda keçiriləcək.“Çelsi” İngiltərə Premyer Liqasında 72 xal toplayaraq üçüncü yer tutub. Komanda İngiltərə Liqası kubokunun finalında “Mançester Siti” ilə oyunda penaltilər hesabına uduzub. İngiltərə kubokunda 1/8 finala qədər çatmış “Çelsi” bu mərhələdə “Mançester Yunayted”ə məğlub olub (0:2).xeber100.com

Voleybolçulardan ibarət Azərbaycan millisinin heyəti açıqlanıb

Qadın voleybolçulardan ibarət Azərbaycan millisinin Qızıl Avropa Liqası üçün heyəti açıqlanıb.Azərtac xəbər verir ki, millimiz Belarus, İspaniya və Finlandiya ilə birgə “C” qrupunda yer alıb.Millimizin heyətində Leyla Parşkova, Yana Əzimova, Nelli Salbişvili, Ayşən Əbdüləzimova, Anastasiya Bezsonova, Leysan Lyovkina, Səmra Qafarova, Nurhan Kazımova, Yuliya Kərimova, Bəyaz Əliyeva, Marqarita Əzizova, Kseniya Pavlenko, Mariya Kirilyuk və Larisa Smeltsova yer alıblar.xeber100.com

İstanbulda Karate1 Seria A turnirində

Qadınlardan ibarət milli komandanın lideri İrina Zaretska (-68 kq) İstanbulda Karate1 Seria A turnirinin gümüş medalını qazanıb.Azərbaycan Milli Karete Federasiyasından Trend-ə verilən məlumata görə, Marina Rakoviçlə (Monteneqro) final görüşü rəqibin 4:2 hesablı qələbəsi ilə başa çatıb.Rafael Ağayev (-75 kq) isə bir-birinin ardınca iki döyüşdə aldığı zədələr səbəbindən 5-ci görüşü yarımçıq dayandırmalı olub.Azərbaycan Milli Karate Federasiyasının prezidenti Yaşar Bəşirov fərqlənən idmançıların mükafatlandırma mərasimində iştirak edib. Mötəbər turnirində 102 ölkədən 1813 karateçi iştirak edib.Milli komandanı iyunun əvvəli Çinin Şanxay şəhərində Premyer Liqa turniri gözləyir.xeber100.com

Velosiped İdmanı Federasiyasının məlumatı

Türkiyədə Beynəlxalq Velosipedçilər İttifaqının 2.2 kateqoriyalı “Qara Dəniz Turu”na yekun vurulub.Azərbaycan Velosiped İdmanı Federasiyasından Trend-ə verilən məlumata görə, sonuncu, 3-cü mərhələdə də inamla çıxış edən velosipedçilərimiz bununla da Tokio-2020 Yay Olimpiya Oyunlarına lisenziya xallarımızı bir xeyli artırıblar.İlk 2 mərhələdə müvafiq olaraq 2-ci və 3-cü olan Samir Cəbrayılov bu dəfə 170 km məsafəni 3 saat, 45 dəqiqə, 55 saniyəyə keçən 10 nəfərlik qrupun içində yer alıb və fotofinişə əsasən 4-cü olub. Məhz bu nəticə təmsilçimizə ümumi təsnifatda 2-ci yerini qorumağa və bununla da Olimpiadaya 30 lisenziya xalı qazanmağa imkan verib. Samir 1-ci və 2-ci mərhələlərdə ölkə reytinqinə müvafiq olaraq 3 və 1 xal da əlavə edib.Milli komandamızın digər üzvü Elçin Əsədov isə “Qara Dəniz Turu”nu ümumi təsnifatda 10-cu yerdə başa vurmaqla reytinqimizi daha 3 xalla zənginləşdirib.Xatırladaq ki, mayın əvvəlində Türkiyədə keçirilən digər bir yarış - “Tour of Mesopotamia”da da Elçin Əsədov ümimi təsnifatda 10-cu olmaqla 3 reytinq xalı qazanmışdı.xeber100.com

Türkiyə Super Liqasının 33-cü turu çərçivəsində

Bu gün Türkiyə Super Liqasının 33-cü turu çərçivəsində bir sıra oyunlar keçirilib.Trend-in məlumatına görə, "Qalatasaray" klubu 33-cü tur çərçivəsində "Başakşəhər"i qəbul edib. Oyunda ilk hesabı açan tərəf qonaqlar olsada, ev sahibi ikinci hissədə rəqibin qapısından iki top keçirərək qalibiyyətə nail olub.Oyunda qolları R.Bayiç (17-ci dəqiqə), S.Fequli (47-ci dəqiqə) və Q.Onyekuru (64-cü dəqiqə) vurublar.Beləliklə, "Qalatasaray" 69 xal toplayaraq çempionatın bitməsinə bir tur qalmış ən yaxın izləyicisi olan "Başakşəhər" üçün əlçatmaz qalıb və Türkiyə Super Liqasının 22-ci dəfə qalibi olub.xeber100.com

Avropa çempionatının oyunlarına biletlərin qiymətləri açıqlanıb

UEFA futbol üzrə 2020-ci ildə keçiriləcək Avropa çempionatının final mərhələsinin oyunlarına biletlərin qiymətlərini açıqlayıb.Trend-in UEFA-nın saytına istinadən məlumatına görə, Bakı da daxil olmaqla 12 şəhərdə keçiriləcək çempionata ən ucuz biletlər paytaxtımızla yanaşı, Buxarest və Budapeştdə satışa çıxarılacaq. Kateqoriyalardan asılı olaraq, biletlərin qiymətləri 30, 75 və 125 avro təşkil edəcək.UEFA birinci mərhələdə 1,5 milyon biletin satışa çıxarılacağını açıqlayıb. Bu mərhələdə bilet satışının iyunun 12-dən iyulun 12-dək davam edəcəyi bildirilir.Turnirin yarımfinal mərhələsinə biletlərin qiyməti kateqoriyalardan asılı olaraq 195, 345 və 595 avro təşkil edəcək. Final oyununu izləmək istəyən azarkeşlər isə müvafiq olaraq 295, 595 və 945 avro ödəməlidirlər.Bakı Olimpiya Stadionunda çempionatın qrup mərhələsinin üç, dörddəbir final mərhələsinin isə bir oyunu təşkil olunacaq. UEFA-nın elan etdiyi təqvimə əsasən, Bakıda “A” qrupunun üç oyunu iyunun 13-də, 17-də və 21-də keçiriləcək. Dörddəbir final mərhələsinin qarşılaşması isə iyulun 4-də oynanılacaq.Gələn il iyunun 12-dən iyulun 12-dək keçiriləcək çempionatın qarşılaşmalarına Bakı, Amsterdam, Bilbao, Budapeşt, Buxarest, Qlazqo, Dublin, Kopenhagen, London, Münxen, Roma və Sankt-Peterburq şəhərləri ev sahibliyi edəcək.xeber100.com