UEFA AÇ-2020-nin final mərhələsinin ümumi mükafat fondunu açıqlayıb. Milli.az xəbər verir ki, bu dəfəki məbləğ 371 milyon avro təşkil edəcək ki, bu da 2016-cı ildə Fransada keçirilən son turnirin mükafat fondu ilə (301 milyon avro) müqayisədə 23 faiz çoxdur.Final mərhələsində iştiraka görə 24 yığmanın hər biri minimum 9,25 milyon avro əldə edəcək. Qrupda qazanılan qələbəyə 1,5 milyon, heç-heçəyə 750 min avro veriləcək. 1/8 final mərhələsinə vəsiqə qazanacaq komandaların gəliri 2 milyon olacaq. 1/4 finalın iştirakçıları 3,25, yarımfinala çıxmaq hüququ əldə edənlər isə 5 milyon avro qazanacaqlar. Avropa çempionatının qalibinə 10 milyon, ikinci olan digər finalçıya isə 7 milyon avro veriləcək.Belədə turnirin qalibi olan yığma, qrup mərhələsində 3 qələbə qazanacağı təqdirdə, ümumilikdə 34 milyon avro gəlir götürəcək. AÇ-2016-da isə bu rəqəm 27 milyon avro idi.Qeyd edək ki, AÇ-2020-nin qrup mərhələsinin 3, 1/4 finalın isə 1 oyunu Bakıda keçiriləcək.xeber100.com
