UEFA Çempionlar Liqasının qrup mərhələsində

UEFA Çempionlar Liqasının 2018-2019-cu il mövsümünün qrup mərhələsində ən dəqiq ötürmə edən futbolçunun adı açıqlanıb.Azərtac xəbər verir ki, Almaniyanın “Borussiya Dortmund” klubunun belçikalı yarımmüdafiəçisi Aksel Vitsel bu göstəriciyə görə birinci yeri tutub. Doxsan altı faiz göstərici ilə siyahıya başçılıq edən 29 yaşlı futbolçu qrup mərhələsində 447 ötürmədən 427-sini dəqiq yerinə yetirib.Ötürmələrinin dəqiqliyinə görə ilk beşlikdə digər yerləri Toni Kroos (“Real Madrid”), Serxio Buskets, İvan Rakitiç (“Barselona”) və Marek Hamşik (“Napoli”) tutublar.xeber100.com

Həndbolçuların Azərbaycan çempionatında mübarizəsi davam edir

Qadın həndbolçuların Azərbaycan çempionatında mübarizəsi davam edir. Həftəsonu 9-cu turun oyunları keçirilib.Azərtac Həndbol Federasiyasını rəsmi saytına istinadla xəbər verir ki, ABU Arenanın meydançasına əvvəlcə “Azərsu” və “Qarabağ” komandaları çıxıblar.Gərgin və maraqlı qarşılaşma “Azərsu”nun qələbəsi ilə başa çatıb. “Qarabağ” həndbolçuları ciddi müqavimət göstərsələr də məğlubiyyətdən qaça bilməyiblər - 25:28.Günün digər oyununda isə “Azəryol” “İdman Akademiyası” komandasına çətinlik çəkmədən qalib gəlib – 39:27.Çempionatın 9-cu turuna iki oyunla yekun vurulacaq. Yanvarın 10-u və 11-də yerli “Olimpiya” ilə “Azəryol” üz-üzə gələcək.Yarışın 10-cu turuna isə yanvarın 12-də start veriləcək. Həmin gün “İdman Akademiyası” “Azərsu”, “Qarabağ” “Gənclər Birliyi” ilə qarşılaşacaq.xeber100.com

Ağır Atletika Federasiyasının məlumatına görə…

Dekabrın 22-dən 23-dək Gürcüstanın Kutaisi şəhərində ağır atletika üzrə üçqat Olimpiya çempionu Kaxi Kaxiaşvilinin şərəfinə beynəlxalq turnir keçirilib.Azərbaycan Ağır Atletika Federasiyasından Azərtac-a bildiriblər ki, yarışda yerli idmançılarla yanaşı, azərbaycanlı atletlər də iştirak ediblər. Paşa İbrahimli 73 kiloqram, Kamran İsmayılov isə 96 kiloqram çəki dərəcələrində mübarizə aparıblar. Məşqçi Taleh Hüseynovun rəhbərliyi altında çıxış edən atletlər iki qızıl medal qazanmağı bacarıblar.Paşa İbrahimli toplam 286 kiloqram (130+156) nəticə ilə öz çəki dərəcəsində bütün rəqiblərini qabaqlayıb. Kamran İsmayılov isə 322 kiloqram (141+181) nəticə ilə fəxri kürsünün ən yüksək pilləsinə qalxıb.xeber100.com

FIFA futbol üzrə son reytinq cədvəlini açıqlayıb

FIFA futbol üzrə milli komandaların bu ilə son reytinq cədvəlini açıqlayıb. Sıralamada İtaliya 18-ci yerdə qərarlaşıb.ANSA agentliyi xəbər verir ki, reytinqə Belçika yığması başçılıq edir.Cədvəldə onun ardınca son dünya çempionu Fransa və Braziliya yığması qərarlaşıb.xeber100.com

“Napoli” futbol klubu yeni müqavilə imzalayıb

İtaliyanın “Napoli” futbol klubu müdafiəçi Kalida Kulibali ilə yeni müqavilə imzalayıb.Azərtac xarici KİV-lərə istinadla xəbər verir ki, klub rəsmiləri önümüzdəki günlərdə müqaviləni ictimaiyyətə açıqlayacaqlar.Yeni müqaviləyə əsasən, seneqallı oyunçunun gəliri ildə 6 milyon avro təşkil edəcək. Bu göstərici ilə o, klubun ən yüksək gəlirli futbolçusu olacaq.Qeyd edək ki, daha öncə “Napoli” Kalidanı 106 milyon avro qarşılığında “Mançester Yunayted” klubuna transferindən imtina etmişdi.xeber100.com

Stolüstü Tennis Federasiyasının təşkilatçılığı ilə…

Azərbaycan Stolüstü Tennis Federasiyasının təşkilatçılığı ilə “Şüa” idman-sağlamlıq kompleksində “TOP-8” respublika turniri keçirilib.Azərtac xəbər verir ki, respublika turnirində seçmə mərhələdə qalib gələn 8 ən güclü stolüstü tennisçi mübarizə aparıb. Kişilərin yarışında yüksək nəticəni Emin Məmmədov qazanıb. İkinci və üçüncü yerlərə müvafiq olaraq, Xəyyam Həşimli və Sənan Əliyev layiq görülüblər. Qadınların mübarizəsində isə Məryəm İmanova birinci yeri tutub. Nəzakət Qarayeva və Billurə Eminova sonrakı iki pillədə qərarlaşıblar.Turnirin qalibləri federasiya tərəfindən mükafatlandırılıb.xeber100.com

“Australian Masters-2018” beynəlxalq turniri başa çatıb

Şahmat üzrə “Australian Masters-2018” beynəlxalq turniri başa çatıb.Azərtac xəbər verir ki, Azərbaycan şahmatçısı, beynəlxalq usta Kənan İzzət 9 oyundan 5 xal toplayaraq dördüncü pillədə qərarlaşıb.Turnirdə ən yüksək nəticəni 9 oyundan 7,5 xal toplayan avstraliyalı qrossmeyster Anton Smirnov göstərib. Avstraliyalı digər şahmatçı, beynəlxalq usta Bobbi Çenq 6,5 xalla ikinci, özbəkistanlı qrossmeyster Andrey Kvon 6 xalla üçüncü yerləri tutublar.xeber100.com

Yunanıstan Super Liqasında XV tur qarşılaşmaları təxirə salınıb

Yunanıstan Super Liqasında bu həftə oynanılması planlaşdırılan XV tur qarşılaşmaları təxirə salınıb.Oxu.az xəbər verir ki, buna ölkənin FIFA referisi Tanasis Tzilosun evinin qarşısında müəyyən olunmayan şəxslər tərəfindən döyülməsi səbəb olub.Dörd maskalı şəxs hakimə hücum etdikdən sonra hadisə yerindən qaçıb. Başından və ayağından xəsarət alan Tzilos hadisədən sonra xəstəxanaya yerləşdirilib.Yunanıstan Hakimlər Komitəsi həmkarlarına dəstək üçün həftəsonu qarşılaşmalarında iştirak etməmək qərarı alıb.Qeyd edək ki, çempionat matçları qış fasiləsindən sonra keçiriləcək.xeber100.com

Türkiyə Superliqasının XVII turnir cədvəlində

Dekabrın 22-də futbol üzrə Türkiyə Superliqasının XVII turunda turnir cədvəlində üçüncü pillədəki “Beşiktaş” komandası səfərdə altıncı sıradakı “Kasımpaşa”nın qonağı olub.Bu barədə Azərtac məlumat yayıb.Oyunda “Beşiktaş” rəqibinə 1:4 hesabı ilə məğlub olaraq çempionatda vacib xallar itirib. Matçda ev sahiblərinin heyətində qolları Loret Sadiku (11), Mbaye Diagne (45,75) və David Pavelka (84) vurublar. Qonaq komandanın heyətində isə 52-ci dəqiqədə Mustafa Pektemek fərqlənib.Bu matçdan sonra “Kasımpaşa” xallarının sayını 29-a çatdıraraq turnir cədvəlində ikinci yerə yüksəlib, “Beşiktaş” isə altıncı pilləyə enib.Turun digər görüşündə 35 xalla çempionatın lideri olan "Başakşəhər" səfərdə “Alanyaspor”la heç-heçə edib. Bu oyun “Başakşəhər” komandasının vahid liderliyinə təsir etməyəcək. Çünki İstanbul komandası ən yaxın izləyicisi “Kasımpaşa”dan 6 xal irəlidədir.xeber100.com

İtaliyanın “İnter” futbol klubu “Arsenal”ın futbolçusunu heyətinə qatıb

İtaliyanın "İnter" klubu İngiltərə "Arsenal"ının futbolçusu Aron Remzini heyətinə qatıb.Milli.az xəbər verir ki, Milan təmsilçisi 27 yaşlı yarımmüdafiəçi ilə razılıq əldə edib.Uels milli komandasının da şərəfini qoruyan oyunçu yayda azad agent kimi "İnter"ə keçəcək.Qeyd edək ki, Aron Remzinin "Arsenal"la müqaviləsi mövsümün sonunda başa çatır. O, London təmsilçisi ilə yeni müqavilə imzalamağa razılaşmayıb.xeber100.com