“Səbail”-“Qarabağ” qarşılaşması keçiriləcək

Dekabrın 8-də futbol üzrə Azərbaycan Premyer Liqasının IV turundan təxirə salınmış “Səbail”-“Qarabağ” qarşılaşması keçiriləcək.Azərtac xəbər verir ki, Bayıl Arena”da oynanılacaq matçı baş hakim Orxan Məmmədov idarə edəcək.Hazırda turnir cədvəlinə 34 xalla “Qarabağ” başçılıq edir. “Səbail” isə 13 xalla altıncı pillədə qərarlaşıb.xeber100.com

“PSJ” futbol klubu qrup mərhələsinin 6-cı turunda…

“PSJ” futbol klubu Çempionlar Liqasının qrup mərhələsinin 6-cı turunda “Bavariya”nın qapısına bir qol vurub (1:3, ikinci hissə).Azərtac xəbər verir ki, parislilər bir turnir mövsümü ərzində 25-ci qol vuraraq özlərinin turnir rekordunu təkrarlayıblar.Qeyd edək ki, “PSJ”-nin hücumçusu Kilian Mbappe Çempionlar Liqasında rəqib meydançasında dalbadal altıncı matçda qol vuraraq kataloniyalıların hücumçusu Lionel Messinin seriyasını təkrarlayıb.İndiyə qədər daha davamlı seriyalara yalnız Filippo İndzaqi (7 matç) və Kriştianu Ronaldu (12 matç) nail olub.Mbappe bir turnir ərzində 10 qol vurmuş ən gənc oyunçudur (18 yaş 11 ay). Bu nəticəyə nail olmaq üçün ona 15 matç kifayət edib.xeber100.com

2017-2018-ci il mövsümünün qrup mərhələsində mübarizə başa çatıb

Dekabrın 6-da “E”, “F”, “G” və “H” qruplarında yer alan komandalar arasında keçirilən qarşılaşmalarla UEFA Çempionlar Liqasının 2017-2018-ci il mövsümünün qrup mərhələsində mübarizə başa çatıb.Azərtac xəbər verir ki, qitənin ən mötəbər turnirində “E” qrupunda yer alan “Liverpul” öz meydanında Moskvanın “Spartak” klubunun qapısından 7 cavabsız top keçirib – 7:0. Bununla da “Mersisaydlılar” qrupu lider kimi başa vurublar. İkinci pilləni isə səfərdə Sloveniyanın “Maribor” komandası ilə heç-heçə (1:1) oynayan “Sevilya” tutub.“F” qrupunda keçirdiyi bütün görüşlərdə qələbə qazanan “Mançester Siti”nin məğlubiyyətsiz oyunlar seriyasına son qoyulub. Ukraynada qrup ikincisi “Şaxtyor” ilə qarşılaşan «Şəhərlilər» 1 :2 hesabı ilə məğlub olublar. Qrupun digər oyununda Hollandiyanın “Feyenord” klubu İtaliyanın “Napoli” komandasından üstün olub – 2 :1. Bu qrupdan “Mançester Siti” və “Şaxtyor” səkkizdəbir finala yüksəliblər. “Napoli” isə qrup üçüncüsü kimi Avropa Liqasında oynamaq hüququ qazanıb.“G” qrupunda birinci yeri əvvəlki turda təmin edən “Beşiktaş” Almaniya səfərində “Leypsiq”in qonağı olub və rəqibini 2:1 hesabı ilə məğlubiyyətə uğradıb. Qrupun ikinci oyunu kifayət qədər məhsuldar olub. Portuqaliyanın “Portu” komandası doğma divarlar arasında “Monako”nu 5:2 hesabı ilə üstələyib. Beləliklə, “Beşiktaş” və “Portu” klubları bu qrupdan növbəti mərhələyə keçiblər. “Leypsiq” isə Avropa Liqasında mübarizəni davam etdirəcək.“H” qrupunun lideri “Tottenhem” ilk pillədəki yerini qorumağı bacarıb. London klubu buna öz meydanında Kiprin “APOEL” klubuna 3:0 hesabı ilə qalib gəlməklə nail olub. Qrupda ikinci sırada yer alan “Real Madrid” isə İspaniya paytaxtında “Borussiya Dortmund” ilə üz-üzə gəlib. Görüş Zidanın yetirmələrinin 3:2 hesablı üstünlüyü ilə yekunlaşıb. Beləliklə, “Tottenhem”dən sonra bu qrupdan “Real Madrid” klubu növbəti mərhələdə iştirak etmək hüququ qazanıb.UEFA Çempionlar Liqasının səkkizdəbir final mərhələsinin püşkü dekabrın 11-də atılacaq.xeber100.com

Aerobika gimnastikası üzrə ölkə çempionatı davam edir

Dekabrın 7-də Milli Gimnastika Arenasında akrobatika gimnastikası üzrə Bakı çempionatı və birinciliyi, aerobika gimnastikası üzrə Azərbaycan və Bakı birinciliyi, tamblinq üzrə Azərbaycan birinciliyi və Bakı çempionatının ikinci gününə start verilib.Azərtac xəbər verir ki, yarışın ikinci günündə balacalar, uşaqlar, yeniyetmələr və böyüklər yaş kateqoriyalarına daxil olan akrobatlar, 7-8, 9-11 və 12-14 yaşlı aerobika gimnastları medallar uğrunda mübarizə aparırlar.Gimnastlar qarışıq cütlüklər, kişi qrupu, kişi cütlükləri, qadın qrupları və cütlükləri halında bacarıqlarını nümayiş etdirirlər.xeber100.com

Voleybolçular arasında dünya çempionatının püşkü atılıb

Gələn il Yaponiyada keçiriləcək qadın voleybolçular arasında dünya çempionatının püşkü atılıb.Azərtac xəbər verir ki, mundialda mübarizə aparacaq Azərbaycan yığması Rusiya, ABŞ, Tailand, Trinidad və Tobaqo, Koreya Respublikası kollektivləri ilə birgə “C” qrupunda yarışacaq.Püşkün nəticələri aşağıdakı kimidir: “A” qrupu: Yaponiya, Hollandiya, Argentina, Almaniya, Kamerun, Meksika; “B” qrupu: Çin, İtaliya, Türkiyə, Bolqarıstan, Kanada, Kuba; “C” qrupu: Azərbaycan, ABŞ, Rusiya, Koreya Respublikası, Tailand, Trinidad və Tobaqo; “D” qrupu: Serbiya, Braziliya, Dominikan Respublikası, Puerto-Riko, Qazaxıstan, Keniya. Qeyd edək ki, 2018-ci il dünya çempionatı Yaponiyanın altı şəhərində - Hamamatsu, Yokohama, Kobe, Naqoya, Sapporoda və Osakada keçiriləcək. Dünya çempionatı sentyabrın 29-dan oktyabrın 20-dək təşkil ediləcək.xeber100.com

Formula-1 yarışlarının 2018-ci il mövsümü üçün təqvimi təsdiq edilib

Beynəlxalq Avtomobil Federasiyasının (FIA) Dünya Şurası Formula-1 yarışlarının 2018-ci il mövsümü üçün təqvimini rəsmən təsdiq edib.Azərtac xəbər verir ki, növbəti mövsüm 21 mərhələdən ibarət olacaq. İlk yarış martın 25-də, son yarış isə noyabrın 25-də təşkil olunacaq.Ölkəmizin üçüncü dəfə ev sahibliyi edəcəyi Azərbaycan Qran-Prisi isə aprelin 29-da təşkil olunacaq.İlkin təqvimlə müqayisədə böyük dəyişikliklər edilməyib, lakin gözlənildiyi kimi Çin və Bəhreyn mərhələləri yerlərini dəyişib. Mövsümün ikinci yarışı məhz Bəhreyndə, ardınca isə Çində keçiriləcək.xeber100.com

Kyokşin Karate Federasiyasının məlumatı

Dekabrın 9-da Rusiyanın Yekaterinburq şəhərində Ümumdünya Kyokşin İttifaqı (KWU) tərəfindən üçüncü dünya çempionatı start götürəcək.Azərbaycan Kyokşin Karate Federasiyasından Azərtac-a bildirilib ki, mötəbər yarışa federasiyanın prezidenti Allahverdi Rüstəmovun rəhbərliyi altında 7 idmançımız yola düşüb.Millimizin baş məşqçisi Samir Məmmədov, köməkçi məşqçi Namiq Vəliyev mundialda Solmaz Zeynallı (60 kq), Sevinc Mehdiyeva (55 kq), Emin İsmayıllı (65 kq), Valeh Cəfərov (70 kq), Nail Quliyev (75 kq), Mübariz Ağamalıyev (80 kq) və Etibar Ağalarova (85 kq) şans verəcəklər.Yarışların idarə edilməsində ölkəmizi beynəlxalq dərəcəli hakim Qələndər Aslanov təmsil edəcək.Qeyd edək ki, dünya çempionatına dekabrın 10-da yekun vurulacaq.xeber100.com

“Tour d’Azerbaidjan-2018” veloturunun keçirilmə vaxtı müəyyənləşib

Beynəlxalq Velosipedçilər İttifaqının (UCI) 2.1 kateqoriyalı “Tour d’Azerbaidjan-2018” veloturunun keçirilmə vaxtı müəyyənləşib.Azərtac xəbər verir ki, gələn il mayın 9-13-də planetin ən güclü şose velosiped komandaları yenidən Azərbaycanda mübarizə aparacaqlar. Beş günlük yarış artıq Beynəlxalq Velosipedçilər İttifaqının 2018-ci il üçün müəyyənləşdirdiyi təqvim planına da daxil edilib.“Tour d’Azerbaidjan-2018” şose velosipedi üzrə gələn ilin mayında qəbul edəcəyimiz yeganə yarış olmayacaq – sözügedən veloturda iştirak etmək üçün Azərbaycana gələcək komandalar mayın 8-də birgünlük “Bakı-Xızı Eko” turunda da yarışacaqlar. Beynəlxalq Velosipedçilər İttifaqının kifayət qədər yüksək səviyyəli yarışı hesab edilən 1.1 kateqoriyalı velotur da artıq qurumun təqvim planında yer alır.Xatırladaq ki, şose velosipedi üzrə gələn ilin mayında keçiriləcək bu 2 yarışdan əlavə, iyunun 5-9-da Bakıda velosiped idmanının BMX növü üzrə (Olimpiya idman növü) dünya çempionatı da təşkil olunacaq.xeber100.com

Dünya Oyunlarının taekvondo yarışları başa çatıb

Portuqaliyada IWAS versiyası üzrə fiziki məhdudiyyətli idmançılar arasında keçirilən Dünya Oyunlarının taekvondo yarışları başa çatıb.Azərtac xəbər verir ki, Oyunların sonuncu günündə qadınlar arasında mübarizəyə qoşulan Röyalə Fətəliyeva (49 kq, K44) bürünc medala sahib olub.Beləliklə, Dünya Oyunlarında 12 idmançı ilə təmsil olunan parataekvondo üzrə milli komandamız aktivinə bir qızıl, bir gümüş və üç bürünc medal əlavə edib.Xatırladaq ki, yarışların ilk günündə millinin kapitanı Nicat Müslümov iki kateqoriya üzrə döyüşlərə qatılıb. O, 75 kiloqram çəki dərəcəsində (K42) qızıl, 43 kateqoriyalı idmançıların yarışında gümüş medal əldə edib. Eyni kateqoriyada digər idmançımız Xəzər Mirzəyev və 75 kiloqramdan yuxarı çəki dərəcəsində çıxış edən Vüqar Adışirinov (K44) bürünc mükafata layiq görülüblər.Baş məşqçi Əvəz Tağıyevin və böyük məşqçi Yaşar Səfərovun yetirmələri komanda hesabında İran və Türkiyə komandalarından sonra üçüncü yerdə qərarlaşıblar.xeber100.com

“Qarabağ” klubu futbol üzrə sonuncu oyununu keçirib

Dekabrın 6-da Ağdamın “Qarabağ” klubu futbol üzrə UEFA Çempionlar Liqasının 2017-2018-ci il mövsümündə sonuncu oyununu keçirib.Azərtac xəbər verir ki, Azərbaycan çempionu turnirin qrup mərhələsinin sonuncu - altıncı turunda İtaliya paytaxtında “Roma” klubunun qonağı olub.Yetmiş iki min azarkeş tutumuna malik Romanın “Olimpiko” stadionunda keçirilən qarşılaşmanın birinci hissənin ilk dəqiqələri kəşfiyyat xarakteri daşıyıb. Oyunun 14-cü dəqiqəsində "Roma"nın futbolçusu Kostas Manolasın güclü zərbəsini "Qarabağ"ın qapıçısı İbrahim Şehiç dəf etməyi bacarıb. Növbəti təhlükəli vəziyyəti isə görüşün 22-ci dəqiqəsində "Qarabağ"ın oyunçusu Dino Ndlovu yaradıb. Hücumçunun güclü zərbəsinə baxmayaraq top qapıdan keçməyib.İlk hissəsinin sonunadək "Roma" futbolçuları Ağdam təmsilçisinin qapısı qarşısında təhlükəli vəziyyətlər yaratsalar da, İbrahim Şehiçin möhtəşəm oyunu görüşdə hesabın açılmasına imkan verməyib.“Roma” futbolçuları ikinci hissəyə daha fəal başlayıblar. Görüşün 53-cü dəqiqəsində İtaliya təmsilçisi istəyinə nail olub. Dieqo Perotti İbrahim Şehiçin səhvindən yararlanaraq oyunda hesabı açıb. Görüşün 83-cü dəqiqəsində “Qarabağ”ın futbolçusu Miçelin baş ilə zərbəsində bir az dəqiqlik çatmayıb. Komandaların cəhdlərinə baxmayaraq oyunun sonunadək hesab dəyişməyib.Beləliklə, görüş “Roma”nın 1:0 hesablı qələbəsi ilə yekunlaşıb.xeber100.com