Şahmat üzrə Avropa çempionatı davam edir

Azərbaycanın kişilərdən ibarət şahmat üzrə yığma komandası Yunanıstanda keçirilən Avropa çempionatında mübarizəni davam etdirir.Azərtac xəbər verir ki, Azərbaycan şahmatçıları səkkizinci turda turnir cədvəlinin ilk pilləsində qərarlaşan Rusiya millisi ilə qarşılaşıblar.Görüşün birinci lövhəsində Şəhriyar Məmmədyarov Aleksandr Qrişuku, ikinci lövhədə isə Teymur Rəcəbov Yan Nepomnyatçını 1:0 hesabı ilə məğlub edib.Üçüncü lövhədə keçirilən Arkadi Naydiç (Azərbaycan) - Maksim Matlakov (Rusiya) görüş isə rəqib şahmatçının 1:0 hesablı qələbəsi ilə yekunlaşıb.Dördüncü lövhədə keçirilən Rauf Məmmədov ilə Danil Dubovun görüşündə də təmsilçimiz 1:0 hesabı ilə qalib gəlib.Beləliklə, Azərbaycan komandası Rusiya yığmasını 3:1 hesabı ilə məğlub edib və turnir cədvəlində hesabındakı xallarının sayını 13-ə çatdıraraq liderliyə yüksəlib.Aktivində 12 xal olan Rusiya isə turnir cədvəlində ikinci pillədədir.Çempionata noyabrın 6-da yekun vurulacaq.Xatırladaq ki, Avropa komanda çempionatında kişilərdən ibarət 40 komanda çıxış edir. İsveçrə sistemi üzrə təşkil olunmuş yarışlar doqquz turdan ibarətdir.xeber100.com

Şahmat üzrə Avropa komanda çempionatının 6-cı turu keçirilib

Yunanıstanın Krit adasında şahmat üzrə Avropa komanda çempionatının 6-cı turu keçirilir.Azərtac xəbər verir ki, bu turda Azərbaycan yığması Ermənistan millisi ilə qarşılaşıb. Azərbaycan millisi rəqibini 2.5:1.5 hesabı ilə məğlubiyyətə uğradıb.Ağ fiqurlarla oynayan Teymur Rəcəbov 52-ci gedişdə Sergey Movsesyanı, Rauf Məmmədov isə 92-ci gedişdə Qrant Melkumyanı məğlub edib. Şəhriyar Məmmədyarov isə Levon Aronyana uduzub. Komandamızın digər üzvü Arkadi Naydiç isə erməni rəqibi Qabriel Sarqsyanla heç-heçə edib.Altı turdan sonra Azərbaycan yığmasının hesabında 9 xal var və komandamız Xorvatiya ilə 3-4-cü yerləri bölüşür.xeber100.com

“Qəbələ” komandası “Səbail”i qəbul edib

Noyabrın 4-də futbol üzrə Azərbaycan Premyer Liqasının XI turuna start verilib.Azərtac xəbər verir ki, turun açılış oyununda “Qəbələ” komandası doğma meydanda “Səbail”i qəbul edib.Baş hakim Rauf Cabbarovun idarə etdiyi matçın 15-ci dəqiqəsində “Qəbələ”nin futbolçusu Famussa Kone hesabı açıb. On üç dəqiqə sonra Baqali Dabo ikinci topu rəqib qapısından keçirib.Görüşün ilk hissəsi meydan sahiblərinin 2:0 hesablı üstünlüyü ilə başa çatıb.Qarşılıqlı hücumlar şəraitində keçən oyunun 83-cü dəqiqəsində Baqali Dabo dublunu rəsmiləşdirib. Dörd dəqiqə sonra “Səbail”in futbolçusu Eltun Yaqublu hesab arasındakı fərqi azaldıb və bu, oyunda vurulan sonuncu qol olub. Beləliklə, görüş “Qəbələ”nin 3:1 hesablı qələbəsi ilə yekunlaşıb. Günün digər oyununda isə “Sumqayıt” klubu “Keşlə” ilə qarşılaşacaq.Turun ikinci günündə “Qarabağ” səfərdə “Kəpəz”in qonağı olacaq. Günün növbəti qarşılaşmasında “Zirə” və “Neftçi” klubları üz-üzə gələcəklər.“Səbail” üzərində qələbə qazanan “Qəbələ” hesabındakı xalların sayını 22-yə çatdıraraq turnir cədvəlində ikinci pilləyə yüksəlib. Eyni xala malik olan və bir oyun az keçirən “Qarabağ” birinci pillədə qərarlaşıb. “Zirə” isə 21 xalla üçüncü pillədə yer alıb.xeber100.com

Həndbol Federasiyasının məlumatı

Azərbaycanın beynəlxalq dərəcəli həndbol hakimləri beynəlxalq yarışlara dəvət alıblar.Azərbaycan Həndbol Federasiyasından Azərtac-a bildirilib ki, həmyerlilərimizdən İsgəndər Əsgərov qadınlar arasında Avropa Həndbol Federasiyası (EHF) kuboku uğrunda turnir çərçivəsində təşkil olunacaq “Astraxanoçka”–“Kuban” (hər ikisi Rusiya) qarşılaşmasında EHF-i təmsil edəcək. Noyabrın 11-də “Astraxan” arenasında oynanılacaq matçın hakimləri Bosniya və Herseqovinadan olan Aman Konjicanin və Dino Konjicanin olacaqlar.Emil və Ernest Ağakişi qardaşları isə noyabrın 12-də qadın həndbolçular arasında “Çağırış Kuboku” uğrunda turnir çərçivəsində keçiriləcək “Maedilon/VZV” (Niderland) – “Rokasa Qran Kanaria ACE” (İspaniya) görüşünü idarə edəcəklər. “Alkmaar” arenasında baş tutacaq oyunda EHF nümayəndəsi lüksemburqlu Paul Nesser olacaq.xeber100.com

“Sumqayıt” klubu “Keşlə” ilə qarşılaşıb

Noyabrın 4-də futbol üzrə Azərbaycan Premyer Liqasının XI turunda ikinci oyun keçirilib.Azərtac xəbər verir ki, “Sumqayıt” klubu “Kapital Bank Arena”da “Keşlə” ilə qarşılaşıb. Baş hakim Əliyar Ağayevin idarə etdiyi matçda meydan sahiblərinin heyətində qolları 30-cu dəqiqə Denis Silva (öz qapısına), 52-ci dəqiqədə Amil Yunanov və 71-ci dəqiqədə Adrian Skarlatake (avtoqol) vurublar. “Keşlə”nin heyətində isə 44-cü dəqiqədə Nizami Hacıyev fərqlənib.Beləliklə, görüş “Sumqayıt”ın 3:1 hesablı qələbəsi ilə başa çatıb. Bu qələbədən sonra “Sumqayıt” xallarının sayını 16-ya çatdıraraq turnir cədvəlində dördüncü pilləyə yüksəlib. “Keşlə” isə səkkiz xalla yeddincidir.Xatırladaq ki, turnirin ilk oyununda “Qəbələ” komandası “Səbail”i 3:1 hesabı ilə məğlub edib.Noyabrın 5-də Ağdamın “Qarabağ” komandası Gəncənin “Kəpəz” klubunun qonağı olacaq. Həmin gün “Zirə” və “Neftçi” klubları da qarşılaşacaqlar.xeber100.com

Güləş üzrə dünya kuboku yarışları keçiriləcək

Dekabrın 1-2-də Çuvaşiyanın paytaxtı Çeboksarıda sərbəst güləş üzrə qadınlar arasında dünya kuboku yarışları keçiriləcək.Azərtac xəbər verir ki, 8 çəki dərəcəsində yarışlarda Azərbaycan yığması da iştirak edəcək. Azərbaycanın qadın güləşçilərinin rəqibləri Yaponiya, Çin, ABŞ, Monqolustan, İsveç, Ukrayna və Rusiya komandaları olacaq.Qadınlar arasında sərbəst güləş üzrə dünya kuboku 2001-ci ildən keçirilir. Bu yarışları Yaponiya digər ölkələrdən daha çox – 5 dəfə qəbul edib. 2007-ci ildə qadın güləşi üzrə ilin baş komanda turniri Krasnoyarskda, 2015-ci ildə isə Sankt-Peterburqda keçirilib. Fransa isə bu turnirə 3 dəfə - 2001-ci, 2005-ci və 2011-ci illərdə ev sahibliyi edib.xeber100.com

“Azəryol” klubu ilk matçını keçirəcək

Qadın həndbolçulardan ibarət “Azəryol” klubu “Çağırış Kuboku” uğrunda yarışda ilk matçını keçirəcək.Azərtac xəbər verir ki, Azərbaycan təmsilçisi noyabrın 18-də Lüksemburqun “HB Düdelanj” komandasının qonağı olacaq.“Dudelanj” arenada keçiriləcək görüşün hakimləri yunanıstanlı Mixail Mertinian və Evangelos Sirepisios olacaq. Avropa Həndbol Federasiyasını (EHF) almaniyalı Frank Bölhoff təmsil edəcək.Qeyd edək ki, cavab oyunu noyabrın 19-da əvvəlcədən razılaşdırıldığı kimi Lüksemburqda keçiriləcək.xeber100.com

Gimnastika Federasiyasının məlumatı

Gələn il aprelin 12-dən 15-dək Bakıda batut gimnastikası, tamblinq və ikili mini batut üzrə 26-cı Avropa çempionatı keçiriləcək.Azərbaycan Gimnastika Federasiyasından Azərtac-a bildiriblər ki, ötən həftə cari ilin sonuncu Avropa çempionatı başa çatdıqdan sonra diqqət 26-cı qitə birinciliyinə yönəlib.Bakıda keçiriləcək batut gimnastikası üzrə Avropa çempionatının yerli təşkilat komitəsinin təşəbbüsü ilə Avropa Gimnastika İttifaqının (UEG) baş direktoru Liza Uortman (Almaniya), batut gimnastikası üzrə texniki komitəsinin prezidenti Vladimir Zeman (Çexiya) və UEG-nin işçi heyəti Milli Gimnastika Arenasında olub.Milli Gimnastika Arenası proqramına tamblinq, ikili mini batut və batut gimnastikası üzrə fərdi və sinxron çıxışların daxil olduğu və iki ildən bir keçirilən Avropa çempionatı üçün ideal məkandır. Birinci Avropa Oyunlarının gimnastika yarışları məhz bu məkanda ən yüksək səviyyədə təşkil edilib. Əminliklə demək olar ki, hər il dünya kubokları seriyalarına uğurla ev sahibliyi edən Azərbaycan bu sahədə zəngin təcrübəyə malik peşəkar təşkilatçıdır.Federasiyanın baş katibi Fərid Qayıbovun rəhbərliyi ilə təşkilatçılar UEG heyətini yarış məkanı, avadanlıq, alətlərlə və onların təklif olunan yerləşdirilmə planı ilə tanış ediblər.Səfər çərçivəsində UEG-nin qlobal tərəfdaşı olan “SmartScoring” şirkətinin təmsilçiləri ilə xalların hesablanması sistemi və yarış cədvəli müzakirə edilib.xeber100.com

UEFA Avropa Liqasının qrup mərhələsinin oyunları keçirilib

Noyabrın 2-də futbol üzrə UEFA Avropa Liqasının 2017-2018-ci il mövsümünün qrup mərhələsinin IV turunun oyunları keçirilib.Azərtac xəbər verir ki, 12 qrupda ümumilikdə 24 matç oynanılıb.Türkiyə təmsilçilərindən “Başakşehir” komandası doğma meydanda “Hoffenhaym”ı qəbul edib və görüş heç-heçə başa çatıb -1:1. “Konyaspor” klubu isə səfərdə Avstriyanın “Zalsburq” komandası ilə heç-heçə oynayıb – 0:0. Turun maraqlı görüşlərindən biri isə Almaniyada keçirilib. Qrupun autsayderi olan “Köln” klubu Belarusun “Bate” kollektivini 5:2 hesabı ilə məğlubiyyətə uğradıb. Rusiyanın “Lokomotiv” klubu isə öz meydanında gözlənilmədən Moldovanın “Şerif” komandasına məğlub olub - 1:2.xeber100.com  

AFFA-nın İcraiyyə Komitəsinin iclası keçirilir

Bakı Olimpiya Stadionunda AFFA-nın İcraiyyə Komitəsinin iclası keçirilir.Azərtac xəbər verir ki, gündəlikdəki ilk məsələ futbol üzrə Azərbaycan milli komandasının baş məşqçisi vəzifəsinə namizədlərin müzakirəsi olub.Aparılan müzakirələrdən sonra Qurban Qurbanov Azərbaycan millisinin baş məşqçisi vəzifəsinə təyin olunub. Q.Qurbanov milli komandada vəzifəsinin icrasına Robert Prosineçkinin müqaviləsinin müddəti başa çatdıqdan dərhal sonra başlayacaq.xeber100.com