2017-2018-ci il mövsümünün beşinci turuna start veriləcək

Noyabrın 23-də futbol üzrə UEFA Avropa Liqasının 2017-2018-ci il mövsümünün qrup mərhələsinin beşinci turuna start veriləcək.Azərtac xəbər verir ki, turun ilk günündə 8 qrupda ümumilikdə 14 matç oynanılacaq.Türkiyə təmsilçilərindən “Konyaspor” komandası doğma meydanda “Olimpik”i qəbul edəcək. Maraqla gözlənilən qarşılaşmalardan biri isə “Köln” və “Arsenal” klubları arasında oynanılacaq.Ümumiyyətlə, gün ərzində aşağıdakı oyunlar keçiriləcək: “A” qrupu “Astana” (Qazaxıstan) - “Vilyarreal” (İspaniya) “F” qrupu “Lokomotiv” (Moskva, Rusiya) - “Kopenhagen” (Danimarka) “G” qrupu “Luqano” (İsveçrə) - “Hapoel” (Beer-Şeva, İsrail) “Viktoriya” (Plzen, Çexiya) - “Styaua” (Rumıniya) “H” qrupu “Köln” (Almaniya) - “Arsenal” (İngiltərə) BATE (Belarus) - “Srvena Zvezda” (Serbiya) “I” qrupu “Konyaspor” (Türkiyə) - “Olimpik” (Ukrayna) “Zalsburq” (Avstriya) - “Gimaraeş” (Portuqaliya) “J” qrupu “Ostersun” (İsveç) - “Zarya” (Ukrayna) “Atletik” (İspaniya) - “Herta” (Almaniya) “Ostersun” (İsveç) “K” qrupu “Latsio” (İtaliya) - “Vitess” (Hollandiya) “Nitsa” (Fransa) “Nitsa” (Fransa) - “Zülte-Varegem” (Belçika) “L” qrupu “Zenit” (Rusiya) - “Vardar” (Makedoniya) “Real Sosyedad” (İspaniya) - “Rusenborq” (Norveç).xeber100.com

UEFA Çempionlar Liqasının V turuna yekun vurulacaq

Noyabrın 22-də gün futbol üzrə UEFA Çempionlar Liqasının qrup mərhələsinin V turuna yekun vurulacaq.Azərtac xəbər verir ki, turun ikinci günündə “A”, “B”, “C” və “D” qruplarında yer alan komandalar üz-üzə gələcəklər.“C” qrupunda yer alan Azərbaycan təmsilçisi “Qarabağ” klubu Bakı Olimpiya Stadionunda “Çelsi”ni qəbul edəcək. Bu qrupun digər matçında isə “Roma” səfərdə “Atletiko Madrid”in qonağı olacaq. Turun maraqla gözlənilən görüşlərindən biri də “D” qrupunda mübarizə aparan “Yuventus” və “Barselona” klublarının qarşılaşması olacaq.Ümumiyyətlə, gün ərzində aşağıdakı qarşılaşmalar keçiriləcək: “A” qrupu MOİK (Rusiya) – “Benfika” (Portuqaliya)) “Bazel” (İsveçrə) – “Mançester Yunayted” (İngiltərə) “B” qrupu “Anderlext” (Belçika) – “Bavariya” (Almaniya) PSJ (Fransa) – “Seltik” (Şotlandiya) “C” qrupu” “Qarabağ” (Azərbaycan) – “Çelsi” (İngiltərə) “Atletiko Madrid” (İspaniya) - “Roma” (İtaliya) “D” qrupu “Yuventus” (İtaliya) – “Barselona (İspaniya) “Sportinq” (Portuqaliya) - “Olimpiakos” (Yunanıstan).xeber100.com

FIFA İcraedici Futbol Sammiti keçirilib

Bakıda FIFA İcraedici Futbol Sammiti keçirilib.Azərtac AFFA-nın saytına istinadla xəbər verir ki, tədbirdə FIFA-nın prezidenti Canni İnfantino, baş katibi Fatma Samoura, Azərbaycanın yerləşdiyi regiondakı ölkələrin futbol federasiyalarının, həmçinin FIFA üzvü olan müxtəlif konfederasiyaların tərkibindəki milli assosiasiyaların rəhbərləri iştirak ediblər.Əfqanıstan, Tacikistan, Türkmənistan, Benin, Çad, Cibuti, Özbəkistan, Belarus, Gürcüstan, Qazaxıstan, Latviya, Moldova, Ukrayna və Rusiya futbol federasiyalarının nümayəndələri də sammitə qatılıblar.xeber100.com

Qılıncoynatma Federasiyasının ümumi yığıncağı keçirilib

Azərbaycan Qılıncoynatma Federasiyasının ümumi yığıncağı keçirilib. Azərtac xəbər verir ki, federasiyanın prezidenti Mikayıl Cabbarovun sədrliyi ilə keçirilən tədbirdə gündəlikdə duran əsas məsələ Azərbaycanda qılıncoynatmanın inkişafında gələcək fəaliyyət planının müzakirəsi olub.Bildirilib ki, bu idman növünün inkişafı üçün bir sıra addımlar atılıb. Ötən həftə Azərbaycan Texniki Universitetinin idman sarayında yeni qılıncoynatma zalı idmançıların istifadəsinə verilib.Yığıncaqda idman məktəblərində qılıncoynatma idman növünün yeni bölməsinin açılması, ümumtəhsil məktəblərində dərsdənkənar vaxtlarda qılıncoynatma qruplarının təşkilinə dair şəraitin yaradılması, yığma komandanın və kütləvi idman üçün müvafiq ləvazimatların sifariş olunması və digər məsələlər müzakirə olunub.Daha sonra federasiyanın yeni vitse-prezidentlərinin və baş katibinin seçkisi keçirilib.Fikrət Zeynalov, Fərhad Kasimov vitse-prezident, Vasif Məmmədov baş katib seçiliblər.Eyni zamanda, federasiyanın İcraiyyə Komitəsinin yeni tərkibi yığıncaq tərəfindən təsdiqlənib. Mikayıl Cabbarov, Fikrət Zeynalov, Fərhad Kasimov, Vasif Məmmədov, Sadiq Sadiqov, Yusif Hüseynov və Balaş Qasımov komitənin tərkibində yer alıblar.Azərbaycan Qılıncoynatma Federasiyası İcraiyyə Komitəsinin iclası keçirilib. Komitənin qərarı ilə Çingiz Mustafayev baş məşqçi təyin edilib.xeber100.com

“Qarabağ” komandası Londonun “Çelsi” klubu ilə qarşılaşır

Noyabrın 22-də UEFA Çempionlar Liqasının qrup mərhələsinin beşinci turu çərçivəsində Ağdamın “Qarabağ” komandası Bakı Olimpiya Stadionunda Londonun “Çelsi” klubu ilə qarşılaşır.Azərtac xəbər verir ki, “Qarabağ”ın start heyətində İbrahim Şehiç, Qara Qarayev, Dmitri Medvedev, Miçel, Dino Ndlovu, Mahir Mədətov, Rəşad Sadıqov, Riçard Almeyda, Ansi Aqolli, Yakub Rzezniçak, Donald Gerye yer alıblar.London təmsilçisinin ilk on birliyində isə meydana Tibo Kurtua, Anton Rüdiger, Markos Alonso, Sesk Fabreqas, Nqolo Kante, Eden Azar, Pedro Rodrigez, Davide Zappakosta, Villian, Sezar Azpiliketa və David Luiz çıxacaqlar.Oyunu portuqaliyalı referi Manuel De Sousa idarə edir.UEFA Çempionlar Liqasının “C” qrupunda yer alan “Qarabağ” əvvəlki oyunlarda səfərdə “Çelsi”yə 0:6, doğma meydanda isə “Roma”ya 1:2 hesabı ilə məğlub olub. Ağdam təmsilçisinin “Atletiko Madrid” ilə hər iki görüşü heç-heçə başa çatıb – (0:0, 1:1).Hazırda hesabında 8 xal olan “Roma” qrupda birinci pillədə qərarlaşıb. “Çelsi” 7 xalla ikinci, “Atletiko Madrid” 3 xalla üçüncü, hesabında 2 xalı olan “Qarabağ” isə sonuncudur.xeber100.com

Tamblinq üzrə 25-ci dünya yaş qrupu yarışları keçirilib

Bolqarıstanın paytaxtı Sofiyada 43 ölkədən 900-dən çox gimnastın iştirakı ilə batut və tamblinq üzrə 25-ci dünya yaş qrupu yarışları keçirilib.Gənclər və İdman Nazirliyindən Azərtac-a bildiriblər ki, Azərbaycanın gimnastika tarixində ilk dəfə bu qəbildən yarışlarda tamblinq cığırında ölkəmizi təmsil edən Mixail Malkin 31 iştirakçı arasında ən yüksək nəticə göstərərək qızıl medal qazanıb. M.Malkinin təsnifat mərhələsindən birinci sırada finala adlaması qızıl medala olan ümidləri daha da artırıb. Gimnastımız həlledici mərhələdə də bütün rəqiblərini üstələyərək fəxri kürsünün ən yüksək pilləsinə qalxıb və Azərbaycanın dövlət himninin səsləndirilməsinə nail olub.Dünya yaş qrupu yarışlarında ilk dəfə çıxış edən digər tamblinqçilərimiz Adil Hacızadə 11-12 yaşlı gimnastlar arasında 9-cu olub. Eyni yaş qrupunda çıxış edən Zeynəb Qasımlı 12-ci, Tofiq Əliyev isə 13-14 yaş qrupunda 13-cü yeri tutublar.Turnirdə ölkəmiz ilk dəfə olaraq batut və ikili mini batut üzrə yarışlarda da təmsil olunub. Belə ki, bu növlər üzrə yeganə iştirakçımız Selcan Maqsudova batut üzərində çıxışlarda 15-ci yerdə qərarlaşıb. Belə irimiqyaslı yarışda ilk dəfə çıxış etməsinə baxmayaraq, zərif gimnastımız ikili mini batut üzrə öz yaş qrupunda (13-14 yaş) 24 idmançı arasında finala vəsiqə qazanmağı bacarıb və yekun mərhələdə altıncı yerlə kifayətlənib.Qeyd edək ki, dünya yaş qrupu yarışları gimnastikanın üç növü – batut, aerobika və akrobatika gimnastikası üzrə Olimpiya ili istisna olmaqla hər il keçirilir. Bu yarışlar yeniyetmələr arasında dünya miqyasında ən vacib turnir hesab edilir.xeber100.com

“Qarabağ”-“Çelsi” oyunu ilə əlaqədar…

Noyabrın 22-də UEFA Çempionlar Liqasının qrup mərhələsi çərçivəsində Bakıda keçiriləcək “Qarabağ”-“Çelsi” oyunu ilə əlaqədar Bakı metrosu gücləndirilmiş iş rejiminə keçəcək.Bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev Azərtac-a açıqlamasında deyib.O bildirib ki, “Qarabağ”ın oyunu zamanı sadəcə “Koroğlu” metro stansiyası deyil digər stansiyalarda da gücləndirilmiş iş rejimi tətbiq ediləcək. Həmçinin “Koroğlu” metro stansiyasında sərnişin axınına nəzarət etmək üçün bir sıra tədbirlər görüləcək, şəraitə uyğun olaraq stansiyaya giriş-çıxışların yerləri dəyişdirilə bilər.N.Paşayevin sözlərinə görə, sərnişinlərin təhlükəsiz daşınması üçün bütün zəruri tədbirlər həyata keçiriləcək. Bunun üçün əlavə mexanizm, canlı qüvvə və eyni zamanda, ehtiyat qatarlar cəlb olunacaq. Oyun keçirilən gün saat 18:00-dan etibarən sərnişin axını tam nəzarətdə olacaq. Sərnişin çox olarsa, axın nizamlanacaq və sərnişinlər müəyyən gözləmələrlə stansiyaya qəbul ediləcək. Bakıda keçirilən mötəbər idman oyunları zamanı da bu qayda tətbiq edilib.xeber100.com

“Day of children” beynəlxalq turniri keçiriləcək

Tehranda kiçik yaşlı yeniyetmə güləşçilər arasında “Day of children” beynəlxalq turniri keçiriləcək.Azərtac xəbər verir ki, noyabrın 21-dən 25-dək davam edəcək komanda xarakterli turnirdə sərbəst və yunan-Roma güləşi üzrə kiçik yaşlı yeniyetmələrdən ibarət yığma komandalarımız iştirak edəcəklər.Məşqçilər Namiq Quliyev və Mehman Nəcəfovun rəhbərliyi altında mübarizə aparacaq sərbəst güləş yığmamızın heyətində Rəşad Ağayev (32 kq), Murad Məmmədzadə (35 kq), Heydər Nuriyev (38 kq), Fəqan Mirzəyev (42 kq), Ruslan Şıxıyev (47 kq), Məhəmmədəli Quliyev (53 kq), Sabir Cəfərov (59 kq), Varis Mehdizadə (66 kq), Valeh Həmidov (73 kq) və Cəfərsadiq Muradlı (85 kq) yer alıblar.Noyabrın 24-25-də məşqçilər İslam Cəfərov və Fuad Əliyevin rəhbərliyi altında yunan-Roma güləşçilərimiz Rahim Həsənov (32 kq), Emil Əliyev (35 kq), Rəşad Həsənli (38 kq), Cavidan Məmmədli (42 kq), Qurban Qurbanov (47 kq), Elmir Əliyev (53 kq), Əli Əliyev (59 kq), Rauf Əliyev (66 kq), Eldar Məmmədov (73 kq) və Laçın Vəliyev (85 kq) mübarizəyə qoşulacaqlar.Görüşlərin idarə edilməsində ölkəmizi beynəlxalq dərəcəli hakim Xəzər Allahverdiyev təmsil edəcək.xeber100.com

UEFA Çempionlar Liqasının V turuna start veriləcək

Noyabrın 21-də futbol üzrə UEFA Çempionlar Liqasının 2017-2018-ci il mövsümünün qrup mərhələsinin V turuna start veriləcək.Azərtac xəbər verir ki, turun birinci günündə “E”, “F”, “G” və “H” qruplarında yer alan komandalar üz-üzə gələcəklər.“G” qrupunda yer alan Türkiyə təmsilçisi “Beşiktaş” doğma meydanda “Portu”nu qəbul edəcək. Şenol Günəşin yetirmələrini növbəti mərhələyə adlamaq üçün heç-heçə də qane edir. “H” qrupunun lideri “Tottenhem” isə səfərdə autsayder “Borussiya Dortmund”un qonağı olacaq.Gün ərzində qruplarda aşağıdakı qarşılaşmalar keçiriləcək: “E” qrupu “Sevilya” (İspaniya) – “Liverpul” (İngiltərə) “Spartak” (Rusiya) – “Maribor” (Sloveniya) “F” qrupu “Feyenoord” (Hollandiya) – “Mançester Siti” (İngiltərə) “Napoli” (İtaliya) - “Şaxtyor” (Ukrayna) “G” qrupu “Beşiktaş” (Türkiyə) – “Portu” (Portuqaliya) “Monako” (Fransa) – “Leyptsiq” (Almaniya) “H” qrupu APOEL (Kipr) – “Real Madrid” (İspaniya) “Borussiya” (Dortmund, Almaniya) - “Tottenhem” (İngiltərə). Qitənin ən nüfuzlu klub turnirinin “C” qrupunda mübarizə aparan “Qarabağ” komandası noyabrın 22-də Londonun “Çelsi” klubunu qəbul edəcək.xeber100.com  

ANSA agentliyinin məlumatı

“Mövsümün sonunda “Yuventus”la UEFA Çempionlar Liqasının baş mükafatını əldə etməyincə, çətin ki, karyeramı bitirim.İtaliyanın ANSA agentliyi xəbər verir ki, bu sözləri Çempionlar Liqasında Barselona ilə oyun ərəfəsində “Yuventus”un qapıçısı Canluici Buffon söyləyib.İtaliyanın Dünya Çempionatının təsnifat mərhələsini keçə bilməməsindən təəssüfləndiyini bildirən qapıçı deyib: “Mən rahatam, təqaüdə çıxmaqdan qorxmuram. Mənim üçün həyat maraqlıdır və futbolu buraxmaq qorxum yoxdur”.Canluici Buffon baş məşqçi və ya hər hansı icraçı vəzifə tutmaq barəsində düşünmür. Mükəmməl karyerası olduğunu deyən idmançı müxtəlif futbolçuların – Zenqa, Takkoni, Peruççi, Toldo, Palyuka, Markedcani kimi qapıçıların məktəbinin davamçısı olduğunu bildirib.xeber100.com