Formula-1 Qran-Prisi üçün marşalların qeydiyyatı başlayıb

Gələn il aprelin 27-29-da Bakıda keçiriləcək Formula-1 Azərbaycan Qran-Prisi üçün marşalların qeydiyyatı prosesinə başlanılıb. Proses marşallıq fəaliyyətinə dair bütün vakant yerlər dolana qədər davam edəcək.Azərtac xəbər verir ki, “Bakı Şəhər Halqası” Əməliyyat Şirkətinin (BŞH) tərkibində fəaliyyət göstərən Bakı Marşal Klubu (BMK) gələnilki yarışa 1150 marşal cəlb etmək niyyətindədir. İndiyədək Bakıda keçirilmiş Formula-1 yarışlarında yüksək peşəkarlıqla iştirak edən 1704 marşala beynəlxalq dərəcəli marşallıq lisenziyası verilib. Lisenziyası olan hər bir marşal Azərbaycan Qran-Prisi ilə yanaşı, Formula-1 dünya çempionatının istənilən mərhələsində yarışlarda iştirak üçün müraciət edə bilər.BŞH-nin idman şöbəsinin, həmçinin BMK-nın rəhbəri Çingiz Mehdiyev ölkədə marşallıq fəaliyyətinə maraq sürətlə artdığı üçün növbəti yarışla əlaqədar yeni müraciətlərin qəbul ediləcəyini bildirib: “Son illər Azərbaycanda marşallıq fəaliyyəti sürətlə inkişaf edir. Bunu Bakıda keçirilən Formula-1 yarışlarında marşal olmaq istəyənlər tərəfindən edilən çoxsaylı müraciətlərdə görmək mümkündür”.2018-ci il Formula-1 Azərbaycan Qran-Prisinin marşalı olmaq istəyən 21 yaşdan yuxarı hər bir şəxs www.bakumarshalsclub.az saytına daxil olaraq müraciət edə bilər.Marşallıq fəaliyyətinə qəbul və təlim prosesinin bütün mərhələlərindən uğurla keçən namizədlər Azərbaycan Avtomobil Federasiyası tərəfindən beynəlxalq dərəcəli marşal lisenziyası ilə təmin olunacaqlar. Bu lisenziyanı əldə edən hər bir marşal trekə ən yaxın mövqedən yarışı canlı izləyə biləcək, həmçinin yarış ərəfəsində keçiriləcək müxtəlif tədbirlərdə iştirak etməklə yanaşı, digər ölkələrdə keçirilən Qran-prilərdə yer almaqla Formula-1 dünyasını yaxından kəşf etmək imkanına sahib olacaqlar.xeber100.com

Milli Olimpiya Komitəsinin məlumatı əsasında

Oktyabrın 31-dən noyabrın 4-dək Çexiyanın paytaxtı Praqada Milli Olimpiya Komitələrinin Assosiasiyasının 22-ci Baş Assambleyası keçiriləcək.Azərtac xəbər verir ki, assambleyada Azərbaycan Respublikası Milli Olimpiya Komitəsinin (MOK) vitse-prezidenti Çingiz Hüseynzadə, komitənin baş katibinin müavini Azər Əliyev və Beynəlxalq əlaqələr idarəsinin rəisi Anar Bağırov iştirak edəcəklər.Tədbir çərçivəsində adıçəkilən təşkilatın Gənclər, Beynəlxalq Əlaqələr, Atletlər və Marketinq Komissiyasının iclası, həmçinin təşkilatın İcraiyyə Şurasının iclasının keçirilməsi nəzərdə tutulub.Milli Olimpiya Komitələrinin Assosiasiyası 206 Olimpiya komitələrini birləşdirən qurumdur. Hər il bu təşkilatın Baş Assambleyasında müxtəlif mühüm məsələlərlə yanaşı, mükafatlandırma mərasimi keçirilir. Burada qitə oyunları üzrə ən yaxşı kişi və qadın idmançıları seçilir.Xatırladaq ki, 22-ci Baş Assambleyada növbəti Milli Olimpiya Komitələrinin Assosiasiyasının 23-ci Baş Assambleyasının baş tutacağı ölkənin adı da açıqlanacaq.xeber100.com

“KOK World Grand Prix in Riga 2017” döyüşləri keçirilib

“Arena Riqa”da “KOK World Grand Prix in Riga 2017” döyüş şousunun dünya Qran-Prisi çərçivəsində döyüşləri keçirilib.Latviyanın ən yaxşı kikboksçusu Zaur Cavadov yarımağır çəki dərəcəsində (77 kiloqramadək) Moldovadan olan Sergey Morarinin çempion titulunu əlindən alıb. Moldovalı nokautla uduzub.xeber100.com

“Lokomotiv” klubunun avrokubokda debüt edəcəyi vaxt müəyyənləşib

Bakının kişi voleybolçulardan ibarət “Lokomotiv” klubunun avrokubokda debüt edəcəyi vaxt müəyyənləşib.Azərtac xəbər verir ki, Azərbaycan çempionu “Çağırış kuboku” turnirinin ikinci təsnifat mərhələsində ilk oyununu noyabrın 21-də keçirəcək. Komandamız Kiprin “Apoel” klubunu qəbul edəcək.Matç Azərbaycan Voleybol Mərkəzində keçiriləcək.Qeyd edək ki, cavab oyununun vaxtı hələlik dəqiqləşməyib.xeber100.com

2017-2018-ci il mövsümünün dördüncü turunda…

Bu gün futbol üzrə UEFA Çempionlar Liqasının 2017-2018-ci il mövsümünün qrup mərhələsinin dördüncü turuna start veriləcək.Azərtac xəbər verir ki, turun birinci günündə “A”, “B”, “C” və “D” qruplarında yer alan komandalar üz-üzə gələcəklər. “C” qrupunda yer alan “Atletiko Madrid” klubu doğma meydanda təmsilçimiz “Qarabağ”ı qəbul edəcək. Bu qrupun lideri “Çelsi” isə səfərdə “Roma”nın qonağı olacaq.Gün ərzində aşağıdakı görüşlər keçiriləcək: “A” qrupu “Mançester Yunayted” (İngiltərə) - “Benfika” (Portuqaliya) “Bazel” (İsveçrə) - ÇSKA (Rusiya) “B” qrupu “Seltik” (Şotlandiya) - “Bavariya” (Almaniya) PSJ (Fransa) - “Anderlext” (Belçika) “C” qrupu” “Atletiko Madrid” (İspaniya) – “Qarabağ” (Azərbaycan) “Roma” (İtaliya) - “Çelsi” (İngiltərə) “D” qrupu “Sportinq” (Portuqaliya) - “Yuventus” (İtaliya) “Olimpiakos” (Yunanıstan) - “Barselona (İspaniya).xeber100.com

“Qarabağ” klubu “Atletiko” ilə qarşılaşacaq

Futbol üzrə UEFA Çempionlar Liqasının “C” qrupunda mübarizə aparan Ağdamın “Qarabağ” klubu bu gün Madriddəki “Metropolitano” stadionunda “Atletiko” ilə qarşılaşacaq.Azərtac xəbər verir ki, oyunu Almaniyadan olan hakimlər briqadası idarə edəcək. Matçın baş hakimi Deniz Aytekin olacaq. Baş hakimin köməkçiləri Guido Kleve, Markus Hacker, əlavə köməkçi hakimlər isə Daniel Siebert və Benjamin Branddır. Dördüncü hakim funksiyasını Eduard Beitinger yerinə yetirəcək.Qrupun digər oyununda isə “Roma” İtaliyada “Çelsi”ni qəbul edəcək.Ağdam təmsilçisi qrup mərhələsi çərçivəsində səfərdə “Çelsi”yə 0:6, Bakıda isə “Roma”ya 1:2 hesabı ilə məğlub olub. Bakı Olimpiya Stadionunda keçirilən “Qarabağ”-“Atletiko” oyununda isə hesab açılmayıb.Qeyd edək ki, “Çelsi” klubu 7 xalla “C” qrupunun lideridir. “Roma” 5 xalla ikinci, “Atletiko” 2 xalla üçüncü, “Qarabağ” isə 1 xalla sonuncu pillədə qərarlaşıb.xeber100.com

Sərbəst güləş üzrə 14-cü beynəlxalq turnir keçirilib

Dağıstan Respublikasının Buynaksk rayonunda dövlət xadimi Xizri Şıxsaidovun mükafatı uğrunda sərbəst güləş üzrə 14-cü beynəlxalq turnir keçirilib.Azərbaycan Güləş Federasiyasından Azərtac-a verilən xəbərə görə, turnirdə iştirak edən sərbəst güləş üzrə yığma komandamızın üzvləri 2 qızıl medala sahib olublar.Fəxri kürsünün ən yüksək pilləsinə Murtuz Müslümov (74 kq) və Cəmaləddin Məhəmmədov (125 kq) qalxıblar.xeber100.com

“Bakı Şəhər Halqası” Əməliyyat Şirkətinin məlumatı

“Bakı Şəhər Halqası” Əməliyyat Şirkəti (BŞH) gələn il aprelin 27-29-da keçiriləcək növbəti Azərbaycan Qran-prisi üçün könüllülərin qəbuluna başlayıb.BŞH-dən Azərtac-a bildiriblər ki, bir sıra yeniliklərin nəzərdə tutulduğu builki qəbul zamanı yarışın könüllüsü olmaq istəyən namizədlərdən xarici dil bilikləri tələb olunur.Həmçinin builki hazırlıq prosesində daha çox peşəkar inkişafyönümlü təlimlərə yer veriləcək və könüllülərin müxtəlif sahələrdə işləmək bacarıqlarının inkişaf etdirilməsinə xüsusi diqqət göstəriləcək.Gələn mövsüm keçiriləcək Azərbaycan Qran-prisinin təşkilatçılıq işlərinə, ümumilikdə 3 min könüllünün cəlb olunması nəzərdə tutulur.Müsahibə mərhələsini uğurla keçən hər bir könüllü insan resursları, işçi qüvvəsi, media əməliyyatları, tamaşaçı xidmətləri, şəhər əməliyyatları, marşal klubu əməliyyatları, inzibati əməliyyatlar, hava limanı əməliyyatları və digər istiqamətlərdən birinə yönləndiriləcək.xeber100.com  

“Neftçi” doğma meydanda “Sumqayıt”ı qəbul edib

Azərbaycan Premyer Liqasının X turunun son qarşılaşmasında "Neftçi" doğma meydanda "Sumqayıt"ı qəbul edib.Azərtac xəbər verir ki, "Baksel Arena"da baş hakim Rauf Cabbarov idarə etdiyi matçın üçüncü dəqiqəsində Mirabdulla Abbasovun qolu ilə meydan sahibləri hesabı açıb. Görüşün 38-ci dəqiqəsində "Sumqayıt" klubu hesabı bərabərləşdirib. Tural Axundov 11 metrlik cərimə zərbəsini dəqiq yerinə yetirib. Oyunun ilk hissəsi bu hesabla da başa çatıb.İkinci hissədə qarşılıqlı hücumlar şəraitində keçib. Görüşün 88-ci dəqiqəsində "Neftçi"nin furbolçusu Rəhman Hacıyev oyunda son nöqtəni qoyub -2:1.Görüş bu hesablada başa çatıb.Bu oyundan sonra "Neftçi" və "Sumqayıt" klublarının hər birinin 13 xalı var.Beləliklə X turun sonunda turnir cədvəlinə 22 xalla "Qarabağ" başçılıq edir. "Zirə" klubu 21 xalla ikinci pillədədir. İlk üçlükdə isə 19 xalla "Qəbələ" qərarlaşıb.Turnir cədvəlində digər pillələrdə müvafiq olaraq "Neftçi" (13), "Sumqayıt" (13), "Səbail" (9), "Keşlə" (8) , "Kəpəz"(7) yer alıblar.xeber100.com

Türkiyə Super Liqasının X turunda növbəti derbi oynanılıb

Oktyabrın 29-da futbol üzrə Türkiyə Super Liqasının X turunda növbəti derbi oynanılıb.Azərtac xəbər verir ki, turun mərkəzi qarşılaşmasında "Qalatasaray" komandası səfərdə "Trabsonspor" klubunun qonağı olub.Baş hakim Halis Özkahyanın idarə etdiyi və gərgin idman mübarizəsi şəraitndə keçən oyun meydan sahiblərinin 2:1 hesablı qələbəsi ilə yekunlaşıb. "Trabsonspor"un heyətində oyunun 49-cu dəqiqəsində Dame Ndoye və 69-cu dəqiqəsində Yusuf Yazıcı qol vurub. 86-cı dəqiqədə "Qalatasaray"lı Qery Rodriqes bu toplardan birinin əvəzini çıxıb.Beləliklə, çempionatın lideri "Qalatasaray" Türkiyə Super Liqasında bu mövsüm ilk dəfə məğlub olub.Matç bir sıra gərgin anlarla yadda qalıb.Oyunun 45-ci dəqiqəsində hər iki komanda azlıqda qalıb.Belə ki, "Trabzonspor"ın futbolçusu Olcay Şahan və "Qalatasaray"ın oyuncusu Sofiane Feguli arasındakı mübahisədən sonra hakim hər iki oyunçunu qırmızı vərəqə ilə cəzalandırıb. Oyunun 90-cı dəqiqəsində isə qonaqlar sayca azlıqda qalıblar. Belə ki, Badou Ndiaye ikinci sarı vərəqə ilə cəzalandırılaraq oyunu tərk edib."Şenol Güneş İdman Kompleksi"ndə keçirilən görüşü 30 mindən çox tamaşaçı izləyib."Qalatasaray" son iki oyunda meydanda xal itirməsinə baxmayaraq, çempionatda liderliyini qoruyur. Bu komandanın aktivində 23 xal var. "Medipol Başakşəhər" komandası 20 xalla ikinci, hesabında 18 xal olan "Beşiktaş" üçüncü sırada qərarlaşıb."Fənərbağça" 15 xalla doqquzuncu, "Trabsonspor" 12 xalla 11-ci pillədədir.xeber100.com