“Qarabağ” klubu “Atletiko” ilə qarşılaşacaq

Futbol üzrə UEFA Çempionlar Liqasının “C” qrupunda mübarizə aparan Ağdamın “Qarabağ” klubu bu gün Madriddəki “Metropolitano” stadionunda “Atletiko” ilə qarşılaşacaq.Azərtac xəbər verir ki, oyunu Almaniyadan olan hakimlər briqadası idarə edəcək. Matçın baş hakimi Deniz Aytekin olacaq. Baş hakimin köməkçiləri Guido Kleve, Markus Hacker, əlavə köməkçi hakimlər isə Daniel Siebert və Benjamin Branddır. Dördüncü hakim funksiyasını Eduard Beitinger yerinə yetirəcək.Qrupun digər oyununda isə “Roma” İtaliyada “Çelsi”ni qəbul edəcək.Ağdam təmsilçisi qrup mərhələsi çərçivəsində səfərdə “Çelsi”yə 0:6, Bakıda isə “Roma”ya 1:2 hesabı ilə məğlub olub. Bakı Olimpiya Stadionunda keçirilən “Qarabağ”-“Atletiko” oyununda isə hesab açılmayıb.Qeyd edək ki, “Çelsi” klubu 7 xalla “C” qrupunun lideridir. “Roma” 5 xalla ikinci, “Atletiko” 2 xalla üçüncü, “Qarabağ” isə 1 xalla sonuncu pillədə qərarlaşıb.xeber100.com

Sərbəst güləş üzrə 14-cü beynəlxalq turnir keçirilib

Dağıstan Respublikasının Buynaksk rayonunda dövlət xadimi Xizri Şıxsaidovun mükafatı uğrunda sərbəst güləş üzrə 14-cü beynəlxalq turnir keçirilib.Azərbaycan Güləş Federasiyasından Azərtac-a verilən xəbərə görə, turnirdə iştirak edən sərbəst güləş üzrə yığma komandamızın üzvləri 2 qızıl medala sahib olublar.Fəxri kürsünün ən yüksək pilləsinə Murtuz Müslümov (74 kq) və Cəmaləddin Məhəmmədov (125 kq) qalxıblar.xeber100.com

“Bakı Şəhər Halqası” Əməliyyat Şirkətinin məlumatı

“Bakı Şəhər Halqası” Əməliyyat Şirkəti (BŞH) gələn il aprelin 27-29-da keçiriləcək növbəti Azərbaycan Qran-prisi üçün könüllülərin qəbuluna başlayıb.BŞH-dən Azərtac-a bildiriblər ki, bir sıra yeniliklərin nəzərdə tutulduğu builki qəbul zamanı yarışın könüllüsü olmaq istəyən namizədlərdən xarici dil bilikləri tələb olunur.Həmçinin builki hazırlıq prosesində daha çox peşəkar inkişafyönümlü təlimlərə yer veriləcək və könüllülərin müxtəlif sahələrdə işləmək bacarıqlarının inkişaf etdirilməsinə xüsusi diqqət göstəriləcək.Gələn mövsüm keçiriləcək Azərbaycan Qran-prisinin təşkilatçılıq işlərinə, ümumilikdə 3 min könüllünün cəlb olunması nəzərdə tutulur.Müsahibə mərhələsini uğurla keçən hər bir könüllü insan resursları, işçi qüvvəsi, media əməliyyatları, tamaşaçı xidmətləri, şəhər əməliyyatları, marşal klubu əməliyyatları, inzibati əməliyyatlar, hava limanı əməliyyatları və digər istiqamətlərdən birinə yönləndiriləcək.xeber100.com  

“Neftçi” doğma meydanda “Sumqayıt”ı qəbul edib

Azərbaycan Premyer Liqasının X turunun son qarşılaşmasında "Neftçi" doğma meydanda "Sumqayıt"ı qəbul edib.Azərtac xəbər verir ki, "Baksel Arena"da baş hakim Rauf Cabbarov idarə etdiyi matçın üçüncü dəqiqəsində Mirabdulla Abbasovun qolu ilə meydan sahibləri hesabı açıb. Görüşün 38-ci dəqiqəsində "Sumqayıt" klubu hesabı bərabərləşdirib. Tural Axundov 11 metrlik cərimə zərbəsini dəqiq yerinə yetirib. Oyunun ilk hissəsi bu hesabla da başa çatıb.İkinci hissədə qarşılıqlı hücumlar şəraitində keçib. Görüşün 88-ci dəqiqəsində "Neftçi"nin furbolçusu Rəhman Hacıyev oyunda son nöqtəni qoyub -2:1.Görüş bu hesablada başa çatıb.Bu oyundan sonra "Neftçi" və "Sumqayıt" klublarının hər birinin 13 xalı var.Beləliklə X turun sonunda turnir cədvəlinə 22 xalla "Qarabağ" başçılıq edir. "Zirə" klubu 21 xalla ikinci pillədədir. İlk üçlükdə isə 19 xalla "Qəbələ" qərarlaşıb.Turnir cədvəlində digər pillələrdə müvafiq olaraq "Neftçi" (13), "Sumqayıt" (13), "Səbail" (9), "Keşlə" (8) , "Kəpəz"(7) yer alıblar.xeber100.com

Türkiyə Super Liqasının X turunda növbəti derbi oynanılıb

Oktyabrın 29-da futbol üzrə Türkiyə Super Liqasının X turunda növbəti derbi oynanılıb.Azərtac xəbər verir ki, turun mərkəzi qarşılaşmasında "Qalatasaray" komandası səfərdə "Trabsonspor" klubunun qonağı olub.Baş hakim Halis Özkahyanın idarə etdiyi və gərgin idman mübarizəsi şəraitndə keçən oyun meydan sahiblərinin 2:1 hesablı qələbəsi ilə yekunlaşıb. "Trabsonspor"un heyətində oyunun 49-cu dəqiqəsində Dame Ndoye və 69-cu dəqiqəsində Yusuf Yazıcı qol vurub. 86-cı dəqiqədə "Qalatasaray"lı Qery Rodriqes bu toplardan birinin əvəzini çıxıb.Beləliklə, çempionatın lideri "Qalatasaray" Türkiyə Super Liqasında bu mövsüm ilk dəfə məğlub olub.Matç bir sıra gərgin anlarla yadda qalıb.Oyunun 45-ci dəqiqəsində hər iki komanda azlıqda qalıb.Belə ki, "Trabzonspor"ın futbolçusu Olcay Şahan və "Qalatasaray"ın oyuncusu Sofiane Feguli arasındakı mübahisədən sonra hakim hər iki oyunçunu qırmızı vərəqə ilə cəzalandırıb. Oyunun 90-cı dəqiqəsində isə qonaqlar sayca azlıqda qalıblar. Belə ki, Badou Ndiaye ikinci sarı vərəqə ilə cəzalandırılaraq oyunu tərk edib."Şenol Güneş İdman Kompleksi"ndə keçirilən görüşü 30 mindən çox tamaşaçı izləyib."Qalatasaray" son iki oyunda meydanda xal itirməsinə baxmayaraq, çempionatda liderliyini qoruyur. Bu komandanın aktivində 23 xal var. "Medipol Başakşəhər" komandası 20 xalla ikinci, hesabında 18 xal olan "Beşiktaş" üçüncü sırada qərarlaşıb."Fənərbağça" 15 xalla doqquzuncu, "Trabsonspor" 12 xalla 11-ci pillədədir.xeber100.com

“Atletiko Madrid” – “Qarabağ” qarşılaşması oktyabrın 31-də keçiriləcək

Azərbaycan çempionu "Qarabağ" FK UEFA Çempionlar Liqasındakı növbəti oyununu keçirmək üçün İspaniyaya gəlib.Azərtac xəbər verir ki, Madridin Adolfo Suares Barajas hava limanında komandamızı azarkeşlər qarşılayıblar. Azərbaycanın İspaniyadakı səfirliyi tərəfindən "Qarabağ" komandasının geyimləri və atributları ilə təmin edilmiş həmvətənlərimiz komandanı şüarlar və alqışlarla qarşılayıblar.Xatırladaq ki, "Atletiko Madrid" - "Qarabağ" qarşılaşması oktyabrın 31-də, Madriddəki "Vanda Metropolitano" stadionunda keçiriləcək. İspaniyanın bütün bölgələrindən Madridə axışan azərbaycanlılar komandamıza dəstək olacaqlar.xeber100.com

Boksçular arasında Avropa birinciliyi başa çatıb

Antalyada keçirilən gənc boksçular arasında Avropa birinciliyi başa çatıb.Azərbaycan Boks Federasiyasından Azərtac-a verilən xəbərə görə, 8 gün davam edən yarışın yekununa əsasən medal qazanan ölkələrin siyahısı açıqlanıb.Mundialda tam heyətlə təmsil olunan yığmamız 4 medala yiyələnib. Hesabına 1 qızıl, 1 gümüş və 2 bürünc mükafat yazan komandamız medalların həm əyarına, həm də sayına görə Avropa birinciliyini 4-cü pillədə başa vurub.Ümumilikdə, 15 ölkə Antalyada medala sahib olub. Onlardan cəmi 6-sı çempionluq sevinci yaşayıb.Siyahıda birinci yeri Rusiya yığması tutub. Şimal qonşularımız 5 qızıl, 2 gümüş və 1 bürünc medal qazanıblar. İkinci pilləyə isə ev sahibi Türkiyə və boks ənənəsi ilə fərqlənən Ukrayna şərik olub. Hər 2 komanda 1 qızıl, 2 gümüş və 2 bürünc medala yiyələnib. Millimiz 33 ölkə arasında ümumi sıralamada 4-cü yeri tutub.Qeyd edək ki, yığmamızın heyətində Məhəmməd Abdullayev (91 kq-dan yuxarı) qızıl, Amin Kuşkov (75 kq) gümüş və Həsən İbrahimov (49 kq) və Surət Qarayev (81 kq) bürünc medal qazanıblar.xeber100.com  

Stolüstü tennis üzrə növbəti festival keçirilib

Bakı Bulvarında stolüstü tennis üzrə növbəti festival keçirilib.Azərbaycan Stolüstü Tennis Federasiyasından Azərtac-a bildirilib ki, yığma komandamızın üzvləri tennis oynamaq istəyən izləyicilərə maraqlı oyunlar nümayiş etdirib və könüllülərlə tennis oynayıblar. Həvəskarlara tennis raketkaları hədiyyə olunub və idmanın bu növü üzrə məşq yerləri barədə bukletlər paylanılıb.Qeyd edək ki, festival hər ayın sonuncu şənbə günü təşkil olunur.xeber100.com

“Ateitis Cup” beynəlxalq turnirinə yekun vurulub

Litvanın paytaxtı Vilnüsdə keçirilən ənənəvi “Ateitis Cup” beynəlxalq turnirinə yekun vurulub.Azərtac xəbər verir ki, “Qəbələ”nin 14 yaşadək futbolçulardan ibarət komandası yarışın sonuncu günündə 11-12-ci yerlər uğrunda matçda qüvvəsini sınayıb. “Qırmızı-qaralar” Belarusun “İsloç” komandası ilə görüşüblər.Ülfət Mədətovun yetirmələri bu qarşılaşmada böyük hesablı qələbə qazanıblar – 4:0. Komandamızın qollarını Sərxan Mirzəzadə, Aslan Şirinov, Sahil Həsənov və Elmir Hüseynli vurublar. Bu qələbə ilə “Qəbələ” turniri 11-ci pillədə başa vurub.Futbolçumuz Emil Süleymanov “Ateitis Cup”ın ən yaxşı yarımmüdafiəçisi mükafatına yiyələnib.Yarışın qalibi adına isə İtaliyanın “Atalanta” klubu yiyələnib. Litvanın Milli Futbol Akademiyası ikinci, Latviyanın “Dauqavpils” klubu isə üçüncü yeri tutub.Xatırladaq ki, “Qəbələ” qrup mərhələsində yerli “Vilnüs”ə 2:0 hesabı ilə qalib gəlib, Latviyanın “Dauqavpils” komandasına 0:1 hesabı ilə uduzub, Finlandiya “Maski”si ilə 2:2, Belarus “Smena”sı ilə 0:0 hesablı heç-heçə edib. 9-12-ci yerlər uğrunda matçda isə komandamız Estoniya “Levadiya”sına 0:1 hesabı ilə uduzub.xeber100.com

“Barselona” turnir cədvəlində liderliyini davam etdirir

Futbol üzrə İspaniya çempionatının onuncu turunda “Atletik” (Bilbao) klubunu səfər oyununda 2:0 hesabı ilə məğlub edən “Barselona” turnir cədvəlində liderliyini davam etdirir.Azərtac xəbər verir ki, bu oyunda rəqib qapısına vurulan toplardan birinə Lionel Messi imza atıb. Bununla da Kataloniya klubunun argentinalı hücumçusu cari mövsümdə hesabındakı qolların sayını 12-yə çatdırıb və ən yaxşı bombardirlərin siyahısına başçılıq edir.Bu mövsümdə hələ məğlubiyyət acısı dadmayan və 30 mümkün xaldan 28 xal toplayan “Barselona” turnir cədvəlində birinci yeri tutur. O, növbəti oyununu noyabrın 4-də öz meydançasında “Sevilya” klubuna qarşı keçirəcək.xeber100.com